وصفات

https://youtu.be/AZfxguRTyRk مايونيز بيتي بدون بيض وزيوت مهدرجة وبدون مواد حافظة ومحسنات طعام بتاتاً والطعم والنسيج رهيب المكوّنات: ✔️ ٣/٤ كأس حليب صويا ✔️ ١ ونص ملاعق كبار عصرة ليمون ✔️ ملعقة صغيرة خردل ✔️ نص ملعقة صغيرة ملح ✔️ ١ ونص كأس زيت افوكادو او زيت زيتون ▪️ بنخلط حليب الصويا، الليمون، الخردل والملح مع بعض ▪️ بعدها بنضيف الزيت بشكل تدريجي ▪️ بنحركهن لمده دقيقة ▪️ بندخلهن ع الثلاجة مده ساعه وجاهزين ▪️ ممكن استعماله ع كل وصفه فيها مايونيز

https://youtu.be/xJa-vgmrJRA كپ كيك سوشي طعمها رهيب والحلو سريعه بدون لف المكوّنات لأرز السوشي: ✔️ كأس إرز سوشي ✔️ كأس وربع مي ✔️ ملعقتين ونص خل أرز او عصير ليمون ✔️ ملعقة ميبل او عسل ✔️ نص ملعقه ملح ▫️بنخلطهن مع بعض وبنطبخهن ع نار هاديه مده ١٠ دقائق لحد ما المي تبلش تنشف بنغطيهن وبنتركهن ٥ دقائق ع نار هاديه وبنطفي تحتيهن للتوفو: ✔️ مكعبات توفو صغيرة ✔️ زيت سمسم ملعقة كبيرة ✔️ ملعقتين كبار صويا ✔️ ملعقة ميبل طبيعي ▫️بنشوحهن ع الغاز مده ١٠ دقائق مع تحريك لحد ما يحمروا (مش كثير) الكب كيك بالترتيب: ▪️ احنا بحاجه لقالب كب كيك بندهنه بزيت سمسم شوي ▪️بنقص ورق طحالب النوري وبنرتبها بالقالب ▪️الطبقة الثانية بنضيف الرز بنرتبه وبنضغطه ▪️ بنضيف مكعبات التوفو من فوق ▪️ بنحمرهن ع فرن تم تسخينه ع ٢٠٠ مده ١٢ دقيقة (بس يحمروا التوفو من فوق جاهز) ▪️ بنوزع مكعبات افوكادو وخيار وسمسم ▪️ وذوقوا هالطعم الخرااااااافي

https://youtu.be/skwd1OqqwaY لفه شوفان من ٣ مركبات محشية بأشياء زاكيه 🌯🫓🍆🥚 ✔️ ملانة ألياف ✔️بدون جلوتين (شوفان بدون جلوتين) ✔️ مشبعه بشكل المكوّنات للفه الشوفان: ✔️ كأس شوفان ✔️ كأس مي ✔️ رشة ملح الطريقة: ▪️بنخلطهن بالمكسر منيح منيح ▪️ بنسخن قلاي نون ستيك (مهم جداً تكون نون ستيك وسخنه اذا لا ما بتزبط) ▪️ بنسكب الخليط ومباشرة منوزعه على الأطراف(وزعوا مباشرة ولا بلزق بعدها) ▪️ لما تبلش تجف السوائل من فوق بدا ٥ دقائق تقريبًا بنقلب اللفه (افحصوا اذا جفت السوائل كلها مهم) ▪️ ونفس الشي الجهة الثانيه بدها كمان ٤-٥ دقائق (ممكن اقل وممكن اكثر حسب قلايتكم مهم نكون يقظين) طريقة الباذنجان: ✔️ قطع باذنجان ▪️ رشه ملح عليهن وبنمرق عليهن بشوكه وبعد ٥ دقائق بتطلع السوائل منهن بنجففهن بورقة مطبخ ▪️ بندهنهن بزيت زيتون ▪️ بندخلهن ع فرن تم تسخينه على ٢٠٠ مدة ٢٠ دقيقه بدون مروحه اذا بلشوا يحمروا غطوهن بورقة خبيز ليستوا وما يقسوا اللفه عبارة عن: ▪️ لفه شوفان ▪️ طحينه من السمسم الكامل حليتها بمي وليمون ورشه ملح ▪️ قطع باذنجان ▪️ بيضه عليها رشات ملح وفلفل اسود وبقدونس ▪️ خضار: مخلل بيتي، فلفل احمر، بندوره وذوقوا بعدها هالطعم الخرااااااافي 🤝

برجر نباتي بيتي رهيب رهيب رهيييب وسهل 🍔🍔🍔 https://youtu.be/ZJwSVuNrEs4 والحلو ملان بروتين وطعمه تحفه حرفياً مهم اذكر نقطة البرجر النباتي او الخضري الجاهز للاسف ملان مواد مصنعه ودهون مشبعه فخيار العمل بالبيت أفضل ❤️ المكوّنات: ✔️كأسين فاصولياء حمراء مسلوقه ✔️ كأس بصل وفطر مشوحات (بصله + ٤ فطر صغار) ✔️ نص كأس بقدونس ✔️ رشات بهار تشيلي ✔️ ملعقة كبيره بابريكا مدخنه ✔️ ملعقة صغيرة ملح ✔️ ملعقتين كبار زيت زيتون ✔️ نص كأس فتات الخبز او طحين كامل او شوفان الطريقة: ◻️ بنشوح البصل والفطر بزيت زيتون لحد ما يستوا ◻️ بكأس المكسر بنخلط الفاصولياء، الفطر والبصل، البقدونس ولبهارات ◻️ وبعدها بنضيف ع الخليط فتات الخبز او طحين او شوفان ليتماسكوا ◻️ بنحركهن وبندهن ايدينا بزيت زيتون وبنشكل البرجر ◻️ بنوزعهن ع ورقه خبيز وبندخلهن ع لفريزا ليتماسكوا مده نص ساعه ◻️ وبعدها بقلاي فيها زيت زيتون بنحمرهن ع نار هاديه ◻️ وبنتكتك ساندويشه برجر مع مايونيز، كتشوب بيتي، برجر، خس، بندوره، مخلل، بصل وفطر وذوقوا بعدها هالطعم الخرااااااافي 🫶🏻🍔

حوسة ملوخية بتجنن وولا أسهل منها 🍀🫠 https://youtu.be/maL0IiJv5i0 فيه عدة طرق للملوخية وهاد الاختلاف بحبه بشكل مره ذقتها عند صاحبتي واخذت منها الطريقة فقررت اليوم أعملها لأول مرّه بتشهي حرفياً وكمان بسمع كثير أشخاص ما بيغسلوا لملوخيه، غسل الخضار والفواكه جدًا مهم لمنع التلوث او التسمم الغذائي الي بيحدث نتيجة كائنات دقيقه او مواد ضاره المكوّنات: ✔️ ملعقتين زيت زيتون ✔️ ٦ ثوم مقطع شرائح ✔️ نص كيلو ورق ملوخيه ✔️ ٢ بندوره صغار او ١ كبيرة مقطعه وسط ✔️ رشة ملح ✔️ بالاخر عصرة ليمون وزيت زيتون الطريقة: ◻️بشوح الثومه بزيت زيتون ◻️ لملوخيه بغسلها وبنشفها ولما يحمروا الثوم بضيف لملوخيه ◻️ رشه ملح وبشوحهن مع بعض ◻️ لما تبلش لملوخيه تذبل بضيف البندوره وبحركهن ◻️ بغطيهن نص تغطايه لحد ما البندوره تستوي بدنا ٣-٤ دقائق ◻️ وجاهزين وذوقوا هالطعم الخرااااااافي بعدها

https://youtu.be/cOwwy_nGb1o سماشد بطاطا بالفرن مع صلصلة مش من هالعالم المكوّنات: ✔️ ٣-٦ بطاطا وسط ◻️ بنقسمهن بالنص وبنسلقهن لحد ما يستوا ◻️ بصنية بندهنها زيت زيتون بنضغط البطاطا وبنرش عليهن ملح وزيت زيتون ◻️ بنحمرهن منيح بفرن تم تسخينه ع درجة حراره ٢٠٠ مده ٢٠-٣٠ دقيقه (ممكن اكثر او اقل وقت حسب فرنكم مهم يكونوا محمرات منيح) للصلصلة: ✔️ حفنه بقدونس ✔️ حفنه كزبره ✔️ ١ ثومه ✔️ ١/٤ فلفل أحمر (بزبط حار او عادي استعملت عادي) ✔️ رشة زيت زيتون ◻️ وبنخلطهن منيح ◻️ وبنوزعهن فوق البطاطا الي تم تحميرها وذوقوا هالطعم الخرااااااافي 🫠            

https://youtu.be/rnL05p_qkNU شوربة عدس آسيوية رهيبه مش كلمة وملاااانه قيم غذائية، ألياف وبروتين نباتي المكوّنات: ✔️ كأس عدس منقوع ٦-٨ ساعات ✔️ كأسين ونص مي 🌿بنسلق العدس لحد ما يستوي بالقلاي: ✔️ ملعقتين زيت زيتون ✔️ ١ بصل مقطع ✔️ ٤ ثوم ✔️ ٢ جزر ✔️ ١ بطاطا حلوه وسط 🌿 بنشوح البصل والثومه بزيت زيتون 🌿 لما يذبلوا بنضيف الجزر والبطاطا وبنشوحن مع بعض مده ٤ دقائق مع تحريك دائم 🌿 لما يستوي العدس بنسكب الخضار الي شوحناها عليه 🌿 وبنبهرهن ب: ✔️ ربع ملعقة صغيره قرفه ✔️ ربع ملعقة صغيرة فلفل أسود ✔️ نص ملعقة صغيرة كركم ✔️ نص ملعقة كبيرة كمون ✔️ ملعقة صغيرة بهار مسالا ✔️ ملعقة صغيرة كاري 🌿 بنضيف عليهن نص كأس مي وبنتركهن ع نار هاديه مغطيات لحد ما يستوي الجزر (اذا ما استوت بنضيف مي كمان شوي) 🌿 بعد ما استوت الخضار بنسكب عليهن: ✔️ ٢٥٠ ملل كريم جوز الهند ✔️نص ملعقة كبيرة ملح (حسب الطعم) 🌿 بنخليهن يغلوا مع بعض ٣ دقائق وجاهزين وذوقوا بعدها هالطعم الخرااااااافي 🫠

https://youtu.be/JqssXe87TpI شوربة خضار نباتية لرمضان رهيبة مش كلمة 🫠 في كثير طرق لشوربة الخضار وتفضيلات انا هاي الطريقة المفضله 🫠 المكوّنات: ✔️ ١ بصل ✔️ ٢ ثوم ✔️ ملعقتين كبار زيت زيتون ✔️ ٢ كوسا ✔️ ١ زوكيني ✔️ ٢ بطاطا وسط ✔️ ١ بطاطا حلوه ✔️ ربع زهره ✔️ لتر ونص مي ✔️ رشات شمير ✔️ نص كأس نودلز ارز كامل ✔️ ملعقة كبيرة بودره خضار وبهارات مطحونه طبيعية ✔️ ملح البحر الطريقة: ✔️ بنشوح البصل والثومه بزيت الزيتون ✔️ بنسكب عليهن الخضار بعد ما قطعناها وبنشوحهن مع بعض ✔️ بنضيف المي وبنتركهن يغلوا لحد ما تستوي الخضار ✔️ بنضيف اخر اشي النودلز والشمير وبودرة الخضار والملح وجاهزين وذوقوا هالطعم الخرااااااافي 🫶🏻

https://youtu.be/nTIRkBqPIYQ سجاير بطاطا بالفرن مشويات بدون زبده ومانجرين وبدون جلوتين رهيباااااات 🫠 تذكروا بالسجاير المقليه المتوفره برمضان للأسف تحوي مانجرين - دهون ترانس الي الها اثر جداً سلبي ع صحة القلب والأوعية الدموية واذا لا تحوي مانجرين تحوي دهون مشبعه بترفع الكولسيترول الغير جيد وتؤثر سلبًا ع صحة القلب والأوعية الدموية .. إضافة لذلك وقت القلي تخلق مواد ضاره جداً بسبب ارتفاع درجات حراره الزيت ونقطة اخرى نتيجه قلي الكربوهيدرات تنتج ماده أكريلاميد (ماده مسرطنه). المكوّنات: ✔️ ٤ حبات بطاطا مسلوقه ✔️ ملح حسب الطعم ✔️ زيت زيتون ✔️ كاري ✔️ ٢ بصل تم تشويحه بملعقة زيت زيتون ✔️ ورق أرز كامل (ممكن ورق أرز أبيض عادي) الطريقة: ✔️ بنضغط البطاطا المسلوقه ✔️ بنضيف عليها الملح، الكاري، زيت الزيتون والبصل ✔️ بنحركهن منيح وهيك جهزنا الحشوة ✔️ صنيه بنضيف عليها مي بدرجة حراره الغرفه ✔️ بنغطس ورقة الارز فيها مده ٢٠ ثانيه ✔️ بنفردها وبنحشيها بحشوة البطاطا (بنشكلها بالايد اذا البطاطا بتلزق ممكن تضيفوا مي ع ايدكم) ✔️ بنطوي الأطراف وبنلف ✔️ بنوزعهن ع ورقه خبيز ✔️ بندهنهن بشوية زيت زيتون ✔️ بنرش سمسم عليهن من فوق ✔️ وبندخلهن ع فرن تم تسخينه ع درجة حراره ٢٠٠ مده ٢٠ دقيقة ( راقبوهن لحد ما يتحمروا وجاهزين) وذوقوا بعدها هالطعم الخرااااااافي 🫠