وصفات

https://www.youtube.com/shorts/QUoch1N7zhM?feature=share مقروطة العيد من قمح كامل بالقطعة ٦٠ كالوري 💫بدل ١٥٠-٢٥٠ سعرة حرارية بكعكة العيد 💫اقل دهون مشبعه بكثير 💫خفيفه جداً وسهلة جداً 💫للي بده بدائل وما يحرم حاله 💫للي عنده حساسية من منتجات الحليب 💫وتذكروا اهم اشي التوازن حتى لو اكلنا العادي اهم اشي نوازن 🫶🏻 المكوّنات للعجينة: ✔️ كيلو طحين كامل ✔️ ملعقتين كبار دقه كعك ✔️ ملعقة كبيرة قرفه ✔️ ملعقتين كبار سمسم ✔️ نص ملعقة صغيرة خميرة ✔️كأس زيت زيتون ✔️ كأس حليب صويا او اي حليب نباتي ✔️ ملعقة كبيره يانسون وشومر مع كأس ونص مي الطريقة: ✔️ بنخلط كل المكوّنات الجافة (القمح+ لبهارات+ السمسم+ الخميرة) ✔️ بعدها بنضيف زيت الزيتون، حليب الصويا والمي مع لبهارات ✔️ الحليب ضيفوا بالتدريج ممكن تزيدوا وممكن تقللوا حسب نوع القمح ✔️ بنعجنهن منيح منيح ١٠ دقائق عجوة التمر: ✔️ كيلو عجوة تمر ✔️ ملعقة كبيره قرفه ✔️ ملعقتين كبار دقه كعك ✔️ملعقة سمسم ✔️ ملعقتين زيت زيتون الطريقة: ✔️ بنخلط المكونات ولنسهل عجنهن دهنوا ايدكم بزيت زيتون تركيب الكعك: ✔️ بنقطع العجينه لأرباع ✔️ بنفردها ع ورقه خبيز وبنقص الاطراف ✔️ قطع التمر بنضيفهن كل مرة ع طرف العجينه ✔️ بنلف العجينة عليهن وبنقطع الطرف وبنسكره منيح ✔️ وبنقطعهن لقطع صغيرة ✔️ الكيلو عملت ١٩٠-٢٠٠ قطعه تقريباً ✔️ بنرتبهن ع ورقه خبيز ✔️ فرن تم تسخينه من فوق وتحت ع درجة حراره ٢٠٠ ✔️ بنحمرهن من ١٠-١٤ دقيقة راقبوهن من فرن لفرن بختلف ✔️ واول ما يطلعن من الفرن غطوهن بالطنجرة طوالي ليضلوا طريات والف صحة وهنا وبتأمل هالعيد يحمل معه كل الخير الي مستنينه 🙏💖💘🫶🏻

https://www.youtube.com/shorts/qM6_LYjqMlo?feature=share تريند شوكلاته دبي بصورة صحية 🍫 ع قد ما طلبتوا مني فحاولت اعمله بأقل سعرات حرارية وأقل سكر وبدون إضافة زيوت ودهن 💫 تذكروا بالشوكلاته العادية فيها زيت وسكر وبزبدة الفستق اغلبهن فيه اضافة زيت وسكر لهيك حاولت اعملها بأقل سكر واضافات زيوت 💫 المكوّنات: ✔️ ٢٠٠ غرام شوكولاتة داكنه فوق ال٧٠٪؜ - استعملت ١٠٠٪؜ ✔️ حفنة خيوط كنافه ✔️ ٣/٤ كأس حب فستق حلبي مقشر ✔️ ١/٣ كأس عسل طبيعي بزبط ميبل أو أجفا ✔️ ربع كأس حليب نباتي الطريقة: ✔️ بنذوب الشوكلاته ال١٠٠ غرام بالأول بالميكرو بضيف عليها نقاط زيت زيتون وكل ١٥ ثانيه بحرك - بدهن دقيقة بالميكرو ✔️ اي قالب عنا اياه بنضيف عليه ورقة خبيز وبنوزع الشوكلاته الداكنه عليه وع الثلاجة مده نص ساعه ع الاقل ✔️ خيوط لكنافه بنقطعهن لقطع وسط وبنحمرهن ع قلاي بدون ولا اي اضافه حركوهن باستمرار وما تتركوهن لحد ما يتحمروا ✔️ حب الفستق الحلبي والعسل والحليب بخلطهن بالخلاط ✔️ بخلط خيوط لكنافه مع خليط فستق الحلبي وبوزعهن فوق الشوكلاته الي تجمدت بالثلاجة (تعملوش طبقه خميلة) ✔️ وبعدها بذوب شوكلاته داكنه مع شوية نقاط زيت زيتون بالميكرو وبوزعهن من فوق ✔️ وع الثلاجة بدخلهن مدة نص ساعه ع الاقل ✔️ لما تجمد الشوكولاته بقطعهن لمكعبات صغيره وجاهزين وألف صحة وهنا 💫🫶🏻💘

https://www.youtube.com/shorts/WEnkkvesLA8?feature=share وجبة غداء متكاملة ب٣٠ دقيقة 🤝 من الوجبات الي بحب أعملها بعد يوم طويل: 💫 سهلة 💫 سريعه 💫 متكاملة 💫 تحوي بروتين 💫 نشويات مركبة 💫 مشبعه المكوّنات: ✔️ كأسين برغل منقوع ١٥-٢٠ دقيقة بمي سخنه ✔️ ١ بطاطا حلوه مقطعه ✔️ ١ بطاطا مقطع ✔️ ١ باذنجان ✔️ ١ فلفل أحمر ✔️ ١ بندوره ✔️ ملعقتين كبار زيت زيتون ✔️ رشة ملح ✔️ رشة فلفل أسود ✔️ كأسين حمص مسلوق ✔️ ملعقة بهار مقلوبة ✔️ ملح وفق الطعم لكل الطبخه ✔️ مي غمرة الخضار البرغل والحمص الطريقة: ✔️ قطع الخضروات بعد ما ملحناها مع فلفل أسود وزيت زيتون بنشويها بالفرن ع درجة حراره ٢٠٠ مدة ٢٠ دقيقه وكل ٥ دقائق بنحرك مهم يستوا الخضروات ممكن يوخذ اكثر او اقل وقت راقبوهن ✔️ بنصفي البرغل من المي ✔️ بنضيف الخضروات المشوية ع البرغل ✔️ بنضيف حب الحمص ✔️ بنضيف بهار المقلوبة مع الملح والمي ✔️ المي ع غمرة البرغل والخضروات والحمص مش اكثر ✔️ ع نار عاليه بنحركهن لحد ما تتنشف المي وجاهزين والف صحة وهنا 🫶🏻💘💫

https://www.youtube.com/shorts/LKjS09moR5s?feature=share قلاية بطاطا ببيض مشوية 💫🫶🏻💘 من الأكلات الي بحبها هي قلاية البطاطا والبيض بس هالأكلة بيكون اساسها بطاطا مقليه مع كميات زيت الي للأسف بيتهدرج من عملية ارتفاع درجة حرارته وبيخلق راديكالات حرة، دهون ترانس ومواد مسرطنة فلما بيجي ع بالي بعمله بالفرن والطعم تماماً لا يقل لذه 💫 💫 المكونات: ✔️ ٥ بطاطا مقشرات ومقطعات لمكعبات ✔️ ٢ ملاعق كبار زيت زيتون ✔️ رشة فلفل اسود ✔️ رشة ملح ✔️ ٣ بيض 💫الطريقة: ✔️ بنوزع قطع مكعبات البطاطا ع ورقه خبيز بنضيف عليها زيت زيتون وملح وفلفل اسود ✔️ بندخل الصنية ع الفرن مدة ٣٠ دقيقه ع درجة حراره ٢٢٠ وكل ٧ دقائق بنحركهن لحد ما يتحمروا (تابعوهن توزيع الحرارة من فرن لفرن بختلف) ✔️ بعد ما يستوي ويجهز البطاطا ويتحمر بقلاي بنسكبهن ✔️ وبنضيف البيض مع ملح وفلفل ✔️ وبنحركهن منيح منيح كده دقيقتين ✔️ بعدها ع نار هادية بنغطيهن وبنتركهن دقيقتين ليستوي البيض ع الاخر ويمنزج مع البطاطا ✔️ وجاهزين بعدها والف صحة وهنا 💫

https://www.youtube.com/shorts/TOzSwlToycE?feature=share تريند موس الشوكلاته من مركبين 💘 حبيت كثير أجرّب هالتريند لإنة بالعاده الموس يضاف الة كميات كريما ودهون وسكر هائلة والحلو بهالتريند انه الموس من تفاح وشوكلاته داكنه بس 🫶🏻 💫المكوّنات: ✔️ ٢ تفاح حلو مقشر ومقطع ✔️ ١٠٠ غرام شوكلاته داكنه 💫الطريقة: ✔️ بنسلق قطع التفاح بمي من١٠-١٥ دقيقه ✔️ بنصفيهن وبنضيفهن بكاسة الخلاط ✔️ بنذوب شوكلاته داكنه دقيقة بالميكرو مع نقطتين زيت زيتون وكل ١٥ ثانيه بنحركهن ✔️ وبنخلطهن بالخلاط ( بزبط ع الاخر او تخلو اكم قطعه تفاح مش مطحونه ع الاخر) ✔️ بنسكبهن بعلبه وبندخلهن ع لفريزا من ٢-٤ ساعات ✔️ وجاهزين وفعلياً زيي تماماً طعم المرس وابداً مش ثقيله والف صحة وهنا 💘🫶🏻💫

https://www.youtube.com/shorts/JkMPkGUO4mE?feature=share كوكيز شوفان صحيات 🍪 💫ع فكره في بالشوفان ألياف قابله للذوبان بتصلن بالكوليسترول وبيطلعنوا برّا الجسم بجهازنا الهضمي والي بتعطينا شعور بالشبع 💫وبزبط نستعمل شوفان بدون جلوتين فبصير عنا كوكيز بدون جلوتين 💫المكوّنات: ✔️تفاحتين كبار مبروشات بقشرتهن ✔️كأسين شوفان ✔️ ملعقه صغيره قرفه ✔️ ثلث كأس ميبل او أجفا أو عسل ✔️١٠٠ غرام شوكلاته داكنه ١٠٠٪؜ مكسره ✔️نص كأس حليب لوز او صويا 💫 الطريقة: ✔️ بنخلط كل المركبات مع بعض منيح وبعدها بنشكل كرات بالايد بزبط نحط شويه مي ع ايدينا لنكون الكرات وبنرتبهن ع ورق خبيز ✔️ بندخلهن ع الفرن مده ١٥-٢٠ دقيقه ع درجة حراره ٢٠٠ من فوق وتحت بدون مروحه لما يحمروا بنطلعهن تابعوهن توزيع الخراره من فرن لفرن بختلف وألف صحة وهنا 💘💫 💫ملاحظة اذا حسيته بدهن أزيد سوائل ضيفوا حليب واذا حسيته صرت كثير كثير لزيجات ضيفوا شوفان (الاشي متعلق بنوع الشوفان الي استعملتوه وقديه امتص سوائل )

https://www.youtube.com/shorts/dnKa87rA50c?feature=share صنية باتنجان زيي ستاتنا 🥹🙏 من اكثر الأكلات العالقه عندي بالذاكرة هي صنية الباذنجان من تحت ايدين ستي طعمها كان خيالي خيالي فقررت أعملها بطريقة اكثر صحية وأخف وبنفس الوقت مع المحافظة على الطعم 🫶🏻💫 المكوّنات: ✔️ ملعقتين كبار زيت زيتون ✔️ ١ بصل وسط مقطع ✔️٤ ثومه مقطعات ✔️ ٤ بندوره مقطعات ✔️ ٣ باذنجان مقطع ومشوي بالفرن ✔️ ملعقة صغيرة بهار مخلوط ✔️ رشة ملح حسب الطعم ✔️ رشة فلفل أسود ✔️ كأس مي ✔️ ٣ ملاعق كبار صلصلة بندوره الطريقة: ✔️ بنقطع وبنشوي الباذنجان- بنرش عليهن زيت زيتون وملح وبنحركهن منيح وبندخلهن ع فرن ٢٠٠ من فوق وتحت وكل ٣-٤ دقائق بنحركهن ليستوين وبنحمرهن مده ٢٠ -٣٠ دقيقه ✔️ بقلاي بنضيف زيت الزيتون وبعدها بنشوح قطع البصل والثومة ولما يتذبلن بنضيف البندورة والباذنجان ✔️ بنبهرهن ببهار مخلوط وملح وفلفل أسود ✔️ بنضيف المي وصلصة البندورة وبنحرك ✔️ بنغطيهن لما يبلشوا يغلوا وبنتركهن ع نار هادية ١٠ دقائق ✔️ لما يستوا وتخف المي بنضيفهن بالصنية وبنوزعهن وبندخلهن بفرن تم تسخينه ع ٢٢٠ مدة ٦-٨ دقائق راقبوهن لحد ما يتحمرن طلعوهن وجاهزين والف صحة وهنا 💘🫶🏻💫

https://www.youtube.com/shorts/6q_beFetWBY?feature=share

https://www.youtube.com/shorts/AxCFBaSCojo?feature=share كعكة الشوكلاته الوحيدة الي طريقتها ما بتطلعلي حب على وجهي وبعملها كل سنه يوم عيد ميلادي 🎂💫☀️💘 بدون بيض، وحليب وزبده بتاتاً وسهلة بشكل وهشة بتطلع بشكل مش طبيعي 💫 المكوّنات: ✔️ثلث كأس زيتون ✔️ملعقة كبيرة خل تفاح او عصير ليمون ✔️كأس مي سخنه جداً ✔️رشة ملح قليله ✔️ كأس سكر بني من قصب السكر ✔️كأس وثلث قمح self raising ✔️ ملعقة صغيرة صودا الشرب- بيكربونات الصوديوم ✔️ ملعقتين كبار بودرة كاكاو بدون سكر ✔️ ١٠٠ غرام شوكلاته داكنه مع نقاط زيت زيتون ✔️سكريات ملونه خياري الطريقة: ✔️ بنخلط الزيت مع الخل والمي والملح والسكر منيح منيح ✔️ بنضيف الطحين والصودا وبنحرك منيح وبعدها بودرة الكاكاو وبنحرك ✔️ قالب الخبيز بندهنه زيت زيتون ✔️ بنسكب الخليط فيه وبندخله ع فرن تم تسخينه مسبقاً ع الاقل ١٠ دقائق ع درجة حراره ١٨٠ مده ٢٥-٣٠ دقيقه من فوق وتحت حراره بدون مروحه لحد ما تستوي الكعكة ✔️ بنذوب الشوكلاته الداكنه وزيت الزيتون بالميكرو مده دقيقه وكل ١٥ ثانيه خلال هالدقيقه بنحركهن ✔️ بنوزع الشوكلاته الداكنه من فوق مع سكريات ✔️ بنتركها تبرد براحتها او بالثلاجة نص ساعه وجاهزين وذوقوا هالطعم الخرافي 💘💫🎂