وصفات

https://www.youtube.com/shorts/a6IO30rC-Tw?feature=share بيتزا بدون تأنيب ضمير 🍕 تحوي بروتين وملانه ألياف وقليلة السعرات الحراريه المكوّنات: ٢ باذنجان رشات زيت زيتون رشات ملح نص كأس صلصة بندورة نص ملعقة صغيرة زعتر فارسي (تايم) ملعقة اوريجانو بهار اوريجانو نص ملعقة صغيره بهار ثومه جبنة ماعز مبروشة او اي نوع جبنه التحضير: ٢ باذنجان بنقطعهن بالنص وبنشكل عليهن خطوط رشات زيت زيتون رشات ملح بنشويهم ع درجة حرارة ٢٠٠ مع مروحه لمده ٢٠-٢٥ دقيقه راقبوهن من فرن لفرن بختلف لما يستوي الباذنجان بنضغط عليهن بالنص وبنخلط مكونات الصلصة وبنوزعهن على الباذنجان وبنوزع جبنة الماعز ع الفرن ٥-٦ دقائق لحد ما تتحمر الجبنة والف صحة وهنا

https://www.youtube.com/shorts/1fy2ZToXw8E?feature=share فكرة لوجبة افطار صحية ولذيذة

https://www.youtube.com/shorts/fN0UWskg6Sk?feature=share اصابع الشمندر مع البطاطا الحلوة والجبنه البيضاء قليله الملح النا وللاطافيل المكوّنات: ١ بطاطا حلوة وسط مسلوقة ١ شمندر مسلوق قالب جبنه بيضاء حلوة (قليله الملح ) ملعقة صغيرة بقدونس مجفف ملعقة صغيرة كزبرة مجففة نص ملعقة صغيرة كمون نص ملعقة صغيره ثوم الطريقة: بنسلق اليطاطا والشمندر ع البخار الجبنة البيضاء نقعتها بمي (٤ ساعات) لاقلل ازيد وازيد من الملح بنضيف كل المكونات بالمكسر وبنخلط بكيس بنعبي من الخليط وبنقص طرفه (تعبوش الكيس اسهلنا هيك نوزعوا) ع ورق خبيز بنوزعهن كاصابع وبنحمرهن من ٢٠-٢٥ دقيقه ع درجة حرارة ٢٠٠ من فوق وتحت القوام يكون زيي المافينز طري مش محمر مع طبقه قاسيه استنوا عليهن يبردن بتماسكن اكثر والف صحة وهنا

https://www.youtube.com/shorts/64Tlr0ZazXA?feature=share سناك مالح وصحي وبقرمش ولذيذذذذذذذ المكوّنات: باستا فوسيلي من قمح كامل (بيسلي) ملح بابريكا مدخنه بهار ثوم زيت زيتون الطريقة: بنسلق الباستا حسب ما يظهر ع الكيس ممكن تسلقوا قد ما بدكم تحضروا من كمية بنبهرها بالملح والبابريكا والثوم وفق الطعم اخلطوهن وذوقوا اذا بلزم اضافات بنضيف رشات زيت زيتون وبندخلها ع القلاية الهوائية مده ٩-١٠ دقائق ع درجة حراره ٢٠٠ وكل ٣ دقائق حركوهن وتذكروا انه ما يكون طبقات منه انما طبقه واحده لتتوزع الحراره ع كلهن وبنفع ينعملن بالفرن بنوزعهن ع ورقه خبيز بشكل متساوي وبنحمرهن مع مروحه ع درجة حراره ٢٠٠ وكل دقيقتين بنحرك والف صحة وهنا

https://www.youtube.com/shorts/MwNqsiYY0pU?feature=share مكعبات مرقة شوربة للأطفال فوق ال٦ أشهر المكعبات الجاهزة وحتى المكتوب عليها ممكنه للبيبي ملانه منوصوديم جلوتومات او صوديوم الي ينصح بالبنعاد عنهن لانه كلى الاطفال بعدها غير ناضحة وما بتغدر تستوعب كمية ملح عاليه الطريقة للمكعبات بتحفظوها بالفريزا ووقت ما بدكم بتستخدموها: ١ بصل ابيض ٤ ثوم ١ جزر ملعقه صغيرة بقدونس مجفف ملعقة صغيرة كزبره مجففه ملعقة صغيرة كاري ملعقة صغيرة كمون ملعقة صغيرة كركم ضفت جذر الكركم (خياري) ملعقتين كبار زيت زيتون ربع كأس مي- ١/٣ كأس الطريقة: بنخلط كل المكونات منيح منيح مهم جداً كل اشي يكون مطحون بالذات اذا ضفتوا جذر الكركم بنعبيهن بمكعبات الثلج وبنخبيهن بالفريزا ووقت ما بدنا بنضيف ع الطبخه وع فكرة بزبط النا احنا لكبار طعمها لذيذ

https://www.youtube.com/shorts/Dk30PDet4Gc?feature=share طريقة مخلل ملااااان بروبيوتيكا ب٤ أيام فقط ببقى جاهز بخطوات واضحة وبسيطة رهيب لصحة جهازنا الهضمي وجهازنا المناعي لضمان عملية التخمير السليمة: مرطبان مغسول ومعقم بمي مغليه خيار مغسول منيح شبت وثوم مغسولات ممنوع استخدام الخل بمنع نمو لبروبيوتيكا استعمال ملح البحر او الهيمالايا مش ملح مكرر او مضاف اله يود لانه يضعف نشاط البكتيريا الطريقة لأي كمية بدكم تعملوها للمخلل: برتب لخيار بمرطبان بغلي ماء وبتركه يبرد ع الاخر وبعدها بضيف على كل كأس ماء ملعقة كبيرة ملح البحر او الهيملايا مسطحة مش ملانه الا اذا بدكم يكون الملح ظاهر بضيف الثوم والشبت وبضمن انه كلهن يكونوا تحت الماء الملحي بسكر بشاش طبي لاضمن عدم دخول الهواء اكثر واضمن انه كل الخضار تحت الماء الملحي وبسكر بمرطبان وبتركهن بمحل فيه ضوء ٣-٤ ايام وجاهزين بعد ٤ ايام تقريباً راقبوا لمخلل اذا جهز بختلف امر التخمير حسب الاضاءه والحرارة والف صحة وهنا لتحافظوا عليه بعدها احفظوا بالثلاجة 💘

https://www.youtube.com/shorts/rM-IrK4xwm8?feature=share بتعرفوا طبخة شوربة الزهرة؟! 🙋🏻‍♀️💘🫶🏻 بعشق هاي الطبخة او اليخنه لذيذه وخفيفه وبتشبع بشكل وعملتها ع الطريقه الصحيه طريقة تحضير الزهره: ١ زهرة او قرنبيط تم فصل الزهور عن بعض بنسلقهن بمي مغليه من ٥-٧ دقائق لحد ما يذبلن شوي بس ما يستوين ع الاخر بقلايه هوائيه بنوزعهن مع رشة زيت زيتون وملح ع درجة حرارة ٢٠٠ وبنحمرهن ١٠ دقائق مع تحريك كل ٣-٤ دقائق مكونات الشوربة: ٢ ملاعق زيت زيتون ١ بصل مفروم ناعم ٣ ثوم مهروس كأس صلصلة بندوره كأسين مي مغليه ملعقة بودرة خضار طبيعيه زهرة مشوية ملح حسب الطعم الطريقة: بنشوح البصل والثوم وبعدها بنضيف صلصلة البندوره والماء مباشرة وبنضيف بودرة الخضار بنخليهن يغلو من٧-١٠ دقائق ع نار وسط بعدها بنضيف الزهره عليهن والملح وبنخليهن يغلو ٣ -٥ دقائق ع نار هاديه وجاهزين قدموها مع خضار ورز ومصدر بروتين بتحبوه والف صحة وهنا

https://www.youtube.com/shorts/gf7gqZ_HFQc?feature=share لفه كوسا-زوكيني رهيييييبه ولذيده الحلو تحوي بروتين وملاااانه ألياف ولذيذه وكرانتشيت المكوّنات: شرائح رفيعه من الزوكيني او الكوسا شرائح جبنه ماعز (بزبط اي نوع جبنه) الطريقة: بنوزع شرائح الزوكيني أو الكوسا بشكل متلاصق بحيث يكون كل سطر فوق طرف الاخر ليتماسكوا وبنوزع فوقيهن الجبنه بنسخن فرن ع ٢٠٠ وبنشويهن من ١٠-١٤ دقيقه مهم الجبنه تذوب وتتحمر مهم نحطهن ع ورقة خبيز بالبدايه قبل الفرن لنعرف نلفها او ممكن ننقلها بعد الفرن ع ورقة خبيز جديده بنخليهن يبردوا ع الاخر وبعدها بنحشيهن بشو بنحب: افوكادو، خضروات، بيض، جبنه، لبنه، تونا شو بتحبوا ممكن وذوقوا هالطعم الخرافي والف صحة وهنا

https://www.youtube.com/shorts/HLpTsPibEiM?feature=share   طبخة برغل متكامله صحية ولذييييذه وسريعة الهدف من هيك فيديو انه نستغل الاشياء الي عنّا ونحصي النعم المكوّنات: ٢ ملاعق زيت زيتون ١ شرائح بصل خضروات مجمده علبه حمص كأسين مي كأسين برغل منقوعات ١٢ دقيقه بمي سخنه ملعقه كبيره بهار مقلوبه ملح وفق الطعم الطريقة: بننقع البرغل بمي سخنه ١٢ دقيقة بنشوح البصل والخضار بزيت الزيتون(بزبط احنا نقطع اي خضار بدنا) ولما يتذبلوا بنضيف حب الحمص والمي وبنتركهن يستوين بعد ما تستوي الخضار بنضيف البرغل المنقوع والمصفى من المي وبنضيف لبهارات وع نار هاديه بنغطيهن لحد ما تنشف المي مع التحريك المستمر وبعد ٥-٨ دقائق جاهزين والف صحة وهنا