https://www.youtube.com/shorts/U86pQwF4biQ?feature=share
مين قال انه البنات بعرفنش بالمونديال وفوتبول؟! 🤷🏻♀️🤣
هدول الكوكيز بشهين بشهين يا أصدقائي وسهلات جداً جداً وصحيات ومشبعات.
المكونات:
✔️ كاسين ونص شوفان مطحون
✔️ نص كأس طحينية
✔️ نص كأس ميبل سيروب او عسل
✔️ ملعقة صغيرة قرفة
✔️ ملعقة كبيرة بودرة كاكاو
الطريقة:
✔️ بنخلط المكونات ما عدا بودرة الكاكاو لحد ما يصير قوام ممكن نشكل كرات منه (اذا بتشعروا بعدهن ما بشكلو ضيفوا شوي طحين شوفان ورطبوا ايدكم بمي وقت تشكيلهن مهم).
✔️ بنقسم نص الكمية وبنضيف ع نص بودرة كاكاو وبنحرك.
✔️ بنشكل كرات صغيرة متساوية مهم الايد تكون رطبه جداً ليسهل.
✔️ ع ورقة خبز بنضيف بالنص كرة غامقة وع الاطراف كرات من الخليط الثاني وبعدها كرات غامقة بنضغطهن بالايد شوي وبنشكل بكاسة شكل دائرة وبعدها نزيل الاطراف الزائدة وينظف البقايا.
✔️ بنخبزهن ع 180/ ع فرن سخن مدة 20 دقيقة بنتركهن يبردن ع راحتهن وبعدها جاهزين للتناول والف صحة وهنا.