وصفات

https://youtu.be/6Ipk6ytojW8 قطايف مشويات بالفرن بأقل سكر ومن قمح كامل محشيات بالجوز والقشطة النباتية الطعم خرافي والحلو العجينة جداً سهله 🫶🏻☀️✨ مكونات العجينة: ✔️كأس ملان قمح كامل/ كوسامين كامل ✔️نص معلقه صغيره خميره ✔️ملعقه صغيره بودره خبيز ✔️ملعقه كبيره سكر بني ✔️ ٣/٤ كاس حليب صويا/ لوز ✔️نص كاس مي الطريقة: ✔️ بنخلطه المواد منيح ✔️ قلاي سخنه بنضيف عليها مغرفه وحده كل مره لحد ما يتكون فقاعات ع العجينه من فوق وتنشف السوائل هيك بتكون القطعه جاهزه ✔️ مهم النار تكون على وسط والقلاي حاميه لحشوة الجوز: ✔️كاس جوز مطحون ✔️ملعقه صغيره قرفه ✔️ ملعقة صغيرة سكر بني ✔️ نص ملعقة ماء الورد الطريقة: بنخلطهن لحشوة القشطة: ✔️ ١ لتر حليب صويا ✔️ نص عصرة ليمون ✔️ ٥ ملاعق سكر بني الطريقة: ✔️ بنغلي حليب الصويا ✔️ لما يغلى بنعصر الليمونه ✔️ لما يتكتل الحليب بنصفيه منيح وبنضغط عليه(ممكن نصفيه نص ساعه لساعه لحد ما كل المي تنزل) ✔️ بنضيف السكر البني بنحشي قطعه القطايف وبنسكرها .. بعدها بندهنهن الصنية بزيت جوز الهند وع الفرن مده ١٠ د ع درجة حراره ٢٠٠ من فوق وتحت لحد ما يحمروا (راقبوهن من فرن لفرن مختلف الامر واهم اشي بدون مروحه ) للقطر: ✔️ ١/٤ كأس ميبل او عسل ✔️ ١/٤ كأس مي ✔️بنغليهن مع بعض ✔️ ولما يبردوا القطايف بنوزعهن من فوق ✔️ بنوزع فستق حلبي وورد وذوقوا هالطعم الخرافي 😋👌🏻 ملاحظات: - خليط العجينه مهم يتحرك منيح مده دقيقه ع الاقل - راقبوا القطايفات الي بالفرن لانه توزيع الحراره مختلف من فرن لفرن - للحشوه عبوها بشكل معتدل لتعرفوا تسكروها وما تنفرط الحبه - - في اشخاص بحبوا تركيز القطر اكثر ممكن اضيفوا ميبل حسب قديه بتحبوا - الكميه رح تعمل ٢٠ قطعه تقريبا

https://youtu.be/_-G_xwjyLkw تحلاية فواكه لبعد لفطور بدقيقتين ✔️ مشبعه ✔️ سهله ✔️ لذيذه بشكل ✔️ فيها انزيم البابئين بيساعدنا ع هضم لبروتينات ✔️ ملانه ألياف ✔️ تحوي بروبيوتكس- ممتاز للي بيعانوا من عسر هضمي برمضان المكوّنات: ✔️ ١/٢ بابايا ✔️ يورجورت/ زبادي نباتي او اي نوع اخر يحوي بروبيوتكس ✔️ رشات جرانولا ✔️ رشات لوز او جوز ني بنعبي نص البابايا فيهن وذوقوا بعدها هالطعم الخرااااااافي 🫠

https://youtu.be/atPR0ZXuIs4 مشروب منعش وخفيف بنكهة الفواكة بدون سكر لبعد الإفطار والحلو رهيب لعمل الجهاز الهضمي وطريقة بتجنن لنرجع سوائل ع جسمنا إضافه بذور التشيا: ✔️ بتمدنا بالشبع بسبب الألياف ✔️ رهيبة لعمل الجهاز الهضمي بالذات للي عندهم عسر هضمي (إمساك) المكوّنات: ✔️ ١ برتقال مقطع بقشره ✔️ ٣-٤ توت ✔️ ١ خيار ✔️ حفنه ورق نعنع ✔️ مي ✔️ ملعقة بذور التشيا الطريقة: بنقطع الفواكة والخضار بنضيفهن ع المي وبنضيف التشيا وبنحرك وبنحطهن بالثلاجة لتنفش بذور التشيا من ٢-٥ ساعات وجاهزين وذوقوا هالطعم الخرااااااافي

https://youtu.be/TQj1xEGEhcY سناك الطفوله ريسيز بس ع الطريقة الصحية وبدون جلوتين ومنتجات حليب والحلو مشبع وبنلاقيه لما بيجي ع بالنا اشي الحلو بجنب كأسة القهوة 🌿الشوفان بدون جلوتين، المحلي الطبيعي، زبده الفستق، الملح، الخليب النباتي بدون سكر والشوكلاتة الداكنه ١٠٠٪؜ متوفرات بموقع متجرنا 🌿 المكوّنات: الطبقة الأولى: ✔️ كأس شوفان (بدون جلوتين) مطحون ✔️ ١/٤ كأس لوز ني مطحون ✔️ ١/٤ كأس محلي طبيعي: عسل، ميبل، أجفا ✔️ ٤ ملاعق حليب نباتي: صويا، لوز، جوز الهند ✔️ ملعقة صغيرة فانيلا ✔️ رشة ملح الطبقة الثانية: ✔️ ١/٢ كأس زبده الفستق (بدون سكر) ✔️ ٣ ملاعق كبار محلي طبيعي الطبقة الثالثة: ✔️ ٦٠ غم شوكلاته داكنه بدون سكر ✔️ ١/٤ كأس حليب نباتي ✔️ ملعقتين محلي طبيعي (بحاله اذا استعملتوا شوكلاته داكنه ١٠٠٪؜) الطريقة: ✔️ بعد ما طحنا اللوز والشوفان بنخلط كل مركبات الطبقة الأولى وبنوزعهن بقالب كب كيك ✔️ بنخلط زبدة الفستق والمحلي وبنوزعهن كطبقة ثانيه ✔️ بنذوب الشوكلاته والحليب والمحلي وبنوزعهن ع كطبقة ثالثه ✔️ بندخلهن ع لفريزا مدة ساعتين وذوقوا بعدها هالطعم الخرااااااافي

https://youtu.be/nTIRkBqPIYQ سجاير بطاطا بالفرن مشويات بدون زبده ومانجرين وبدون جلوتين رهيباااااات 🫠 تذكروا بالسجاير المقليه المتوفره برمضان للأسف تحوي مانجرين - دهون ترانس الي الها اثر جداً سلبي ع صحة القلب والأوعية الدموية واذا لا تحوي مانجرين تحوي دهون مشبعه بترفع الكولسيترول الغير جيد وتؤثر سلبًا ع صحة القلب والأوعية الدموية .. إضافة لذلك وقت القلي تخلق مواد ضاره جداً بسبب ارتفاع درجات حراره الزيت ونقطة اخرى نتيجه قلي الكربوهيدرات تنتج ماده أكريلاميد (ماده مسرطنه). المكوّنات: ✔️ ٤ حبات بطاطا مسلوقه ✔️ ملح حسب الطعم ✔️ زيت زيتون ✔️ كاري ✔️ ٢ بصل تم تشويحه بملعقة زيت زيتون ✔️ ورق أرز كامل (ممكن ورق أرز أبيض عادي) الطريقة: ✔️ بنضغط البطاطا المسلوقه ✔️ بنضيف عليها الملح، الكاري، زيت الزيتون والبصل ✔️ بنحركهن منيح وهيك جهزنا الحشوة ✔️ صنيه بنضيف عليها مي بدرجة حراره الغرفه ✔️ بنغطس ورقة الارز فيها مده ٢٠ ثانيه ✔️ بنفردها وبنحشيها بحشوة البطاطا (بنشكلها بالايد اذا البطاطا بتلزق ممكن تضيفوا مي ع ايدكم) ✔️ بنطوي الأطراف وبنلف ✔️ بنوزعهن ع ورقه خبيز ✔️ بندهنهن بشوية زيت زيتون ✔️ بنرش سمسم عليهن من فوق ✔️ وبندخلهن ع فرن تم تسخينه ع درجة حراره ٢٠٠ مده ٢٠ دقيقة ( راقبوهن لحد ما يتحمروا وجاهزين) وذوقوا بعدها هالطعم الخرااااااافي 🫠

https://youtu.be/8TvqwtGgAWY خيار مخلل بأسهل وأبسط وألذ طريقة ممكنه وبأسبوع عنا مصدر رائع للبروبيوتكس البيتي فوائد لبروبيوتكس: 🌿بحافظوا على صحة الأمعاء الغليظة 🌿بساعدونا على هضم الطعام في الأمعاء 🌿بشكلوا حاجز بجهازنا الهضمي أمام البكتيريا الضارة، الفايروسات او الفطريات المكوّنات: ✔️ ١ فلفل حار ✔️ حفنه شبت او شمير ✔️ خيار صغير (الكمية حسب حجم العلبه) ✔️ ع كل كأس مي ١ ملعقة كبيره ملح ✔️ خياري نضيف ثوم اخترت محطش لانه بسيطر الطريقة: ✔️ بنعقم المرطبان منيح وبنغسلة بماء ساخن ✔️ بنرتب لخيار ولما نوصل النص بنضيف الشبت والفلفل وبعدها بنكمل بترتيب لخيار ✔️ بنضيف ع كل كاسه مي ملعقة ملح ✔️ بنغمرهن بمحلول مية الملح للاخر ✔️ وبنغطيهن باحكام ✔️ بعد أسبوع ذوقوا هالطعم الخرااااااافي

https://youtu.be/Vq6fItrwELA دوالي نباتيه رهيبه رهيبه رهيبه ع فكرة لما نوكل محاشي مهم ندمج معهن بروتين بزيد شعورنا بالشبع وبنغدر نتناول المحاشي بشكل متوازن أكثر المكوّنات: (رح اكتب المكونات بشكل عام لطنجرة وسط ولائموهن وفق كمية الدوالي الي رح تعملوها) للحشوة: ✔️ ٤ بندورة مفرومه ناعم او مبروشه ✔️ ٤ ثومة ✔️ ربع ضمة وراق نعنع بدون السيقان (مش كثير نعنع) ✔️ كأس رز منقوع ٨ ساعات ✔️ بهارات: ملعقة صغيرة: كركم وكاري ملعقة كبيرة: فلفل أسود، ملح، بودرة خضار وبهار محاشي ✔️بنحرك كل المكوّنات مع بعض وهيك الحشوة جاهزه الدوالي: ✔️ بنسلق الدوالي بمي سخنه مدة ثواني لحد ما يتغير لونها (أول ما يتغير اللون قيموهن) ✔️ بندهن طنجرة الدوالي بزيت زيتون ✔️ بنوزع من تحت حبة بطاطا مقطعة وحبة بندوره ✔️ بنبلش نلف الدوالي بالحشوة ✔️ بنوزعهن بالطنجرة ✔️ بنضغط عليهن بصحن كثقل لما يتحركوا مع المي ✔️ بنضيف غمرتهن وفوق ب٢ سم مي مغليه ✔️ ع نار هادية بنطبخهن ع الاقل ساعه لحد ما يستوي الرز ✔️ بنقلبهن وذوقوا بعدها هالطعم الخرااااااافي  

من أزكى السلطات🫶🏻🫠 بعشقهاااا الحلو ملااااانه كالسيوم، حديد وألياف 🌙🍅 https://youtu.be/iwgu2W4_b2M المكوّنات: ✔️ ٥ بندوره مقطعات لقطع صغيرة ✔️ ١/٤ ضمه بقدونس مفروم ✔️ ٢-٣ ثوم مقطع صغير ✔️ عصرة ليمونه ✔️ ملح ✔️ كأس طحينه من السمسم الكامل ✔️ ١/٤-١/٢ كأس مي (حسب اذا بتحبوا سائله ولا جامده) الطريقة: ✔️ بنخلط الخضار مع بعض البندورة، البقدونس والثومه ✔️ بنضيف الليمون، الملح الطحينه من السمسم الكامل والمي ✔️ وبنحركهن (اذا بتحبوها جامده ضيفوا مي شوي شوي وحركوا اذا بتحبوها سائله زيدوا سوائل حسب كيف بتحبوا) وذوقوا بعدها هالطعم الخرااااااافي 🫠

https://youtu.be/bx3YsYHVNIA كعكة شوكلاته اسفنجية رهيبه رهيبه رهيبه بدون بيض، حليب وزبدة ومن مكونات صحيّة وكاملة نسبيًا المكوّنات: ✔️كأسين ونص حليب صويا بدون سكر ✔️ 113 غم صلصلة تفاح ✔️ 3/4 كأس زيت زيتون أو (زيت جوز الهند الغير منقى) ✔️كأس سكر بني ✔️100 غرام شوكلاته داكنه ✔️ 1/2 كأس بودرة كاكاو بدون سكر ✔️ كأسين قمح كامل (280 غرام) ✔️ 20 جرام (كيس كامل) بودرة خبيز الطريقه: ✔️ بنخلط المكوّنات الرطبه مع بعض (الحليب، صلصلة التفاح، الزيت، السكر مع انه مش رطب بس ليذوب منيح) وبعدها المكوّنات الجافه مع بعض (القمح، الشوكلاتة، الكاكاو، بودرة الخبيز) وبنخلط الجاف والرطب مع بعض ✔️ بنسكبهن بقالب خبيز وع الفرن مدة ٤٥-٥٠ دقيقه ع درجة حراره ١٧٠ لحد ما تجهز الكعكة (ممكن اقل وممكن اكثر وقت حسب الفرن اهم اشي تكون مستويه دخلوا قشة أسنان بالنص اذا طلعت نظيفه جاهزين) التوبينج: ✔️ ١ شوكلاته داكنه ١٠٠٪؜ ✔️ نص كأس ميبل/ عسل ✔️ نص كأس حليب صويا ✔️بنذوبهن بالميكرو مده ٣٠-٤٥ ثانيه وبنوزعهن فوق الكعكة ✔️ بنقطع الكعكة لما تبرد وذوقوا بعدها هالطعم الخرااااااافي