https://www.youtube.com/shorts/b7D7tbYSMFI?feature=share
كعكة خمائر القرفة شكلها رهيب بيطلع بالآخر 🍩
بهاي الكعكة بالذات كل اشي قيسوا بالميزان بتطلع دقيقة جداً جداً وهشه
معكم 🙌🏻
العجينة:
• ٢٥٠ غرام طحين كامل
• ٢٥٠ غرام طحين أبيض (self raising) بزبط فقط نوع واحد طحين
• ٨٠ غرام سكر بني
• ٢٥ غرام خميره
• ١/٤ ملعقة صغيرة ملح
بنخلطهن ونضيف ⬇️
• ١/٣ كاس زيت زيتون او زيت جوز الهند او زيت العنب
• ٢٥٠ ملل حليب صويا
بنعجن منيح منيح ١٠ دقائق مع العجن رح تبطل تلزق هيك بنعرف العجينة بتتماسك
وبنتركها تريح مغطية ساعة ونص على الأقل انا خليتها يوم بالثلاجة 🙌🏻
بعدها بنقطعها لقطعتين وبنرقهن وبصحن بنقيم الاطراف الزايده ليصير عنا حجمين دائري وبنوزع الحشوه
للحشوة:
• ربع كاس زيت جوز الهند او زيت بذور العنب
• ربع كاس سكر
• ملعقتين صغار قرفة
بنخلطهن منيح وبنوزعهن فوق طبقة العجينة وبعدها بنضيف الطبقة الثانية عليها بالنص بنضيف صحن صغير وبنقطعها لخطوط عدد زوجي قد ما بدكم المهم يكونوا فوق الـ ١٢ وبنتركها تخمر ساعه 👩🏻🍳
للمزيج اللامع:
• ٣٠٠ ملل حليب صويا
• ١/٨ كاس سكر
بنغليهن ع الغاز وبنوزعهن فوق العجينة وندخل ع فرن تم تسخينه ع ٤ درجة حرارة ١٨٠ من فوق وتحت مده ٣٥-٤٠ دقيقة وبنوزع بعدها المزيج اللامع
والف صحة وهنا 🌸