وصفات

https://www.youtube.com/shorts/_gNN7aIZP4g?feature=share يخنه الباتنجان (الباذنجان) من الأكلات السهلة والبسيطه والاقتصادية والي طعمها حرفياً تحفه ومشبعه بشكل وملانه ألياف 💘 ليكون بجنبها بروتين ممكن تدمجوا حمص او فول طيب بيطلع 🤝 المكوّنات: ✔️ ملعقتين زيت زيتون ✔️ ١ بصل ✔️ ٤ ثومه + سن لما تخلص الطبخه ✔️ ٢ بندوره او ١٠ حبات شيري ✔️ ٢ باذنجان وسط او واحد كبير ✔️ لتر ونص مي ✔️ ملح ✔️ ممكن تضيفوا ملعقة بودره خضار للي بحب طعمتها (ذوقوها وقرروا اذا بدكم) الطريقه: ✔️ بنشوح البصل والثومه بزيت الزيتون ✔️ لما يذبلوا بنضيف البندوره ✔️ وبعدها قطع الباذنجان (قطعوه لمكعبات) وبنشوحهن ✔️ بنضيف المي وبنتركهن لحد ما يستوي الباذنجان من ٢٠-٢٥ دقيقه بنخليهن يغلوا ✔️ بعدها بنضيف الملح وبودرة الخضار اذا بدكم ✔️ و١ ثوم بنضغطه وبنطفي تحتيهن ✔️ جربوها مع رز بجنبها وألف صحة وهنا نكون جميعاً بخير وعافية 🙏

https://www.youtube.com/shorts/q4WqZiqmtoQ?feature=share ✔️ الإستغناء عن البرجر خارج البيت والتركيز على البيتي اله جوانب صحية منها أقل دهون مشبعه، أقل صوديوم وأقل ملح ✔️ البرجر النباتي والغير نباتي بهاي النقطه نفس الاشي مش بالضروره اذا نباتي يكون صحي أكثر… ✔️لما بدنا نعمل برجر أفضل نعمله بالبيت واذا البرجر النباتي ما صحلنا نعمله بالبيت (طريقته طلعتها قبل) بنفع نركز انه مكوناته تكون مع أقل زيت، ملح وإضافات مصنعه ✔️ مهم مع البرجر ندمج معه خضروات تذكروا الجاهز فش خضار فيه تقريباً بكون فكل ما بنزيد الخضار كل ما بيزيد شعورنا بالشبع وجهازنا الهضمي بيكون مبسوط أكثر

  https://www.youtube.com/shorts/5eAAgUzPjq8?feature=share   هالأيام تحملنا السلامه والعافيه والخير جميعاً 🙏🙏🙏💘💘   هالطريقة صورتها من قبل واليوم بشاركها   كعكة شوكلاته بسيطة بدون حليب وبدون بيض وزبده سهلة جداً ومن قمح كامل مناسبة للأشخاص الي عندهم حساسبه من البيض او اللاكتوز. المكوّنات: ✔️ كأس ونص قمح كامل ✔️ ١/٢ سكر بني ✔️ نص ملعقة صغيرة صودا الشرب ✔️ ٤ ملاعق كبار بودرة كاكاو ✔️ ١/٢ كأس عصيده تفاح (تفاح الأطفال) ✔️ ملعقة كبيره فانيلا ✔️ ١/٤ كأس زيت جوز الهند ✔️ كأس حليب نباتي ✔️ ملعقة كبيره خل تفاح او خل ابيض او ليمون ✔️ ٦ مكعبات شوكلاته مقسمات من فوق: ✔️ ١٠٠ غرام شوكلاته داكنه ٨٠٪؜ لوح كامل ✔️ نص كأس حليب نباتي ✔️ ملعقة صغيره زيت زيتون الطريقة: ✔️ بنخلط المكونات الجافه وبعدها السائله وبنضيف الشوكلاه بالاخر وبنحرك ✔️ بنسكبهن بقالب خبيز مدهن زيت زيتون ✔️ بنسخن الفرن ع درجة حراره ١٧٥ وبندخل الكعكة مده ٣٠ دقيقه لحد ما تجهز (حطوا عود أسنان خشب اذا طلع بدون حبيبات جاهزه الكعكة) ✔️ بنذوب بالميكرو الشوكلاته، الحليب وزيت الزيتون وكل ١٥ ثانيه بنحركهن بدنا دقيقه لدقيقه وربع لحد ما تذوب الشوكلاته ✔️ بنسكب الخليط فوق الكعك وبندخلهن ع الثلاجة ساعه ✔️ والف صحة وهنا 🙏💘  

https://www.youtube.com/shorts/qaO49Om2aFY?feature=share أيامنا تحمل الخير والعافية والسلامة علينا جميعاً 🙏🙏🙏🙏 هالفترة بنزل طرق بسيطه وسهله كبرنا عليها ومن ضمنهن وصفة رولات السبانخ وصفه سهله واقتصادية وبدل لقراص الي متعودين عليه عملته بخبز عربي ولفيتهن… المكوّنات: ✔️ملعقتين زيت زيتون ✔️ ٢ بصل ✔️ حفنة صنوبر ✔️ ضمه سبانخ ✔️ نص ملعقة كبيرة ملح الطريقة: ✔️ بنشوح البصل ولما يذبل بنضيف الصنوبر والسبانخ والملح وبنحرك لحد ما يذبلوا ✔️ بنصفيهن منيح لتنزل ميتهن ✔️ بنجيب خبز عربي بنقسموا لقسمين ✔️ بنضيف الحشوة ب ٣/٤ طرف الخبزه وبنلفها ✔️ صنيه فرن بندهنها زيت زيتون وبنوزع الرولات وبندخن من فوق بزيت زيتون ✔️ وبنرش عليهن رشة سماق وبنحمرهن بالفرن ٧-١٠ دقائق على درجة حراره ٢٠٠ (راقبوها اول ما يتحمروا جاهزين)

https://www.youtube.com/shorts/bsOdpYfk5iw?feature=share أيامنا تحمل الخير والعافية والسلامه 🙏🙏🙏 مقروطه الشوكلاته الصحية من مكونات بسيطه وسهله انطلب كثير هاي الفتره حلو يبقى بسيط ويمد بالشبع بنفس الوقت وتكون مكوناته بسيطه وسهله المكوّنات: ✔️ كأس ونص شوفان مطحون (شوفان اطحنوه بالمكسر) ✔️ نص كأس طحينه ✔️ ١/٢ كأس ميبل او عسل ✔️ شويه رشة ملح ✔️نص ملعقة بودره خبيز ✔️ ٧٠ غرام شوكلاته داكنه الطريقة: ✔️ بنحرك الشوفان، الطحينة، الميبل، الملح وبودره الخبيز مع بعض لحد ما يتماسكوا جيداً ✔️ بنفرد العجينه بشكل مستطيل على ورقه خبيز بخمل ٣ مليمتر تقريباً ✔️ وب٣/٤ المستطيل بنضيف مكعبات الشوكلاته الداكنه على طولها ✔️ بنبلش نلف بورقه الخبيز لحد ما يتشكل الرول ✔️ بنقيم الاطراف وبنقسم الرول لقطع من فوق مش للاخر الي نوصل الشوكلاته من فوق ✔️ بندخلها على فرن من فوق وتحت درجة حراره ١٨٠ مده ١٥-٢٠ دقيقه (راقبوها لحد مز تتحمر شوي مش كثير) وجاهزين ملاحظة: اذا ما بتتماسك ضيفوا كمان شوية شوفان مدى التماسك متعلق بنوع الطحينه ونوع الشوفان نكون جميعًا بخير وسلامة 🙏🙏🙏

https://www.youtube.com/shorts/812KO5ZP7-Y?feature=share نكون جميعاً بخير وعافية وسلامه 🙏🙏🙏 لمجدرة أكلة بسيطه واقتصادية ونباتية بس تعتبر أكلة الملك لإنها تحوي بروتين كامل بسبب دمج العدس الي هو من البقوليات والبرغل الي هو من الحبوب … المكوّنات: ✔️ كأس ونص عدس منقوع ساعتين ✔️ برغل كأس ونص منقوع ساعه ✔️ ٣ ملاعق كبار زيت زيتون ✔️ ٦ بصل ✔️ ملعقة صغيرة كمون ✔️ ملعقة كبيرة ملح الطريقة: ✔️ بعد ما نقعنا العدس بنسلقه مع ٦ كاسات مي بس مش للاخر لحد ما يفرط انما سلق الي يخلي الحبه متكامله بدنا من ٢٠-٢٥ دقيقه راقبوا العدس بعد ما استوى بنصفيه وبنحطه بالطنجره ✔️ البرغل نفس الاشي بعد ما نقعناه بنسلقه ب ٦ كاسات مي مده ٧-٩ دقائق وبنصفيه وبنضيفه للعدس ✔️ بنشوح البصلات بزيت الزيتون لحد ما يذبلوا ويتحمروا ✔️ بنضيف نص البصلات بعد ما تشوحوا على البرغل والعدس وبنضيف الكمون والملح وبنحركهن منيح (ذوقوا ممكن حسب الطعم ممكن تزيدوا ملح) ✔️ بعدها بضيفهن بصحن وبرتب باقي البصلات من فوق وبضيف لوز وبقدونس وجاهزين السلطة العربية عبارة عن: بندوره، خيار، بصل، خس، بقدونس، نعنع، زيت زيتون، ملح وليمون مية صحة وهنا وعافيه وخير 🙏🙏🙏

https://www.youtube.com/shorts/sKRD5SrsBFc?feature=share نكون جميعاً بخير وعافيه وسلامه 🙏🙏🙏 سألتوا كثير عن طلب الحلو بالشتويه. وبالشتوية عنا رغبه للسكر والنشويات أكثر… شو الحل البسيط + مع طريقة بسيطه للحل.. المكوّنات لبيستو البندوره: البندوره او الشيري قبل الفرن: ✔️ علبه شيري ممكن نستبدل ب٤ حبات بندوره ✔️ ملعقة كبيرة زيت زيتون الطريقة: ✔️ بيتم شويهن بالفرن من ٢٠-٣٠ دقيقة ع درجة حراره ٢٠٠ المكوّنات للبيستو بندوره بعد الفرن: ✔️نص كأس لوز محمص ✔️ البندوره المشوية ✔️ كأس ورق ريحان ✔️ ١ ثومه ✔️ ملح ✔️ ربع كأس زيت زيتون الطريقة: ✔️ بنحركهن وبنخلطهن بالخلاط مده دقيقة وجاهزين ممكن حفظة بالثلاجة لمده أسبوع نكون جميعاً بألف خير وسلامه 🙏🙏🙏🙏

https://www.youtube.com/shorts/g9ddxBZVrDY?feature=share المكوّنات للتفاح: ✔️ ٤ تفاح مقشر ومقطع ✔️ربع ملعقه قرفه الطريقة: ✔️ بحركهن وبوزعهن بقالب خبيز وبحمرهن بالفرن لحد ما يستوي التفاح من١٥-٢٠ دقيقه ع درجة حراره ٢٠٠ المكوّنات للخليط العليوي: ✔️ قشر التفاح بطحنه ✔️ كأس شوفان ✔️ رشه قرفه ✔️ ربع كأس محلي طبيعي (عسل، ميبل، أجفا) ✔️ ربع كأس طحينه (بزبط زبده فستق او لوز) الطريقة: ✔️ بخلطهن وبحركهن مع بعض (اذا حسيتوا الشوفان بعد مش ملزق ضيفوا شوي طحينة مش كثير) ✔️ بوزع الخليط فوق التفاح بعد ما يستوي ✔️ وبحمرهن بالفرن ١٠ دقائق (راقبوا الشوفان اول ما يحمر جاهز) جمعه تحمل الخير والعافية علينا جميعاً 🙏🙏🙏🙏

  https://www.youtube.com/shorts/0YHX-Rl4YAI?feature=share أيامنا يحملن الخير والعافية علينا كلنا 🙏🙏🙏🙏   شوربة لفريكة من الأكلات الي ترعرعت عليها بسيطه واقتصادية وسهلة وعلى قد ما هي بسيطه على قد ما قيمتها الغذائية عاليه… فيها نسبة ألياف عاليه فبتعطي شعور بالشبع لمده طويله وتحوي بروتين بال ١٠٠ غرام عنا ١٣ غرام بروتين…   المكوّنات: ✔️ ملعقتين زيت زيتون ✔️ ٢ بصل ✔️ كأس فريكة منقوع ٤ ساعات على الأقل ✔️ ٤ كاسات مي ✔️ ملعقة كبيرة بودره خضار ✔️ ملعقة كبيرة ملح   الطريقة: ✔️ بنشوح البصل بزيت زيتون ✔️ لما يذبل البصل بنضيف لفريكة وبنحركهن مع بعض ✔️ بنضيف المي هليهن وبنخليهن يغلين ٤٠-٤٥ دقيقه ع نار هاديه ✔️ بعدها بنضيف بودرة الملح وبودره الخضار وبنخليهن يغلين ٣-٤ دقائق وجاهز   كل الخير والصحة والسلامة 🙏🙏🙏🙏