https://www.youtube.com/watch?v=Oj5iJoBoiTg
سناك كرات شوكلاته رهيبات محشيات وكثييييير سهلات بديل بجنن ومشبع بسبب الألياف
والحوامض الدهنية الي فيه بدون جلوتين وبيض ومن ٥ مركبات بس
المكونات:
كأس لوز ني✔️
كأس شوفان - بزبط نستعمل شوفان بدون جلوتين ✔️
١/٢ كأس زبدة فستق بدون سكر ✔️
١/٣ كأس محلي طبيعي ميبل او عسل او أجفا ✔️
١٠٠ غرام شوكلاتة داكنه ١٠٠٪ ✔️
بنطحن اللوز والشوفان مع بعض لحد ما يصيروا كطحين✨
بنخلطهن بعدها مع زبدة الفستق والمحلي ✨
✨ وبنعجنهن لحد ما يتماسكوا (شوفوا وفق العجنه اذا جافه ضيفوا شويه زبدة فستق اذا رطبه ضيفوا شوفان مطحون)
✨ بنذوب الشوكلاته مع محلي (اذا كانت تحوي سكر او ٨٠٪ كاكاو ما بلزم محلي)
✨ بنبلل ايدينا بمي مهم جدًا ليسهل علينا تشكيل كرات من العجينة وبنغطس الكرات بالشوكلاته
✨ بنوزعهن ع ورقة خبيز
✨ بندخلهن ع لفريزا مده ساعتينوجاهزين وذوقوا هالطعم الخرااااااافي ✨🫶🏻
طريقة مستنبتات لبروكولي البيتيه مهم نتذكر: بمستنبتات لبروكولي عندما نمضغه جيداً (مهم جدًا المضغ) تلتقي المادتين وهن جلوكورفين وانزيم مايروزانيس.وبتتكون من هالسيرورة الكيماوية مادة اسمها سولفورفين مادة الي بتزيد من لجلتاتيون بالدم - لجليتاتيون يعتبر مضاد اكسدة قوي يساعد جسمنا بشكل طبيعي ع افراز السموم عن طريق البول.
https://www.youtube.com/shorts/d-FjaJ1aR38?feature=share
وانبثق من هنا ابحاث كلينيت ع مفعول هالمادة وكان بحث ع مستنبتات لبروكولي تم نشرة ب American Journal of Clinical Nutrition عن انه زاد نسبة خروج البنزين (الي تم التعرض اله بالهواء بسبب التلوث البيئي) عن طريق البول.. وعدة أبحاث اخرى عن هذا الموضوع … مهم جدا ان نذكر التلوث البيئي يسبب عدة امراض منها: سرطان، قلب..
الطريقة الدقيقة للاستنبات:
✔️ نحضر قالب كالكار او اي قالب عنا للزراعه
✔️ نحضر ٣ ملاعق كبار تربه (من المشتل)
✔️ بنرطب التربه بمي وبنخلطها- مهم جداً تكون رطبه قبل الإستنبات
✔️ نقم بتوزيع بذور لبروكولي الي تم نقعهن ٦ ساعات بالماء (البذور تم الحصول عليهن من موقع الكتروني)
✔️ نقوم بتوزيع البذور بشكل متوازن على التربه
✔️ نقوم يوميًا بسقي المستنبتات مرتين صباح ومساء فقط بمرش - المرش بساعد على توزيع الماء بشكل جيد
✔️ نكرر عمليةالسقي من٤-٧ أيام حسب الطقس
✔️وعندما يتنبتوا ويصبحوا اكثر من ٣ سم جاهزين
✔️ بنحفظهن بالثلاجة مده ٥-٦ ايام
شوربة عدس بنكهة آسيوية من ألذ الشوربات الي عملتها هاي الفترة.. ممنوع تمرق حياتكم بدونها …
https://youtu.be/TwQ1lhj3mDc
والحلو تحوي بروتين نباتي ونشويات مركبة وملاااانة ألياف… ولتحسنوا من وفرة امتصاص المعادن بالأمعاء حاولوا انقعوا العدس ٨ ساعات هيك بنقلل من حامض الفيتي الي بأثر على امتصاص المعادن
المكوّنات للشوربة:
✔️ ملعقتين زيت زيتون
✔️ ١ بصل كبير
✔️ ٤ بصل أخضر
✔️ ٤ ثومه
✔️ ٢ بطاطا حلوه وسط
✔️ ١ جزر كبير
✔️ لتر ونص ماء
✔️ كأس كبير عدس منقوع ٨ ساعات
✔️ بهارات نص ملعقة من: بهار مسالا، كمون، كزبره مجففه، وكركم
✔️ ملعقة كبيرة بودرة خضار مطحونه من خضار مجففه
✔️ كأس حليب جوز الهند بدون سكر
✔️ ٥ -٦ أوراق سلق
✔️ ملعقة ملح كبيرة
الطريقة:
✔️ بشوح البصل، البصل الأخضر، الجزر، الثوم والبطاطا الحلوه بزيت الزيتون
✔️ لما يتذبلوا شوي بضيف المي وبغطيهن لحد ما الجزر يستوي من ٢٠-٢٥ دقيقه
✔️ بعدها بضيف العدس ولبهارات وبغطيهن ع نار هادية
لحد ما يستوي العدس (من٢٠-٢٥ دقيقه)
✔️ بضيف بعدها حليب جوز الهند شرائح السلق الناعمه والملح
✔️ وبحركهن مع بعض وبغطيهن من ٥-٧ دقائق لحد ما يغلوا
✔️ اذا بنحس بدنا اكثر سوائل ضيفوا ماء
وذوقوا بعدها هالطعم الخرااااااافي 🫠🫶🏻
تحلايه خفيفه لطيفه وسهله كثييييير معروفه بالمطبخ الآسيوي…
https://youtu.be/0moGk18YFA4
حبيبات التابيوكا بيضاء بدون طعم هن عبارة عن نشا مستخرج من نبته البفرة معروفه كثييير بالبرازيل ومن هناك بلشت تنتشر لآسيا
وتعتبر ماده أساسيه في مطبخ العديد من الأماكن بالعالم… تستعمل للدايسا، للبيض، ككورنفلور وبكثير أكلات …
كتحلاية بغدر أقول من ألذ الأطعمه في المطبخ الآسيوي وبتلاقوها دائمًا بالزاوية الآسيويه بالسوبر
فعملتها بطريقة أقل سكر وأقل سيروب من فوق
المكوّنات:
✔️١/٣ كأس حبيبات تابيوكا بقطر ٢ مم
✔️ ٦٥٠ مل حليب جوز الهند بدون سكر واضافات
✔️ ١/٣ كأس محلي طبيعي (عسل، ميبل، أجفا)
✔️ ملعقة صغيره فانيلا
الطريقة:
✔️ بننقع حبيبات التابيوكا بحليب جوز الهند ٣٠ دقيقة (مهم)
✔️ بعدها بنسكبهن بطنجره وبنضيف عليهن المحلي والفانيلا ولحد ما يغلوا بنوطي تحتيهن وبنخليهن
يغلين ١٥ دقيقه لحد ما تصير الحبيبات شفافه
✔️ بنسكبهن بصحن كبير او بكاسات
✔️ وبنتركهن بالثلاجة مده ٤ ساعات ع الاقل
✔️ بنقطع فواكة وبنوزعها فوقيها وذوقوا بعدها هالطعم الخرااااااافي 🫠
