وصفات

https://www.youtube.com/shorts/ORN8AyW7abw?t=4&feature=share كعكة شوفان وموز وشوكولاتة صحية💫💘🫶🏻 بالفترة الأخيرة كثير بتوصلني استفسارات عن الشوفان واشاعات انه طعام لا يصلح للبشر… تعالوا نعمل ترتيب: الشوفان يعتبر من الحبوب يعني زيي الارز او البرغل او لفريكة او القمح يحوي ألياف وفايتمينات ومعادن وفايتمينات بي كومبليكس وأبحاث اشارات انه ساعد على النزول بالميزان بسبب الألياف الي فيه الي بتعطي شعور بالشبع وقلل من نسب الكوليسترول بالدم. تناول الشوفان بتوازن طالما يتناسب مع ملفنا الطبي تمام التمام. ممكن ما ذكر كان القصد عن الشوفان الي يضاف اله سكر وطحين أبيض او الي بيتم تقشيره.ك فبالتالي بيكون مثل الطحين الأبيض. طريقة الكعكة: ✔️ ٢ موز كبار او ثلاث صغار ✔️ كأس شوفان مطحون ✔️ نص كأس حليب نباتي بزبط اي نوع حليب ✔️ ملعقة صغيره فانيلا ✔️ ١٠٠ غرام شوكلاته داكنه استعملت ٩٩٪؜ الطريقة: ✔️ بيتم ضغط الموس وخلطه مع الشوفان والخليب والفانيلا وتحريكهن منيح ✔️ بنوزعهن ع ورقه خبيز وبنوزع قطع شوكلاته داكنه من فوق ✔️ بندخلهن ع الفرن مده ١٣-١٨ دقيقه ع درجة حراره ٢٠٠ من فوق وتحت (ممكن اقل وقت وممكن اكثر حسب نوع فرنكم راقبوها لحد ما تنشف الكعكة) ✔️ وجاهزين بنستناها تبرد وبنقطعها والف صحة وهنا💫💘🫶🏻

https://www.youtube.com/shorts/VrLRfuWe14s?feature=share بوظة بيتيه تحوي بروتين وألياف وبدون قوالب خاصة 💘💫🫶🏻 المكوّنات ل ٤ بوظة: ✔️ موزتين ✔️ ٣/٤ كأس زبادي - استعملت صويا بزبط اي نوع ثاني ✔️ ملعقتين كبار ميبل او عسل طبيعي ✔️ ملعقة كبيرة زبده فستق بدون سكر ✔️ ملعقة صغيرة فانيلا ✔️ ١٥٠ جرام شوكلاته داكنه (استعملت ٩٩٪؜ بزبط من ال٧٠٪؜ وفوق) الطريقة: ✔️ بنضغط الموز منيح منيح ✔️ بنضيف زبادي عليهن والمحلي مع زبده الفستق والفانيلا وبنخلطهن منيح منيح ✔️ ع ورقه خبيز بنشكل بالملعقة ٤ -٥ دوائر (انتوا بتتحكموا بالكبر وبالشكل) ✔️ بالنص بندخل قشه صلبه او اي عود خشبي ✔️ بندخلها ع لفزيزا ساعتين ع الاقل ✔️ بنذوب الشوكولاته الداكنه بالميكرو مع رشه زيت زيتون لما تنحرق معنا بندخلهن مده دقيقه وكل ١٥ ثانيه بنحرك ✔️ بنوزع الشوكلاته فوق الدوائر لمجمدة وفي ٢ من الدوائر وزعت شوكلاته بس من جهه وحده ✔️ بندخلها ع لفريزا مده نص ساعه وجاهزين والف صحة وهنا 💘🫶🏻💫

https://www.youtube.com/shorts/Cpirr9_iPYk?feature=share سناك لذيذ وصحي بجنب كأسة القهوة وسهل بشكل 💘🫶🏻 💫الحلو يحوي دهون غير مشبعه 💫يحوي سيلنيوم مضاد أكسدة رهيب 💫بديل حلو وصحي 💫ما بيعمل ارتفاع حاد مرّة وحدة للسكر بالدم المكونات: ✔️ ٣/٤ كأس لوز ني ✔️ نص كأس جوز برازيلي ✔️ ملعقة صغيرة فانيلا ✔️٤ ملاعق كبار ميبل ✔️ ٤ ملاعق كبار طحينه من السمسم الكامل ✔️ ٢٠٠ غرام شوكلاته داكنه استعملت ٩٩٪؜ كاكاو الطريقة: ✔️ بنطحن اللوز والحوز البرازيلي ناعم ✔️ بنضيف الفانيلا، الميبل والطحينة ✔️ بنحركهن منيح منيح ✔️ بنوزعهن وبنضغطهن بصنيه عليها ورقة خبيز ✔️ بنذوب الشوكلاته الداكنه بالميكرو مع رشات زيت زيتون مده دقيقه كل ١٥ ثانيه بنحركهن ✔️ بنوزع الشوكلاته الذائبة فوق الخليط ✔️ بندخلهن ع الثلاجة مده ساعه ✔️ بنقطعهن وجاهزين والف صحة وهنا 💘🫶🏻

https://www.youtube.com/shorts/8BsGqwVMkBI?feature=share بودينج توت برّي للصيف لذيذ ومشبع 💘🥹 ✔️ ملان ألياف ✔️ يحوي بروتين ✔️ يحوي اوميجا ٣ ✔️ يحوي معادن ✔️ رهيب كوجبة فطور او عشاء المكوّنات لوجبتين: ✔️ حفنة توت برّي مهروسات ✔️ ملعقتين كبار بذور التشيا ✔️ ملعقتين كبار شوفان ✔️ ملعقة عسل ✔️كأس حليب صويا او اي حليب نباتي ✔️ التزيين خياري مش شرط الطريقة: ✔️ بنهرس التوت البرّي ✔️ بنضيف كلّ المكونات وبنحركهن منيح ✔️ بندخلهن ع الثلاجة ع الاقل ٤ ساعات ✔️ وممكن نزينهن بفواكة او جرانولا او ايش بنحب والف صحة وهنا 💘🫶🏻

https://www.youtube.com/shorts/gfUEL7JO12s?feature=share مشروب الخوخ للصيف بدون إضافة سكر 🍹 هدول المشروبات بعشقهن بالصيف وبديل ممتاز للمشروبات الي ملااااانه سكر ومواد مصنعه والحلو زاكية ومنعشه وطريقة حلوه ندخل سوائل للجسد والحلو بالذات بهالمشروب انه حافظنا ع الألياف الي بالفواكة بالتالي الفائدة أكبر 💘🫶🏻🍹 المكوّنات: ✔️ ٢ خوخ حلو ✔️ ٦٠٠ ملل مي ✔️ ملعقة صغيرة فانيلا بزبط بودره وبزبط سائل ✔️ ثلج ✔️ ورق نعنع ✔️ روزبري توت بري بزبط توت عادي ✔️ ٣ قطع خوخ الطريقة: ✔️ بنطحن الخوخ مع المي والفانيلا منيح ✔️ ابريق العصائر بنضيف فيه ثلج ونعنع والتوت البري ومي والعصير الي طحناه (بنضيف العصير وبنكمله لبريق مي) ✔️ يحفظ بالثلاجة ليومين والف صحة وهنا 🫶🏻💘

https://www.youtube.com/shorts/QUoch1N7zhM?feature=share مقروطة العيد من قمح كامل بالقطعة ٦٠ كالوري 💫بدل ١٥٠-٢٥٠ سعرة حرارية بكعكة العيد 💫اقل دهون مشبعه بكثير 💫خفيفه جداً وسهلة جداً 💫للي بده بدائل وما يحرم حاله 💫للي عنده حساسية من منتجات الحليب 💫وتذكروا اهم اشي التوازن حتى لو اكلنا العادي اهم اشي نوازن 🫶🏻 المكوّنات للعجينة: ✔️ كيلو طحين كامل ✔️ ملعقتين كبار دقه كعك ✔️ ملعقة كبيرة قرفه ✔️ ملعقتين كبار سمسم ✔️ نص ملعقة صغيرة خميرة ✔️كأس زيت زيتون ✔️ كأس حليب صويا او اي حليب نباتي ✔️ ملعقة كبيره يانسون وشومر مع كأس ونص مي الطريقة: ✔️ بنخلط كل المكوّنات الجافة (القمح+ لبهارات+ السمسم+ الخميرة) ✔️ بعدها بنضيف زيت الزيتون، حليب الصويا والمي مع لبهارات ✔️ الحليب ضيفوا بالتدريج ممكن تزيدوا وممكن تقللوا حسب نوع القمح ✔️ بنعجنهن منيح منيح ١٠ دقائق عجوة التمر: ✔️ كيلو عجوة تمر ✔️ ملعقة كبيره قرفه ✔️ ملعقتين كبار دقه كعك ✔️ملعقة سمسم ✔️ ملعقتين زيت زيتون الطريقة: ✔️ بنخلط المكونات ولنسهل عجنهن دهنوا ايدكم بزيت زيتون تركيب الكعك: ✔️ بنقطع العجينه لأرباع ✔️ بنفردها ع ورقه خبيز وبنقص الاطراف ✔️ قطع التمر بنضيفهن كل مرة ع طرف العجينه ✔️ بنلف العجينة عليهن وبنقطع الطرف وبنسكره منيح ✔️ وبنقطعهن لقطع صغيرة ✔️ الكيلو عملت ١٩٠-٢٠٠ قطعه تقريباً ✔️ بنرتبهن ع ورقه خبيز ✔️ فرن تم تسخينه من فوق وتحت ع درجة حراره ٢٠٠ ✔️ بنحمرهن من ١٠-١٤ دقيقة راقبوهن من فرن لفرن بختلف ✔️ واول ما يطلعن من الفرن غطوهن بالطنجرة طوالي ليضلوا طريات والف صحة وهنا وبتأمل هالعيد يحمل معه كل الخير الي مستنينه 🙏💖💘🫶🏻

https://www.youtube.com/shorts/qM6_LYjqMlo?feature=share تريند شوكلاته دبي بصورة صحية 🍫 ع قد ما طلبتوا مني فحاولت اعمله بأقل سعرات حرارية وأقل سكر وبدون إضافة زيوت ودهن 💫 تذكروا بالشوكلاته العادية فيها زيت وسكر وبزبدة الفستق اغلبهن فيه اضافة زيت وسكر لهيك حاولت اعملها بأقل سكر واضافات زيوت 💫 المكوّنات: ✔️ ٢٠٠ غرام شوكولاتة داكنه فوق ال٧٠٪؜ - استعملت ١٠٠٪؜ ✔️ حفنة خيوط كنافه ✔️ ٣/٤ كأس حب فستق حلبي مقشر ✔️ ١/٣ كأس عسل طبيعي بزبط ميبل أو أجفا ✔️ ربع كأس حليب نباتي الطريقة: ✔️ بنذوب الشوكلاته ال١٠٠ غرام بالأول بالميكرو بضيف عليها نقاط زيت زيتون وكل ١٥ ثانيه بحرك - بدهن دقيقة بالميكرو ✔️ اي قالب عنا اياه بنضيف عليه ورقة خبيز وبنوزع الشوكلاته الداكنه عليه وع الثلاجة مده نص ساعه ع الاقل ✔️ خيوط لكنافه بنقطعهن لقطع وسط وبنحمرهن ع قلاي بدون ولا اي اضافه حركوهن باستمرار وما تتركوهن لحد ما يتحمروا ✔️ حب الفستق الحلبي والعسل والحليب بخلطهن بالخلاط ✔️ بخلط خيوط لكنافه مع خليط فستق الحلبي وبوزعهن فوق الشوكلاته الي تجمدت بالثلاجة (تعملوش طبقه خميلة) ✔️ وبعدها بذوب شوكلاته داكنه مع شوية نقاط زيت زيتون بالميكرو وبوزعهن من فوق ✔️ وع الثلاجة بدخلهن مدة نص ساعه ع الاقل ✔️ لما تجمد الشوكولاته بقطعهن لمكعبات صغيره وجاهزين وألف صحة وهنا 💫🫶🏻💘

https://www.youtube.com/shorts/TOzSwlToycE?feature=share تريند موس الشوكلاته من مركبين 💘 حبيت كثير أجرّب هالتريند لإنة بالعاده الموس يضاف الة كميات كريما ودهون وسكر هائلة والحلو بهالتريند انه الموس من تفاح وشوكلاته داكنه بس 🫶🏻 💫المكوّنات: ✔️ ٢ تفاح حلو مقشر ومقطع ✔️ ١٠٠ غرام شوكلاته داكنه 💫الطريقة: ✔️ بنسلق قطع التفاح بمي من١٠-١٥ دقيقه ✔️ بنصفيهن وبنضيفهن بكاسة الخلاط ✔️ بنذوب شوكلاته داكنه دقيقة بالميكرو مع نقطتين زيت زيتون وكل ١٥ ثانيه بنحركهن ✔️ وبنخلطهن بالخلاط ( بزبط ع الاخر او تخلو اكم قطعه تفاح مش مطحونه ع الاخر) ✔️ بنسكبهن بعلبه وبندخلهن ع لفريزا من ٢-٤ ساعات ✔️ وجاهزين وفعلياً زيي تماماً طعم المرس وابداً مش ثقيله والف صحة وهنا 💘🫶🏻💫

https://www.youtube.com/shorts/JkMPkGUO4mE?feature=share كوكيز شوفان صحيات 🍪 💫ع فكره في بالشوفان ألياف قابله للذوبان بتصلن بالكوليسترول وبيطلعنوا برّا الجسم بجهازنا الهضمي والي بتعطينا شعور بالشبع 💫وبزبط نستعمل شوفان بدون جلوتين فبصير عنا كوكيز بدون جلوتين 💫المكوّنات: ✔️تفاحتين كبار مبروشات بقشرتهن ✔️كأسين شوفان ✔️ ملعقه صغيره قرفه ✔️ ثلث كأس ميبل او أجفا أو عسل ✔️١٠٠ غرام شوكلاته داكنه ١٠٠٪؜ مكسره ✔️نص كأس حليب لوز او صويا 💫 الطريقة: ✔️ بنخلط كل المركبات مع بعض منيح وبعدها بنشكل كرات بالايد بزبط نحط شويه مي ع ايدينا لنكون الكرات وبنرتبهن ع ورق خبيز ✔️ بندخلهن ع الفرن مده ١٥-٢٠ دقيقه ع درجة حراره ٢٠٠ من فوق وتحت بدون مروحه لما يحمروا بنطلعهن تابعوهن توزيع الخراره من فرن لفرن بختلف وألف صحة وهنا 💘💫 💫ملاحظة اذا حسيته بدهن أزيد سوائل ضيفوا حليب واذا حسيته صرت كثير كثير لزيجات ضيفوا شوفان (الاشي متعلق بنوع الشوفان الي استعملتوه وقديه امتص سوائل )