وصفات

https://www.youtube.com/shorts/9lYbYVlsd3A?feature=share كعكة القرفه من قطع خبز 💘🫶🏻 للي زيي ملوش خلاق يعجن ويوقف ويخمّر وجاي ع باله تحلايه صحية ومش ثقيله ودسمة وتكون سهله ب٢٠ دقيقه جاهز والحلو مناسبة للي عندهم حساسيه من منتجات الحليب والبيض 🫶🏻💫 المكوّنات: ✔️ قطع خبز قمح كامل ٤ صغار او ٢ كبار (اختاروا خبز يكون طري وبزبط برغيف خبز مخمر) ✔️ ملعقتين صغار قرفه ✔️ ١/٣ كأس عسل طبيعي ✔️ كأس حليب صويا او اي نوع حليب ثاني ✔️ ١٠٠ غرام شوكلاته داكنه ١٠٠٪؜ الطريقة: ✔️ بنقطع شرائح الخبز ✔️ بنخلط القرفة والعسل مع بعض ✔️ بنضيف شرايح الخبز بصحن كبير ونسكب عليهن خليط القرفة والعسل مع الحليب وبنحركهن منيح ✔️ صنيه عليها ورقه خبيز بنرتب قطع الخبز وبنلصقهن ببعض مهم جداً ✔️ بنوزع بينهن شوكلاته داكنه ١٠٠٪؜ ✔️ الخليط الي ضل بالصحن بعد ما خلطنا الخبز بندهنه من فوق الكعكة ✔️ ع فرن تم تسخينه ع ٢٠٠ من فوق وتحت بنحمر الكعكة مده ١٥-٢٠ دقيقه (راقبوهن حسب فرنكم مهم) ✔️ بعد ما طلعناها مباشرة بندهن من الخليط الي ضل فوقهن وبنتركهن يبردوا ع راحتهن ✔️ ممكن نوكلها مع زبادي والف صحة وهنا 💘🫶🏻

https://www.youtube.com/shorts/tW8V7jUbST4?feature=share سناك لذيذ وصحي ب ٥ دقائق بس 💘💫🫶🏻 لذيذ جداً جداً وسهل حداً جداً وبدوش بلبشه عملتوا ٣ مرات هالاسبوع ع قد ما هو زاكي 🙋🏻‍♀️ المكوّنات: ✔️قطعه خبز قمح كامل منزوعه الاطراف ✔️ ٢ مكعبات شوكلاته داكنه ٨٠٪؜ ✔️ قطعتين موز ✔️ نص ملعقة صغيره عسل ✔️ رشة قرفه الطريقة: ✔️ بننزع اطراف الخبزه (الاطراف بنقطعها وبنحمرها وممكن نضيفها ع السلطه حرام تنرمى) ✔️ ع طرف بنرتب مكعبين الشوكلاته وفوقيهن الموز ✔️ بنسكر عليهن النص الثاني وبنضغط الاطراف ✔️ بنحمصهن بالتوستر من ٥-٧ دقائق حسب توستركم راقبوهن ✔️ لما تتحمر بنرش رشات عسل وقرفة وجاهزين والف صحة وهنا 🫶🏻💘💫

https://www.youtube.com/shorts/iQY123OitjI?feature=share سناك التمر كتحلاية صحية وليه ينصح فيه بالأسابيع الاخيرة بالحمل 💘💫🫶🏻 المكوّنات: ✔️ تمر ✔️ لوز او جوز برازيلي نيّ ممكن نستعمل اي نوع مكسرات ✔️ شوكلاته داكنه ١٠٠٪؜ بدون سكر ✔️ طحينة من السمسم الكامل دعواتكم الي ولغيري بالخير والسلامة 🙏🫶🏻💘

https://www.youtube.com/shorts/cvsm567aOfM?feature=share مشروب الجهاز المناعي 💫 💫يحوي على مضادات أكسدة 💫 مضادات للالتهابات 💫 فايتمين سي 💫 مضاد للفيروسات المكوّنات: ✔️ ٤ جزر ✔️ ٤ قطع زنجبيل ✔️ ٢ ليمون مع قشرة ✔️ ملعقة كركم ✔️ نص ملعقة فلفل أسود ✔️ ٤ كاسات مي ٢٥٠ ملل الطريقة: ✔️ بنخلط كل المركبات بالخلاط ✔️ بنصفيهن بصفاي المشروب اذا عملتوا كمية ممكن تحفظوا بالفريزا لأسابيع ✔️ الالياف الي صفيناها ممكن تضبوها وتفرزوها وتستعملوها كإضافه للمي

https://www.youtube.com/shorts/QcNtzDekRHw?feature=share فطور يوم الجمعة الي استنيته 🥹💫💘 من أطيب الساندويتشات بموسم التين 🫠 المكوّنات: ✔️ خبزة محمصة من قمح كامل ✔️ لبنه لوز او بزبط اي نوع لبنه ✔️ قطع تين ✔️ رشه عسل طبيعي وجاهزين وألف صحة وهنا 💘

https://www.youtube.com/shorts/3dC-k_GjEtk?feature=share كوكيز شوفان وطحينه وتوت رهيباااات بدون بيض وزبده ومنتجات حليب وجداً سهلات 🫶🏻💘💫 المكوّنات: ✔️ كأس قطع توت ✔️ كأسين شوفان (بدون جلوتين للي بده) ✔️ ملعقة صغيرة فانيلا ✔️ نص كأس طحينة من السمسم الكامل ✔️ رشة ملح ✔️ ٢/٣ كأس ميبل او عسل الطريقة: ✔️بنخلطهن بالترتيب منيح منيح ✔️ع ورقه خبيز بنشكل الكوكيز ✔️بندخلهن ع فرن تم تسخيه ع درجة حراره ١٨٠ مدة ١٢-١٥ دقيقه بس يبلشوا شوي يتحمروا جاهزين ✔️قبل لا تقطعوها اعطوها تبرد على راحتها وذوقوا بعدها هالطعم الخرااااااافي 🫠

https://www.youtube.com/shorts/PoBv4fDrRJM?feature=share مشروب الصيف الرهيب بدون سكر 💫💘💫 ملان فايتمين سي وألياف ومشبع بشكل ومنعش 💫 المكوّنات: ‎✔️ ٤ ليمون حب أصفر مقطع ‎✔️ ٦ سيقان نعنع ‎✔️ مكعبات ثلج ‎✔️مي لتر ونص ‎✔️ ملعقة كبيره بذور التشيا الطريقة: ‎✔️ بنطحن الليمون مع النعنع والثلج ‎✔️ بنضيفهن بإبريق وبنضيف مي عليهن وبنضيف بذور التشيا ‎✔️ الطعم مش حامض ع الاخر القشرة كثييييير بتوازن الحموضة ‎✔️ ممكن تضيفوا محلي

https://www.youtube.com/shorts/db4W4W6CkEg?feature=share كوكيز شوفان وطحينه وشوكلاته رهيباااات بدون بيض وزبده ومنتجات حليب وجداً سهلات 🫶🏻💘💫 المكوّنات: ✔️ ١٠٠ غرام شوكلاته داكنه ✔️ كأسين شوفان (بدون جلوتين للي بده) ✔️ ملعقة صغيرة قرفه ✔️ رشة ملح ✔️ كأس طحينة من السمسم الكامل ✔️ ٢/٣ كأس ميبل او عسل الطريقة: ✔️بنخلطهن بالترتيب منيح منيح ✔️ع ورقه خبيز بنشكل الكوكيز ✔️بندخلهن ع فرن تم تسخيه ع درجة حراره ١٨٠ مدة ١٢-١٥ دقيقه بس يبلشوا شوي يتحمروا جاهزين ✔️قبل لا تقطعوها اعطوها تبرد على راحتها وذوقوا بعدها هالطعم الخرااااااافي 🫠

https://www.youtube.com/shorts/1vLtb50cfWQ?feature=share شوكلاته تويكس صحية من مركبات سهله 💫💘🫶🏻 سناك صحي ولذيذ بجنب كاسة القهوة وبديل ممتاز ومشبع 💫🫶🏻💘 المكوّنات: 💫 للأصابع: ✔️ كأسين لوز مطحون ✔️ ١/٢ كأس حليب صويا ✔️ ملعقة صغيرة فانيلا 💫 الطريقة: ✔️ بنحركهن منيح منيح لحد ما يتماسكن ✔️ بنفردهن ع ورقة خبيز ع شكل مربع (الطبقه تكون نسبياً رفيعه) ✔️ بنشكل خط بالنص وخطوط طالعه منه ليسهل علينا نفصل الأصابع ✔️ ع فرن تم تسخينه ع ٢٠٠ من فوق وتحت بندخلهن (مهم يتحمروا من فوق وتحت) مده ٨-١٠ دقائق- ممكن اكثر او اقل وقت مهم يكونوا محمرات ✔️ وبنفصل كل اصبعين عن بعض بالسكينه 💫 للحشوة: ✔️ ٣/٤ كأس زبده الفستق ✔️ ١/٤ كأس حليب نباتي ✔️ ١/٤ كأس محلي بزبط ميبل او عسل 💫الطريقة: ✔️ بنحركهن منيح ليتماسكن ✔️ بنوزعهن فوق كل اصبعين من أصابع اللوز الي خبزناهن 💫 طبقة الشوكلاته: ✔️ ١٠٠ غرام شوكلاته داكنه استعملت ٩٩٪؜ بزبط من ٧٠٪؜ وفوق ✔️ ربع ملعقة زيت زيتون او زيت جوز الهند الطريقة: ✔️ بنذوبهن بالميكرو من دقيقه لدقيقه ونص مع تحريك كل ١٥ ثانيه ✔️ وبوزع الشوكولاته الداكنه من فوق الاصابع والحشوة ✔️ برتبهن ع ورقه خبيز وع الثلاجة مده ساعه لحد ما تتماسك الشوكلاتة وجاهزين والف صحة وهنا 💫💘🫶🏻