وصفات

https://youtu.be/bx3YsYHVNIA كعكة شوكلاته اسفنجية رهيبه رهيبه رهيبه بدون بيض، حليب وزبدة ومن مكونات صحيّة وكاملة نسبيًا المكوّنات: ✔️كأسين ونص حليب صويا بدون سكر ✔️ 113 غم صلصلة تفاح ✔️ 3/4 كأس زيت زيتون أو (زيت جوز الهند الغير منقى) ✔️كأس سكر بني ✔️100 غرام شوكلاته داكنه ✔️ 1/2 كأس بودرة كاكاو بدون سكر ✔️ كأسين قمح كامل (280 غرام) ✔️ 20 جرام (كيس كامل) بودرة خبيز الطريقه: ✔️ بنخلط المكوّنات الرطبه مع بعض (الحليب، صلصلة التفاح، الزيت، السكر مع انه مش رطب بس ليذوب منيح) وبعدها المكوّنات الجافه مع بعض (القمح، الشوكلاتة، الكاكاو، بودرة الخبيز) وبنخلط الجاف والرطب مع بعض ✔️ بنسكبهن بقالب خبيز وع الفرن مدة ٤٥-٥٠ دقيقه ع درجة حراره ١٧٠ لحد ما تجهز الكعكة (ممكن اقل وممكن اكثر وقت حسب الفرن اهم اشي تكون مستويه دخلوا قشة أسنان بالنص اذا طلعت نظيفه جاهزين) التوبينج: ✔️ ١ شوكلاته داكنه ١٠٠٪؜ ✔️ نص كأس ميبل/ عسل ✔️ نص كأس حليب صويا ✔️بنذوبهن بالميكرو مده ٣٠-٤٥ ثانيه وبنوزعهن فوق الكعكة ✔️ بنقطع الكعكة لما تبرد وذوقوا بعدها هالطعم الخرااااااافي

  https://youtu.be/PwsWEdv2ugE مجدره برغل رهيبة رهيبه رهيبه الحلو بمجدرة البرغل- بسبب البقوليات والنشويات المركبة تعتبر ملانه ألياف الي هي تساعد ع موازنه نسب السكر وخفض الكوليسترول وبذات الوقت تحوي كالسيوم، زنك، فايتمين بي، حامض الفوليك وتعتبر مصدر رهيب لبروتين نباتي ولنوخذ كل الحوامض الأمينية ينصح بدمج البقوليات والحبوب خلال اليوم🫶🏻 المكوّنات: ✔️ كأس ونص عدس منقوع ٨ ساعات النقع بزيد من وفره امتصاص المعادن بالأمعاء ✔️ كأسين ونص مي ✔️ كأس ونص برغل منقوع ٨ ساعات ✔️ ٥ بصل كبار مقطعات شرائح ✔️٥ ملاعق كبار زيت زيتون ✔️ بهارات: بودرة خضار، كمون، كاري، كركم، سبع بهارات وملح ✔️ رشة بقدونس ✔️ رشة صنوبر الطريقة: ✔️ بنسلق العدس بمي ٢٠ دقيقه لحد ما يستوي مهم يضل شوي مي ع العدس من تحت ✔️بنضيف البرغل المنقوع والمغسول ولبهارات عليهن ✔️ وبنحركهن ع نار هاديه (ما بلزم مي لانه ضل من مية العدس) ✔️ لما تنشف المي عنهن بدهن ٥-٧ دقائق تقريبًا ✔️ بنشوح البصل بزيت الزيتون ولما يذبلوا بنوزعهن فوق لمجدره (ممكن نخلي البصل ازيد وقت انا بفضل هيك يضل مش محروق) ✔️ بنزينهن من فوق ببقدونس وصنوبر وذوقوا هالطعم الخرااااااافي بعدها 🫠

https://youtu.be/6jsrEpw8x3E   باستا سبانخ رهيبه وسهله ب١٠ د الحلو بالسبانخ يحوي مضاد أكسدة اسمه لوتين، الي بيساعد ع تصفية أشعة الضوء المؤذية، امتصاصه بنحاعه بيتم ببيئة تحوي دهن (مضادت أكسدة مذاب بالدهن) المكوّنات: ✔️ ملعقة زيت زيتون ✔️ ٤ بصل اخضر ✔️ حفنة سبانخ كبيرة ✔️ كأسين حليب جوز الهند ✔️ ملعقة خلطة كاري أخضر ✔️ ٤ ثومه مهروس ✔️ رشة فلفل اسود وملح ✔️ باستا مسلوقه (اي نوع) الطريقة: ✔️ بنشوح البصل بزيت الزيتون ✔️ بنضيف السبانخ وبنشوحن ✔️ بنضيف الخليط (حليب جوز الهند، الكاري الاخضر، الثومه) مع الملح والفلفل الأسود- بنغليهن ٤-٥ دقائق ✔️ بنضيف عليهن الباستا الي تم سلقها ع جنب ✔️ بنخلط الباستا والخضار بنتركهن يغلوا دقيتين ✔️ وجاهزين وذوقوا هالطعم الخرااااااافي 🫠

  https://youtu.be/E1E3qhMmvQs متبل باذنجان رح تدمنوووه ع قد ما هو لذيذ🫶🏻🍆🫠 المتبل ملان ملان ألياف من أحد أهم وظائف الألياف تحافظ على صحة أمعائنا وبتقلل من امتصاص السكر والكوليسترول من الطعام 🍆 المكوّنات للفرن: ✔️ ٢ باذنجان مقطع لدوائر ✔️ ٢ فلفل أحمر بدون اللب ✔️ ١ ثومه كامل ✔️ رشة زيت زيتون ✔️ ملح الطريقة:  🍆 بنوزع الخضار ع ورقه خبيز والثومه بنقطها من فوق وبنلفها بورقة خبيز 🍆 بنمرق ع الباذنجان بشوكة وبندهنه بريت زيتون 🍆 بنرش عليهن ملح 🍆 وع الفرن تم تسخينة ع ٢٠٠ لمدة ٣٠ دقيقه (لحد ما يتحمروا) المكوّنات للمتبل بعد الفرن (بنضيف كل الخضار المشوية) وعليهن:  ✔️ ٢ ثومه طازجة  ✔️ فلفل أخضر حار (اكم قطعه مش كثير- خياري) ✔️ حفنة بقدونس ✔️ عصرة ليمونه ✔️ رشة ملح ✔️ نص كأس طحينه ✔️ ١/٣ كأس مي 🌪️: بنخلطهن بالمكسر منيح منيح وجاهزين بنوزعهن بصحن وبنزينهن ب 🌿بقدونس  🌿صنوبر ني  🌿دبس رمان وذوقوا هالطعم الخرااااااافي بعدها

https://youtu.be/mAv1y2ceuY0 كعكة برتقال الطفولة البيتية سهلة ومن مكونات طبيعية متوفره طلبتوها مني كثييير 🫶🏻❤️💫 المكوّنات: ✔️ ٢ بيض عربي ✔️ ملعقة فانيلا كبيرة ✔️ برشه حبة برتقال كاملة (وممكن برضه اتضيفوا ربع برشه ليمونه عشان البيض) ✔️ نص كأس عصير برتقال طبيعي ✔️ نص كأس زيت زيتون بنحركهن منيح منيح وبعدها بنضيف: ✔️ نص كأس سكر بني ✔️ كأس وثلث قمح كامل بزبط طحين حنطه كامل مغربل ✔️ ملعقة صغيرة بودرة خبيز (بيكينج باودر) 💫بنحرك كل المكوّنات مع بعضها البعض 💫 بنسكبها بقالب خبيز 💫 ع الفرن تم تسخينة ع ١٨٠ مده ٣٠ دقيقه لحد ما تستوي من الداخل 💫 بعد الخبيز شربوها بعصير برتقال طبيعي ١/٤-١/٣ كأس وجاهزين وذوقوا هالطعم الخرااااااافي

https://youtu.be/R93DthXDbqE   مسخن نباتي بأقل دسم وكميات زيت … من الأكلات الي الها محل مرتب بقلبي .. وهيك بوكلها من جيل صغير بما انه مكنتش احب الدجاج … بس يعتبر لمسخن من الأكلات الي ع قد ما هي طيبه ع قد ما هي دسمه وثقيله ع جهازنا الهضمي وكثير أشخاص بسبب كميات الزيت بتعملهم حرقة ومشاكل هضمية… إضافة لذلك كمية سعرات الحرارية فيها كبيرة بالرغيف ممكن نوصل ١٦٠٠-١٨٠٠ كالوري (اذا مش أكثر في اشخاص ممكن توصل معهم ب٢٠٠٠ كالوري) … فحاولت أعمله بأقل دسم وأقل سعرات حرارية … المكوّنات لرغيفين بالرغيف تقريبًا من٦٠٠-٨٠٠ كالوري: ✔️ ١/٤ كأس زيت زيتون  ✔️ ٤ بصل ✔️رشات ملح ✔️٤ ملاعق سماق ✔️ملعقة فلفل أسود ✔️ كأس مي ✔️ رغيفين خبز قمح كامل ✔️ ملعقتين كبار صنوبر ✔️ ملعقتين لوز ✔️ رشات بقدونس ✨بنشوح البصل بزيت الزيتون وبنملحهن وبنوطي تحتيهن لحد ما يستوي البصل ع الاخر بعدها بنضيف السماق والفلفل الأسود وبنحركهن… ✨ بنقيم ٣/٤ البصل ع جنب وبنخلي ربع وبنضيف عليه المي وبنخليهن يغلوا البصلات والبهارات مع المي مده ٢-٤ د  تجهيز الرغيف:  ✔️ بنستعمل رغيف قمح كامل ✔️ بنضيف عليه مغرفه من سوائل البصل ولبهارات ✔️ بنضيف من البصلات الي شوحناهن وبنوزعهن ع الرغيف ✔️ بنحمرهن بالفرن تم تسخينة ع ٢٠٠ مده ٥ د (راقبوهن لحد ما يتحمروا الأطراف) ✔️ بعدها بنرش اللوز والصنوبر الي حمصناهن بدون زيت ✔️ ورشات البقدونس  وذوقوا هالطعم الخرااااااافي 🫠🫶🏻

سلطة خس وملفوف مع تتبيله رهيبة https://www.youtube.com/watch?v=zcnKeIu-W78 ✨ بتعرفوا انه السلطة هي أحد الوسائل لندخل سوائل ع الجسم ✨ بتعرفوا انه الخس يحوي 81% من نسبة الفايتمين A اليومية الي ينصح تناولها باليوم ✨ بتعرفوا انه الملفوف والخس يحوين فايتمين سي ✨ بتعرفوا هاي السلطة سوبر غنية ملانه ألياف فايتمينات ومعادن ومضادات أكسدة ودهون غير مشبعه المكوّنات: ✔️ ٢ خس صغار او ١ خس كبير ✔️ ١ ملفوف صغير (او نص كبير) ✔️ ١ أفوكادو ✔️ ٣ بصل أخضر ✔️ ١ ثومه ✔️ حفنة بقدونس ✔️ عصير ليمون ✔️ رشة ملح ✔️ ملعقة زيت زيتون الطريقة: ✔️ بنقطع الملفوف والخس لشرائح ✔️ بنخلط التتبيله بالخلاط: الأفوكادو، البصل، الثومه، الليمون، الملح وزيت الزيتون ✔️ وبنخلط التتبيله مع الخس والملفوف وذوقوا بعدها هالطعم الخرااااااافي

https://youtu.be/0cAtnNlufuE   كعكة برتقال خراااافية وسهلة بدون بيض، منتجات حليب وزبده ومن حنطة قمح كامل وعصير برتقال طبيعي.. هشة ورطبة ولذيذه وسهلة 🫶🏻 المكوّنات: ✔️ برش قشرة حبة برتقال كاملة ✔️ عصير ٣ حبات برتقال تقريبًا (كأس وربع عصير بدنا- كأس قبل الخبيز وربع كأس العصير بعد الخبيز) ✔️ ملعقة كبيرة فانيلا ✔️ ١١٣ غرام صلصلة تفاح (موجوده بكل سوبر للأطفال) ✔️ نص كأس زيت زيتون ✔️ كأسين قمح حنطة (كوسامين) كامل مغربل ✔️ ملعقتين صغار بودرة خبيز ✔️ نص ملعقة صغيرة صودا الشرب ✔️ رشة ملح ✔️ كأس سكر بني من قصب السكر اختياري: نزين شوكلاته داكنه كثير زاكي مع البرتقال الطريقة: ✔️ بنخلط العصير، قشر البرتقال، الفانيلا، صلصلة التفاح وزيت الزيتون مع بعض ✔️ بعدها بنضيف القمح لمغربل، بودرة الخبيز، صودا الشرب، رشة ملح والسكر البني ✔️ بنحركهن وبنخلطهن مع بعض ✔️ بنضيفهن بقالب خبيز ✔️ ممكن هون نضيف شوكلاته ✔️وبنخبزها ع فرن تم تسخينه ع١٨٠ بدون مروحه ✔️ بنخبزها من ٣٠-٤٠ دقيقه لحد ما تطلع قشة أسنان بدون حبيات من النص ✔️ اذا بدكم تكون رطبه ضيفوا ربع كأس عصير برتقال بعد الفرن (خياري) وجاهزين وذوقوا هالطعم الخرااااااافي بعدها

https://youtu.be/AZg1VYmzsU4 سلطة فلفل ألوان قد ما اقول رهيبة بكفيش 🫠 ملانه ملاانه فايتمين سي- مضاد اكسدة رهيب- بقلل من خطر الإصابة بأمراض القلب، الأوعية الدموية، السكر والسرطان…. يحوي أيضا بيتا كاروتين الي يعتبر ماده مضاده للسرطان وأيضًا ماده ينتج منها الفايتمين A مهم لصحة الرؤيا، البشرة وجهازنا الهضمي… المكوّنات: ✔️ ٤ فلفل ألوان مقطع - احمر، أصفر، أخضر، برتقالي ✔️ نص بصل بنفسجي مقطع ✔️ ٢ شومر صغار او ١ كبير مقطع  ✔️ حفنه شمير مفرومه ✔️ حفنه كزبره مفرومه ✔️ التتبيله: ليمون، ملح وملعقة كبيره زيت زيتون الطريقة: ✨ بنخلط الخضار مع بعضها كلها وبنتبلها بالتتبيله وبنحرك وذوقوا بعدها هالطعم الخرااااااافي 🫠🫶🏻