وصفات

https://youtu.be/8TvqwtGgAWY خيار مخلل بأسهل وأبسط وألذ طريقة ممكنه وبأسبوع عنا مصدر رائع للبروبيوتكس البيتي فوائد لبروبيوتكس: 🌿بحافظوا على صحة الأمعاء الغليظة 🌿بساعدونا على هضم الطعام في الأمعاء 🌿بشكلوا حاجز بجهازنا الهضمي أمام البكتيريا الضارة، الفايروسات او الفطريات المكوّنات: ✔️ ١ فلفل حار ✔️ حفنه شبت او شمير ✔️ خيار صغير (الكمية حسب حجم العلبه) ✔️ ع كل كأس مي ١ ملعقة كبيره ملح ✔️ خياري نضيف ثوم اخترت محطش لانه بسيطر الطريقة: ✔️ بنعقم المرطبان منيح وبنغسلة بماء ساخن ✔️ بنرتب لخيار ولما نوصل النص بنضيف الشبت والفلفل وبعدها بنكمل بترتيب لخيار ✔️ بنضيف ع كل كاسه مي ملعقة ملح ✔️ بنغمرهن بمحلول مية الملح للاخر ✔️ وبنغطيهن باحكام ✔️ بعد أسبوع ذوقوا هالطعم الخرااااااافي

https://youtu.be/Vq6fItrwELA دوالي نباتيه رهيبه رهيبه رهيبه ع فكرة لما نوكل محاشي مهم ندمج معهن بروتين بزيد شعورنا بالشبع وبنغدر نتناول المحاشي بشكل متوازن أكثر المكوّنات: (رح اكتب المكونات بشكل عام لطنجرة وسط ولائموهن وفق كمية الدوالي الي رح تعملوها) للحشوة: ✔️ ٤ بندورة مفرومه ناعم او مبروشه ✔️ ٤ ثومة ✔️ ربع ضمة وراق نعنع بدون السيقان (مش كثير نعنع) ✔️ كأس رز منقوع ٨ ساعات ✔️ بهارات: ملعقة صغيرة: كركم وكاري ملعقة كبيرة: فلفل أسود، ملح، بودرة خضار وبهار محاشي ✔️بنحرك كل المكوّنات مع بعض وهيك الحشوة جاهزه الدوالي: ✔️ بنسلق الدوالي بمي سخنه مدة ثواني لحد ما يتغير لونها (أول ما يتغير اللون قيموهن) ✔️ بندهن طنجرة الدوالي بزيت زيتون ✔️ بنوزع من تحت حبة بطاطا مقطعة وحبة بندوره ✔️ بنبلش نلف الدوالي بالحشوة ✔️ بنوزعهن بالطنجرة ✔️ بنضغط عليهن بصحن كثقل لما يتحركوا مع المي ✔️ بنضيف غمرتهن وفوق ب٢ سم مي مغليه ✔️ ع نار هادية بنطبخهن ع الاقل ساعه لحد ما يستوي الرز ✔️ بنقلبهن وذوقوا بعدها هالطعم الخرااااااافي  

  https://youtu.be/PwsWEdv2ugE مجدره برغل رهيبة رهيبه رهيبه الحلو بمجدرة البرغل- بسبب البقوليات والنشويات المركبة تعتبر ملانه ألياف الي هي تساعد ع موازنه نسب السكر وخفض الكوليسترول وبذات الوقت تحوي كالسيوم، زنك، فايتمين بي، حامض الفوليك وتعتبر مصدر رهيب لبروتين نباتي ولنوخذ كل الحوامض الأمينية ينصح بدمج البقوليات والحبوب خلال اليوم🫶🏻 المكوّنات: ✔️ كأس ونص عدس منقوع ٨ ساعات النقع بزيد من وفره امتصاص المعادن بالأمعاء ✔️ كأسين ونص مي ✔️ كأس ونص برغل منقوع ٨ ساعات ✔️ ٥ بصل كبار مقطعات شرائح ✔️٥ ملاعق كبار زيت زيتون ✔️ بهارات: بودرة خضار، كمون، كاري، كركم، سبع بهارات وملح ✔️ رشة بقدونس ✔️ رشة صنوبر الطريقة: ✔️ بنسلق العدس بمي ٢٠ دقيقه لحد ما يستوي مهم يضل شوي مي ع العدس من تحت ✔️بنضيف البرغل المنقوع والمغسول ولبهارات عليهن ✔️ وبنحركهن ع نار هاديه (ما بلزم مي لانه ضل من مية العدس) ✔️ لما تنشف المي عنهن بدهن ٥-٧ دقائق تقريبًا ✔️ بنشوح البصل بزيت الزيتون ولما يذبلوا بنوزعهن فوق لمجدره (ممكن نخلي البصل ازيد وقت انا بفضل هيك يضل مش محروق) ✔️ بنزينهن من فوق ببقدونس وصنوبر وذوقوا هالطعم الخرااااااافي بعدها 🫠

https://youtu.be/6jsrEpw8x3E   باستا سبانخ رهيبه وسهله ب١٠ د الحلو بالسبانخ يحوي مضاد أكسدة اسمه لوتين، الي بيساعد ع تصفية أشعة الضوء المؤذية، امتصاصه بنحاعه بيتم ببيئة تحوي دهن (مضادت أكسدة مذاب بالدهن) المكوّنات: ✔️ ملعقة زيت زيتون ✔️ ٤ بصل اخضر ✔️ حفنة سبانخ كبيرة ✔️ كأسين حليب جوز الهند ✔️ ملعقة خلطة كاري أخضر ✔️ ٤ ثومه مهروس ✔️ رشة فلفل اسود وملح ✔️ باستا مسلوقه (اي نوع) الطريقة: ✔️ بنشوح البصل بزيت الزيتون ✔️ بنضيف السبانخ وبنشوحن ✔️ بنضيف الخليط (حليب جوز الهند، الكاري الاخضر، الثومه) مع الملح والفلفل الأسود- بنغليهن ٤-٥ دقائق ✔️ بنضيف عليهن الباستا الي تم سلقها ع جنب ✔️ بنخلط الباستا والخضار بنتركهن يغلوا دقيتين ✔️ وجاهزين وذوقوا هالطعم الخرااااااافي 🫠

https://youtu.be/R93DthXDbqE   مسخن نباتي بأقل دسم وكميات زيت … من الأكلات الي الها محل مرتب بقلبي .. وهيك بوكلها من جيل صغير بما انه مكنتش احب الدجاج … بس يعتبر لمسخن من الأكلات الي ع قد ما هي طيبه ع قد ما هي دسمه وثقيله ع جهازنا الهضمي وكثير أشخاص بسبب كميات الزيت بتعملهم حرقة ومشاكل هضمية… إضافة لذلك كمية سعرات الحرارية فيها كبيرة بالرغيف ممكن نوصل ١٦٠٠-١٨٠٠ كالوري (اذا مش أكثر في اشخاص ممكن توصل معهم ب٢٠٠٠ كالوري) … فحاولت أعمله بأقل دسم وأقل سعرات حرارية … المكوّنات لرغيفين بالرغيف تقريبًا من٦٠٠-٨٠٠ كالوري: ✔️ ١/٤ كأس زيت زيتون  ✔️ ٤ بصل ✔️رشات ملح ✔️٤ ملاعق سماق ✔️ملعقة فلفل أسود ✔️ كأس مي ✔️ رغيفين خبز قمح كامل ✔️ ملعقتين كبار صنوبر ✔️ ملعقتين لوز ✔️ رشات بقدونس ✨بنشوح البصل بزيت الزيتون وبنملحهن وبنوطي تحتيهن لحد ما يستوي البصل ع الاخر بعدها بنضيف السماق والفلفل الأسود وبنحركهن… ✨ بنقيم ٣/٤ البصل ع جنب وبنخلي ربع وبنضيف عليه المي وبنخليهن يغلوا البصلات والبهارات مع المي مده ٢-٤ د  تجهيز الرغيف:  ✔️ بنستعمل رغيف قمح كامل ✔️ بنضيف عليه مغرفه من سوائل البصل ولبهارات ✔️ بنضيف من البصلات الي شوحناهن وبنوزعهن ع الرغيف ✔️ بنحمرهن بالفرن تم تسخينة ع ٢٠٠ مده ٥ د (راقبوهن لحد ما يتحمروا الأطراف) ✔️ بعدها بنرش اللوز والصنوبر الي حمصناهن بدون زيت ✔️ ورشات البقدونس  وذوقوا هالطعم الخرااااااافي 🫠🫶🏻

https://youtu.be/oKaiLvklKJE كرات بطاطا بالفرن بدون جلوتين وبدون كميات زيت هائلة … هاي الطريقة ذقتها مره بمطعم بس كانت مع كثير قمح ومقليه فحاولت أعملها ع الطريقة الصحية وطلع طعمها بجننننن مش كلمه حرفياً 🫶🏻 المكوّنات: ✔️ ٨ حبات بطاطا وسط مقشرات ومسلوقات ✔️ ربع ملعقة صغيرة روزمارين ✔️ بنضغط ٥ ثومه  ✔️ ملعقة ملح ✔️ ٦ ملاعق كبار زيت زيتون  الطريقة: ✔️ بعد سلق البطاطا ع الاخر بنضغطهن كبيريه ✔️ بنتبلهن بالروزمارين، الثومه، الملح وزيت الزيتون ✔️ بنخلطهن مع بعض ✔️ بنضيف ع ايدينا مي وبنشكل كرات صغيره (مهم المي لما يلزق معنا) ✔️ بنوزعهن ع ورقة خبيز وع الفرن  ✔️ بنشويهن لحد ما يتحمروا ع درجة حراره ١٨٠ مده ٣٠-٣٥ دقيقه (كل مره افحصوهن لانه من فرن لفرن يختلف الأمر) وذوقوا بعدها هالطعم الخرااااااافي 🫠✨🫶🏻

طريقة مستنبتات لبروكولي البيتيه مهم نتذكر: بمستنبتات لبروكولي عندما نمضغه جيداً (مهم جدًا المضغ) تلتقي المادتين وهن جلوكورفين وانزيم مايروزانيس.وبتتكون من هالسيرورة الكيماوية مادة اسمها سولفورفين مادة الي بتزيد من لجلتاتيون بالدم - لجليتاتيون يعتبر مضاد اكسدة قوي يساعد جسمنا بشكل طبيعي ع افراز السموم عن طريق البول. https://www.youtube.com/shorts/d-FjaJ1aR38?feature=share   وانبثق من هنا ابحاث كلينيت ع مفعول هالمادة وكان بحث ع مستنبتات لبروكولي تم نشرة ب American Journal of Clinical Nutrition عن انه زاد نسبة خروج البنزين (الي تم التعرض اله بالهواء بسبب التلوث البيئي) عن طريق البول.. وعدة أبحاث اخرى عن هذا الموضوع … مهم جدا ان نذكر التلوث البيئي يسبب عدة امراض منها: سرطان، قلب..     الطريقة الدقيقة للاستنبات: ✔️ نحضر قالب كالكار او اي قالب عنا للزراعه ✔️ نحضر ٣ ملاعق كبار تربه (من المشتل) ✔️ بنرطب التربه بمي وبنخلطها- مهم جداً تكون رطبه قبل الإستنبات ✔️ نقم بتوزيع بذور لبروكولي الي تم نقعهن ٦ ساعات بالماء (البذور تم الحصول عليهن من موقع الكتروني) ✔️ نقوم بتوزيع البذور بشكل متوازن على التربه ✔️ نقوم يوميًا بسقي المستنبتات مرتين صباح ومساء فقط بمرش - المرش بساعد على توزيع الماء بشكل جيد ✔️ نكرر عمليةالسقي من٤-٧ أيام حسب الطقس ✔️وعندما يتنبتوا ويصبحوا اكثر من ٣ سم جاهزين ✔️ بنحفظهن بالثلاجة مده ٥-٦ ايام    

من أحب وأقرب الساندويشات ع قلبي فعليا رهيبه وسهله مع أطعمه مختلفه بتندمج بشكل رهيب رح تدمنوها.   https://youtu.be/pR8vejsmZy4 المكوّنات لصلصلة البندورة لمجففه: ✔️ ٢٠٠ غرام بندورة مجففه منقوعه مدة نص ساعه ✔️ ١/٤ كأس زيت زيتون ✔️ نص ملعقة زعتر thyme ‏‎✔️ رشة ملح ✔️رشة فلفل أسود ✔️ ٢ ثوم   ✨ وبنخلطهن ناعم بالمكسر   مكونات الساندويشه: ✔️ خبزه قمح كامل ✔️ ملعقة كبيرة صلصلة البندورة ✔️ ملعقة كبيرة صلصة بيستو ✔️ جبنة خضرية بزبط اي نوع جبنه بيضاء ✔️ خضار: خس، بندورة، فجل وبرتقال اللب الداخلي (تتخلوش عنه بيعطي طعم مش طبيعي) ✔️ في اشخاص بيحطوها بالتوستر انا بحب بدون   وذوقوا بعدها هالطعم الخرااااااافي 🫠🫶🏻

سشيمي ورق رز من ألذ الأشياء الي رح تذوقوها https://youtu.be/na2PFhakdps المكوّنات: ✔️ كأس ونص حليب جوز الهند بدون سكر ✔️ خلطة كاري اخضر (موجوده بكل زاوية آسيوية بالسوبر) ✔️ ملعقة كبيره زبده فستق (بدون سكر) ✔️١٠-١٢ ورق رز (استعملت ورق رز كامل) ✔️ ١ خيار مقطع لشرائح ✔️ ١ فجل مقطع لشرائح ✔️ تشيلي - او فلفل أحمر حلو ✔️ مستنبتات (بزبط اي نوع) الطريقة: ✔️ بنغلي الحليب، الكاري الأخضر وزبده الفستق ع الغاز وبنضل نحرك فيهن ونخفق فيهن لحد ما يكونوا مزيج ✔️ وهني يغلوا ع الغاز- بنقصقص ورق الرز وبنجهز الخضار ✔️ بنضيف ورق الرز بصحن ✔️ بنسكب خليط الحليب عليهن - مهم ينمزجوا وما يكون سوائل كثير بكميات (اذا ضل سوائل كثييير زيدوا ورق رز بس برضه مش لازم يكون ما فيه سوائل بتاتًا ) ✔️ بنوزع الخضار ✔️ ولازم طواااالي نوكلهن وهو سخن   وذوقوا هالطعم الخرااااااافي 🫠🫶🏻