وصفات

كنافة للأشخاص الي عندهم حساسيه من لجلوتين سهله وخفيفة جداً https://youtu.be/Sn1PoobC72w مهم تنتبهوا للملاحظات لتزبط معكم ع الآخررررر المكوّنات: ✔️ 20 غرام نودلز أرز (ما بلزم كمية الطبقة لازم تكون رفيعه) نقعناه بمي سخنه ٥ دقائق وصفيناهن منيح منيح ✔️ ملعقتين كبار زيت جوز الهند ✔️ جبنة لوز او اي جبنه حلوه اخرى ✔️ رشات قرفه الطريقة مع الملاحظات: ✔️ بعد ما نقعنا النودلز ٥ د بمي سخنه ✔️ صفوهن منيح صفوهن ١٠ دقائق ع الأقل ✔️ بنسكب عليهن ملعقتين كبار زيت جوز الهند وبنحركهن ✔️ ع قلاي نون ستيك بتوزع الحراره لكل الأطراف(مهم استعمال هاي القلاي) ادهنوا القلاي بزيت جوز الهند (اذا ما عندكم هالقلاي استعملوا التوستر ع ورقه خبيز وزعوا زيت جوز الهند) ✔️ بنوزع النودلز ع القلاي او ع ورقة الخبيز للتوستر (مش شرط بشكل دائره ع حجم التوستر) مهم مهم الطبقة تكون رفيعه ✔️ من فوق بنضيف طبقه جبنه نباتيه او عادية مع رشات قرفه ✔️ من فوق بنضيف طبقة ثانية نودلز وبنضغط عليهن منيح (مهم تكون رفيعه) ✔️ وبنحمر ع الغاز ع نار وسط او بالتوستر تم تسخينه (اذا اول مره بتعملوا اعملوها بالتوستر أسهل) ✔️ الطعم رح يكون كثيييير كريسبي ضيفوا عليه رشات قطر الي هي عباره عن محلول: نص ماء ساخن + نص عسل طبيعي وزيدوا رشات فستق حلبي ✔️ قطعوها لأرباع وذوقوا هالطعم الخرااااااافي ✔️ رح تكون كريسبيت ومقرمشه لانه فش جلوتين بس لذيذه

https://youtu.be/Ue1qERm9Bhw كعك بسكوت بارد رهييييييبه من٤ مركبات بس وصحية وبدون منتجات حليب المكوّنات: ✔️ ٦٠٠ غرام بسكوت قمح كامل ✔️ ١٠٠ غرام شوكلاته ✔️ نص كأس حليب صويا او اي حليب نباتي ✔️ ٢٥٠ ملل كريم جوز الهند بدون سكر الطريقة: ✔️ بنطحن البسكوت قسم يكون ناعم وقسم خشن ✔️ بنذوب الشوكلاته والحليب بالميكرو مده ٣٠ ثانيه ✔️ بنسكب بعدها الشوكلاته المذابه مع الحليب وكريم جوز الهند ع البسكوت ✔️ بنحركهن ليصير قوام متجانس ✔️ بنوزعهن كأقسام ع ورقة خبيز وبنرتبهن بخط دائري طولي وبنلفهن ✔️بندخلهن ع لفريزا مده ساعتين وجاهزين وذوقوا هالطعم الخرااااااافي 🫠

https://youtu.be/S0RFWB23zME معمول بسميد كامل بدون منتجات حليب وزبدة بصراحة الطعم طلع تحفه حرفياً 🫠 المكوّنات: ✔️ ٣ كاسات سميد خشن كامل ✔️ كأسين سميد ناعم ✔️ رشة ملح ✔️ ملعقة كبيره محلب ✔️ ملعقة صغيرة قرفه ✔️ كأسين زيت زيتون ✔️ ١/٤ كوب مي فاتره ✔️ ملعقتين كبار ماء الورد ✔️ ١/٤ كأس حليب صويا (بالآخر بعد العجن) الطريقة: ✔️بنخلط كل المواد بالترتيب وبنعجن العجينه وبنفركها بالإيد واخر اشي بنضيف حليب الصويا لحد ما العجينه تكون متماسكه الي ممكن نشكل كرات منها (ضيفوا حليب الصويا شوي شوي ممكن تحتاجوا اقل أو أكثر من ربع كأس) انا بالضبط حسب السميد الي استعملته ربع كأس حليب صويا ✔️ بنقسم العجينه ل٣ أقسام وبنفردها ع ورقة خبيز بشكل طولي وبنلفها وبعدها بنلفها بنايلون ✔️ بنتركهن يتريحوا ع الاقل ١٢ ساعه ل١٨ باليوم الثاني: ✔️ بصحن بنفرد العجينه بإيدنا كمان مره وبنفركها ✔️وبعدها بنضيف كمان ١/٤ كأس حليب صويا وبنعجن منيح لحد ما تتكون عجينه متماسكه الي سهل نشتغل فيها مكوّنات الحشوه: ✔️ ١ تمر نص كيلو ✔️ملعقه كبيره قرفه ✔️ملعقتين كبار بهار كعك ✔️ملعقه سمسم كبيره ✔️ ٢ ملاعق كبار زيت ✔️ بنوخد من العجينه دائره كرويه وبنوخذ كره تمر أفضل كرة التمر تكون بشوي اكبر من العجينه (بشوي مش بكثير) ✔️بنحشي العجينه وبندورها ✔️ داااائماً دهنوا قالب المعمول بزيت زيتون ليطلعوا مرتبات ✔️ واضغطوا كرة العجين مع التمر بالقالب ✔️ وزعوهن ع ورقة خبيز ودخلوهن ع فرن تم تسخينه ع ١٨٠ مده ١٢ دقيقة وبعدها حمروهن (غيروا معيار الفرن لتحمير) مده ٣-٤ دقائق لحد ما يتحمروا شويّ مش كثير راقبوهن دائمًا ممكن فرنكم يحتاج أقل أو أكثر وقت ✔️ بعد الخبيز اتركوهن يبردوا ع راحتهن بدون لمس ✔️ وبعدها جاهزين وذوقوا هالطعم الخرااااااافي

https://youtu.be/UJbN90PbATE أصابع كعكات عيد لذيذااااات وطعمهن تحفه واهم اشي سهلات وبدون زبده ومارجرينا وبودره حليب وكل عام وانتو بألف خير 🫶🏻🫠 المكوّنات للعجينه: ✔️كيلو طحين قمح كامل ✔️ ٤ ملاعق حليب صويا ✔️ملعقتين كبار بهار كعك ✔️ ٤ ملاعق سمسم ✔️ملعقه كبيره بودره خبيز ✔️رشه ملح ✔️كأسين وربع زيت زيتون ✔️ربع ملعقه صغيره كركم ✔️ملعقه صغيره قرفه ✔️ملعقه صغيره خميره كعك ✔️ربع كأس مي فاتره بنبلش نحركهن ونعجنهن بعدها بنبلش شوي شوي نضيف مي فاتره بدنا من ربع لثلاث أرباع كأس حسب نوع الطحين مهم اتضيفوا شوي شوي المي وتعجنوا وتفحصوا كيف العجينه معكم لحد ما تبقى طريه من المي ومتماسكه مهم تعجنوا ١٠ دقائق على الأقل لتتماسك - ضيفوا كل مره شوي ومهم تعجنوا منيح مهم مهم مهم بعد ما تماسكت العجينه بنغطيها مده ساعه وبنجهز الحشوه مكوّنات الحشوه: ✔️ ٢ تمر نص كيلو ✔️ملعقه كبيره قرفه ✔️ملعقتين كبار بهار كعك ✔️ملعقه سمسم كبيره ✔️ ٢ ملاعق كبار زيت زيتون بنبلش نحشي بالكعكات ونكوّن حلقات او كمقروطه أو كأصابع هالمره عملتهن كأصابع كثييييير سهل الطريقة: ✔️ بنقطع العجينه ل٦ قطع ✔️ بنعجنهن منيح وبنرقهن ✔️ بنقيم الأطراف (الأطراف خلوها بالأخير بتعجنوها وبتكونوا أصابع منها) ✔️ ببعد ما رقينا العجينه بنعمل مربع ✔️ بنعبي الطرف باصبع تمر ✔️ وبنلف العجينه لفه وحده وبنلصق الطرف ✔️ بنقص الطرف الغير محشو ✔️ بنقطع الأطراف وبنقطع لأصابع صغيره حسب الكبر الي بدنا إياه وبنسخن الفرن ع درجة حراره ١٨٠ بدون مروحه وبندخل الكعكات اول ما شويّ يحمروا جاهزين (ما تخلوهن كثير يحمروا بينشفوا وطوالي غطوهن بعد الفرن ليبردوا) وذوقوا هالطعم الخرااااااافي 🤤

https://youtu.be/26xEcUoIiIo بودينج تشيا من ألذ الوجبات ع السحور 🫠 والحلو مشبعه بشكل مش طبيعي وملانه ألياف وجدًا بتساعد ع العمل الهضمي المكوّنات: ✔️١/٢ كأس شوفان ✔️كأس حليب صويا، لوز (بزبط أي نوع) ✔️٣ ملاعق كبار بذور التشيا ✔️ قطع توت ٦-٧ حبات (ممكن تزيدوا حليب نباتي بنص كأس وتزيدوا ملعقتين تشيا لتكون وجبة أكبر لعده أشخاص) الطريقة: ✔️بنحرك الشوفان الحليب والتشيا مع بعض ✔️ بنضيف التوت ✔️وبنغطيهن وبنخليهن بالبراد مدة ٨ ساعات ع الأقل ✔️كل فتره بنحركهن شوي وبعدها بتكتكوهن مع شوية محلي طبيعي من فوق وذوقوا هالطعم الخرااااااافي 🤤

https://youtu.be/fdbwUonCzio كعكة صحية سهله وبسيطه طعمها رهيييييييب 🫠 صرت عاملتها برمضان ٤ مرات ع قد ما هي لذيذه ✔️ بدون منتجات حليب ✔️ من قمح كامل المكوّنات: ✔️٢ موز مهروس ✔️ نص كأس سكر بني ✔️ربع كأس زيت زيتون ✔️ ربع كأس مي ✔️ كأس وربع طحين كامل او طحين حنطه ✔️ نص ملعقة فانيلا ✔️ رشة ملح ✔️ملعقة صغيرة بودره خبيز ✔️ ملعقة صغيرة صودا الشرب ✔️ ١/٢ ملعقة قرفه ✔️ملعقة كبيرة خل تفاح او عصرة ليمون ✔️ ٥٠ غرام شوكلاته داكنه الطريقة: ✔️ بنضيفهن بالترتيب وبنخلطهن منيح منيح ✔️ اخر اشي بنوزع الشوكلاتة ✔️ بنوزعها بقالب وسيع ✔️ بندخلها ع فرن تم تسخينه ع درجة حراره ١٨٠ ✔️ مده ١٥ دقيقة (مهم تنتبهوا انه من فرن لفرن مختلف توزيع الحراره اهم اشي دخلوا قشة أسنان من النص اذا طلعت نظيفة جاهزه) وذوقوا بعدها هالطعم الخرااااااافي 🫠

https://youtu.be/6Ipk6ytojW8 قطايف مشويات بالفرن بأقل سكر ومن قمح كامل محشيات بالجوز والقشطة النباتية الطعم خرافي والحلو العجينة جداً سهله 🫶🏻☀️✨ مكونات العجينة: ✔️كأس ملان قمح كامل/ كوسامين كامل ✔️نص معلقه صغيره خميره ✔️ملعقه صغيره بودره خبيز ✔️ملعقه كبيره سكر بني ✔️ ٣/٤ كاس حليب صويا/ لوز ✔️نص كاس مي الطريقة: ✔️ بنخلطه المواد منيح ✔️ قلاي سخنه بنضيف عليها مغرفه وحده كل مره لحد ما يتكون فقاعات ع العجينه من فوق وتنشف السوائل هيك بتكون القطعه جاهزه ✔️ مهم النار تكون على وسط والقلاي حاميه لحشوة الجوز: ✔️كاس جوز مطحون ✔️ملعقه صغيره قرفه ✔️ ملعقة صغيرة سكر بني ✔️ نص ملعقة ماء الورد الطريقة: بنخلطهن لحشوة القشطة: ✔️ ١ لتر حليب صويا ✔️ نص عصرة ليمون ✔️ ٥ ملاعق سكر بني الطريقة: ✔️ بنغلي حليب الصويا ✔️ لما يغلى بنعصر الليمونه ✔️ لما يتكتل الحليب بنصفيه منيح وبنضغط عليه(ممكن نصفيه نص ساعه لساعه لحد ما كل المي تنزل) ✔️ بنضيف السكر البني بنحشي قطعه القطايف وبنسكرها .. بعدها بندهنهن الصنية بزيت جوز الهند وع الفرن مده ١٠ د ع درجة حراره ٢٠٠ من فوق وتحت لحد ما يحمروا (راقبوهن من فرن لفرن مختلف الامر واهم اشي بدون مروحه ) للقطر: ✔️ ١/٤ كأس ميبل او عسل ✔️ ١/٤ كأس مي ✔️بنغليهن مع بعض ✔️ ولما يبردوا القطايف بنوزعهن من فوق ✔️ بنوزع فستق حلبي وورد وذوقوا هالطعم الخرافي 😋👌🏻 ملاحظات: - خليط العجينه مهم يتحرك منيح مده دقيقه ع الاقل - راقبوا القطايفات الي بالفرن لانه توزيع الحراره مختلف من فرن لفرن - للحشوه عبوها بشكل معتدل لتعرفوا تسكروها وما تنفرط الحبه - - في اشخاص بحبوا تركيز القطر اكثر ممكن اضيفوا ميبل حسب قديه بتحبوا - الكميه رح تعمل ٢٠ قطعه تقريبا

https://youtu.be/_-G_xwjyLkw تحلاية فواكه لبعد لفطور بدقيقتين ✔️ مشبعه ✔️ سهله ✔️ لذيذه بشكل ✔️ فيها انزيم البابئين بيساعدنا ع هضم لبروتينات ✔️ ملانه ألياف ✔️ تحوي بروبيوتكس- ممتاز للي بيعانوا من عسر هضمي برمضان المكوّنات: ✔️ ١/٢ بابايا ✔️ يورجورت/ زبادي نباتي او اي نوع اخر يحوي بروبيوتكس ✔️ رشات جرانولا ✔️ رشات لوز او جوز ني بنعبي نص البابايا فيهن وذوقوا بعدها هالطعم الخرااااااافي 🫠