وصفات

https://www.youtube.com/shorts/gifF5RZHt6w?feature=share زهرة زيي المقليه بس بأقل سعرات حرارية 🌱 بدون فرن ولا طنجرة هوائية والحلو هالصحن ملان كالسيوم وحامض الفوليك وبسعرات حراريه قليلة 🌱 المكوّنات: ✔️ زهرة وسط (الزهور بنفصلها) ✔️ ملعقتين زيت زيتون ✔️ عصرة ليمونه ✔️ رشات ملح ✔️ ملعقة كبيرة طحينه من السمسم الكامل ✔️ ملعقة سمسم ✔️ ورشات بقدونس الطريقة: ✔️ بنسلق زهور الزهره نص سلقه من ١٠ دقائق ل١٢ دقيقة راقبوهن ما يستوا ويتفتفتوا ✔️ بنصفي الزهره منيح ✔️بقلاي بنضيف زهور الزهره وبنشف المي ولما تبلش تتحمر بنرش زيت الزيتون وبنحرك القلاي مش بالملعقه لما يتفتفتوا ✔️ ولما يوخذوا لون ويتحمروا بنتبلهن بالليمون، الملح، الطحينة، السمسم ورشات بقدونس وجاهزين والف صحة وهنا 🩷

https://www.youtube.com/shorts/oAkhNrEaQrc?feature=share بوريكس بيتزا صحي 🫠🫠🫠🍕🍕🍕🍕

https://www.youtube.com/shorts/Gzr8QRReiA0?feature=share سرّ سلطة فواكة 🍓🍊🍎 عملتها كتحلايه بعد الإفطار بتشهي والحلو ملانه فايتمينات ومعادن وألياف وسوائل وأملاح لترجع للصائم المكوّنات: ✔️ تفاح ✔️ برتقال ✔️ مانجو ✔️ توت ✔️ عصرة برتقال ✔️ عصرة ليمونه ✔️ ورق نعنع مجفف ✔️ توت بري الطريقة: ✔️ بنقطع الفواكه وبنعصر عليهن البرتقال والليمون والنعنع لمجفف ✔️ واخر اشي بنضيف التوت البري ليضل متكامل ✔️ طارت بقتنيه بس ع فكرة تحفظ بالثلاجة مده يومين الف صحة وهنا 💘

https://www.youtube.com/shorts/bbu8IoHf9YA?feature=share وهاي طريقة سلطة ملفوف كرانتشي 🥗 ملانه ألياف واجتمع فيها الطعم الحلو والحامض والمالح لذيذه بشكل مش طبيعي المكوّنات: ✔️ نص ملفوف وسط ✔️ حفنه كزبره مفرومه وسط ✔️ رشات نعنع مجفف او نعنع فريش ✔️ حفنة بذور عباد الشمس محمصه ✔️ ملعقة كبيره سمسم ✔️ حفنه توت بري مجفف بدون سكر ✔️ عصرة ليمون ✔️ رشات ملح ✔️ ملعقة كبيرة صويا ✔️ ١ ثومه مهروس ✔️ ملعقة كبيرة زيت زيتون الطريقة: ✔️بنقطع الخضار بنضيف التوت البري ✔️ وبنزيد التتبيله من فوق ✔️ وبنحركهن وجاهزين والف صحة وهنا

https://www.youtube.com/shorts/DpiOCsne-OY?feature=share قطايف مشويات بالفرن بأقل سكر ومن قمح كامل محشيات بالجوز والقشطة النباتية ‎الطعم خرافي والحلو العجينة جداً سهله 🫶🏻☀️✨ ‎مكونات العجينة: ‎✔️كأس ملان قمح كامل/ كوسامين كامل ‎✔️نص معلقه صغيره خميره ‎✔️ملعقه صغيره بودره خبيز ‎✔️ملعقه كبيره سكر بني ‎✔️ ٣/٤ كاس حليب صويا/ لوز ‎ ✔️نص كاس مي ‎الطريقة: ‎✔️ بنخلطه المواد منيح ‎✔️ قلاي سخنه بنضيف عليها مغرفه وحده كل مره ‎لحد ما يتكون فقاعات ع العجينه من فوق وتنشف السوائل هيك بتكون القطعه جاهزه ‎✔️ مهم النار تكون على وسط والقلاي حاميه ‎لحشوة الجوز: ‎✔️نص كأس جوز مطحون ‎✔️نص كأس لوز مطحون ‎ ✔️ملعقه صغيره قرفه ‎✔️ ملعقة صغيرة سكر بني ‎✔️ نص ملعقة ماء الورد ‎الطريقة: بنخلطهن ‎لحشوة الجبنه: ‎✔️ جبنة نباتيه مبروشة او اي نوع جبنه اخر ‎✔️ نص ملعقه قرفه ‎✔️ملعقة كبيرة ميبل طبيعي ‎بنحشي قطعه القطايف وبنسكرها .. بعدها بندهنهن الصنية بزيت جوز الهند وع الفرن مده ١٠ د ع درجة حراره ٢٠٠ من فوق وتحت لحد ما يحمروا (راقبوهن من فرن لفرن مختلف الامر واهم اشي بدون مروحه ) ‎للقطر: ‎✔️ ١/٤ كأس ميبل او عسل ‎✔️ ١/٤ كأس مي ‎✔️ نقاط ماء الورد ‎✔️بنغليهن مع بعض ‎✔️ ولما يبردوا القطايف بنوزعهن من فوق ‎✔️ بنوزع فستق حلبي وورد ‎وذوقوا هالطعم الخرافي 😋 ‎ملاحظات: ‎- خليط العجينه مهم يتحرك منيح مده دقيقه ع الاقل ‎- راقبوا القطايفات الي بالفرن لانه توزيع الحراره مختلف من فرن لفرن ‎- للحشوه عبوها بشكل معتدل لتعرفوا تسكروها وما تنفرط الحبه ‎- - في اشخاص بحبوا تركيز القطر اكثر ممكن اضيفوا ميبل حسب قديه بتحبوا ‎- الكميه رح تعمل ٢٠ قطعه تقريبا

https://www.youtube.com/shorts/x6OV4yy_QaI?feature=share كنافة صحية بدون زبده وسكر أبيض وكميات قطر 🌙 كنافه خفيفه ولذيذه ومش دسمة وثقيله من مره 🌙 المكوّنات: ✔️ خيطان كنافه حسب الكميه الي بدنا نعملها ✔️ ٣ ملاعق زيت جوز الهند الطبيعي الغير مهدرج الطريقة: ✔️ اذا خيطان لكنافه كثييير طوال قطعوهن فبيصير عنا خيطان وسط وبنرش عليهن ٣ ملاعق زيت جوز الهند ✔️ وبنفركهن بالإيد الجبنة: ✔️ جبنة نباتيه بزبط اي نوع جبنه غير مالحه ✔️ ملعقة صغيرة ليمون ✔️ رشات قرفه ✔️ ملعقة كبيرة ميبل الطريقة: ✔️ بنحركهن منيح القطر: ✔️ ربع كأس ميبل ✔️ ١/٢ كأس مي مغليه ✔️ ربع ملعقه مية ورد الطريقة: ✔️ بنحركهم منيح تركيب لكنافه: ✔️ قلاي بدهنها بزيت جوز الهند ✔️بوزع طبقه لكنافه المخلوطه بزيت جوز الهند وبضغطها ✔️ بوزع من خليط الجبنه ✔️بوزع طبقه كنافه وبضغطها فوقهن ✔️ ع غاز كثير هادي بنحمر لكنافه كل وجة ٥ دقائق افحصوا اذا بدك تحمروا ازيد انا بحبها هيك لونها ✔️ تنسوش لما تقلبوها اتدهنوا كمان مره زيت جوز الهند وألف صحة وهنا 💘🌙

https://www.youtube.com/shorts/cKN9PZSbkG4?feature=share كعكة كريمو بدون بيض وحليب وزبده 🍫🍰🥛🧈 من الكعكات الي بحبها وبعزها وكبرت عليها بس هالمرّة حاولت أعملها بصورة أكثر صحية ومتوازنه المكوّنات: ✔️٦٠ غرام شوكلاته ✔️٣/٤ كاس حليب ✔️٣/٤ كاكاو ✔️١/٤ كاس صوص تفاح ✔️١/٢ كاس زيت زيتون او جوز الهند ✔️٢/٣ كاس سكر بني ✔️كاس طحين كامل ✔️ملعقة كبيره بودره خبيز 🍫 بنخلطهن منيح وبنوزعهن بقالب خبيز دهناه بشوية زيت وع الفرن ٢٠ -٢٥ دقيقه ع درجة حراره ١٧٥ لحد ما تجهز الكعكة للچناش: ✔️كاس ونص حليب مكثف من الصويا ✔️ ٢ علب جبنه لوز (٣٥٠ غرام) ✔️ ٦٠ غرام بودينج ✔️ ٤ ملاعق كبار سكر فانيلا (بزبط ستيفيا 🍰 بنخفقهن ١٠ دقائق - بالاول بنخفق الحليب المكثف ٤ دقائق وبعدها بنضيف الباقي لحد ما القوام يثبت 🍰 وبنوزعه فوق الكعكة بعد ما بردت ع الاخر للطبقه من فوق: ✔️ ٢٠٠ غرام شوكلاته ✔️ ربع كأس حليب مكثف (مش شرط) 🍫 بنذوبهن بالميكرو دقيقه وكل ١٥ ثانيه بنحركهن 🍫 وبنوزعهن فوق الكعكة 🍫 بندخل الكعكة ع البراد مده ٣-٤ ساعات ع الاقل ✔️ بنوزع فوقيها توت وبنقطعها وألف صحة وهنا

https://www.youtube.com/shorts/S_SJ6UrFEDw?feature=share سلطة شمندر وشومر خياليه 🌙 الحلو بهاي السلطة ممتازه لمرضى السكري ومرضى ضغط الدم وللاشخاص الي عندهم عسر هضمي برمضان ممتازه بسبب الشمندر 🌙 المكوّنات: ✔️١ بصل بنفسجي ✔️ ٣ خيار ✔️ ١ شومر ✔️ ١ شمندر مسلوق ✔️ حفنة كزبره ✔️ عصرة ليمون ✔️ رشة ملح ✔️ ملعقة كبيرة زيت زيتون الطريقة: ✔️ بنقطع كل المكوّنات لمكعبات وبنفرم الكزبره ✔️ وبنتبلهن وجاهزين وصحة وهنا 💘🌙

https://www.youtube.com/shorts/U1Lmi5WJVjo?feature=share   كرات التمر من ٤ مركبات بس 🌙 كتحلاية صحية ما بعد لفطور 🍫 المكوّنات: ✔️ كأسين فستق حلبي مطحون غير مالح ✔️١٢ حبة تمر مطحونات ✔️ملعقة صغيرة بودرة كاكاو ✔️ ملعقة صغيرة فانيلا ✔️ شوكلاته داكنه ٨٠٪؜ وفوق الطريقة: ✔️ بنخلط المكونات ماعدا الشوكلاته الداكنه وبنشكل كرات ✔️ لتسهيل تشكيل الكرات ممكن تبلوا ايدكم مي ✔️ واخر اشي بنذوب شوكلاته داكنه مع شوية زيت زيتون ✔️ ع الثلاجه مده نص ساعه ✔️وألف صحة وهنا