وصفات

https://youtu.be/GNs-bheuoN4 ماجنوم صحي بدون حليب وبأقل سكر ويحوي بروتين نباتي 🌱🍫   بصراحة الطعم جدًا فاجئني توقعاتي منه كانت مش هالقد عاليه لإنة مش كثير بحب الزبادي لمجمد (لفروزن يوجورت) بس الطعم طلع رهيب حرفياً 💘   المكوّنات: ✔️ ٢ يوجورت / زبادي صويا ✔️ ملعقة كبيرة فانيلا ✔️ ملعقة كبيرة زبده الفستق ✔️ ملعقة كبيرة محلي طبيعي: عسل، ميبل، أجفا ✔️ نص كأس شوكلاته داكنه + ملعقة صغيرة زيت زيتون   ملاحظة: ذوقوا الخليط اذا بدكم تحلوا ضيفوا محلي حسب رغبتكم   الطريقة: ▫️ بنخلط الزبادي والفانيلا وزبدة الفستق والمحلي مع بعض ▫️ بنوزعهن على ورقه خبيز (اختاروا اي حجم بدكم) انا اخترت اقسم الخليط لقسمين بزبط تقسموهن لأربع أقسام ▫️بالنص بندخل عود خشب وبنسكر مكان إدخالة ▫️بندخلهن ع لفريزا مده ٢٤ ساعه ▫️ بعد ٢٤ ساعه بنذوب الشوكلاته مع زيت الزيتون بالميكرو مده دقيقه كل نص دقيقة حركوهن ▫️ وبنقسم الشوكلاته لصحنين هيك بنسكب الشوكلاته عليهن من فوق والشوكلاته المتبقية الي ما التصقت تسكب بالصحن الاخر وهيك بنمتنع عن هدر الشوكلاته (بزبط تعبو كأس شوكلاته وتغطسوها فيه بس بضل كثير شوكلاته وبروح هدر) ▫️ بنوزعهن ع ورقة الخبيز وبندخلهن لفريزا مده ساعتين   وجاهزين وذوقوا بعدها هالطعم الخرااااااافي 🫠💘🍫

https://youtu.be/jyJzSqO3HZg لازانيا من خضار بس بدون جلوتين وبدون قمح طعمها طلع رهيب مش كلمه ووجبة ملاااانه ألياف وخفيفة وصحية 🫠🤤💘   ✨المكوّنات للصلصة: ✔️ ملعقة كبيرة زيت زيتون ✔️ ٣ ثوم مقطع ✔️ ١ بصل مقطع ✔️ ١ فلفل أحمر + ١ فلفل أصفر مقطعات ✔️ علبه فطر طازج مقطعات لقطع صغيرة ✔️ بهارات ملعقة كبيرة من: زعتر (تايم)، ريحان، أوريجانو ✔️ نص كأس صلصلة بندورة + نص كأس مي   ✨الطريقة: ▫️ بنشوح البصل والثوم ومه بزيت الزيتون ▫️ لما يذبلوا بنضيف فلفل الألوان وبنشوحهن لحد ما يذبلوا ▫️ بنضيف الفطر وبنحرك للآخر لحد ما يستوا كل الخضار ▫️ بنضيف بعدها لبهارات، المي والصلصلة ▫️ بنحركهن لحد ما يغلوا ويستوا وجاهزين   ✨مكونات الباذنجان : ✔️ ٢ باذنجان مقطع لشرائح رفيعه ✔️ زيت زيتون ✔️ ملح   ✨الطريقة: ▫️ بنوزع شرائح الباذنجان ع ورقة خبيز ▫️ بنمرق عليهن بشوكة ▫️ بندهنهن بزيت زيتون ورشه ملح ▫️ بندخلهن ع فرن تم تسخينه ع ٢٠٠ لمده ٢٠-٣٠ دقيقه لحد ما يتحمروا وجاهزين   ✨ترتيب الطبقات: بصنية بنضيف: ✔️ طبقة صلصلة ✔️ طبقة باذنجان مشوي ✔️ طبقة صلصلة ✔️ طبقة جبنه نباتيه او اي نوع جبنه اخر ✔️ طبقة باذنجان ✔️ صلصلة ✔️ جبنه ✔️ طبقة باذنجان ✔️ صلصلة ✔️ جبنه   ✨وجاهزين بندخلهن ع فرن من فوق وتحت لتتحمر الجبنه بدها من ١٠-١٥ دقيقه (حسب فرنكم ولما الجبنه تتحمر من فوق راقبوها وجاهزين)   ✨قطعوها وذوقوا بعدها هالطعم الخرااااااافي 🫠

https://youtu.be/YhGXRZ7VIdQ باستا فطر نباتية مع صلصلة كريما ولا أسهل ولا أطيب ب١٠ دقائق تبقى جاهزه وعملتها بصورة أكثر صحية 🍝💘   من الأكلات الي بعزها هي الباستا بكل أشكالها وأنواعها 🤣   المكوّنات للصلصة: ✔️ ملعقتين كبار زيت زيتون ✔️ ١ بصل مقطع ✔️ ٤ ثوم مقطع ✔️ علبه فطر طازج مقطع ✔️ ٢٥٠ ملل كريم جوز الهند ✔️ بقدونس ✔️بهارات: اوريجانو، ريحان مجفف، تايم (زعتر مجفف)   ◽️ بنشوح البصل والثومه بزيت الزيتون ◽️ لما يذبلوا بنضيف الفطر ولبهارات وبنحركهن منيح ◽️ لما يذبل الفطر بنضيف كريم جوز الهند، الملح ورشات بقدونس ◽️ لما يغلوا بنضيف الباستا الي سلقناها ع الصلصله (ممكن أي نوع نستعمل دائمًا مفضل نستعمل باستا من القمح الكامل) ◽️ وجاهزين وذوقوا بعدها هالطعم الخرااااااافي

https://youtu.be/EdrbzPJfliI سناك كرانتشي مع شوكلاته من ٣ مركبات بس والحلو بديل صحي أكثر لما بيجي ع بالنا اشي حلو 🍫💘   كثير بحب هدول السناكس السهلات والسريعات والي تطبيقهم سهل، بيعطوني امكانية أتعايش مع نمط الحياة الصحي بصورة أسهل وأكثر سلاسه وبنفس الوقت بمنحن شعور لطيف على القلب في ظل ضغوطات الحياة والعمل، نعمل اشي بإيدنا ونوكل منه ولا مره لقيتله تفسير دقيق بس بيشعرنا بالإكتفاء زي مشروع علم خططناه ونجحنا فيه 💘   المكوّنات: ✔️ نص كأس لوز ني مطحون ✔️ نص كأس كورنفلكس، حبوب (استعملت حبوب كامله) ✔️ ٣/٤ كأس شوكلاته داكنه   الطريقة: ◽️ بعد ما طحنا اللوز بنضيف اله الحبوب ◽️ بنذوب الشوكلاته الداكنه بملعقة زيت زيتون ◽️ بنسكبها على اللوز والحبوب وبنخلطهن منيح ◽️ بنوزعهن بصنيه تم توزيع ورقة خبيز عليها ◽️ وبنضغطهن ليكون المستوى العليوي متساوي ◽️ بندخلهن ع لفريزا مده ٤ ساعات على الاقل ◽️ بنقطعهن لمكعبات وجاهزين وذوقوا بعدها هالطعم الخرااااااافي 💘🤤🍫

https://youtu.be/nS9Y_5Rg8wo كاكاو بيتي رهيب رهيب ومن ٣ مكونات رئيسية طعمه لا ينتمي لهاد الكوكب وبديل صحي للكاكاو الي ملاااان زيوت مهدرجة والحلو يحوي ألياف، حامض الفوليك وحديد   المكوّنات للكاكاو البيتي: ٦ تمر ملعقة كبيرة كاكاو رشة ملح ١٠ ملاعق كبار كريم جوز الهند ١/٢ ملعقة فانيلا   ️بنخلطهن بالمكسر منيح منيح لحد ما يصير نسيج متجانس (ممكن تزيدوا كريم جوز الهند عند الطحن حسب نوع التمر) ️ وبتحفظرا بالثلاجة لأسبوعين   بنوزع نوتيلا فوق لكريب وذوقوا هالطعم الخرااااااافي

https://youtu.be/ynp4XRFYtgs بيتسا بيتيه بدون جلوتين وبدون بيض ومنتجات حليب والعجينه من مركبين بس وبدون تعقيدات 🍕🤝 كثير طلبتوا مني عجينه للبيتسا بدون جلوتين بالأخص للأشخاص الي عندهم حساسيه من لجلوتين واغلب طرق العجينه معقده وفيها كثير مركبات فحاولت ابسطها والطعم فعلًا رهيب وحبيته بشكل وحسيتها جدًا خفيفه ومختلفه فبالتالي مش بس الي عندهم حساسيه من لجلوتين رح يحبوها 💘🍕🤤 المكوّنات للعجينه: ✔️ ٢ بطاطا مسلوق كبار ✔️ ١ زبادي صويا (بزبط اي نوع اخر) ✔️ رشة ملح حسب ذوقكم ضفت نص ملعقة صغيرة المكوّنات للإضافات : ✔️ ربع كأس صلصلة بندوره ✔️ رشه بهار ريحان ✔️ رشه بهار اوريجانو ✔️ رشه بهار تشيلي ✔️ للتوبينج جبنه خضرية بزبط جبنه بيضاء ٥٪؜ ✔️زيتون بيتي الطريقة: ◽️ بنضغط البطاطا المسلوقه ع الاخر وبنضيف الزبادي والملح وبنحرك منيح ✔️ ع ورقة خبيز (اذا فرنكم مش قوي دهنوها زيت زيتون) وبعدها وزعوا العجينه وشكلوها بشكل دائري ✔️ بندخلها ع الفرن ع درجة حراره ٢٠٠ من تحت تتحمر مده ١٠ دقائق ✔️ بعدها بنوزع الصلصلة من فوق، الجبنه والزيتون ✔️ وبندخلهن ع الفرن ليتحمروا من تحت ومن فوق مده ١٠ دقائق(مهم تتحمر من تحت افحصوا اذا تحمرت عن الطرف) وراقبوهن ممكن اقل وقت او اكثر وقت حسب فرنكم ✔️ اتركوها تبرد شوي وبعدها قطعوها وذوقوا هالطعم الخرافي   العجينه اذا بتتحمر من تحت بتتماسك اذا ما تحمرت ما بتتماسك ع الاخررر بس برضه بتضل طيّبه 🤣💘

https://youtu.be/nQ9moRcp6nE سناك شوكلاته لما بيجي ع بالنا اشي حلو 🍫 سهل وسريع ومن ٥ مركبات بس وبدون: ✔️ بيض ✔️ حليب ✔️ زبده بحب هدول السناكس السريعة والصحية الي بيكونوا بديل صحي لما بيجي ع بالنا اشي حلو والحلو هالسناك غني بالكالسيوم، لحديد والألياف المكوّنات: ✔️ كأسين جوز الهند ✔️ كأس طحينه سمسم كامل ✔️ ١/٢ كأس ميبل او عسل او أجفا ✔️ ملعقة كبيره فانيلا ✔️ ١٠٠ غرام شوكلاته داكنه مع ملعقة زيت زيتون الطريقة: ◽️ بنخلط جوز الهند مع الطحينه، المحلي والفانيلا جيداً ◽️ بنفردهن بقلب صنيه ع ورقه خبيز ◽️ بنفردهن بشكل متساوي ◽️بندخلهن ع لفريزا مده ساعه ◽️ بعدها بنسكب من فوق شوكلاته داكنه كطبقة ثانيه ◽️ بنذوب الشوكلاته مع زيت زيتون (بزبط زيت جوز الهند) ◽️ بندخلها لساعه إضافية بالفريزا ◽️ بعدها بنقطعها وذوقوا هالطعم الخرااااااافي

https://youtu.be/bhcw71-2bBg كوكير سهلات ورهيبات من ٤ مركبات فقط ب١٠ دقائق خبيز بس الحلو فيهن مناسبات لمرضى السكري بدون إضافة سكر او محلي اعتمدت على حلاوه الموز ومناسبة للأطفال وأيضا ممتازه للي جاي ع باله اشي حلو بجنب القهوة المكوّنات: ٢ موز كبار مضغوطات كأس وربع طحين لوز ملعقة كبيرة بودرة خبيز قطع شوكلاته داكنه ١٠٠٪؜ بدون سكر الطريقة: ️ بعد ما ضغطتنا الموز بنضيف عليهن طحين اللوز (بزبط نجيب لوز ني ونطحنه ناعم) ️بنضيف عليهن بودرة الخبيز وبنحركهن منيح ️ بنبلش نشكل بالكوكيز وبنوزعهن ع ورقة خبيز ️ بنضيف فوقيهن مكعب شوكلاته داكنه ١٠٠٪؜ ️ بندخلهن ع فرن تم تسخينه ع درجة حراره ٢٠٠ مده ١٠ دقائق (راقبوهن من فرن لفرن بختلف توزيع الحراره اول ما يحمروا جاهزين) ️ وع فكرة حبيت طعمهن ثاني يوم أكثر وأكثر بعد ما تشرب اللوز طعم الموز وللي بيحب يكون حلاوه اكثر بنفع بعد الخبيز يضيف محلي من فوق زي العسل او الميبل ️ وذوقوا هالطعم الخرااااااافي بعدها

https://youtu.be/9AiS7SiV_3A زهرة كاملة مع خلطة بتجننننن حرفياً بتطلع معنا كريسبي وكثيييير سهله والحلو بالزهره تحوي ألياف وتحوي فايتمين k وكالسيوم فممتازه لصحة العظام وبناء العظام المكوّنات: ١ زهره لتر ونص مي رشات ملح ️ بنسلق الزهره ١٥ دقيقه ️بعد السلق بننشلها من المي وبنصفيها وبنضيفها ع ورقة خبيز وبنوزع الخليط مكونات الخليط: ملعقتين مايونيز بيتي (طلعت طريقته قبل) ملعقة صغيرة بابريكا حلوه نص ملعقه صغيره فلفل اسود بنضغط ٢ ثوم ملعقتين سويت تشيلي (طلعت طريقتهن قبل) ️بنحركهن منيح وبنوزعهن ع الزهره ️ بنرش رشات سمسم من فوق ️ بندخل الزهره ع الفرن مده ٣٠-٣٥ دقيقه لحد ما تتحمر ويصير لونها حلو وجاهزين وذوقوا هالطعم الخرااااااافي بعدها