وصفات

https://www.youtube.com/shorts/CL1FooOeMLM?feature=share حلو صحي بدقيقه بالميكرو 🫠💘 بتعرفوا هذول اللحظات جاي ع بالي حلو هسا ومليش خلاق استنى ساعه لكعكة ولا اوسخ المطبخ ويتكوم جلي 🙈 وبدي اشي صحي بنفس الوقت هاد التريند الي طالع اجى بوقته فجربتها 🫠💘 بدون زبده وبدون بيض وسهلة سهله سهلة المكوّنات: ✔️ ٤ ملاعق زبده الفستق ✔️ ٣ ملاعق كبار ميبل او عسل او اي محلي طبيعي ✔️ ملعقتين حليب نباتي ( بزبط اي نوع حليب) ✔️ ٥ ملاعق بودرة كاكاو بدون سكر ✔️ شوكلاته شيبس الطريقة: ✔️ بحرك زبده الفستق والمحلي والحليب وبودره الكاكاو مع بعض منيح- لحد ما يصير عندي قوام الي زيي العجينه ✔️ بعجنهن بالإيد وبرتبهن ع ورقة خبيز وبوزع شوكلاته شيبس من فوق ✔️ وع الميكرو دقيقه وحده ✔️ بخليها تتريح ١٠ دقائق ع الورقة وجاهزين ✔️ ممكن اذا حسيتوا بدها حلاوه تضيفوا محلي من فوق والف صحة وهنا 💘🫶🏻💫

https://www.youtube.com/shorts/pX0f2tVt9vc?feature=share حمص وفلافل بيتي تحفه 🫠 من أكثر الأكلات الي بعشقها وبستشعر بقيمتها وأهميتها بالمعنى العميق 🫶🏻 💫 تم نقع حبيبات الحمص ٢٤ ساعه وبدلت المي مرتين لأقلل من الحامض الفيتي وأحسن من عملية الامتصاص 💫 كتبتلكم ملاحظات بالطرق 🫶🏻 💫المكوّنات للفلافل: ✔️ كيلو حمص منقوع ✔️ حفنه بقدونس ✔️ حفنه كزبره ✔️ ١ بصل ✔️ ١ فلفل أحمر ✔️ ملعقة ملح ✔️ ملعقة ونص بهار فلافل ✔️ ملعقة كبيرة بودرة خبيز بيكينج باودر ✔️ ملعقتين كبار طحين من قمح كامل الطريقة: ✔️ الحمص+ البقدونس+ الكزبره+ البصل والفلفل الاحمر بنطحنهن بالمكسر دقيقتين ✔️ بنضيف بعدها الملح، بهار الفلافل، بودرة الخبيز والطحين وبنحرك العجنه منيح منيح - هون ممكن عذوقوا اذا بدكم تزيدوا ملح او بهار فلافل ✔️ للفلافل المشوي- بندهن ايدنا زيت زيتون وبنشكل كرات وبنوزعهن ع ورقه خبيز وبندخلهن ع فرن تم تسخينه ع٢٠٠ من فوق وتحت مده ١٠ -١٣ دقيقة راقبوهن من فرن لفرن بختلف ✔️ ملاحظة ممكن قلي الفلافل عادي افضل نشويه طبعاً جربوا كره وحده اذا ما قرمشت ضيفوا شوية طحين واقلوا ومهم للقلي الزيت بكون سخن وبعدها تخفضوا- وليكون اقل ضرر القلي اقلوا بزيت زيتون 🙈 💫مكونات الحمص: ✔️ كأس حمص مسلوق بصودا الشرب مده نص ساعه ✔️ كأس طحينة من السمسم الكامل ✔️ نص كأس مي ✔️ عصرة حبتين ليمون - اعصروا وحده وذوقوا الطعم ✔️ رشة ملح حسب الطعم ✔️ نص ملعقة صغيرة كمون الطريقة: ✔️ بنسلق حب الحمص مع صودا الشرب لحد ما يستوي الحمص ع الاخر ✔️ بالخلاط بنضيف الطحينه والمي والليمون -ملاحظة ضيفوا طحينة نص كأس بالأول وربع كأس مي وواحد ليمون وحركوا وذوقوا وشوفوا القوام وبعدها ضيفوا الباقي من المي والطحينه والليمون والملح والكمون بالتدريج وذوقوا وجاهزين والف صحة وهنا 💘💫

https://www.youtube.com/shorts/pE8AGK_2P4E?feature=share جرانولا بيتية صحية لذيذذذذذه بشكل وسهله ومن ٥ مكونات بس بتجنن بتجنن بتجننن 🤤💫 💫 الشوفان بيحوي ألياف مذابه بترتبط بالكولسترول بجهازنا الهضمي وبتطلعوا برّا 💫 تحوي فايتمينات بي ممتازه لجهازنا العصبي المكونات: ✔️٣ كاسات شوفان ✔️١/٤ كاس زيت زيتون ✔️١/٢ كاس ميبل او عسل او أجفا ✔️رشه ملح ✔️١٠٠ غرام شوكلاته داكنه مقطعه الطريقة: ✔️بنخلط الشوفان الزيت والمحلي والملح مع بعض منيح منيح ✔️بنفردهن ع ورقه خبيز وبنوزعهن ✔️بنجهز الفرن ع درجة حراره ٢٠٠ بدون مروحه وبندخلهن الفرن كل ٣ دقائق بنحركهن مهم جداً جداً بدهن من ٢٠-٢٥ دقيقه لحد ما يصير لونهن ذهبي وجاهزين وممكن اقل حسب فرنكم فراقبوهن ✔️بعدها بنستى لحتى يبردن وبنوزع الشوكلاته او مكسرات او زبيب شو بتحبوا ✔️بتزبط مع حليب نباتي او زبادي انا بعملها كبديل للكورنفليكس والف صحة وهنا 💘🫶🏻

https://www.youtube.com/shorts/yZf2zqJ3-Vc?feature=share كرات الطاقة مع شوكلاته داكنه بتشهي 💫🍫 الحلو مشبعه بشكل بالكرة الوحده عنا ١٣٠ سعرة حرارية تقريباً وبسبب اللوز نسبة السكر بالدم بترتفع بشكل غير حاد، مش مثل ما نوكل شوكلاته لحالها فبالتالي بتساعدنا ما نجر سكر ورا سكر وندخل لطابه الثلج للسكر ونطلب حلو اكثر واكثر 💫 المكوّنات: ✔️كأس ونص لوز مطحون ✔️ ٣ ملاعق كبار طحينه ✔️٣ ملاعق محلي طبيعي استعملت ميبل، بزبط عسل اجفا ✔️ شوكلاته داكنه استعملت ٩٩٪؜ كاكاو الطريقة: ✔️ بنخلط طحين اللوز مع الطحينه والميبل اذا بتشعروا ما تماسكوا ضيفوا ملعقة صغيرة حليب نباتي او عادي (حسب نوع الطحينة التماسك) ✔️ بنعجن المكونات وبندهن ايدنا بزيت زيتون وبندور الكرات ✔️ بنذوب شوكلاته داكنه مع نقطة زيت زيتون بالميكرو مده دقيقه (كل١٥ ثانيه حركوهن) - بالنسبه للشوكولاته استعملوا من ٧٠٪؜ وفوق كاكاو بيكون اقل سكر فيهن ✔️ بنغطس الكرات بالشوكلاته ✔️ بزبط نزين الكرات بأي اشي بدنا اياه مش شرط والف صحة وهنا 💫💘🫶🏻

https://www.youtube.com/shorts/WUzQ9iafzlE?feature=share ممنوع ممنوع تمرق حياتكم بدونها هالوصفه بتحكي كثير ذكريات ومررتلكم إياها لتشعروا بقيمتها الغذائية ولتخليد وصفات صحية قديمة 🥹💘 والحلو ملانه حديد وكالسيوم ومجنزيوم ودهون جيده ومشبعه بشكل وبنغدر نعتبرها مصدر للدهون بالوجبة والألياف 💫 المكوّنات: ✔️ ٤ بندوره ✔️ ربع فلفل اخضر حار ✔️ حفنه بقدونس ✔️ ١ ثوم مهروس ✔️ ١ ليمونه ✔️ ملح ✔️ نص كأس طحينه ✔️ نص كأس مي الطريقة: ✔️ بنقطع البندوره والفلفل والبقدونس والثوم ✔️ بنعصر الليمون وبنرش رشات الملح ✔️ اخر اشي بنضيف الطحينة اذا بتشعروا بدكم اكثر طحينه ضيفوا لتطلع جامده شوي وبعدها ضيفوا مي ✔️ وحركوها منيح وجاهزين والف صحة وهنا 🫶🏻💘

https://www.youtube.com/shorts/KqP1stNp8ns?feature=share سلطة البشرة الرهيبه رح تدمنوها ملاااانه فايتمين سي وفايتمين إي🍓 بتعرفوا انه التوت ملانه فايتمين سي والافوكادو مصدر رهيب للدهون الغير مشبعه والفايتمين إي ويتعبرن رهيبات لصحة البشره 💆🏻‍♀️ المكوّنات: ✔️ خس ✔️ توت ✔️ ليمون ✔️ نص ملعقة زيت زيتون ✔️ رشة ملح ✔️ حفنه جوز ني ✔️ ملعقة كبيره دبس رمان ✔️ حبة افوكادو الطريقة: ✔️ بنقطع الخضار وبنتبلها ✔️ اخر اشي بنضيف الافوكادو وع الوجه من فوق رشات دبس رمان وذوقوا بعدها هالطعم الخراااافي 🍓🫠🥗

https://www.youtube.com/shorts/R33MHZoheWw?feature=share موس شوكلاته صحي من مركبين بس الطعم رهيييييب رهيييب 🍫 🍫مناسب للأشخاص الي بدهم تحلاية صحية فيها سعرات حرارية قليله نسبياً لتحلاية وتذكروا مش بس نعد سعرات حرارية مهم نعد قيم غذائية ونفحص هالسعرات من شو مركبة وشو المواد الموجودة بالمنتج 🍫 مناسبة للأشخاص الي عندهم حساسيه من لجولتين واللاكتوز (استعملوا شوكلاته تتناسب مع الامر) 🍫المكوّنات: ✔️ كأس موز مهروس ✔️ كأسين شوكلاته داكنة ٨٠٪؜ (قسم استعملته ٧٠٪؜) 🍫الطريقة: ✔️ بنضغط الموز ناعم ✔️ بنذوب الشوكلاته الداكنه مع ربع ملعقة زيت زيتون بالميكرو - كل ١٥ ثانيه حركوا الشوكلاته لتذوب وما تنحرق رح يوخذ وقت من دقيقه لدقيقه ونص ✔️ بنخلط الموز مع الشوكولاته وبنوزعهن بقالب بزبط بصحن عليه ورقة خبيز ✔️ بندخلهن لفريزا ع الاقل ٤ ساعات ✔️ ممكن نزين بشوكلاته، فستق حلبي او فواكه والف صحة وهنا 💘🍫🍌

https://www.youtube.com/shorts/Lby3T5H3a2I?feature=share مقروطة الشوكلاته من ٥ مركبات بس رهيبه رهيبه رهيبه 🍫 بدون زبده وبدون حليب وبدون بيض المكوّنات: ✔️كأسين طحين مخلوط (نص أبيض ونص أسمر وبزبط أبيض) ✔️نص ملعقة صغيرة بودرة خبيز (بيكينج باودر) ✔️٣ ملاعق كبار ميبل او عسل ✔️نص كأس زيت جوز الهند الغير مهدرج ✔️نص كأس مي ✔️ كاكاو من شوكلاته داكنه (طريقته بالصفحة) وبزبط بمربى وبزبط بكاكاو التمر او حلاوه الطريقة: ✔️ بنخلط المركبات ما عدا الكاكاو وبنعجن العجينه منيح منيح مده ١٠ دقائق (مهم) ✔️ بنفرد العجينه وبنرقها وبعدها بنفردها ع ورقه خبيز ✔️ بنفصل الأطراف ليبقى عنا مربع او مستطيل ✔️ بندهنها بالكاكاو كل الاطراف ✔️بنلف الرول بورقة خبيز وبندخلها بصنيه الفرن ع الفرن مده ٢٥-٣٠ دقيقة ع درجة حراره ١٨٠ راقبوهن ✔️ وبنقطع الرول بسكين دهناه مي كل مره بنقطع وجاهزين والف صحة وهنا 💘🍫

https://www.youtube.com/shorts/qkgiBdkH3PE?feature=share كوكيز شوكلاته من ٣ مركبات بس رهيباااااااات🍫 ومش بس هيك بزبطن للاشخاص الي عندهم سكري، حساسية من لجلوتين واللكتوز المكوّنات: ✔️٣ موز ✔️١/٢ كأس طحينة استعملت من السمسم الكامل ✔️ ١/٣ كأس بودرة كاكاو بدون سكر ✔️ تشوكليت شيبس من فوق خياري بزبط اي نوع الطريقة: ✔️ بنخلطهن مع بعض منيح وبنوزعهن بمساعده الملعقه ع ورقة الخبيز ✔️ بنوزع التشوكليت تشيبس ✔️ ع فرن درجة حرارته ١٨٠ مده ١٤-١٦ دقيقه راقبوهن لحد ما يجهزوا ✔️ بعد الفرن ما بنلمسهن بنتركهن يبردوا وبعدها بنقيمهن عن ورقة الخبيز وجاهزين والف صحة وهنا 💘🍫