وصفات

https://www.youtube.com/shorts/Ht8YPozqpQ8?feature=share تحلاية صحية من ٤ مكونات بس مش رح تصدقوا شكلها النهائي قديه بشهي 🍫🫶🥺 استعملت لوح شوكلاته واحد مع ملعقتين زبده فستق وثلاث ملاعق شوفان وزينتهن بتوت 🫶

https://www.youtube.com/shorts/qY2Xy409gM8?feature=share اذا بتحبوا الحلو اعملوا سناك جرانولا بيتي بشهي 🙋🏻♀️ المكوّنات:✔️ كأس مشمش مجفف✔️كأس توت بري مجفف✔️ملعقتين كبار زيت زيتون او جوز الهند✔️كأسين شوفان ✔️ نص كأس لوز  ✔️ نص كأس بذور القرع✔️ ١٠٠ غرام شوكلاته داكنه  👩🏻🍳 بنخلطهن منيح منيح ممكن نضيف اكثر شوفان اذا ما اتماسكوا او مشمش مجفف اذا طلعوا جامدات (حسب الانواع الي بتستعملوها من المكونات) 👩🏻🍳 بفردهن ع ورق خبيز مدهون بزيت زيتون وبضغطهن منيح منيح وبوزع مشمش من فوق او توت بري  👩🏻🍳 بنجمدهم بالفريزا ساعه لساعتين وبعدها بنقطعهن وبنغطسهن بشوكلاته داكنه  والف صحة وهنا 💝

https://www.youtube.com/shorts/tvorjvvdMwA?feature=share بتصدقوا إنه هالكعكة من بذور الشيا وملاّن بروتين وألياف 🌿🍰واميجا ٣ وفش اسهل منها  ولا اطيب منها 🙋🏻♀️ المكونات: للطبقه الاولى:✓ ٧ تمر✓ نص كأس شوفان✓ ملعقة صغيرة قرفة ✨ بنخلطهن بالخلاط منيح لحد ما يصيروا زي العجينة✨ بنرش ع قالب زيت زيتون وبنوزعهن وبنضغط عليهن الطبقة الثانية:✓ كأس و٣/٢ زبادي يوناني او اي زبادي فوق الـ ٥٪✓ ٥ ملاعق بذور الشيا كبار✓ ٣ ملاعق كبار عسل✓ كأس ونص توت ازرق مع رشة ليمون بنضغطن ونغليهن ع الغاز ٥ د كمري✓ كأس حليب شوفان او اي نوع حليب✓ ملعقتين جيلاتين نباتي - بنغليهن مع ١/٣ كأس حليب لحد ما يجمدوا✓ ٦ ملاعق شوفان كبار ✨ بنخلط كل المكونات وبنحركهن وبنوزعهن فوق الطبقة الاولى✨ ع الثلاجة مدة ٢٤ ساعه✨ والف صحة وهنا ✨

https://www.youtube.com/shorts/-GDX4Dtu69E?feature=share  

https://www.youtube.com/shorts/Jfw09RuUSXo?feature=share كعكة الشوفان مع التفاح والقرفه 🍫🫶🏻بتشهي ومشبعه وبتقلل الرغبه للحلويات المكونات:كأسين شوفان ✔️٢ تفاح ✔️ملعقة صغيرة ملانه قرفه ✔️ملعقة كبيرة فانيلا ✔️نص كأس عسل ✔️٣/٤ حليب شوفان او اي حليب اخر ✔️١٠٠ غرام شوكولاته داكنه ✔️ الطريقة:✔️ ينخلط بالخلاط التفاح مع الشوفان والقرفه والفانيلا والعسل مع الحليب✔️ ع درجة حرارة ٢٠٠ بنخبزهن ٢٠-٢٥ دقيقه✔️ بنذوب شوكولاته بحمام مائي وبنوزعهن من فوق✔️ وع الثلاجة لتجمد الشوكولاته وجاهزين 🫶🏻 والف صحه وهنا

https://www.youtube.com/shorts/EebChak5mq8?feature=share كوكيزات العيد قد ما اوصفلكم طعمهن بوفيش!الدمج بطلع عجيب عجيب عجيب وادمانبدون بيض وزبده ومنتجات حليب وجداً سهلات ✨🙋♀️ المكونات:✔️ ١٠٠ غرام شوكولاتة داكنه✔️ كاسين شوفان (بدون جلوتين اللي بده)✔️ ملعقة صغيرة قرفة✔️ رشة ملح✔️ كاس طحينة من السمسم الكامل✔️ ٢/٣ كاس ميبل او عسل✔️ ٨-١٠ حبات تمر الطريقة:✔️ بنخلطهن بالترتيب منيح منيح✔️ ع ورقة خبز بشكل الكوكيز✔️ بندخلهن ع فرن تم تسخينه ع درجة حرارة ١٨٠ مدة ١٢-١٥ دقيقة بس يبلشوا شوي يتحمروا جاهزين✔️ قبل لا تلمسوهن اعطوهن يبردن وذوقوا بعدها هالطعم الخراااااافي 🫠

https://www.youtube.com/shorts/x25y4XJ-y0o?feature=share لن نفعل هالسنه معمول لانه المعمول فينا مكفينا 🤣🙋🏻♀️🌙 المهم عملت معمول عجيب وطري وهش وولا اسهل من هيك ملان الياف وبروتين وقليل الدهون ✨ المكوّنات:✔️ ٣ كاسات شوفان✔️كأس جوز الهند المطحون✔️نص ملعقة صغيرة بودرة خبيز (baking powder )✔️ ملعقة كبيرة بهار كعك✔️1/4 كأس عسل او ميبل ✔️٣/٤ حتى كأس زبادي يوناني (تدريجياً بنضيف)✔️ ٣ ملاعق زيت زيتون ✔️ تمر ٤٠٠ غرام مع ملعقتين كبار بهار كعك الطريقة:✔️ بنعجن الشوفان مع جوز الهند والبهارات مع بودرة الخبيز ✔️ بعدها بنضيف عليهن الميبل الزيت والزبادي ( الزبادي ع مراحل ضيفوا ممكن تحتاحوا اقل حسب نوع الشوفان وحسب المي الي بالزبادي فانتوا اعجنوهن واذا بتشعروا بحاجة لرطوبه ضيفوا تدريجياً زبادي)✔️ بنطحن التمر وبنضيف عليه لبهارات وبنشتغل فيه بزيت زبتون ع ايدينا بسهل نعمل كرات صغيره✔️ جزء من العجينه بنضيف داخله كره تمر وبندورها وبنضغطها بالقالب وبنوزعهن ع ورقه خبيز ✔️ع فرن تم تسخينه مسبقاً مهم مهم ع درجة حرارة ٢٠٠ بندخلهن من ٢٥-٣٠ دقيقة راقبوهن ليتحمروا  والف صحة وهنا

https://www.youtube.com/shorts/DwZXUUVHgEE?feature=share اخ يا قلبي قديه زاكيه كعكة توت بارده طعمها عجيييب وملانه بروتين وسهلة جداً جداً المكوّنات:✔️٥٠٠ غرام زبادي يوناني ✔️ ملعتين عسل✔️ بسكوت صحي✔️ ٦-٨ حبات توت مقطع  الطريقة:🌙بنضيف الزبادي بقطعه قماش وبنصفيه ليجمد مده ٤-٦ ساعات 🌙 بنخلط الزبادي مع العسل🌙بنقطع التوت وبنوزعه بصحن مقعر صغير من تحتيه نايلون🌙 بنضيف خليط الزبادي والعسل فوق التوت 🌙 بنوزع قطع البسكوت على خليط الزبادي كثروا بسكوت🌙 بنغطيها وبنتركها ساعه لاربع ساعات وجاهزين ومية صحة وهنا 🌙

https://www.youtube.com/shorts/mfW8kq3FY6Y?feature=share مش رح حدا يصدق إنه هالتحلاية من تمر وصحية ومش بس هيك رح توكلوا أصابعكم وراها 🫶🏻🌙 وممتازه لبعد الصوم بتعطي طاقه وبتدمج دهون لما يرتفع السكر بشكل مفاجئ 😋 ✨رولات التمر ✨ المكوّنات:✔️ ٢٠ تمر بدون النواه✔️ كأس لوز ني ✔️ نص كأس جوز الهند المبروش ✔️ ملعقة كبيرة بهار كعك العيد او ملعقة صغيره قرفه ✔️ بسكوت صحي مستطيل الشكل  الطريقة:✔️ بنطحن اللوز وجوز الهند ع الناعم وبعدها بنطحن معهن التمرات مع لبهار، لحد ما يتماسكوا مع بعض ✔️ ع ورقه خبيز بندهنها كل بزيت زيتون ، بندهن ايدينا وبنوزع التمر ع ورقه الخبيز✔️ ممكن نطوي اطراف ورق الخبيز لما يطلع التمر برا✔️ بنرقهن وبنوزعهن ع كل ورقه الخبيز✔️ ع اول التمر بنوزع البسكوت بكل طولي وبنطوي✔️ كل طويه بنوزع بسكوت للاخر ✔️ بنفصل الاطراف✔️ بنوزع جوز الهند المبروش عليهن✔️ وبنقطعهن بالعرض ✔️ التزيين خياري: ممكن توت مجفف، ممكن فستق حلبي او لوز والف صحة وهنا 🫶🏻