وصفات

https://youtu.be/Ue1qERm9Bhw كعك بسكوت بارد رهييييييبه من٤ مركبات بس وصحية وبدون منتجات حليب المكوّنات: ✔️ ٦٠٠ غرام بسكوت قمح كامل ✔️ ١٠٠ غرام شوكلاته ✔️ نص كأس حليب صويا او اي حليب نباتي ✔️ ٢٥٠ ملل كريم جوز الهند بدون سكر الطريقة: ✔️ بنطحن البسكوت قسم يكون ناعم وقسم خشن ✔️ بنذوب الشوكلاته والحليب بالميكرو مده ٣٠ ثانيه ✔️ بنسكب بعدها الشوكلاته المذابه مع الحليب وكريم جوز الهند ع البسكوت ✔️ بنحركهن ليصير قوام متجانس ✔️ بنوزعهن كأقسام ع ورقة خبيز وبنرتبهن بخط دائري طولي وبنلفهن ✔️بندخلهن ع لفريزا مده ساعتين وجاهزين وذوقوا هالطعم الخرااااااافي 🫠

https://youtu.be/S0RFWB23zME معمول بسميد كامل بدون منتجات حليب وزبدة بصراحة الطعم طلع تحفه حرفياً 🫠 المكوّنات: ✔️ ٣ كاسات سميد خشن كامل ✔️ كأسين سميد ناعم ✔️ رشة ملح ✔️ ملعقة كبيره محلب ✔️ ملعقة صغيرة قرفه ✔️ كأسين زيت زيتون ✔️ ١/٤ كوب مي فاتره ✔️ ملعقتين كبار ماء الورد ✔️ ١/٤ كأس حليب صويا (بالآخر بعد العجن) الطريقة: ✔️بنخلط كل المواد بالترتيب وبنعجن العجينه وبنفركها بالإيد واخر اشي بنضيف حليب الصويا لحد ما العجينه تكون متماسكه الي ممكن نشكل كرات منها (ضيفوا حليب الصويا شوي شوي ممكن تحتاجوا اقل أو أكثر من ربع كأس) انا بالضبط حسب السميد الي استعملته ربع كأس حليب صويا ✔️ بنقسم العجينه ل٣ أقسام وبنفردها ع ورقة خبيز بشكل طولي وبنلفها وبعدها بنلفها بنايلون ✔️ بنتركهن يتريحوا ع الاقل ١٢ ساعه ل١٨ باليوم الثاني: ✔️ بصحن بنفرد العجينه بإيدنا كمان مره وبنفركها ✔️وبعدها بنضيف كمان ١/٤ كأس حليب صويا وبنعجن منيح لحد ما تتكون عجينه متماسكه الي سهل نشتغل فيها مكوّنات الحشوه: ✔️ ١ تمر نص كيلو ✔️ملعقه كبيره قرفه ✔️ملعقتين كبار بهار كعك ✔️ملعقه سمسم كبيره ✔️ ٢ ملاعق كبار زيت ✔️ بنوخد من العجينه دائره كرويه وبنوخذ كره تمر أفضل كرة التمر تكون بشوي اكبر من العجينه (بشوي مش بكثير) ✔️بنحشي العجينه وبندورها ✔️ داااائماً دهنوا قالب المعمول بزيت زيتون ليطلعوا مرتبات ✔️ واضغطوا كرة العجين مع التمر بالقالب ✔️ وزعوهن ع ورقة خبيز ودخلوهن ع فرن تم تسخينه ع ١٨٠ مده ١٢ دقيقة وبعدها حمروهن (غيروا معيار الفرن لتحمير) مده ٣-٤ دقائق لحد ما يتحمروا شويّ مش كثير راقبوهن دائمًا ممكن فرنكم يحتاج أقل أو أكثر وقت ✔️ بعد الخبيز اتركوهن يبردوا ع راحتهن بدون لمس ✔️ وبعدها جاهزين وذوقوا هالطعم الخرااااااافي

https://youtu.be/UJbN90PbATE أصابع كعكات عيد لذيذااااات وطعمهن تحفه واهم اشي سهلات وبدون زبده ومارجرينا وبودره حليب وكل عام وانتو بألف خير 🫶🏻🫠 المكوّنات للعجينه: ✔️كيلو طحين قمح كامل ✔️ ٤ ملاعق حليب صويا ✔️ملعقتين كبار بهار كعك ✔️ ٤ ملاعق سمسم ✔️ملعقه كبيره بودره خبيز ✔️رشه ملح ✔️كأسين وربع زيت زيتون ✔️ربع ملعقه صغيره كركم ✔️ملعقه صغيره قرفه ✔️ملعقه صغيره خميره كعك ✔️ربع كأس مي فاتره بنبلش نحركهن ونعجنهن بعدها بنبلش شوي شوي نضيف مي فاتره بدنا من ربع لثلاث أرباع كأس حسب نوع الطحين مهم اتضيفوا شوي شوي المي وتعجنوا وتفحصوا كيف العجينه معكم لحد ما تبقى طريه من المي ومتماسكه مهم تعجنوا ١٠ دقائق على الأقل لتتماسك - ضيفوا كل مره شوي ومهم تعجنوا منيح مهم مهم مهم بعد ما تماسكت العجينه بنغطيها مده ساعه وبنجهز الحشوه مكوّنات الحشوه: ✔️ ٢ تمر نص كيلو ✔️ملعقه كبيره قرفه ✔️ملعقتين كبار بهار كعك ✔️ملعقه سمسم كبيره ✔️ ٢ ملاعق كبار زيت زيتون بنبلش نحشي بالكعكات ونكوّن حلقات او كمقروطه أو كأصابع هالمره عملتهن كأصابع كثييييير سهل الطريقة: ✔️ بنقطع العجينه ل٦ قطع ✔️ بنعجنهن منيح وبنرقهن ✔️ بنقيم الأطراف (الأطراف خلوها بالأخير بتعجنوها وبتكونوا أصابع منها) ✔️ ببعد ما رقينا العجينه بنعمل مربع ✔️ بنعبي الطرف باصبع تمر ✔️ وبنلف العجينه لفه وحده وبنلصق الطرف ✔️ بنقص الطرف الغير محشو ✔️ بنقطع الأطراف وبنقطع لأصابع صغيره حسب الكبر الي بدنا إياه وبنسخن الفرن ع درجة حراره ١٨٠ بدون مروحه وبندخل الكعكات اول ما شويّ يحمروا جاهزين (ما تخلوهن كثير يحمروا بينشفوا وطوالي غطوهن بعد الفرن ليبردوا) وذوقوا هالطعم الخرااااااافي 🤤

https://youtu.be/_uBKvjeV2Lw سلطة عدس رهيبه وجداً مشبعه وملانه بروتين نباتي ونشويات مركبه وألياف المكوّنات: ✔️ كأس عدس- بنسلقه وبنصفيه، بنغسله وبنخليه يبرد ✔️ ١ بطاطا حلوه كبير مقطع مكعبات ✔️ ٢ جزر مقطع لمكعبات ✔️ حفنه بقدونس ✔️ حفنه شمير ✔️ ٢ بصل اخضر ✔️ ربع كأس توت بري مجفف ✔️ عصرة ليمونه ✔️ ملعقتين زيت زيتون ✔️ رشات ملح الطريقة: ✔️ بنشوي البطاطا الحلوة والجزر بالفرن مع شوية زيت زيتون وملح - بدهن بالفرن ٣٠ دقيقه ع درجة حراره ٢٠٠ مهم الجزر يستوي ✔️ العدس بنسلق فقط بمي ما بلزم اي إضافات ✔️ بنضيف ع العدس البقدونس، الشمير، البصل والتوت البري ✔️ وبعدها بنضيف البطاطا والجزر بعد ما جهزوا ✔️ بنتبلهن بملح وزيت زيتون وليمون وبنحرك ✔️ ومن فوق بنضيف رشات دبس رمان وذوقوا بعدها هالطعم الخرااااااافي 🫠

https://youtu.be/rnL05p_qkNU شوربة عدس آسيوية رهيبه مش كلمة وملاااانه قيم غذائية، ألياف وبروتين نباتي المكوّنات: ✔️ كأس عدس منقوع ٦-٨ ساعات ✔️ كأسين ونص مي 🌿بنسلق العدس لحد ما يستوي بالقلاي: ✔️ ملعقتين زيت زيتون ✔️ ١ بصل مقطع ✔️ ٤ ثوم ✔️ ٢ جزر ✔️ ١ بطاطا حلوه وسط 🌿 بنشوح البصل والثومه بزيت زيتون 🌿 لما يذبلوا بنضيف الجزر والبطاطا وبنشوحن مع بعض مده ٤ دقائق مع تحريك دائم 🌿 لما يستوي العدس بنسكب الخضار الي شوحناها عليه 🌿 وبنبهرهن ب: ✔️ ربع ملعقة صغيره قرفه ✔️ ربع ملعقة صغيرة فلفل أسود ✔️ نص ملعقة صغيرة كركم ✔️ نص ملعقة كبيرة كمون ✔️ ملعقة صغيرة بهار مسالا ✔️ ملعقة صغيرة كاري 🌿 بنضيف عليهن نص كأس مي وبنتركهن ع نار هاديه مغطيات لحد ما يستوي الجزر (اذا ما استوت بنضيف مي كمان شوي) 🌿 بعد ما استوت الخضار بنسكب عليهن: ✔️ ٢٥٠ ملل كريم جوز الهند ✔️نص ملعقة كبيرة ملح (حسب الطعم) 🌿 بنخليهن يغلوا مع بعض ٣ دقائق وجاهزين وذوقوا بعدها هالطعم الخرااااااافي 🫠

https://youtu.be/26xEcUoIiIo بودينج تشيا من ألذ الوجبات ع السحور 🫠 والحلو مشبعه بشكل مش طبيعي وملانه ألياف وجدًا بتساعد ع العمل الهضمي المكوّنات: ✔️١/٢ كأس شوفان ✔️كأس حليب صويا، لوز (بزبط أي نوع) ✔️٣ ملاعق كبار بذور التشيا ✔️ قطع توت ٦-٧ حبات (ممكن تزيدوا حليب نباتي بنص كأس وتزيدوا ملعقتين تشيا لتكون وجبة أكبر لعده أشخاص) الطريقة: ✔️بنحرك الشوفان الحليب والتشيا مع بعض ✔️ بنضيف التوت ✔️وبنغطيهن وبنخليهن بالبراد مدة ٨ ساعات ع الأقل ✔️كل فتره بنحركهن شوي وبعدها بتكتكوهن مع شوية محلي طبيعي من فوق وذوقوا هالطعم الخرااااااافي 🤤

https://youtu.be/JqssXe87TpI شوربة خضار نباتية لرمضان رهيبة مش كلمة 🫠 في كثير طرق لشوربة الخضار وتفضيلات انا هاي الطريقة المفضله 🫠 المكوّنات: ✔️ ١ بصل ✔️ ٢ ثوم ✔️ ملعقتين كبار زيت زيتون ✔️ ٢ كوسا ✔️ ١ زوكيني ✔️ ٢ بطاطا وسط ✔️ ١ بطاطا حلوه ✔️ ربع زهره ✔️ لتر ونص مي ✔️ رشات شمير ✔️ نص كأس نودلز ارز كامل ✔️ ملعقة كبيرة بودره خضار وبهارات مطحونه طبيعية ✔️ ملح البحر الطريقة: ✔️ بنشوح البصل والثومه بزيت الزيتون ✔️ بنسكب عليهن الخضار بعد ما قطعناها وبنشوحهن مع بعض ✔️ بنضيف المي وبنتركهن يغلوا لحد ما تستوي الخضار ✔️ بنضيف اخر اشي النودلز والشمير وبودرة الخضار والملح وجاهزين وذوقوا هالطعم الخرااااااافي 🫶🏻

https://youtu.be/e-H515-mNb8 سلطة خضار خضرا لرمضان طعمها رهيب رهيب رهيب 🥗🫶🏻🫠 على فكرة السلطات هني طريقة إضافية لنرجع للجسد الصائم سوائل هاد غير احتواء السلطة على فايتمينات ومعادن وألياف الي بتساعدنا على العملية الهضمية المكوّنات: ✔️ خس (بزبط نستعمل أي نوع) ✔️ حفنه بقدونس مفروم ✔️ حفنه كزبره مفروم ✔️ حفنه نعنع مفروم ✔️ ٢ بصل أخضر مقطع ✔️ ١ شومر مقطع ✔️ عصرة ليمونه ✔️ رشة ملح ✔️ ملعقة كبيرة زيت زيتون ✔️ ١ برتقاله مقطعه لمكعبات ✔️ ١ أفوكادو مقطع لمكعبات ✔️ ملعقتين كبار دبس رمان من فوق الطريقة: ✔️ بنخلط الخس، البقدونس، الكزبره، النعنع، البصل، الشومر، الليمون، الملح وزيت الزيتون ✔️ من فوق بنضيف البرتقال، الافوكادو ودبس الرمان وذوقوا بعدها هالطعم الخرااااااافي 🫶🏻🫠