وصفات

https://www.youtube.com/shorts/C6PVE--RLr0?feature=share سلطة خضار خضرا ملانه قيم غذائية عاليه تحوي فايتمين سي، ألياف ومضادات أكسده ممتازات لصحة البشرة وصحة الجهاز الهضمي المكوّنات: ✔️ خسه كامله ✔️ ٤ خيار ✔️ ٢ بصل أخضر ✔️ نص ضمه كزبره ✔️ نص ضمه بقدونس ✔️ حفنه صنوبر محمصه ✔️ حفنه توت بري مجفف ✔️ عصره ليمون ✔️ رشة ملح ✔️ ملعقة كبيرة زيت زيتون ✔️ رشه نعنع مجفف او نعنع اخضر اذا ما فيه الطريقة: ✔️ بنقطع الخضار وبنضيف الصنوبر وتوت بري ✔️ وبعدها نضيف الليمون، الملح، زيت زيتون ونعنع ✔️ وحركوهن والف صحة هنا نكون جميعاً بخير وعافية وسلامه 🙏🙏🙏

https://www.youtube.com/shorts/ujcTfAV6X5M?feature=share فكرة لوجبة غداء متكامله فيها بروتين ونشويات مركبه ودهون جيده وألياف… هاي الأكلة تعتبر أكلة مكسيكية مشهوره والحلو متكامله بصحن واحد وسهلة بشكل وصحية بشكل اسمها بوريتو بول المركبات: ✔️ كأس فاصولياء حمراء منقوعه ليله كامله ✔️ كأس أرز كامل منقوع ٨ ساعات ✔️ ٢ بصل مقطع شرائح ✔️ ٢ أفوكادو ✔️٢ بندوره ✔️ ٢ بصل أخضر ✔️ حفنه بقدونس وكزبره   الطريقة: ▫️ بنسلق الفاصولياء مع ربع ملعقة صودا الشرب لحد ما تستوي وبنصفيها ▫️ بنسلق الأرز ع كل كأس أرز كأسين ونص مي ع نار هاديه لحد ما يستوي الأرز - (الرز بيعملوه ستيكي ملزق مش مفلفل) ▫️ بنشوح البصل مع ملعقتين زيت زيتون لحد ما يتحمروا ▫️ بنضغط الأفوكادو ومنعصر عليها ليمون ▫️ بنقطع البندوره لقطع صغيره ▫️ بنقطع البصل الأخضر ناعم ▫️ بنفرم البقدونس والكزبره ▫️ وبنركب الصحن: أرز كامل فوقيه الفاصولياء الحمراء بعدها الأفوكادو، البصل لمحمر، البندوره، البصل، الكزبره والبقدونس ▫️ رشه ملح من فوق ▫️ خياري: ممكن نضيف بطاطا حلوه مشوية وفلفل أحمر وأصفر مشوي وممكن صلصات   وجاهزين وذوقوا بعدها هالطعم الخرااااااافي 🫠

https://www.youtube.com/shorts/QVM9h0LMVNk?feature=share تبولة عنب مش من هالعاااالم حرفيًا 💘🤤   لذيذه ومشبعه بشكل وملاااانه ألياف 🤤💘   المكوّنات: ✔️ كأس برغل منوقع ع الاقل ساعتين ومصفى ✔️ نص ضمه بقدونس مفرومه ✔️ ٢ بصل أخصر ✔️ حفنة نعنع مفرومه ✔️ قطف عنب أخضر ✔️ عصير ليمونه ✔️ رشة ملح ✔️ ملعقة كبيرة زيت زيتون ✔️ حفنه لوز محمصه   الطريقة: ▫️ بخلط المكوّنات بالترتيب وذوقوا بعدها هالطعم الخرااااااافي 💘🫠

https://www.youtube.com/shorts/l4hyyO7mhtA?feature=share سلطة البطيخ اليونانيه انتوا مش فاهمين قدية لذيذه 🫠🤤🍉   والحلو مشبعه بشكل وملانه ألياف وفايتمينات ومعادن   المكوّنات: ✔️ ربع بطيخه مقطعه مكعبات ✔️ ١/٨ بصلة بنفسجية مقطعه شرائح ✔️ خيارتين مقشرات مقطعات (القشر تناولوا ملان ألياف) ✔️ حفنه بقدونس مفرومه ✔️ حفنه ورق نعنع ✔️ حبات زيتون أسود كالاماتا ✔️ قطع جبنه نباتيه (بزبط جبنه يونانية) ✔️ ٢ لب باسيفلورا من فوق (خياري) ✔️ رشات ملح، فلفل أسود وبطيخ   الطريقة: ▫️ رتبوهن بالترتيب فوق بعض وذوقوا بعدها هالطعم الخرااااااافي

https://youtu.be/WVpInY8QllY سلطة الصيف 🥑🍊🥬🍊☀️💘   طعمها مش من هالعالم مشبعه بشكل وتحوي بروتين نباتي وملاااانه مضادات أكسدة وفايتمين سي 💘☀️   تذكروا انقعوا العدس قبل بليله بسهل من العملية الهضمية وبزيده من وفره امتصاص المعادن بالأمعاء 💘🥇   المكوّنات لصحن كبير: ✔️ كأس عدس بني مسلوق ✔️ ٢ مانجو وسط مقطع ✔️ ١ بصل بنفسجي مقطع ✔️ حفنه بقدونس ✔️ حفنه نعنع ✔️ ١ أفوكادو مقطع ✔️ عصرة ١ برتقال ✔️ ملح ✔️ ملعقة زيت زيتون كبيرة   الطريقة: ▫️بنسلق العدس بعد ما نقعناه ليله كامله ليسهل علينا العملية الهضمية ▫️ بنقطع الخضار والمانجو ▫️ ولما يجهز العدس بنغسله وبنتركه يبرد وبعدها بنضيفه للخضار ▫️ اخر اشي بنضيف الأفوكادو ▫️ وبنعصر عليهن البرتقال وبنضيف الملح وزيت الزيتون وبنحرك   وجاهزين وذوقوا هالطعم الخرااااااافي 💘🤤   ممكن حفظة بالثلاجة ليومين 🩷

https://youtu.be/-mxAKP5M2Sg   سلطة سيزر رهيبه رهيبه رهيبه عدلي يومين بعملها ورا بعض والحلو بدون بيض ومنتجات حليب وبطريقة أكثر صحية 🥗 تذكروا السلطات الجاهزة الي بتنشرى للأسف تحوي كثير سعرات حرارية والأهم من السعرات الحرارية هو وجود الصوديوم والزيوت المهدرجة فيها لهيك افضل نحاول نعمل الصلصات بالبيت ونجهزها بإيدينا. المكوّنات: ✔️ ١ خس كامل بزبط اي نوع مقطع وسط ✔️ ٢ قطع خبز كامل ✔️ملعقتين ميونيز بيتي (طريقته بالبوست السابق) ✔️ ملعقة صغيرة خردل ✔️ عصره نص ليمون ✔️ رشة فلفل أسود ✔️ ١ ثوم ✔️ رشات جبنه صويا الطريقة: ▪️ بنحمص الخبز لحد ما يقرمش (استعملت التوستر) ▪️ بنخلط مكونات الصلصلة: المايونيز، الخردل، الليمون، الفلفل الاسود، الثوم. ▪️ بنضيف خليط الصلصة للخس وبنحركهن منيح ▪️ بنقطع قطع الخبز لمكعبات وبنوزعهن فوق الخس ▪️ بنرش من فوق جبنه صويا وجاهزين وذوقوا هالطعم الخرااااااافي 🤤🥗

https://youtu.be/EU4j2jKReIs سلطة كرباتشو شمندر ملااانه حديد وطعمها رهيب رهيب رهيب 🩷🥗 والحلو دمجت معها فايتمين سي مصدره من الحمضيات، الفايتمين سي بيساعد على نجاعه امتصاص الحديد اكثر وأكثر المكوّنات بالترتيب: ✔️ قطع رفيعه جدًا شمندر مسلوق ✔️ نص برتقاله ✔️ قطع جبنه لوز او اي موع جبنه اخرى ✔️ قطع كستناء بزبط جوز ✔️ اوراق موزعه لنعنع وبقدونس ✔️ رشة ملح ✔️ ملعقة زيت زيتون من فوق ✔️ دبس رمان ▪️بنرتبهن وبنوزعهن بالترتيب وذوقوا بعدها هالطعم الخرااااااافي 🩷🥗

تغميسه نباتيه رهيبه ملاااانه بروتين من فاصولياء 🫠 https://youtu.be/KumatPQ_Tnk الحلو غنية جداً بالبروتين النباتي والنشويات المركبه تحوي ألياف بالتالي ممتازه لموازنه نسبة السكر والتقليل من امتصاص الكوليسترول. وملانه حديد، كالسيوم، حامض الفوليك وزنك. المكوّنات للجزر: ✔️ ٥ جزر مقطع ✔️ ملعقتين زيت زيتون ✔️ رشة بابريكا حلوه ✔️ رشة بهار تشيلي ✔️ رشة فلفل اسود ✔️ رشة ملح ✔️ ملعقة صغيرة ميبل طبيعي ✔️ رشة زعتر (تايم) ▪️بنخلطهن مع بعض وبندخلهن ع الفرن تم تسخيه ع ٢٠٠ مدة ٢٠-٣٠ دقيقه لحد ما يحمروا المكوّنات لتغميسك الفاصولياء: ✔️ كأسين ونص فاصولياء مسلوقه حمراء وبيضه ✔️ ١ ثوم كبير او ٢ صغار ✔️ نص كأس طحينة سمسم كامل ✔️ ١ عصير ليمون كبيرة او ٢ صغار ✔️ ملعقة صغيرة ملح ✔️ نص كأس مي ▪️ بنحركهن مع بعض منيح بالخلاط (ذوقوا اذا ناقصكم ملح او ليمون وممكن تضيفوا شويّ مي حسب خلاطكم) ▪️وبعدها بنوزعهن ع صحن ومنوزع الجزر من فوق مع رشات صنوبر وبقدونس وذوقوا هالطعم الخرااااااافي

سلطة افوكادو كفطور رهيبة وسهلة كتوديع للافوكادو .. تذكروا الافوكادو يحوي فايتمين إي ودهون غير مشبعه أغلبه والحلو يحوي فيتوستيروليم بيمنعوا امتصاص الكوليسترول بالأمعاء https://youtu.be/y602e4NsOMk مكونات السلطة: ✔️افوكادو ✔️ بقدونس ✔️بصل ✔️ مخلل ✔️ بندوره ✔️ زيت زيتون ✔️ ملح ✔️ ليمون وذوقوا بعدها هالطعم الخرااااااافي بعدها