وصفات

https://www.youtube.com/shorts/82J9zDVE3fE?feature=share بيض زهري بالشمندر محشي بخليط أعشاب صحي وصفة جميلة وسهلة، تضيف لمسة ملوّنة وصحية لسفرتك. المكونات: •بيض مسلوق بقشره •عصير أو ماء شمندر طبيعي لنقع البيض •بقدونس، كزبرة، نعنع مفرومين •بصل أخضر صغير مفروم •فلفل أسود + رشة تشيلي •طحينة •زبادي يوناني الطريقة: 1.نسلق البيض بقشره وننقعه في ماء الشمندر ليلة كاملة. 2.نُقشّر البيض ونقسمه نصفين، ثم نُخرج الصفار. 3.نخلط الصفار مع الأعشاب المفرومة، الطحينة، الزبادي اليوناني، الفلفل الأسود والتشيلي. 4.نملأ بياض البيض بالخليط باستخدام كيس حلواني. الفائدة: •لون طبيعي من الشمندر، بلا أي ملونات صناعية. •بيض + زبادي يوناني = بروتين عالي الجودة. •أعشاب طازجة = ألياف، فيتامينات ونكهة منعشة. •وصفة مثالية للضيافة الصحية أو وجبة خفيفة مشبعة.

https://www.youtube.com/shorts/HrTCVDfT3WY?feature=share ساندويشة إيطالية صحية ومليانة نكهات وجبة مغذية وسريعة التحضير! المكونات: •شيري •ثوم •زعتر فارسي •حفنة ريحان •ملعقتين كبار جوز •ملعقتين كبار زيت زيتون •أوراق أوريجولا •جبنة ماعز •تشيلي ودبس رمان طريقة التحضير: نحضر البيستو من الريحان، الثوم، الجوز وزيت الزيتون. نشوي الشيري مع الثوم والزعتر الفارسي. نرتب الساندويشة: بيستو، أوراق أوريجولا، جبنة الماعز، تشيلي، الشيري المشوي. جاهزة للتقديم! ساندويشة صحية وغنية بالنكهات والفوائد الغذائية

https://www.youtube.com/shorts/Rs1xAGZeDz4?feature=share سلطة المنعشة ادمااااان حرفياً من مكونات بسيطة، نكهات بتذوب بالفم، وطعم رهيب وفوائد عظيمه! المكونات: •علبه شيري •١ فلفل أحمر •١ فلفل حار أخضر •حانه نعنع طازج •حفنه جوز •١ عصير ليمون •ملعقة كبيرة دبس رمان •ملعقة كبيرة دبس فلفل طريقة التحضير: 1- بنقطع وبنفرم الخضار كلها 2- بنتبلهن مع الليمون ودبس الفلفل والرمان 3- وبنحركها وبنفع توكلوها بجنب اي وجبة او حتى كسناك بين الوجبات بتجنن

https://www.youtube.com/shorts/IflH7bsMjg0?feature=share سلطة المقلوبة… صحية، لذيذة، ومليانة ألوان! كهدية الرجعه للمدارس إذا بتحبوا الوصفات السريعة اللي بتجمع بين الطعم والشكل الحلو… جربوا هاي السلطة الجديدة: طبقاتها: •تتبيلة (ليمون + ثوم + نعنع مجفف + زيت زيتون) • افوكادو •خيار •بصل بنفسجي •شبت •ذرة مسلوقة •لبن زبادي بمجرد ما نقلبها بالصحن… بتصير عنا سلطة مرتبة منظرًا وغنية بالفوائد: •ألياف للشبع •كالسيوم وبروتين من اللبن •فيتامينات ومعادن من الخضرة الطازة النتيجة: طبق مغذي، خفيف، ومنعش… مثالي لنمط حياة صحي ومتوازن ورهيب للشغل او ايام التعليم

https://www.youtube.com/shorts/1ZshJATTA9w?feature=share للي بحب الأكلات السريعة والصحية بنفس الوقت، جربوا هاي الوصفة التركية الشهيرة اسمها كسر، فيها ألياف، فيتامينات، وطعمات رهيبه من مكونات طبيعية المكونات: •1 كوب ونصف برغل ناعم •1 كوب ونصف مي سخنة •2 ملعقة كبيرة زيت زيتون •بصلة صغيرة مفرومة ناعم •1 ملعقة كبيرة دبس بندورة •1 ملعقة كبيرة دبس فلفل * بهارات ملعقة صغيرة من: البابريكا الحمرا، كمون، سماق وملح للتزيين: •خس حوالين الطبق •رمان وجوز على الوجه 🍴 طريقة التحضير: 1.مننقع البرغل بالمي السخنة لحد ما يستوي وينفش. 2.بنسخن زيت الزيتون وبنشوح البصلة المفرومة مع دبس البندورة ودبس الفلفل والبهارات. 3.منخلط الخليط مع البرغل المنقوع. 4.منضيف الخضار الطازة: البصل الأخضر، النعنع، البقدونس، البندورة. 5.مننكّه بعصرة ليمون ودبس رمان. 6.للتقديم: منفرش الخس حوالين الطبق ومنزين بالرمان والجوز. النتيجة: سلطة ملونة، صحية، ومليانة طاقة ونكهات

https://www.youtube.com/shorts/BRYsLSR5GNY?feature=share أول مرة بحياتي أطبخ دجاج… عشان ليان عمرها ١٠ أشهر. قديش الأطفال بيغيروا فينا، بيخلونا نجرب أشياء ما كنا متخيلين نعملها وصفة اليوم: كفتة دجاج مع خضار بطريقة صحية مناسبة للأطفال من عمر ١٠ أشهر وما فوق. الوصفة متوازنة، بتجمع بين البروتين والخضار، ومن غير ملح أو بهارات قوية لتناسب الجهاز الهضمي للطفل 🌱 🍴 المكونات: ٢٥٠ غ دجاج مطحون نصف حبة زوكيني نصف حبة فلفل أحمر حلو ١ بصل صغير ملعقة صغيرة: بقدونس مجفف، كزبرة مجففة، كاري، فلفل أسود ٢ ملعقة كبيرة زيت زيتون طريقة التحضير: 1.بنبهر الدجاج بالتوابل. 2.بنطحن الخضار جيدًا وبنصفيها من الماء الزائد. 3.بنخلط الدجاج مع الخضار وبنشكل كرات صغيرة. 4.بنرتبها في صينية فرن، وبنرش زيت الزيتون على الوجه. 5.بنخبزها على درجة حرارة ٢٠٠° لمدة ٢٠ دقيقة. للكبار: يمكن تركها وقت أطول للحصول على قشرة مقرمشة. ملاحظات: •الوصفة خالية من الملح •بتقدر الأم تقدمها كوجبة أساسية للطفل أو تشاركها مع باقي أفراد العائلة مع تعديل درجة التحميص. •مصدر غني بالبروتين والخضار، وسهلة التحضير.

https://www.youtube.com/shorts/2utOU973otw?feature=share سر حلقات البصل المقرمشة الصحية ! جربت أسوي حلقات بصل بالقلاية الهوائية… والنتيجة؟ وااااااااااو مش من هالعالم!! لازم لاااازم تجربوها! بتجننن المكونات: •2 بصل كبير مقطع لحلقات •كأس طحين كامل + ملعقة بابريكا + رشة ملح •2 بيض •كأس رقائق خبز + رشة زيت زيتون الخطوات: طحين – بيض – طحين – بيض – رقائق! على القلاية الهوائية ع درجة حرارة 200 مده 10 دقائق لحد ما تصير ذهبية ومحمرّة! ممكن تزيدوا وقت حسب قلايتكم وتاكدوا انها محمره منّ الجهتين اذا ما تحمرن بقلايتكم اقلبوهن وحمروهن الطعم: بجننن ولا كأنها بدون قلي

https://www.youtube.com/shorts/dhZRH0yJ65Q?feature=share وصفة أنتبيوتيكا الطبيعه ب٣ مكونات بسيطة مين جربها؟! ثوم + زيت زيتون + عصير ليمون = مضاد للالتهابات، للفطريات وللبكتيريا الطريقة: ١٠-١٢ ثوم مغسول كأس زيت زيتون عصرة ليمونه بنخلطهن مع بعض وبعد ساعتين ثلاث ممكن نبلش بإستعماله ممكن استخدامه: شربه بساعات الصباح ملعقة صغيرة نستخدموا بالطبخات، السلطات والأكلات شروط مهمه لنجاح العمليه: مرطبان صغيرة ومعقم ونظيف ثوم نظيف ومغسول ليمون مغسول ونظيف يحفظ مباشرة بالثلاجة مهم يكون مغطى مهم: ينعمل كمية صغيرة لانه يصلح للطعام من٣-٤ ايام

https://www.youtube.com/shorts/8mjbyOikFR0?feature=share شوارما نباتيه مستعدين تجربوها؟! جبنة التوفو من بقوليات الصويا تحوي بروتين كالسيوم وحديد وتعتبر غذاء اساسي بآسيا طعمها شبيه بالفطر الطازج عشان هيك بيتم تبهيرها او خلطها مع مكونات اخرى لإظهار طعمها المكوّنات لشوارما التوفو: ٣٠٠ غرام توفو صلب مبروش بالبراشه ملعقة كبيرة بهار شوارما ملعقتين زيت زيتون رشة ملح الطريقة: بنخلط المواد مع بعضها وبنوزعها بصنيه ع فرن تم تسخينه ع درجة حرارة ٢٠٠ من فوق وتحت مع مروحه بندخلهن وكل ٣-٤ دقائق بنحرك لمدة ٢٠ دقيقة مهم يكونوا محمرات ولونه تغير وبنركب ساندويشة كيف بنحب ضفت: طحينه، شوارنا، بندوره، مخلل، هالبينو، بصل اخضر، بقدونس وطويت السندويشة وع قلايه فيها زيت زيتون حمرتهن والف صحة وهنا