وصفات

https://www.youtube.com/shorts/lfBsERw2uUM?feature=share   كعك عيد بسميد كامل بدون منتجات حليب وزبدة وزيوت مهدرجة ورح يطلعوا معكم رهيبات حرفياً وبفتين فت 🌙 ع مدار سنتين بعمل هالطريقة تحفه حرفياً 💎 المكوّنات: ✔️ ٣ كاسات سميد خشن كامل ✔️ كأسين سميد ناعم ✔️ رشة ملح ✔️ ملعقة كبيره محلب ✔️ ملعقة صغيرة قرفه ✔️ كأسين زيت زيتون ✔️ ١/٤ كوب مي فاتره ✔️ ملعقتين كبار ماء الورد ✔️ ١/٤ كأس حليب صويا (بالآخر بعد العجن) الطريقة: ✔️بنخلط كل المواد بالترتيب وبنعجن العجينه وبنفركها بالإيد واخر اشي بنضيف حليب الصويا لحد ما العجينه تكون متماسكه الي ممكن نشكل كرات منها (ضيفوا حليب الصويا شوي شوي ممكن تحتاجوا اقل أو أكثر من ربع كأس) انا بالضبط حسب السميد الي استعملته ربع كأس حليب صويا ✔️ بنقسم العجينه ل٣ أقسام وبنفردها ع ورقة خبيز بشكل طولي وبنلفها وبعدها بنلفها ببلاستيك او بورق قصدير ✔️ بنتركهن يتريحوا ع الاقل ١٢ ساعه ل١٨ باليوم الثاني: ✔️ بصحن بنفرد العجينه بإيدنا كمان مره وبنفركها ✔️وبعدها بنضيف كمان ١/٤ كأس حليب صويا وبنعجن منيح لحد ما تتكون عجينه متماسكه الي سهل نشتغل فيها مكوّنات الحشوه: ✔️ ١ تمر نص كيلو ✔️ملعقه كبيره قرفه ✔️ملعقتين كبار بهار كعك ✔️ملعقه سمسم كبيره ✔️ ٢ ملاعق كبار زيت ✔️ بنوخد من العجينه دائره كرويه وبنوخذ كره تمر أفضل كرة التمر تكون بشوي اكبر من العجينه (بشوي مش بكثير) ✔️بنحشي العجينه وبندورها ✔️ داااائماً دهنوا قالب المعمول بزيت زيتون ليطلعوا مرتبات ✔️ واضغطوا كرة العجين مع التمر بالقالب ✔️ وزعوهن ع ورقة خبيز ودخلوهن ع فرن تم تسخينه ع ١٨٠ مده ١٢ دقيقة وبعدها حمروهن (غيروا معيار الفرن لتحمير) مده ٣-٤ دقائق لحد ما يتحمروا شويّ مش كثير راقبوهن دائمًا ممكن فرنكم يحتاج أقل أو أكثر وقت ✔️ بعد الخبيز اتركوهن يبردوا ع راحتهن بدون لمس بقلب قالب الخبيز مهم جداً ✔️ وبعدها جاهزين وذوقوا هالطعم الخرااااااافي

https://www.youtube.com/shorts/AvfsnOWhJQE?feature=share شو بدنا نسميه بالعربي لليوم مش لاقيه اسم 🤔 سحوري طووووول رمضان حرفياً 🫠 المكوّنات: ✔️١/٢ كأس شوفان ✔️ ١/٢ كأس حليب ✔️ ١/٤ كأس يوجورت / زبادي صويا ✔️ ملعقة كبيرة بذور التشيا ✔️ ملعقة كبيرة ميبل الطريقة: ✔️بخلطهن وبتركهن بالثلاجة على الاقل ٦-٨ ساعات ✔️ بعمل وبضاعف الكمية ليضل عندي ليومين

https://www.youtube.com/shorts/DpiOCsne-OY?feature=share قطايف مشويات بالفرن بأقل سكر ومن قمح كامل محشيات بالجوز والقشطة النباتية ‎الطعم خرافي والحلو العجينة جداً سهله 🫶🏻☀️✨ ‎مكونات العجينة: ‎✔️كأس ملان قمح كامل/ كوسامين كامل ‎✔️نص معلقه صغيره خميره ‎✔️ملعقه صغيره بودره خبيز ‎✔️ملعقه كبيره سكر بني ‎✔️ ٣/٤ كاس حليب صويا/ لوز ‎ ✔️نص كاس مي ‎الطريقة: ‎✔️ بنخلطه المواد منيح ‎✔️ قلاي سخنه بنضيف عليها مغرفه وحده كل مره ‎لحد ما يتكون فقاعات ع العجينه من فوق وتنشف السوائل هيك بتكون القطعه جاهزه ‎✔️ مهم النار تكون على وسط والقلاي حاميه ‎لحشوة الجوز: ‎✔️نص كأس جوز مطحون ‎✔️نص كأس لوز مطحون ‎ ✔️ملعقه صغيره قرفه ‎✔️ ملعقة صغيرة سكر بني ‎✔️ نص ملعقة ماء الورد ‎الطريقة: بنخلطهن ‎لحشوة الجبنه: ‎✔️ جبنة نباتيه مبروشة او اي نوع جبنه اخر ‎✔️ نص ملعقه قرفه ‎✔️ملعقة كبيرة ميبل طبيعي ‎بنحشي قطعه القطايف وبنسكرها .. بعدها بندهنهن الصنية بزيت جوز الهند وع الفرن مده ١٠ د ع درجة حراره ٢٠٠ من فوق وتحت لحد ما يحمروا (راقبوهن من فرن لفرن مختلف الامر واهم اشي بدون مروحه ) ‎للقطر: ‎✔️ ١/٤ كأس ميبل او عسل ‎✔️ ١/٤ كأس مي ‎✔️ نقاط ماء الورد ‎✔️بنغليهن مع بعض ‎✔️ ولما يبردوا القطايف بنوزعهن من فوق ‎✔️ بنوزع فستق حلبي وورد ‎وذوقوا هالطعم الخرافي 😋 ‎ملاحظات: ‎- خليط العجينه مهم يتحرك منيح مده دقيقه ع الاقل ‎- راقبوا القطايفات الي بالفرن لانه توزيع الحراره مختلف من فرن لفرن ‎- للحشوه عبوها بشكل معتدل لتعرفوا تسكروها وما تنفرط الحبه ‎- - في اشخاص بحبوا تركيز القطر اكثر ممكن اضيفوا ميبل حسب قديه بتحبوا ‎- الكميه رح تعمل ٢٠ قطعه تقريبا

https://www.youtube.com/shorts/x6OV4yy_QaI?feature=share كنافة صحية بدون زبده وسكر أبيض وكميات قطر 🌙 كنافه خفيفه ولذيذه ومش دسمة وثقيله من مره 🌙 المكوّنات: ✔️ خيطان كنافه حسب الكميه الي بدنا نعملها ✔️ ٣ ملاعق زيت جوز الهند الطبيعي الغير مهدرج الطريقة: ✔️ اذا خيطان لكنافه كثييير طوال قطعوهن فبيصير عنا خيطان وسط وبنرش عليهن ٣ ملاعق زيت جوز الهند ✔️ وبنفركهن بالإيد الجبنة: ✔️ جبنة نباتيه بزبط اي نوع جبنه غير مالحه ✔️ ملعقة صغيرة ليمون ✔️ رشات قرفه ✔️ ملعقة كبيرة ميبل الطريقة: ✔️ بنحركهن منيح القطر: ✔️ ربع كأس ميبل ✔️ ١/٢ كأس مي مغليه ✔️ ربع ملعقه مية ورد الطريقة: ✔️ بنحركهم منيح تركيب لكنافه: ✔️ قلاي بدهنها بزيت جوز الهند ✔️بوزع طبقه لكنافه المخلوطه بزيت جوز الهند وبضغطها ✔️ بوزع من خليط الجبنه ✔️بوزع طبقه كنافه وبضغطها فوقهن ✔️ ع غاز كثير هادي بنحمر لكنافه كل وجة ٥ دقائق افحصوا اذا بدك تحمروا ازيد انا بحبها هيك لونها ✔️ تنسوش لما تقلبوها اتدهنوا كمان مره زيت جوز الهند وألف صحة وهنا 💘🌙

https://www.youtube.com/shorts/cKN9PZSbkG4?feature=share كعكة كريمو بدون بيض وحليب وزبده 🍫🍰🥛🧈 من الكعكات الي بحبها وبعزها وكبرت عليها بس هالمرّة حاولت أعملها بصورة أكثر صحية ومتوازنه المكوّنات: ✔️٦٠ غرام شوكلاته ✔️٣/٤ كاس حليب ✔️٣/٤ كاكاو ✔️١/٤ كاس صوص تفاح ✔️١/٢ كاس زيت زيتون او جوز الهند ✔️٢/٣ كاس سكر بني ✔️كاس طحين كامل ✔️ملعقة كبيره بودره خبيز 🍫 بنخلطهن منيح وبنوزعهن بقالب خبيز دهناه بشوية زيت وع الفرن ٢٠ -٢٥ دقيقه ع درجة حراره ١٧٥ لحد ما تجهز الكعكة للچناش: ✔️كاس ونص حليب مكثف من الصويا ✔️ ٢ علب جبنه لوز (٣٥٠ غرام) ✔️ ٦٠ غرام بودينج ✔️ ٤ ملاعق كبار سكر فانيلا (بزبط ستيفيا 🍰 بنخفقهن ١٠ دقائق - بالاول بنخفق الحليب المكثف ٤ دقائق وبعدها بنضيف الباقي لحد ما القوام يثبت 🍰 وبنوزعه فوق الكعكة بعد ما بردت ع الاخر للطبقه من فوق: ✔️ ٢٠٠ غرام شوكلاته ✔️ ربع كأس حليب مكثف (مش شرط) 🍫 بنذوبهن بالميكرو دقيقه وكل ١٥ ثانيه بنحركهن 🍫 وبنوزعهن فوق الكعكة 🍫 بندخل الكعكة ع البراد مده ٣-٤ ساعات ع الاقل ✔️ بنوزع فوقيها توت وبنقطعها وألف صحة وهنا

https://www.youtube.com/shorts/U1Lmi5WJVjo?feature=share   كرات التمر من ٤ مركبات بس 🌙 كتحلاية صحية ما بعد لفطور 🍫 المكوّنات: ✔️ كأسين فستق حلبي مطحون غير مالح ✔️١٢ حبة تمر مطحونات ✔️ملعقة صغيرة بودرة كاكاو ✔️ ملعقة صغيرة فانيلا ✔️ شوكلاته داكنه ٨٠٪؜ وفوق الطريقة: ✔️ بنخلط المكونات ماعدا الشوكلاته الداكنه وبنشكل كرات ✔️ لتسهيل تشكيل الكرات ممكن تبلوا ايدكم مي ✔️ واخر اشي بنذوب شوكلاته داكنه مع شوية زيت زيتون ✔️ ع الثلاجه مده نص ساعه ✔️وألف صحة وهنا

https://www.youtube.com/shorts/kmUfsM_g-YE?feature=share الكعكة الباردة 🌙 ✔️ بدون سكر ابيض ✔️مناسبة للأشخاص الي عندهم حساسيه من الحليب ✔️ سهله ولذيذه المكوّنات للطبقه الأولى: ✔️ بسكوت قمح كامل ١٢ قطعه مطحون ناعم ✔️ ٤ ملاعق كبار زبده الفستق 🌙بنخلطهن مع بعض وبنوزعهن بالصنية الطبقة الثانية: ✔️ ١/٤ كأس زبادي صويا (بزبط اي زبادي/ يوجورت) ✔️ ٢ و ١/٤ كأس حليب صويا (بزبط اي نوع حليب) ✔️ ٤ ملاعق كبار نشاء مذوبات بربع كأس مي ✔️ ملعقة صغيرة فانيلا ✔️ ١/٣ كأس ميبل او عسل 🌙 بنضيف الزبادي والحليب بنحركهن وبنتركهن يغلوا 🌙 لما يغلوا بنذوب المي والنشا لحد ما يكون حبيبات وبنضيفه للخليط 🌙 بنضيف مباشرة الفانيلا والميل 🌙لحد ما يتماسك الخليط ويصير لزج 🌙 ملاحظة ممكن تضيفوا نشاء لانه متعلق بنوع الحليب 🌙 بندخلهن ع الثلاجة مده ساعتين على الاقل وممكن كمان ليله كامله 🌙 بنذوب شوكلاته داكنه وبنوزعهن من فوق جاهزين والف صحة وهنا 💘🫶🏻

https://www.youtube.com/shorts/dIJkzvkPq18?feature=share مشروب التمر الهندي 🌙🍹 🌙 بتعرفوا انه الي يباع بالسوق كمشروب تمر هندي عبارة منكهات شبيهه للتمر الهندي وكميات كبيرة من السكر فعملته بشكل بيتي يدوي طعمه قريب لليمون والحوامض مع حلاوه خفيفه 🌙 المكوّنات مع الطريقه: ✔️ ١٥٠ غرام تمر هندي بدون البزر (مهم) ✔️ كأسين ماء ساخن ✔️بنغليهن ١٠ دقائق ✔️اخر اشي بنضيف السكر البني ضفت كأس (تذكروا رح ينحل مع مي ورح يعمل ٤ لتر ويتوزع هاد بيكون مركز) ✔️ بنصفيهن بقطعه قماش ✔️ وبنتركهن يبردوا ع الاخر ✔️ هسا عنا المشروب للمركز ✔️ ممكن تضيفوا عليه مي كيف بتحبوا بالكميات الي بتفضلوها انا ضفت ع كل نص كأس من المشروب لمركز كأسين مي (ذوقوا وشوفوا) وألف صحة وهنا 💘

https://www.youtube.com/shorts/acQ1PWj5ZQY?feature=share تحلاية الهرم مع توت 🌙🍓🍫 🌙 خفيفة وسهله وبارده وسريعه ونسبياً قليله السكر وبدون حليب وزبده وممكن تنعمل بدون جلوتين اذا اخترنا بسكوت بدون جلوتين🌙 المكوّنات: ✔️ ١٠ حبات صغار توت مقطعات ناعم ✔️ 290 غرام لبنه لوز كريمية بزبط اي نوع لبنه كريما ✔️ ملعقتين كبار عسل ✔️ ربع كأس حليب لوز او صويا او شوفان او اي نوع اخر ✔️ ١٢ بسكوت ✔️ ٥٠ غرام شوكلاته داكنه ٩٩٪؜ كاكاو آلطريقة: ✔️ بنخلط التوت ولبنه اللوز والعسل والحليب مع بعض ✔️ بنرتب البسكوت الي يكون ٣ اسطر عنا منه ✔️ بنوزع الخليط على كل البسكوت (بهمش اذا طلع الخليط شوي بجمد ورح نقطعه) ✔️ وبنضم اطراف ورق القصدير لفوق لنشكل مثلث ✔️ بنسكر عليهن بورقة خبيز ع لفريزا ع الأقل ساعه ✔️ بنوزع بعدها شوكولاته داكنه من فوق ✔️ وبنقطعهن وذوقوا هالطعم الخرافي وألف صحة وهنا 🌙🫶🏻