وصفات

https://www.youtube.com/shorts/Dk30PDet4Gc?feature=share طريقة مخلل ملااااان بروبيوتيكا ب٤ أيام فقط ببقى جاهز بخطوات واضحة وبسيطة رهيب لصحة جهازنا الهضمي وجهازنا المناعي لضمان عملية التخمير السليمة: مرطبان مغسول ومعقم بمي مغليه خيار مغسول منيح شبت وثوم مغسولات ممنوع استخدام الخل بمنع نمو لبروبيوتيكا استعمال ملح البحر او الهيمالايا مش ملح مكرر او مضاف اله يود لانه يضعف نشاط البكتيريا الطريقة لأي كمية بدكم تعملوها للمخلل: برتب لخيار بمرطبان بغلي ماء وبتركه يبرد ع الاخر وبعدها بضيف على كل كأس ماء ملعقة كبيرة ملح البحر او الهيملايا مسطحة مش ملانه الا اذا بدكم يكون الملح ظاهر بضيف الثوم والشبت وبضمن انه كلهن يكونوا تحت الماء الملحي بسكر بشاش طبي لاضمن عدم دخول الهواء اكثر واضمن انه كل الخضار تحت الماء الملحي وبسكر بمرطبان وبتركهن بمحل فيه ضوء ٣-٤ ايام وجاهزين بعد ٤ ايام تقريباً راقبوا لمخلل اذا جهز بختلف امر التخمير حسب الاضاءه والحرارة والف صحة وهنا لتحافظوا عليه بعدها احفظوا بالثلاجة 💘

https://www.youtube.com/shorts/qb7pFx5kJmI?feature=share كوكيز من ٤ مكونات بدون طحين، سكر وبتشبع المكوّنات: 2 حبّة موز ناضجة 1 كأس شوفان 1 ملعقة كبيرة بودرة كاكاو غير محلى 1 ملعقة صغيرة قرفة مطحونة رشة ملح ١٠٠ غرام شوكولاته داكنة ٨٠٪؜ وفوق الطريقة: بيتم خلّط المكونات مع بعض بندخلهن ع فرن تم تسخينه ع 180 من فوق وتحت مده 12-14 دقيقة خلوهن يبردن شوي والف صحة وهنا

https://www.youtube.com/shorts/rM-IrK4xwm8?feature=share بتعرفوا طبخة شوربة الزهرة؟! 🙋🏻‍♀️💘🫶🏻 بعشق هاي الطبخة او اليخنه لذيذه وخفيفه وبتشبع بشكل وعملتها ع الطريقه الصحيه طريقة تحضير الزهره: ١ زهرة او قرنبيط تم فصل الزهور عن بعض بنسلقهن بمي مغليه من ٥-٧ دقائق لحد ما يذبلن شوي بس ما يستوين ع الاخر بقلايه هوائيه بنوزعهن مع رشة زيت زيتون وملح ع درجة حرارة ٢٠٠ وبنحمرهن ١٠ دقائق مع تحريك كل ٣-٤ دقائق مكونات الشوربة: ٢ ملاعق زيت زيتون ١ بصل مفروم ناعم ٣ ثوم مهروس كأس صلصلة بندوره كأسين مي مغليه ملعقة بودرة خضار طبيعيه زهرة مشوية ملح حسب الطعم الطريقة: بنشوح البصل والثوم وبعدها بنضيف صلصلة البندوره والماء مباشرة وبنضيف بودرة الخضار بنخليهن يغلو من٧-١٠ دقائق ع نار وسط بعدها بنضيف الزهره عليهن والملح وبنخليهن يغلو ٣ -٥ دقائق ع نار هاديه وجاهزين قدموها مع خضار ورز ومصدر بروتين بتحبوه والف صحة وهنا

https://www.youtube.com/shorts/gf7gqZ_HFQc?feature=share لفه كوسا-زوكيني رهيييييبه ولذيده الحلو تحوي بروتين وملاااانه ألياف ولذيذه وكرانتشيت المكوّنات: شرائح رفيعه من الزوكيني او الكوسا شرائح جبنه ماعز (بزبط اي نوع جبنه) الطريقة: بنوزع شرائح الزوكيني أو الكوسا بشكل متلاصق بحيث يكون كل سطر فوق طرف الاخر ليتماسكوا وبنوزع فوقيهن الجبنه بنسخن فرن ع ٢٠٠ وبنشويهن من ١٠-١٤ دقيقه مهم الجبنه تذوب وتتحمر مهم نحطهن ع ورقة خبيز بالبدايه قبل الفرن لنعرف نلفها او ممكن ننقلها بعد الفرن ع ورقة خبيز جديده بنخليهن يبردوا ع الاخر وبعدها بنحشيهن بشو بنحب: افوكادو، خضروات، بيض، جبنه، لبنه، تونا شو بتحبوا ممكن وذوقوا هالطعم الخرافي والف صحة وهنا

https://www.youtube.com/shorts/HLpTsPibEiM?feature=share   طبخة برغل متكامله صحية ولذييييذه وسريعة الهدف من هيك فيديو انه نستغل الاشياء الي عنّا ونحصي النعم المكوّنات: ٢ ملاعق زيت زيتون ١ شرائح بصل خضروات مجمده علبه حمص كأسين مي كأسين برغل منقوعات ١٢ دقيقه بمي سخنه ملعقه كبيره بهار مقلوبه ملح وفق الطعم الطريقة: بننقع البرغل بمي سخنه ١٢ دقيقة بنشوح البصل والخضار بزيت الزيتون(بزبط احنا نقطع اي خضار بدنا) ولما يتذبلوا بنضيف حب الحمص والمي وبنتركهن يستوين بعد ما تستوي الخضار بنضيف البرغل المنقوع والمصفى من المي وبنضيف لبهارات وع نار هاديه بنغطيهن لحد ما تنشف المي مع التحريك المستمر وبعد ٥-٨ دقائق جاهزين والف صحة وهنا

https://www.youtube.com/shorts/2PisZYd83Z4?feature=share سناك التمر كرانتش ولذييييذ ومشبع والحلو دمج الدهون مع التمر بهاد السناك ما بتخلي ارتفاع السكر والإنسولين حادّ، سناك لذيذ لما بيجي ع بالنا اشي حلو المكوّنات: 10 حبات تمر بدون نواه ملاعق كبيرة زبدة فستق طبيعية (بدون سكر) ¼ كوب حبوب رز منفوخة 100 غرام شوكولاتة داكنة (70% كاكاو وفوق) الطريقة: بنجهز حشوة زبده الفستق والرز وبنحسو التمر فيها بنذوب الشوكلاته الداكنه بحمام مائي بنوزعهن فوق حبات التمر وع ثلاجة تقريباً ساعه وجاهزين والف صحة وهنا

https://www.youtube.com/shorts/P4fXjSsMj7Y?feature=share   طبخة متكاملة من أشياء مفتوحه لاستغلها ولنحفظ النعمه صلصلة الباستا: ملعقتين زيت زيتون ١ بصل شرائح ٤ ثوم مهروس ١٠-١٢ فطر ٦-٧ شيري كأس صلصلة بندورة زعتر فارسي نص كأس-٣/٤ كأس مي ملح حسب الطعم كأس كريم جوز الهند الطريقة: بنشوح البصل والثوم ولما يذبلوا بنضيف الفطر والشيري لما يستوي الفطر والشيري بنضيف ثلصلة البندورة وبنحرك بنضيف الملح والزعتر الفارسي عليهن والمي وبنخليهن يغلين وبعدها بنضيف كريم جوز الهند بنخليهن يغلين وجاهزين (ذوقوا الملح بهاي المرحلة) بنضيف عليهن الباستا وبنحرك التوفو: قطعته وبهرته ببهار بطاطا مع ملح وزيت زيتون وع القلايه الهوائية ١٠ دقائق كل ٥ دقائق بحركهن

https://www.youtube.com/shorts/FSmEAZtWDTw?feature=share أطيب جرانولا بيتيه تحوي حديد وكالسيوم ومغنيسيوم وزنك المكوّنات: 2 كأس شوفان كامل 1 ملعقة صغيرة قرفة مطحونة رشة ملح 1/2 كوب طحينة 1/4 كوب عسل طبيعي اضافات: تمر مفروم + ١٠٠ غرام شوكولاته داكنه ٨٥٪؜ الطريقة: بنخلط المكونات - الجافه اولا وبعدها الباقي بنسخن الفرن على ١٨٠ من فوق وتحت بنوزع الخليط ع صنية خبيز بنحمرهن بالفرن ٢٠-٢٥ دقيقه وكل ٣ دقائق بنحركهن بنتركهن يبردن وبعدها بنضيف التمر والشوكلاته والف صحة وهنا

https://www.youtube.com/shorts/xqv3QzIdPZQ?feature=share   مناقيشنا وزعترنا ومحمرنا ب١٠ دقائق بالقلايه اكلة الطفولة واكلتنا كلنا كلنا كلنا المكوّنات للعجينة: ٢ كوب طحين مخلوط (بزبط اي نوع طحين) نصف ملعقة صغيرة ملح 1 ملعقة صغيرة بيكنج باودر 1 ملعقة كبيرة زيت زيتون ٣/٤ مي دافيه (تدريجاً ضيفوا وعجنوا) الطريقة: بنخلطهن وبنعجنهن منيح وبنقطعهن لقطع صغيرة وبنغطيهن المكوّنات للمحمرا: ملعقتين كبار زيت الزيتون ١ بصل قطع فلفل حر (خياري اذا ما بتحبوا الحر ما تضيفوا) صلصلة بندورة ٦ ملاعق كبار نص ملعقة صغيرة بهار مخلوط نص ملعقة صغيره سماق رشة ملح الطريقة: بنشوح البصل بزيت الزيتون مع الفلفل ولما يذبل بنضيف صلصة البندورة ولبهارات وبنشوحهن ع نار وسط وبنتركهن يغلين دقيقتين مع التحريك المستمر وجاهزين خلطه الزعتر: ملعقة كبيرة زعتر ٣ ملاعق كبيره زيت الزيتون تحضير المناقيش الطريقة: بنفرد قطع العجينة وبنرقهن بنسخن قلاي وبعدها بنحطها ع نار وسط بنضيف قطع العجينة وبنخليهن ٣ دقائق ولما يتحمروا من تحت بنقلب بنوزع خلطة البصل والزعتر وبنغطيهن ٣ دقائق مهم تغطوهن ليضلّوا طريات وجاهزين والف صحة وهنا