https://youtu.be/bx3YsYHVNIA
كعكة شوكلاته اسفنجية رهيبه رهيبه رهيبه
بدون بيض، حليب وزبدة ومن مكونات صحيّة وكاملة نسبيًا
المكوّنات: ✔️كأسين ونص حليب صويا بدون سكر ✔️ 113 غم صلصلة تفاح ✔️ 3/4 كأس زيت زيتون أو (زيت جوز الهند الغير منقى) ✔️كأس سكر بني ✔️100 غرام شوكلاته داكنه ✔️ 1/2 كأس بودرة كاكاو بدون سكر ✔️ كأسين قمح كامل (280 غرام) ✔️ 20 جرام (كيس كامل) بودرة خبيز
الطريقه: ✔️ بنخلط المكوّنات الرطبه مع بعض (الحليب، صلصلة التفاح، الزيت، السكر مع انه مش رطب بس ليذوب منيح) وبعدها المكوّنات الجافه مع بعض (القمح، الشوكلاتة، الكاكاو، بودرة الخبيز) وبنخلط الجاف والرطب مع بعض ✔️ بنسكبهن بقالب خبيز وع الفرن مدة ٤٥-٥٠ دقيقه ع درجة حراره ١٧٠ لحد ما تجهز الكعكة (ممكن اقل وممكن اكثر وقت حسب الفرن اهم اشي تكون مستويه دخلوا قشة أسنان بالنص اذا طلعت نظيفه جاهزين)
التوبينج: ✔️ ١ شوكلاته داكنه ١٠٠٪ ✔️ نص كأس ميبل/ عسل ✔️ نص كأس حليب صويا
✔️بنذوبهن بالميكرو مده ٣٠-٤٥ ثانيه وبنوزعهن فوق الكعكة ✔️ بنقطع الكعكة لما تبرد وذوقوا بعدها هالطعم الخرااااااافي
https://youtu.be/mAv1y2ceuY0
كعكة برتقال الطفولة البيتية سهلة ومن مكونات طبيعية متوفره طلبتوها مني كثييير 🫶🏻❤️💫
المكوّنات:
✔️ ٢ بيض عربي
✔️ ملعقة فانيلا كبيرة
✔️ برشه حبة برتقال كاملة (وممكن برضه اتضيفوا ربع برشه ليمونه عشان البيض)
✔️ نص كأس عصير برتقال طبيعي
✔️ نص كأس زيت زيتون
بنحركهن منيح منيح وبعدها بنضيف:
✔️ نص كأس سكر بني
✔️ كأس وثلث قمح كامل بزبط طحين حنطه كامل مغربل
✔️ ملعقة صغيرة بودرة خبيز (بيكينج باودر)
💫بنحرك كل المكوّنات مع بعضها البعض
💫 بنسكبها بقالب خبيز
💫 ع الفرن تم تسخينة ع ١٨٠ مده ٣٠ دقيقه لحد ما تستوي من الداخل
💫 بعد الخبيز شربوها بعصير برتقال طبيعي ١/٤-١/٣ كأس
وجاهزين وذوقوا هالطعم الخرااااااافي
https://youtu.be/0cAtnNlufuE
كعكة برتقال خراااافية وسهلة
بدون بيض، منتجات حليب وزبده ومن حنطة قمح كامل
وعصير برتقال طبيعي.. هشة ورطبة ولذيذه وسهلة 🫶🏻
المكوّنات:
✔️ برش قشرة حبة برتقال كاملة
✔️ عصير ٣ حبات برتقال تقريبًا (كأس وربع عصير بدنا- كأس قبل الخبيز وربع كأس العصير بعد الخبيز)
✔️ ملعقة كبيرة فانيلا
✔️ ١١٣ غرام صلصلة تفاح (موجوده بكل سوبر للأطفال)
✔️ نص كأس زيت زيتون
✔️ كأسين قمح حنطة (كوسامين) كامل مغربل
✔️ ملعقتين صغار بودرة خبيز
✔️ نص ملعقة صغيرة صودا الشرب
✔️ رشة ملح
✔️ كأس سكر بني من قصب السكر
اختياري: نزين شوكلاته داكنه كثير زاكي مع البرتقال
الطريقة:
✔️ بنخلط العصير، قشر البرتقال، الفانيلا، صلصلة التفاح وزيت الزيتون مع بعض
✔️ بعدها بنضيف القمح لمغربل، بودرة الخبيز، صودا الشرب، رشة ملح والسكر البني
✔️ بنحركهن وبنخلطهن مع بعض
✔️ بنضيفهن بقالب خبيز
✔️ ممكن هون نضيف شوكلاته
✔️وبنخبزها ع فرن تم تسخينه ع١٨٠ بدون مروحه
✔️ بنخبزها من ٣٠-٤٠ دقيقه لحد ما تطلع قشة أسنان بدون حبيات من النص
✔️ اذا بدكم تكون رطبه ضيفوا ربع كأس عصير برتقال بعد الفرن (خياري)
وجاهزين وذوقوا هالطعم الخرااااااافي بعدها
https://www.youtube.com/watch?v=Oj5iJoBoiTg
سناك كرات شوكلاته رهيبات محشيات وكثييييير سهلات بديل بجنن ومشبع بسبب الألياف
والحوامض الدهنية الي فيه بدون جلوتين وبيض ومن ٥ مركبات بس
المكونات:
كأس لوز ني✔️
كأس شوفان - بزبط نستعمل شوفان بدون جلوتين ✔️
١/٢ كأس زبدة فستق بدون سكر ✔️
١/٣ كأس محلي طبيعي ميبل او عسل او أجفا ✔️
١٠٠ غرام شوكلاتة داكنه ١٠٠٪ ✔️
بنطحن اللوز والشوفان مع بعض لحد ما يصيروا كطحين✨
بنخلطهن بعدها مع زبدة الفستق والمحلي ✨
✨ وبنعجنهن لحد ما يتماسكوا (شوفوا وفق العجنه اذا جافه ضيفوا شويه زبدة فستق اذا رطبه ضيفوا شوفان مطحون)
✨ بنذوب الشوكلاته مع محلي (اذا كانت تحوي سكر او ٨٠٪ كاكاو ما بلزم محلي)
✨ بنبلل ايدينا بمي مهم جدًا ليسهل علينا تشكيل كرات من العجينة وبنغطس الكرات بالشوكلاته
✨ بنوزعهن ع ورقة خبيز
✨ بندخلهن ع لفريزا مده ساعتينوجاهزين وذوقوا هالطعم الخرااااااافي ✨🫶🏻
تحلايه خفيفه لطيفه وسهله كثييييير معروفه بالمطبخ الآسيوي…
https://youtu.be/0moGk18YFA4
حبيبات التابيوكا بيضاء بدون طعم هن عبارة عن نشا مستخرج من نبته البفرة معروفه كثييير بالبرازيل ومن هناك بلشت تنتشر لآسيا
وتعتبر ماده أساسيه في مطبخ العديد من الأماكن بالعالم… تستعمل للدايسا، للبيض، ككورنفلور وبكثير أكلات …
كتحلاية بغدر أقول من ألذ الأطعمه في المطبخ الآسيوي وبتلاقوها دائمًا بالزاوية الآسيويه بالسوبر
فعملتها بطريقة أقل سكر وأقل سيروب من فوق
المكوّنات:
✔️١/٣ كأس حبيبات تابيوكا بقطر ٢ مم
✔️ ٦٥٠ مل حليب جوز الهند بدون سكر واضافات
✔️ ١/٣ كأس محلي طبيعي (عسل، ميبل، أجفا)
✔️ ملعقة صغيره فانيلا
الطريقة:
✔️ بننقع حبيبات التابيوكا بحليب جوز الهند ٣٠ دقيقة (مهم)
✔️ بعدها بنسكبهن بطنجره وبنضيف عليهن المحلي والفانيلا ولحد ما يغلوا بنوطي تحتيهن وبنخليهن
يغلين ١٥ دقيقه لحد ما تصير الحبيبات شفافه
✔️ بنسكبهن بصحن كبير او بكاسات
✔️ وبنتركهن بالثلاجة مده ٤ ساعات ع الاقل
✔️ بنقطع فواكة وبنوزعها فوقيها وذوقوا بعدها هالطعم الخرااااااافي 🫠
كعكة الجيلي هي كعكة الطفولة ✨ هي كعكة البساطه وكعكة الي بقيت اعشقهااااا
https://youtu.be/VAyxmKhv6NY
مشكلتي معها بنحط فيها منتجات حليب واليوم انا مع حساسية من منتجات الحليب فبعملها بدون منتجات حليب …
صح خلص البسكوت معي وصح تجمد الجيلي معي بس مع ذلك رح اطلعها لانه هاد الواقع مش كل اشي بيرفكت بالدنيا …
غدرت امنتجها وابين انه ولا اشي صار بس هدفي اورجيكم الواقع والحقيقة …
بس للامااااااانة طعمها طلع خراااااافي …
فمن هون بنتعلم انة حتى لو ما زبطت معنا اشي ممكن بالنهاية يعطينا نتائج مرضيه ويعلمنا (كيف العمق بالله)🫶🏻
المكوّنات للكريما:
✔️ ٦٠٠ جرام سيلكين توفو (بتلاقوه بكل سوبر كبير)
✔️ ملعقة كبيرة فانيلا
✔️ نص كأس سكر بني من قصب السكر
✔️ عصرة ليمون
بنخلطهن بالمكسر منيح
طريقة التحضير:
✔️ طبقة أولى: بنوزع بسكوت قمح كامل تم غته بحليب نباتي ع صنية
✔️ طبقة ثانية: بنوزع لكريما ع كل الأطراف
✔️ طبقة ثالثة: بنوزع طبقة بسكوت اضافيه تم غتها بحليب نباتي
✔️ طبقة رابعه: جيلي توت.. بنحله بمي سخنه وفق كيس الاستعمال .. وبنضيفه من فوق… انا جمد معي لانه رديت ع التلفون وسقعه الدنيا… من جهه ثانية انبسطت انه جمد لانه البسكوت مشربش الجيلي.. فاستنو شوي عليه بس مش زيي كثييير 🤣
✔️ اذا جمد كثير الجيلي معكم بزبط تسخنوه ع الغاز برجع سائل
✔️ بنبردهن بالثلاجة لمدة ساعتين وبنقطع
وذوقوا هالطعم الخرااااااافي بعدها 🤝🫶🏻🤍
مشروب السحلب
https://youtu.be/Wp4KiVq1O6M
المكوّنات:
✔️ كأسين حليب نباتي بزبط اي نوع
✔️٣ ملاعق كبار كورنفلور
✔️ملعقة كبيرة ميبل او عسل
✔️ ملعقة صغيرة ماء الورد
✔️ ملعقة صغيرة فانيلا
الطريقة:
✔️ كاس حليب صويا بنذوب فيه الكورنفلور وبنضيفه للكأس الثاني وبنغليهن ع الغاز
✔️ بنضيف ماء الورد، المحلي والفانيلا وبنحركهن منيح منيح
✔️ توقفوش تحريك الا لحد ما القوام يصبح لزج
✔️ التحريك من ٣-٥ دقائق لحد ما يغلى الحليب
✔️ وجاهزين .. ممكن نزينه بقرفه، مكسرات، جوز الهند، زبدة فستق
وذوقوا هالطعم الخرااااااافي بعدها
