جرانولا بيتيه بطعم التفاح عجيبه

هاي الطريقة غريبة بس بعمل هيك ليطلع معكم أزكى جرانولا.

فعلياً بطلت أشتري جرانولا جاهزة، صرت أعملها بالدار والحلو بمية مرة أزكى.

ومع أزيد ألياف وبدون دهون مشبعة وسكر أبيض أو مواد حافظة 🍯

المكونات:
✔️ كأس ونص شوفان
✔️ نص ملعقة صغيرة قرفة
✔️ 1/4 كأس ميبل
✔️ 3 ملاعق زيت زيتون
✔️ تفاحة مبروشة ومصفية من الماء
✔️ ربع كأس جوز مطحون

الطريقة:
✔️ بنجهز التفاح، بنطحنه ناعم أو بنبرشه، وبعدها بنصفيه بمصفاة 20 دقيقة، وبعدها بنضغطه لنتأكد السوائل طلعت.
✔️ بنخلط القرفة مع الشوفان، وبعدها بنضيف باقي المقادير وآخر إشي التفاح، بنحركهن وبنوزعهن على ورقة خبز.
✔️ فرن على درجة حرارة 160، مسخن مسبقاً، بندخله وبنحركهن كل 3 دقائق لمدة 20–25 دقيقة.
✔️ وآخر إشي بنضيف الجوز.
✔️ تحفظ بالثلاجة لمدة أسبوع، وألف صحة وهنا 🤍