وصفات

https://www.youtube.com/shorts/q-M53fi2DCU?feature=share   وجبة شوفان فكرة لوجبة عشاء سهله ومشبعه بشكل وبتعرفوا انه الشوفان ممتاز لنوازن بروفيل الكولسترول والنزول بالميزان؟! المكوّنات: ✔️ كأسين حليب نباتي ✔️ كأس شوفان مطحون (شوفان بنطحنه بالمكسر) ✔️ رشه قرفه ✔️ملعقة صغيرة فانيلا ✔️ ملعقة عسل ✔️ التزيين خياري: ممكن توت، شوكلاته او اي نوع فواكه الطريقة: ✔️ ع نار هاديه بنضيف الحليب، الشوفان، القرفه والعسل ✔️ بنستمر بالتحريك مهم جداً لما يلزق - تقريباً من٣-٥ دقائق ✔️ بعدها جاهزين وبنزين الصحن

https://www.youtube.com/shorts/1LBtl8Sp0yY?feature=share   يوم هالجمعه يحمل كل الخير ونسمع فيه بس الخير 🙏🙏🙏🙏 بحب هذول الفيديوهات الي بدون حكي .. بتحبوهن؟! 😅 هاد لسناك خفيف بدون حليب او زبده وسريع واستعملت شوكلاته داكنه ١٠٠٪؜ لانه البسكوت فيه سكر

https://www.youtube.com/shorts/jDX_sDCgPNY?feature=share شو بتسموهن عندكم؟! إحنا حيايا 🫠 المهم من مكونين فقط وبدون ولا أي اضافه سكر وطعمهن وقوامهن بجنن بيطلع وصحي أكثر والحلو بديل ممتاز للجيلاتين الحيواني 👌🫶🏻 المكوّنات: ✔️ كأس عصير طبيعي (بزبط عصير فواكه، عصير تفاح) ✔️ ملعقتين أغار ✔️ للي بده طعم حلو ممكن اضافه ملعقتين ميبل ✔️ ولتغيير اللون ضفت مية شمندر ٤ ملاعق (خياري) الطريقة: ✔️ بنغلي العصير واذا بدنا نضيف ميه الشمندر والميبل ولما يغلوا بنضيف الأغار وبنضل نحرك لحد ما يصير القوام لزج ✔️ بنبلش نعبي بالقالب.. تجمد معهم السائل قبل لا تعبوا بهمش سخنوا وكملوا عبوا بصير سائل ✔️ مش شرط قالب خاص بزبط بصنيه واحنا نقطعهن

https://www.youtube.com/shorts/qgDwZk5tZxo?feature=share كعكة برتقال مع استغلال كامل للحبه بدون بيض ومن قمح كامل 🍊 المكوّنات: ✔️ برش قشرة حبة برتقال كاملة ✔️ عصير ٣ حبات برتقال تقريبًا (كأس وربع عصير) + اللب البرتقال ✔️ ملعقة كبيرة فانيلا ✔️ ١١٣ غرام صلصلة تفاح (موجوده بكل سوبر للأطفال) ✔️ نص كأس زيت زيتون ✔️ كأسين قمح حنطة (كوسامين) كامل مغربل ✔️ ملعقتين صغار بودرة خبيز ✔️ نص ملعقة صغيرة صودا الشرب ✔️ رشة ملح ✔️ كأس سكر بني من قصب السكر الطريقة: ✔️ بنخلط العصير، قشر البرتقال، الفانيلا، صلصلة التفاح وزيت الزيتون مع بعض ✔️ بعدها بنضيف القمح لمغربل، بودرة الخبيز، صودا الشرب، رشة ملح والسكر البني ✔️ بنحركهن وبنخلطهن مع بعض ✔️ بنضيفهن بقالب خبيز ✔️ بنوزع شرائح من البرتقال الي عصرناه ✔️وبنخبزها ع فرن تم تسخينه ع١٨٠ بدون مروحه ✔️ بنخبزها من ٣٠-٤٠ دقيقه لحد ما تطلع قشة أسنان بدون حبيات من النص ✔️ اذا بدكم ترطبوها ممكن تضيفوا عصير برتقال من فوق وجاهزين وذوقوا هالطعم الخرااااااافي بعدها 🫶🏻💫

https://www.youtube.com/shorts/a3CyWJfKDOY?feature=share كعكة القرفة من قمح كامل ❌بدون بيض ❌بدون زبده ❌ بدون حليب المكوّنات: ✔️ ٣ ونص كأس قمح كامل ✔️١/٣ كأس سكر بني ✔️ ملعقة كبيرة خميرة ✔️ ١/٤ كأس زيت جوز الهند الغير مهدرج ✔️١٢٠ غرام صلصلة تفاح ✔️رشة ملح ✔️ ملعقة صغيرة فانيلا ✔️١/٤ كأس حليب صويا ✔️ ١/٤ كأس مي السائل اللامع: ✔️ ١/٤ كأس حليب ✔️ ١/٤ كأس سكر بنغليهن ع الغاز حشوة القرفه: ✔️ ١/٤ كأس سكر بني ✔️ ملعقتين صغار قرفه الطريقة: ✔️بنخلط القمح السكر والخميرة وبعدها بنضيف السوائل الباقية وبنعجنهن منيح بزبط بالإيد او بالعجانه … اذا شعرنا انه العجينة بحاجة لقمح لتتماسك بنضيف قمح تدريجياً (ممكن نضيف من من ثمن ل ربع كأس حسب نوع القمح الي بنستعمله) - مهم مهم مهم نعجنها ١٠ دقائق شوي شوي بتصير تتماسك معنا ✔️ لما تتماسك العجينة بنغطيها وبنتركها تتريح ساعه ونص ✔️ بعد ساعه ونص بنفرد طحين تحت العجينه لما تلزق وبنبلش نوزعها ونفردها لحد ما تكون العجينة اقل من نص سم (بس مش رقيقة كثير) ✔️ بنوزع الحشوة القرفه والسكر ع كل الأطراف ✔️ بندهن صنية خبيز بزيت زيتون وبنوزع الكعكات وبنستنى يتريحن نص ساعه ✔️ بندهنهن بقسم من السائل الي جهزناه ✔️ وع الفرن مدة ٤٠-٤٥ دقيقة (لحد ما تتحمر العجينة ع درجة حراره ١٨٠ من فوق وتحت) ✔️ ولما تطلع من الفرن بندهنها من السائل الي ضل وذوقوا هالطعم وادعولي 🫠

https://www.youtube.com/shorts/Oy4pPgkEDRQ?feature=share شوكو نباتي مناسب للأشخاص الي عندهم حساسيه من اللاكتوز قديه مهم نحافظ على النعمه ونستغل كل اشي بدل ما نرميه وقديه مهم انقدر النعم هالأيام 🙏 ‎المكوّنات لكأسين: ✔️ كأسين حليب نباتي ✔️ نص كأس مي ✔️ ملعقة صغيره بودره كاكاو بدون سكر ✔️ ملعقة محلي طبيعي عسل، ميبل، أجفا ✔️ نص ملعقه فانيلا ✔️ رشة قرفه (خياري اذا بتحبوا يكون بس شوي رشه وحده بس لتشعروا بطعم الكاكاو) الطريقة: ✔️ بنضيف كل المكونات لطنجره ✔️ لحد ما يغلوا كلّ المكوّنات جاهزين صحة وهنا وكل الخير والسلامه 🙏🙏

https://www.youtube.com/shorts/r-YTxomst1w?feature=share   سناك شوكلاته داكنه كرانتشي من مركبين بس بس قبل تعالوا نتطرق ليه جسمنا بيطلب حلو.. في عده أسباب علمية للأمر: ✔️ اما ما تناولنا وقت كثير طعام فبتنزل نسب السكر بالدم ولنوازن بنطلب سكر ✔️ الدوره الشهرية بسبب التغيير الهورموني ✔️ الضائقة النفسية السكر بخلينا نشعر بمواساه، بخلي المشاعر مغبشه للحظات مثلاً الشوكلاته تحوي تريبتوفان بعد سيروره بيولوجيه بتعلي السيراتونين الي هو بوازن مزاجنا ✔️ تناول وجبه كبيرة العمليه الهضميه بتخلينا نتعب لانه الدوره الدمويه مركزه بالهضم مش بالمخ لذلك بنطلب حلو بعد الوجبه لانه يمتص بسرعه وبيعطي طاقه للمخ بسرعه ✔️ تناول سكر بكثره او تناول مواد عليها اضافات سكر بتخلينا نطلب سكر اكثر المكوّنات للسناك: ✔️ ١٠٠ غرام شوكلاته داكنه ٩٠٪؜ ✔️ كأس كورنفلكس بدون سكر وزيوت بزبط جرانولا الطريقة: ✔️ بنذوب الشوكلاتة مع نقطتين زيت زيتون بالميكرو مده دقيقه وكل ١٥ ثانيه بنحركهن ✔️ بنطحن الكورنفليكس ناعم وبعدها بنضيفه للشوكلاته ✔️ بنوزعهن ع ورقه خبيز وع الثلاجة ساعتين ✔️ بنقطعهن والف صحة وهنا نكون جميعاً بخير وصحة وسلامه 🫶🏻🙏

https://www.youtube.com/shorts/bfZi-OYyun4?feature=share نكون جميعاً بخير وسلامه وعافيه 🙏🙏 سناك زبده الفستق مع شوكلاته كثير سهل ومشبع وبشعرنا بالإكتفاء وقت نطلب حلو .. بدون بيض وزبده وحليب وجلوتين اذا استعملنا شوفان بدون جلوتين … المكوّنات: ✔️ كأس ونص شوفان ✔️ كأس لوز بنطحنه ✔️ ١/٤ كأس زبده فستق بزبط طحينه او زبده لوز ✔️ ١/٤ كأس ميبل او عسل ✔️ ١/٤ كأس حليب نباتي ✔️ ١٠٠ غرام شوكلاته مذابه الطريقة: ✔️ بنطحن الشوفان واللوز وبعدها بنضيف الميبل، زبده الفستق والحليب النباتي ✔️ بنفردهم بصنيه بقالب عليه ورقه خبيز ✔️ وبنذوب شوكلاته داكنه بالميكرو مده دقيقه عليها ربع ملعقه زيت زيتون ✔️ بنوزع الشوكلاته من فوق وبندخلها ع الثلاجه مده ساعتين وبعدها بنقطعها وجاهزين والف صحة وهنا 🙏💘

  https://www.youtube.com/shorts/5eAAgUzPjq8?feature=share   هالأيام تحملنا السلامه والعافيه والخير جميعاً 🙏🙏🙏💘💘   هالطريقة صورتها من قبل واليوم بشاركها   كعكة شوكلاته بسيطة بدون حليب وبدون بيض وزبده سهلة جداً ومن قمح كامل مناسبة للأشخاص الي عندهم حساسبه من البيض او اللاكتوز. المكوّنات: ✔️ كأس ونص قمح كامل ✔️ ١/٢ سكر بني ✔️ نص ملعقة صغيرة صودا الشرب ✔️ ٤ ملاعق كبار بودرة كاكاو ✔️ ١/٢ كأس عصيده تفاح (تفاح الأطفال) ✔️ ملعقة كبيره فانيلا ✔️ ١/٤ كأس زيت جوز الهند ✔️ كأس حليب نباتي ✔️ ملعقة كبيره خل تفاح او خل ابيض او ليمون ✔️ ٦ مكعبات شوكلاته مقسمات من فوق: ✔️ ١٠٠ غرام شوكلاته داكنه ٨٠٪؜ لوح كامل ✔️ نص كأس حليب نباتي ✔️ ملعقة صغيره زيت زيتون الطريقة: ✔️ بنخلط المكونات الجافه وبعدها السائله وبنضيف الشوكلاه بالاخر وبنحرك ✔️ بنسكبهن بقالب خبيز مدهن زيت زيتون ✔️ بنسخن الفرن ع درجة حراره ١٧٥ وبندخل الكعكة مده ٣٠ دقيقه لحد ما تجهز (حطوا عود أسنان خشب اذا طلع بدون حبيبات جاهزه الكعكة) ✔️ بنذوب بالميكرو الشوكلاته، الحليب وزيت الزيتون وكل ١٥ ثانيه بنحركهن بدنا دقيقه لدقيقه وربع لحد ما تذوب الشوكلاته ✔️ بنسكب الخليط فوق الكعك وبندخلهن ع الثلاجة ساعه ✔️ والف صحة وهنا 🙏💘