وصفات

https://www.youtube.com/shorts/sXh6Du-mCnE?feature=share كعكة الدوالي 💘 سهلة جداً وخفيفة جداً وبتوخذش وقت تحضير حلوه لتقديم الرز مع طعم دوالي وممكن تحشوها بإيش بدكم انا فضلت احشيها برز وصنوبر ونعنع المكوّنات: ✔️ ١٥-٢٠ ورقه دوالي ✔️ كأس رز مطبوخ (مفلفل عادي) ✔️ حفنه صنوبر محمصه ✔️ ٥ ورقات دوالي مجففه او طازجة ✔️ ملعقة كبيرة بهار محاشي ✔️ ملعقة صغيرة ملح ✔️ ملعقتين كبار زيت زيتون ✔️ دبس رمان ✔️ نص كأس مي ✔️ رمان ✔️ ليمون الطريقة: ✔️ بنسلق ورق الدوالي بمي مغليه كل اكم ورقه بنتركها دقيقه بالمي المغليه لحد ما يتغير لونها وتصير ناعمه ✔️ قالب خبيز بندهنه زيت زيتون ✔️ بنوزع اوراق الدوالي من تحت وبنعلي الأطراف ع جنب القالب لنعرف نطويها بعدها ✔️ بنجهز الحشوة بنخلط الرز المطبوخ مع الصنوبر لمحمص والنعنع وبهار المحاشي مع الملح وزيت الزيتون بنحركهن منيح ✔️ بنوزع الحشوه داخل وراق الدوالي الي بالقالب وبنضغط عليهن وبنرتب طبقه وراق دوالي من فوق ✔️ بنضيف المي عليهن ورشات دبس الرمان ✔️ بندخلهن ع الفرن مده ١٥ دقيقه ع فرن درجة حرارته ١٧٠ (راقبوهن ممنوع ينحرقوا بس شوي يتحمروا) ✔️ بعد الفرن بنقلبهم بصنيه وبنضيف رمان ورشات دبس رمان وعصرة ليمون والف صحة وهنا 💘

https://www.youtube.com/shorts/Cgs7BavxtgQ?feature=share   مين حكى الملفوف بس لف؟! 🫠 ملفوف مع رز وضفت اله بروتين الحمص وجبة سريعه وسهله وبتشبع بشكل وطعمها عنجد تحفه الحلو بالملفوف: يحوي معادن، ألياف، مضادات أكسده وقليل السعرات الحراريه المكوّنات: ✔️ نص ملفوف مقطع لشرائح مش رفيعه كثير ✔️ ملعقتين كبار زيت زيتون ✔️ ٥ ثوم ✔️ كأس أرز (منقوع ع الاقل نص ساعه) ✔️ ملعقة صغيرة بهار محاشي ✔️ ملعقة ملح (حسب الطعم) ✔️ نص كأس حمص حب مسلوق اختياري ✔️ ٣ كاسات مي تقريباً الطريقة: ✔️ بنسلق شرائح الملفوف لحد ما تستوي (بدهن ٢٠-٢٥ دقيقه) ✔️ بنصفيهن من المي ✔️ بنشوح الثومه بزيت زيتون ✔️ بنسكب الرز ولبهارات والملح والحمص ✔️ بنسكب الملفوف وبنحركهن مع بعض منيح ✔️ بنضيف المي عليهن (مهم المي تغمرهن لفوق ب٥ ملل) ✔️ لما تغلى المي بنوطي تحتيهن وبنخليهن ينطبخوا براحتهن ✔️ولما تنشف المي ع الاخر بنغطيهن وبنتركهن ١٠ دقائق ✔️ وجاهزين بنرتب الصحن بقدونس وصنوبر ودبس رمان وعصره ليمون والف صحة وهنا

https://www.youtube.com/shorts/q-M53fi2DCU?feature=share   وجبة شوفان فكرة لوجبة عشاء سهله ومشبعه بشكل وبتعرفوا انه الشوفان ممتاز لنوازن بروفيل الكولسترول والنزول بالميزان؟! المكوّنات: ✔️ كأسين حليب نباتي ✔️ كأس شوفان مطحون (شوفان بنطحنه بالمكسر) ✔️ رشه قرفه ✔️ملعقة صغيرة فانيلا ✔️ ملعقة عسل ✔️ التزيين خياري: ممكن توت، شوكلاته او اي نوع فواكه الطريقة: ✔️ ع نار هاديه بنضيف الحليب، الشوفان، القرفه والعسل ✔️ بنستمر بالتحريك مهم جداً لما يلزق - تقريباً من٣-٥ دقائق ✔️ بعدها جاهزين وبنزين الصحن

https://www.youtube.com/shorts/LBp5FLJrw8U?feature=share   بوريكس محشي بلبنه وسبانخ والحلو بدوش تحضيرات ولا يحوي دهون ترانس ولا دهون مهدرجة وما بلزمه القلي ومن مركبات صحية أكثر المكوّنات: ✔️ ملعقة زيت زيتون ✔️ ٢ بصل اخضر ✔️ زرف سبانخ ✔️ علبتين لبنه لوز بزبط اي نوع لبنه او جبنه ✔️ ورق رز ✔️ زيت زيتون ✔️ سمسم الطريقة: ✔️ بنشوح البصل بزيت الزيتون ✔️ بنشوح معهم السبانخ وبنرش رشات ملح ✔️ بنصفي السبانخ بعد ما ذبل (مهم) لنزل من السوائل ✔️ بنسكب عليهن لبنه اللوز ✔️ ورق الرز بننقع كل ورقه ٢٠ ثانيه بمي بدرجة حراره الغرفه ✔️ بنحشي الورقه من الطرف وبنبلش نطوي الاطراف ونلف ✔️ بنوزعهن ع ورقه خبيز ✔️ بندهنهن بشويه زيت زيتون ✔️ رشات سمسم ✔️ بنحمرهن بالفرن ١٠-١٢ دقيقه ع درجة حراره ٢٠٠ ممكن تزبدوا وممكن تنقصوا حسب فرنكم راقبوهن وجاهزين والف صحة وهنا 💘🫶🏻

https://www.youtube.com/shorts/1LBtl8Sp0yY?feature=share   يوم هالجمعه يحمل كل الخير ونسمع فيه بس الخير 🙏🙏🙏🙏 بحب هذول الفيديوهات الي بدون حكي .. بتحبوهن؟! 😅 هاد لسناك خفيف بدون حليب او زبده وسريع واستعملت شوكلاته داكنه ١٠٠٪؜ لانه البسكوت فيه سكر

https://www.youtube.com/shorts/2a6c71m6SLA?feature=share سلطة كينوا وحمص وخضرا صح انها مش بيرفكت الكينوا بس قررت أشاركها لانه مهم نحصى النعم ومش كل اشي بيرفكت بالمطبخ ومش شرط كل اشي شكله حلو بالضروره زاكي والعكس صحيح الحلو بهاي السلطه متكامله تحوي بروتين كامل ونشويات مركبه وألياف وجبه تعتبر سريعه وممتازه لطلاب الجامعات وللي بشتغلوا ساعات طويله المكوّنات: ✔️ كأس كينوا ✔️ كأس حمص ✔️ حفنه كزبره ✔️ ١٠ حبات شيري مقطعه ✔️ ١ بصل أبيض ✔️ حفنه زيتون اسود ✔️ بندوره مجففه (بدون زيت وسكر - بزبط بدون) ✔️ حفنه جوز ✔️ ملعقه زيت زيتون ✔️عصره ليمونه ✔️ رشة ملح ✔️ رشات دبس رمان الطريقة: ✔️ بنسلق الحمص والكينوا - الحمص بسلق كميه وبخبي بالفريزا وبعدها بس بسلقهن ٦ دقائق- الكينوا ع كل كأس حطوا ٥ كاسات مي واسلقوها تماما زيي الباستا طوالي اول ما تبلش تستوي قيموها وصفوها ما تخلوا المي تتشربها كلها ✔️ بنقطع الكزبره، الشيري، البصل، الزيتون، البندوره لمجففه وبنضيفهن للحمص والكينوا وبعدها بنضيف الملح، الزيت، والليمون والبيكان - بنحرك وبعدها بنضيف دبس الرمان من فوق وجاهزين الف صحة وهنا 🫶🏻🙏

https://www.youtube.com/shorts/jDX_sDCgPNY?feature=share شو بتسموهن عندكم؟! إحنا حيايا 🫠 المهم من مكونين فقط وبدون ولا أي اضافه سكر وطعمهن وقوامهن بجنن بيطلع وصحي أكثر والحلو بديل ممتاز للجيلاتين الحيواني 👌🫶🏻 المكوّنات: ✔️ كأس عصير طبيعي (بزبط عصير فواكه، عصير تفاح) ✔️ ملعقتين أغار ✔️ للي بده طعم حلو ممكن اضافه ملعقتين ميبل ✔️ ولتغيير اللون ضفت مية شمندر ٤ ملاعق (خياري) الطريقة: ✔️ بنغلي العصير واذا بدنا نضيف ميه الشمندر والميبل ولما يغلوا بنضيف الأغار وبنضل نحرك لحد ما يصير القوام لزج ✔️ بنبلش نعبي بالقالب.. تجمد معهم السائل قبل لا تعبوا بهمش سخنوا وكملوا عبوا بصير سائل ✔️ مش شرط قالب خاص بزبط بصنيه واحنا نقطعهن

https://www.youtube.com/shorts/qgDwZk5tZxo?feature=share كعكة برتقال مع استغلال كامل للحبه بدون بيض ومن قمح كامل 🍊 المكوّنات: ✔️ برش قشرة حبة برتقال كاملة ✔️ عصير ٣ حبات برتقال تقريبًا (كأس وربع عصير) + اللب البرتقال ✔️ ملعقة كبيرة فانيلا ✔️ ١١٣ غرام صلصلة تفاح (موجوده بكل سوبر للأطفال) ✔️ نص كأس زيت زيتون ✔️ كأسين قمح حنطة (كوسامين) كامل مغربل ✔️ ملعقتين صغار بودرة خبيز ✔️ نص ملعقة صغيرة صودا الشرب ✔️ رشة ملح ✔️ كأس سكر بني من قصب السكر الطريقة: ✔️ بنخلط العصير، قشر البرتقال، الفانيلا، صلصلة التفاح وزيت الزيتون مع بعض ✔️ بعدها بنضيف القمح لمغربل، بودرة الخبيز، صودا الشرب، رشة ملح والسكر البني ✔️ بنحركهن وبنخلطهن مع بعض ✔️ بنضيفهن بقالب خبيز ✔️ بنوزع شرائح من البرتقال الي عصرناه ✔️وبنخبزها ع فرن تم تسخينه ع١٨٠ بدون مروحه ✔️ بنخبزها من ٣٠-٤٠ دقيقه لحد ما تطلع قشة أسنان بدون حبيات من النص ✔️ اذا بدكم ترطبوها ممكن تضيفوا عصير برتقال من فوق وجاهزين وذوقوا هالطعم الخرااااااافي بعدها 🫶🏻💫

https://www.youtube.com/shorts/iXJNo4m8gpE?feature=share شيبس صحي بدون نقطه زيت ب ٥ دقائق بس.. بديل رهيب للي بده سناك ويحافظ ما يدخل مقالي وبصراحة الطعم ما توقعت هالقد يطلع رهيب زيي ما بتعرفوا الشيبسات الجاهزه هي شيبسات مقليه بالتالي ملانه زيوت مهدرجة وملانه سعرات حراريه وملانه صوديوم هالبديل البيتي رهيب 🫶🏻🥔 المكوّنات: ✔️ ٢ بطاطا ✔️ ثلج ومي ✔️ ملح ✔️ خياري: بابريكا مدخنه، بزبط زعتر وبعار ثومه الطريقة: ✔️ بنقطع البطاطا لشرائح رفيعه ✔️ وبعدها بننقعهن بصحن فيه ثلج ومي مده ربع ساعه ✔️ بنجيب شريطه نظيفه وبنرتب شرائح البطاطا وبنشفها منيح ✔️ ع صحن عليه ورقه خبيز بنوزع شرائح البطاطا ✔️ رشات ملح وبابريكا ✔️ ع الميكرو ٥ دقائق- في قطع ممكن تكون بحاجة لكمان دقيقه ✔️ وجاهزين وألف صحة وهنا 🫶🏻