وصفات

https://www.youtube.com/shorts/TOzSwlToycE?feature=share تريند موس الشوكلاته من مركبين 💘 حبيت كثير أجرّب هالتريند لإنة بالعاده الموس يضاف الة كميات كريما ودهون وسكر هائلة والحلو بهالتريند انه الموس من تفاح وشوكلاته داكنه بس 🫶🏻 💫المكوّنات: ✔️ ٢ تفاح حلو مقشر ومقطع ✔️ ١٠٠ غرام شوكلاته داكنه 💫الطريقة: ✔️ بنسلق قطع التفاح بمي من١٠-١٥ دقيقه ✔️ بنصفيهن وبنضيفهن بكاسة الخلاط ✔️ بنذوب شوكلاته داكنه دقيقة بالميكرو مع نقطتين زيت زيتون وكل ١٥ ثانيه بنحركهن ✔️ وبنخلطهن بالخلاط ( بزبط ع الاخر او تخلو اكم قطعه تفاح مش مطحونه ع الاخر) ✔️ بنسكبهن بعلبه وبندخلهن ع لفريزا من ٢-٤ ساعات ✔️ وجاهزين وفعلياً زيي تماماً طعم المرس وابداً مش ثقيله والف صحة وهنا 💘🫶🏻💫

https://www.youtube.com/shorts/JkMPkGUO4mE?feature=share كوكيز شوفان صحيات 🍪 💫ع فكره في بالشوفان ألياف قابله للذوبان بتصلن بالكوليسترول وبيطلعنوا برّا الجسم بجهازنا الهضمي والي بتعطينا شعور بالشبع 💫وبزبط نستعمل شوفان بدون جلوتين فبصير عنا كوكيز بدون جلوتين 💫المكوّنات: ✔️تفاحتين كبار مبروشات بقشرتهن ✔️كأسين شوفان ✔️ ملعقه صغيره قرفه ✔️ ثلث كأس ميبل او أجفا أو عسل ✔️١٠٠ غرام شوكلاته داكنه ١٠٠٪؜ مكسره ✔️نص كأس حليب لوز او صويا 💫 الطريقة: ✔️ بنخلط كل المركبات مع بعض منيح وبعدها بنشكل كرات بالايد بزبط نحط شويه مي ع ايدينا لنكون الكرات وبنرتبهن ع ورق خبيز ✔️ بندخلهن ع الفرن مده ١٥-٢٠ دقيقه ع درجة حراره ٢٠٠ من فوق وتحت بدون مروحه لما يحمروا بنطلعهن تابعوهن توزيع الخراره من فرن لفرن بختلف وألف صحة وهنا 💘💫 💫ملاحظة اذا حسيته بدهن أزيد سوائل ضيفوا حليب واذا حسيته صرت كثير كثير لزيجات ضيفوا شوفان (الاشي متعلق بنوع الشوفان الي استعملتوه وقديه امتص سوائل )

https://www.youtube.com/shorts/dnKa87rA50c?feature=share صنية باتنجان زيي ستاتنا 🥹🙏 من اكثر الأكلات العالقه عندي بالذاكرة هي صنية الباذنجان من تحت ايدين ستي طعمها كان خيالي خيالي فقررت أعملها بطريقة اكثر صحية وأخف وبنفس الوقت مع المحافظة على الطعم 🫶🏻💫 المكوّنات: ✔️ ملعقتين كبار زيت زيتون ✔️ ١ بصل وسط مقطع ✔️٤ ثومه مقطعات ✔️ ٤ بندوره مقطعات ✔️ ٣ باذنجان مقطع ومشوي بالفرن ✔️ ملعقة صغيرة بهار مخلوط ✔️ رشة ملح حسب الطعم ✔️ رشة فلفل أسود ✔️ كأس مي ✔️ ٣ ملاعق كبار صلصلة بندوره الطريقة: ✔️ بنقطع وبنشوي الباذنجان- بنرش عليهن زيت زيتون وملح وبنحركهن منيح وبندخلهن ع فرن ٢٠٠ من فوق وتحت وكل ٣-٤ دقائق بنحركهن ليستوين وبنحمرهن مده ٢٠ -٣٠ دقيقه ✔️ بقلاي بنضيف زيت الزيتون وبعدها بنشوح قطع البصل والثومة ولما يتذبلن بنضيف البندورة والباذنجان ✔️ بنبهرهن ببهار مخلوط وملح وفلفل أسود ✔️ بنضيف المي وصلصة البندورة وبنحرك ✔️ بنغطيهن لما يبلشوا يغلوا وبنتركهن ع نار هادية ١٠ دقائق ✔️ لما يستوا وتخف المي بنضيفهن بالصنية وبنوزعهن وبندخلهن بفرن تم تسخينه ع ٢٢٠ مدة ٦-٨ دقائق راقبوهن لحد ما يتحمرن طلعوهن وجاهزين والف صحة وهنا 💘🫶🏻💫

https://www.youtube.com/shorts/6q_beFetWBY?feature=share

https://www.youtube.com/shorts/AxCFBaSCojo?feature=share كعكة الشوكلاته الوحيدة الي طريقتها ما بتطلعلي حب على وجهي وبعملها كل سنه يوم عيد ميلادي 🎂💫☀️💘 بدون بيض، وحليب وزبده بتاتاً وسهلة بشكل وهشة بتطلع بشكل مش طبيعي 💫 المكوّنات: ✔️ثلث كأس زيتون ✔️ملعقة كبيرة خل تفاح او عصير ليمون ✔️كأس مي سخنه جداً ✔️رشة ملح قليله ✔️ كأس سكر بني من قصب السكر ✔️كأس وثلث قمح self raising ✔️ ملعقة صغيرة صودا الشرب- بيكربونات الصوديوم ✔️ ملعقتين كبار بودرة كاكاو بدون سكر ✔️ ١٠٠ غرام شوكلاته داكنه مع نقاط زيت زيتون ✔️سكريات ملونه خياري الطريقة: ✔️ بنخلط الزيت مع الخل والمي والملح والسكر منيح منيح ✔️ بنضيف الطحين والصودا وبنحرك منيح وبعدها بودرة الكاكاو وبنحرك ✔️ قالب الخبيز بندهنه زيت زيتون ✔️ بنسكب الخليط فيه وبندخله ع فرن تم تسخينه مسبقاً ع الاقل ١٠ دقائق ع درجة حراره ١٨٠ مده ٢٥-٣٠ دقيقه من فوق وتحت حراره بدون مروحه لحد ما تستوي الكعكة ✔️ بنذوب الشوكلاته الداكنه وزيت الزيتون بالميكرو مده دقيقه وكل ١٥ ثانيه خلال هالدقيقه بنحركهن ✔️ بنوزع الشوكلاته الداكنه من فوق مع سكريات ✔️ بنتركها تبرد براحتها او بالثلاجة نص ساعه وجاهزين وذوقوا هالطعم الخرافي 💘💫🎂

https://www.youtube.com/shorts/CL1FooOeMLM?feature=share حلو صحي بدقيقه بالميكرو 🫠💘 بتعرفوا هذول اللحظات جاي ع بالي حلو هسا ومليش خلاق استنى ساعه لكعكة ولا اوسخ المطبخ ويتكوم جلي 🙈 وبدي اشي صحي بنفس الوقت هاد التريند الي طالع اجى بوقته فجربتها 🫠💘 بدون زبده وبدون بيض وسهلة سهله سهلة المكوّنات: ✔️ ٤ ملاعق زبده الفستق ✔️ ٣ ملاعق كبار ميبل او عسل او اي محلي طبيعي ✔️ ملعقتين حليب نباتي ( بزبط اي نوع حليب) ✔️ ٥ ملاعق بودرة كاكاو بدون سكر ✔️ شوكلاته شيبس الطريقة: ✔️ بحرك زبده الفستق والمحلي والحليب وبودره الكاكاو مع بعض منيح- لحد ما يصير عندي قوام الي زيي العجينه ✔️ بعجنهن بالإيد وبرتبهن ع ورقة خبيز وبوزع شوكلاته شيبس من فوق ✔️ وع الميكرو دقيقه وحده ✔️ بخليها تتريح ١٠ دقائق ع الورقة وجاهزين ✔️ ممكن اذا حسيتوا بدها حلاوه تضيفوا محلي من فوق والف صحة وهنا 💘🫶🏻💫

https://www.youtube.com/shorts/pX0f2tVt9vc?feature=share حمص وفلافل بيتي تحفه 🫠 من أكثر الأكلات الي بعشقها وبستشعر بقيمتها وأهميتها بالمعنى العميق 🫶🏻 💫 تم نقع حبيبات الحمص ٢٤ ساعه وبدلت المي مرتين لأقلل من الحامض الفيتي وأحسن من عملية الامتصاص 💫 كتبتلكم ملاحظات بالطرق 🫶🏻 💫المكوّنات للفلافل: ✔️ كيلو حمص منقوع ✔️ حفنه بقدونس ✔️ حفنه كزبره ✔️ ١ بصل ✔️ ١ فلفل أحمر ✔️ ملعقة ملح ✔️ ملعقة ونص بهار فلافل ✔️ ملعقة كبيرة بودرة خبيز بيكينج باودر ✔️ ملعقتين كبار طحين من قمح كامل الطريقة: ✔️ الحمص+ البقدونس+ الكزبره+ البصل والفلفل الاحمر بنطحنهن بالمكسر دقيقتين ✔️ بنضيف بعدها الملح، بهار الفلافل، بودرة الخبيز والطحين وبنحرك العجنه منيح منيح - هون ممكن عذوقوا اذا بدكم تزيدوا ملح او بهار فلافل ✔️ للفلافل المشوي- بندهن ايدنا زيت زيتون وبنشكل كرات وبنوزعهن ع ورقه خبيز وبندخلهن ع فرن تم تسخينه ع٢٠٠ من فوق وتحت مده ١٠ -١٣ دقيقة راقبوهن من فرن لفرن بختلف ✔️ ملاحظة ممكن قلي الفلافل عادي افضل نشويه طبعاً جربوا كره وحده اذا ما قرمشت ضيفوا شوية طحين واقلوا ومهم للقلي الزيت بكون سخن وبعدها تخفضوا- وليكون اقل ضرر القلي اقلوا بزيت زيتون 🙈 💫مكونات الحمص: ✔️ كأس حمص مسلوق بصودا الشرب مده نص ساعه ✔️ كأس طحينة من السمسم الكامل ✔️ نص كأس مي ✔️ عصرة حبتين ليمون - اعصروا وحده وذوقوا الطعم ✔️ رشة ملح حسب الطعم ✔️ نص ملعقة صغيرة كمون الطريقة: ✔️ بنسلق حب الحمص مع صودا الشرب لحد ما يستوي الحمص ع الاخر ✔️ بالخلاط بنضيف الطحينه والمي والليمون -ملاحظة ضيفوا طحينة نص كأس بالأول وربع كأس مي وواحد ليمون وحركوا وذوقوا وشوفوا القوام وبعدها ضيفوا الباقي من المي والطحينه والليمون والملح والكمون بالتدريج وذوقوا وجاهزين والف صحة وهنا 💘💫

https://www.youtube.com/shorts/pE8AGK_2P4E?feature=share جرانولا بيتية صحية لذيذذذذذه بشكل وسهله ومن ٥ مكونات بس بتجنن بتجنن بتجننن 🤤💫 💫 الشوفان بيحوي ألياف مذابه بترتبط بالكولسترول بجهازنا الهضمي وبتطلعوا برّا 💫 تحوي فايتمينات بي ممتازه لجهازنا العصبي المكونات: ✔️٣ كاسات شوفان ✔️١/٤ كاس زيت زيتون ✔️١/٢ كاس ميبل او عسل او أجفا ✔️رشه ملح ✔️١٠٠ غرام شوكلاته داكنه مقطعه الطريقة: ✔️بنخلط الشوفان الزيت والمحلي والملح مع بعض منيح منيح ✔️بنفردهن ع ورقه خبيز وبنوزعهن ✔️بنجهز الفرن ع درجة حراره ٢٠٠ بدون مروحه وبندخلهن الفرن كل ٣ دقائق بنحركهن مهم جداً جداً بدهن من ٢٠-٢٥ دقيقه لحد ما يصير لونهن ذهبي وجاهزين وممكن اقل حسب فرنكم فراقبوهن ✔️بعدها بنستى لحتى يبردن وبنوزع الشوكلاته او مكسرات او زبيب شو بتحبوا ✔️بتزبط مع حليب نباتي او زبادي انا بعملها كبديل للكورنفليكس والف صحة وهنا 💘🫶🏻

https://www.youtube.com/shorts/yZf2zqJ3-Vc?feature=share كرات الطاقة مع شوكلاته داكنه بتشهي 💫🍫 الحلو مشبعه بشكل بالكرة الوحده عنا ١٣٠ سعرة حرارية تقريباً وبسبب اللوز نسبة السكر بالدم بترتفع بشكل غير حاد، مش مثل ما نوكل شوكلاته لحالها فبالتالي بتساعدنا ما نجر سكر ورا سكر وندخل لطابه الثلج للسكر ونطلب حلو اكثر واكثر 💫 المكوّنات: ✔️كأس ونص لوز مطحون ✔️ ٣ ملاعق كبار طحينه ✔️٣ ملاعق محلي طبيعي استعملت ميبل، بزبط عسل اجفا ✔️ شوكلاته داكنه استعملت ٩٩٪؜ كاكاو الطريقة: ✔️ بنخلط طحين اللوز مع الطحينه والميبل اذا بتشعروا ما تماسكوا ضيفوا ملعقة صغيرة حليب نباتي او عادي (حسب نوع الطحينة التماسك) ✔️ بنعجن المكونات وبندهن ايدنا بزيت زيتون وبندور الكرات ✔️ بنذوب شوكلاته داكنه مع نقطة زيت زيتون بالميكرو مده دقيقه (كل١٥ ثانيه حركوهن) - بالنسبه للشوكولاته استعملوا من ٧٠٪؜ وفوق كاكاو بيكون اقل سكر فيهن ✔️ بنغطس الكرات بالشوكلاته ✔️ بزبط نزين الكرات بأي اشي بدنا اياه مش شرط والف صحة وهنا 💫💘🫶🏻