وصفات

https://www.youtube.com/shorts/E45l1DUfqWc?feature=share كعكة المبروشة ✔️بدون بيض ✔️بدون حليب ✔️ بدون زبده ✔️بدون جلوتين   لذيذه وخفيفه وولا أسهل منها 🫠💘   المكوّنات: ✔️ كأس لوز مطحون (لوز اطحنوه بالمكسر) ✔️ كأس شوفان مطحون بدون جلوتين (شوفان اطحنوه ناعم) ✔️ ١/٢ كأس شوفان بدون جلوتين عادي ✔️ ١/٣ كأس زيت جوز الهند ✔️ ١ تفاحه مبروشة ناعم ✔️ ملعقة كبيرة فانيلا ✔️ ملعقة صغيرة بودرة خبيز ✔️ ربع كأس ميبل أو عسل ✔️ مربى توت بدون سكر   الطريقة: ▫️ بنخلط كل مكونات العجين مع بعض منيح ▫️ ع صنيه فرن دهناها زيت جوز الهند بنوزع ٣/٤ العجينه وبنفردها وبنرفع شوي من الاطراف ▫️ بنحمرها على فرن تم تسخينه على ١٨٠ مدة ١٠ دقائق (تا يتحمر شوي راقبوها ممكن اقل او اكثر وقت) ▫️ بنفرد بعدها وبنوزع لمربى وبعدها ١/٣ العجينه بنرشه من فوق ▫️ بنحمرهن ل ٨ دقائق إضافية لحد ما شوي تتحمر الطبقة الي فوق   وجاهزين وذوقوا هالطعم الخرااااااافي 💘🫠

https://www.youtube.com/shorts/q7neENmHs24?feature=share الفيديو صورتوا ساعتين كاااااملات وتعبت عليه بآخره اكتشفت إنه ضاغطه بالغلط على زر الإضاءة الغلط … فجودة الفيديو من مرّه بعرف… ترددت اطلعه ولا لا .. وخفت لا يحكوا عني غير مهنية بعملي 😭 … بالاخر حبيت اطلعه لإنة هاد الواقع وفش اشي مثالي وهاي حياتي مع عسر التركيز 😅   كرات الشوكلاته بدون منتجات حليب وبيض وبدون جلوتين جدًا سهلات ومن ٥ مركبات بس   المكوّنات: ✔️ 10 كعك أرز مطحون ✔️6 تمر منقوع ساعه ✔️ 1/3 كأس طحينة من السمسم الكامل ✔️ ملعقة كبيرة فانيلا ✔️ كأس شوكلاته داكنه + مع ربع ملعقة زيت زيتون   الطريقة: ✔️ بنطحن كعك الأرز بشكل وسط (مش ناعم ع الاخر) ✔️ بنطحن التمر ناهم ليصير معجون ✔️ وبنخلط كعك الرز والتمر مع الطحينة والفانيلا لحد ما يتكون عندي خليط متجانس ✔️ بنشكل كرات من الخليط ✔️ بنذوب شوكلاته وزيت الزيتون بالميكرو مده دقيقه ل دقيقه و١٥ ثانيه - كل نص دقيقه بنحركهن ✔️ بنغطس الكرات بالشوكلاتة الي ذوبناها ✔️ بنرتبهن ع ورقة خبيز وع الثلاجة مده ساعه   وبعد ساعه ذوقوا هالطعم الخرااااااافي 💘

https://www.youtube.com/shorts/e_UyEaFcNuQ?feature=share فكرة لوجبة فطور أو عشاء 🫠💘   من الوجبات الي بحبها بالصيف سهله وبتبرد وسريعه وملانه ألياف ومشبعه بشكل بسبب هالأمر 🫠   المكوّنات: ✔️كأس حليب نباتي استعملت صويا ✔️ ٤ ملاعق كبار بذور التشيا ✔️ ملعقة صغيرة فانيلا ✔️ ملعقة كبيرة محلي طبيعي (عسل/ ميبل/ أجفا) ✔️ قطع مانجو   الطريقة: ▫️ بنحرك كل المركبات مع بعض التشيا وحليب الصويا والفانيلا والمحلي ▫️ بنتركهن بالثلاجة ع الاقل ٦ ساعات وممكن ٢٤ ساعه (احيانا بضاعف الكمية وبعملها ل٣ أيام) ▫️ واخر اشي بنوزع قطع المانجو من فوق وجاهزين   وذوقوا بعدها هالطعم الخرااااااافي 💘🫠

https://www.youtube.com/shorts/nQVfyrTsX54?feature=share يا صباح الخير لأهل الخير وليوم الجمعه 💘✨🍪   كوكيز شوفان وفواكه الصيف بدون اضافة سكر ملانه ألياف وصحية ورهيبه بجنب كأس القهوة بدون بيض وحليب حيواني 💘   المكوّنات: ✔️ كأسين شوفان ✔️ كأس حليب صويا او لوز ✔️ ملعقة صغيرة قرفه ✔️ ملعقة كبيرة فانيلا ✔️ ملعقة صغيرة بودرة خبيز (بيكينج باودر) ✔️ ٢ مشمش مستوي + ٢ خوخ مستوي حلو   الطريقة: ▫️ بنخلط كل المركبات مع بعض (الخوخ والمشمش قطعوهن ناعم اذا مش حلوات ضيفوا محلي ربع كأس زي العسل او الميبل الطبيعي) ▫️ بنرتبهن ع ورقه خبيز (اذا مش متماسكات تخافوش لما تخبزوهن خلوهن يبردوا وبتماسكوا) ▫️بنضيف شوكلاته من فوق ▫️ بنخبزهن ع درجة حراره ٢٠٠ مده ٢٠ دقيقه لحد ما يحمروا   وجاهزين وذوقوا هالطعم الخرااااااافي بعدها 💘🍪🫠

https://www.youtube.com/shorts/dP6c6c-YS7M?feature=share أزكى مشروب صيفي غازي من الفواكة صحي ومن ٣ مركبات 🫐☘️🤤💘☀️   في اختلاف ع مية الصودا لكن أغلب الأبحاث تشير على انه تناولها آمن للجهاز الهضمي بل بالعكس بتساعد بحالات الإمساك وأوجاع البطن لكن البعض ممكن يشعروا بنفخه بسبب الغازات .. لكن بشكل عام بتضلها بديل ممتاز عن المشروبات الغازية المحلاه ومهم نشربها ونتناولها بتوازن …   المكوّنات: ✔️ توت أسود ✔️ نعنع ✔️ باسيفلورا ✔️ ملعقة صغيره فانيلا ✔️ صودا الشرب ✔️ ثلج   وذوقوا هالطعم الخرااااااافي بعدها 💘☀️🫐🤤

https://www.youtube.com/shorts/RraVw6zG5A8?feature=share تريند التوت البري - سناك بلش بجنوب أميركا وانشهر حول العالم بصورة مخيفة اسم السناك franui المهم عملته ع الطريقة الصحية من ٣ مركبات والطعم طلع خراااافي 🩷💘🤤✨   ع فكرة التوت البري ملاااان فايتمين سي، ألياف، مضادات أكسده وفلافنوئيدز 💘🍫✨   المكوّنات: ✔️ نص كأس شوكلاته داكنه مع نص ملعقة صغيره زيت زيتون ✔️ ملعقتين بذور التشيا ✔️ ونص علبه توت أحمر بري   الطريقة: ▫️ بنذوب الشوكلاته بالميكرو مده دقيقه وكل نص دقيقه بنحرك ▫️ بعدها بنسكب عليهن بعد ما ذابوا بذور التشيا وبنحرك ▫️ التوت البري بعد ما غسلناه ونشفناه ع ورقة مطبخ بنغطسه بالشوكلاته الداكنه ▫️ بنوزعهن ع ورقه خبيز وع الثلاجة مده ٣ ساعات   وذوقوا بعدها هالطعم الخرااااااافي 🤤💘🍫

https://youtu.be/GNs-bheuoN4 ماجنوم صحي بدون حليب وبأقل سكر ويحوي بروتين نباتي 🌱🍫   بصراحة الطعم جدًا فاجئني توقعاتي منه كانت مش هالقد عاليه لإنة مش كثير بحب الزبادي لمجمد (لفروزن يوجورت) بس الطعم طلع رهيب حرفياً 💘   المكوّنات: ✔️ ٢ يوجورت / زبادي صويا ✔️ ملعقة كبيرة فانيلا ✔️ ملعقة كبيرة زبده الفستق ✔️ ملعقة كبيرة محلي طبيعي: عسل، ميبل، أجفا ✔️ نص كأس شوكلاته داكنه + ملعقة صغيرة زيت زيتون   ملاحظة: ذوقوا الخليط اذا بدكم تحلوا ضيفوا محلي حسب رغبتكم   الطريقة: ▫️ بنخلط الزبادي والفانيلا وزبدة الفستق والمحلي مع بعض ▫️ بنوزعهن على ورقه خبيز (اختاروا اي حجم بدكم) انا اخترت اقسم الخليط لقسمين بزبط تقسموهن لأربع أقسام ▫️بالنص بندخل عود خشب وبنسكر مكان إدخالة ▫️بندخلهن ع لفريزا مده ٢٤ ساعه ▫️ بعد ٢٤ ساعه بنذوب الشوكلاته مع زيت الزيتون بالميكرو مده دقيقه كل نص دقيقة حركوهن ▫️ وبنقسم الشوكلاته لصحنين هيك بنسكب الشوكلاته عليهن من فوق والشوكلاته المتبقية الي ما التصقت تسكب بالصحن الاخر وهيك بنمتنع عن هدر الشوكلاته (بزبط تعبو كأس شوكلاته وتغطسوها فيه بس بضل كثير شوكلاته وبروح هدر) ▫️ بنوزعهن ع ورقة الخبيز وبندخلهن لفريزا مده ساعتين   وجاهزين وذوقوا بعدها هالطعم الخرااااااافي 🫠💘🍫

https://youtu.be/EdrbzPJfliI سناك كرانتشي مع شوكلاته من ٣ مركبات بس والحلو بديل صحي أكثر لما بيجي ع بالنا اشي حلو 🍫💘   كثير بحب هدول السناكس السهلات والسريعات والي تطبيقهم سهل، بيعطوني امكانية أتعايش مع نمط الحياة الصحي بصورة أسهل وأكثر سلاسه وبنفس الوقت بمنحن شعور لطيف على القلب في ظل ضغوطات الحياة والعمل، نعمل اشي بإيدنا ونوكل منه ولا مره لقيتله تفسير دقيق بس بيشعرنا بالإكتفاء زي مشروع علم خططناه ونجحنا فيه 💘   المكوّنات: ✔️ نص كأس لوز ني مطحون ✔️ نص كأس كورنفلكس، حبوب (استعملت حبوب كامله) ✔️ ٣/٤ كأس شوكلاته داكنه   الطريقة: ◽️ بعد ما طحنا اللوز بنضيف اله الحبوب ◽️ بنذوب الشوكلاته الداكنه بملعقة زيت زيتون ◽️ بنسكبها على اللوز والحبوب وبنخلطهن منيح ◽️ بنوزعهن بصنيه تم توزيع ورقة خبيز عليها ◽️ وبنضغطهن ليكون المستوى العليوي متساوي ◽️ بندخلهن ع لفريزا مده ٤ ساعات على الاقل ◽️ بنقطعهن لمكعبات وجاهزين وذوقوا بعدها هالطعم الخرااااااافي 💘🤤🍫

https://youtu.be/nS9Y_5Rg8wo كاكاو بيتي رهيب رهيب ومن ٣ مكونات رئيسية طعمه لا ينتمي لهاد الكوكب وبديل صحي للكاكاو الي ملاااان زيوت مهدرجة والحلو يحوي ألياف، حامض الفوليك وحديد   المكوّنات للكاكاو البيتي: ٦ تمر ملعقة كبيرة كاكاو رشة ملح ١٠ ملاعق كبار كريم جوز الهند ١/٢ ملعقة فانيلا   ️بنخلطهن بالمكسر منيح منيح لحد ما يصير نسيج متجانس (ممكن تزيدوا كريم جوز الهند عند الطحن حسب نوع التمر) ️ وبتحفظرا بالثلاجة لأسبوعين   بنوزع نوتيلا فوق لكريب وذوقوا هالطعم الخرااااااافي