وصفات

https://www.youtube.com/shorts/i4fOsEvD0IY?feature=share بودرة خضار بيتيه 🌿🌱 من خضروات مجففه وبهارات ❌بدون منوصوديوم جلوتامات ❌بدون سكر ❌ بدون زيوت مهدرجة المكوّنات: ✔️ ربع ضمه بقدونس ✔️ ٦ سيقان لاوراق السلري طريقة التجفيف: ✔️ بنغسلهن وبنوزعهن على قطعه قماش وبنجففهن بالشمس مده اسبوعين لحد ما يتجففوا (وممكن بأقل وقت) المكوّنات لبدورهالخضار: ✔️ البقدونس لمجفف ✔️ السلري لمجفف ✔️ ملعقتين صغار فلفل أبيض ✔️ ملعقتين صغار بودره بصل ✔️ ملعقتين صغار ثومه ✔️ ملعقة كبيره كركم ✔️ ملعقة صغيرة نشا ✔️ ٤ ملاعق كبار ملح طعام الطريقة: بيتم خلط المواد مع بعضها البعض وجاهزين بيتم حفظها بالبراد لفتره طويله أشهر ومهم ننتبه انه لما نضيفها للشوربات او للطبيخ ما نزورد كثير ملح لانها مالحه 🫶🏻

https://www.youtube.com/shorts/CzB8fDKZp5E?feature=share شوربة الخضار البرتقالية ملانه قيم غذائية وملانه بيتا كاروتين ومشبعه بشكل 🍠🥕🧅🍎 المكوّنات: ✔️ ١ بطاطا حلوه ✔️ ٤ جزر ✔️ ٣ بندوره ✔️ ٢ بصل ✔️ ١ رأس ثومه كامل ✔️ زيت زيتون ✔️ روزمارين ✔️ تايم (زعتر) ✔️ ملح الطريقة: ✔️ بنرتب الخضار بصنيه (الثومة حطيتها بورق طبيخ وفوقها ورق المنيوم لتستوي ع الاخر) وبنرش عليها زيت زيتون وبنحركهن وبنضيف ملح والروزمارين والتايم وبنغطيهن بورقه خبيز وبعدها ألمنيوم (بالاول بحط ورق خبيز لما يتلامس الطعام مع الألمنيوم) ✔️ بتركهن بالفرن ع درجة حراره ٢٠٠ مده ساعه لحد ما تستوي الخضار ✔️ بعدها بضيف الخضار بطنجره ✔️ وبضيف عليهن لتر مي مذوبه فيه بودره خضار طبيعيه ✔️ بنطحنهن منيح وبنرش ملح حسب الطعم ولما يغلوا جاهزين ✔️ بنضيف من فوق رشات كريم جوز الهند وشوية تايم وألف صحة وهنا 🫶🏻

https://www.youtube.com/shorts/a3CyWJfKDOY?feature=share كعكة القرفة من قمح كامل ❌بدون بيض ❌بدون زبده ❌ بدون حليب المكوّنات: ✔️ ٣ ونص كأس قمح كامل ✔️١/٣ كأس سكر بني ✔️ ملعقة كبيرة خميرة ✔️ ١/٤ كأس زيت جوز الهند الغير مهدرج ✔️١٢٠ غرام صلصلة تفاح ✔️رشة ملح ✔️ ملعقة صغيرة فانيلا ✔️١/٤ كأس حليب صويا ✔️ ١/٤ كأس مي السائل اللامع: ✔️ ١/٤ كأس حليب ✔️ ١/٤ كأس سكر بنغليهن ع الغاز حشوة القرفه: ✔️ ١/٤ كأس سكر بني ✔️ ملعقتين صغار قرفه الطريقة: ✔️بنخلط القمح السكر والخميرة وبعدها بنضيف السوائل الباقية وبنعجنهن منيح بزبط بالإيد او بالعجانه … اذا شعرنا انه العجينة بحاجة لقمح لتتماسك بنضيف قمح تدريجياً (ممكن نضيف من من ثمن ل ربع كأس حسب نوع القمح الي بنستعمله) - مهم مهم مهم نعجنها ١٠ دقائق شوي شوي بتصير تتماسك معنا ✔️ لما تتماسك العجينة بنغطيها وبنتركها تتريح ساعه ونص ✔️ بعد ساعه ونص بنفرد طحين تحت العجينه لما تلزق وبنبلش نوزعها ونفردها لحد ما تكون العجينة اقل من نص سم (بس مش رقيقة كثير) ✔️ بنوزع الحشوة القرفه والسكر ع كل الأطراف ✔️ بندهن صنية خبيز بزيت زيتون وبنوزع الكعكات وبنستنى يتريحن نص ساعه ✔️ بندهنهن بقسم من السائل الي جهزناه ✔️ وع الفرن مدة ٤٠-٤٥ دقيقة (لحد ما تتحمر العجينة ع درجة حراره ١٨٠ من فوق وتحت) ✔️ ولما تطلع من الفرن بندهنها من السائل الي ضل وذوقوا هالطعم وادعولي 🫠

https://www.youtube.com/shorts/6qlYbMlDtXU?feature=share وجبة نباتيه تحوي بروتين … البروتين جداً مهم لسيرورات بيولوجية من ضمنها بناء وتقويم العضلات لكن اليوم في هوس كثير كبير حول لبروتين فمهم نحكي هالنقطة الي بشعر مهم تسليط الضوء عليها: مهم مناسبه كمية البروتين لملفنا الطبي واحتياجات جسدنا… بمعنى اذا كنت مريض كلى او كان في خلل كلوي او كان مانع طبي لتناول لبروتين مهم ننتبه اله وايضاً مهم يتم مناسبه الكميات لاحتياجاتنا … بالذات اذا كان ينعمل رياضه نناسب الكمية حسب جسدنا وملفنا الطبي ومدى حركتنا ونوع الحركة … من عوراض فائض البروتين: ✔️الفائض بيتحول لدهون ✔️ فائض بروتين بيشغل الكلى أكثر بالتالي ممكن يسبب اصابه عند البعض بالكلى فمهم الانتباه ومناسبته للملف الطبي واحتياجاتنا طريقة البلونيز النباتي: ✔️ ملعقتين زيت زيتون ✔️ ١ بصل ✔️ ٤ ثوم ✔️ ١ فلفل أحمر ✔️ علبه بروتين الصويا ✔️ كأس صلصلة بندوره ✔️ كأسين مي ✔️ ملح ✔️ نص ملعقه تايم (زعتر) ✔️ باستا قمح كامل مسلوقه الطريقة: ✔️ بنطحن ناعم البصل والثومه والفلفل الأحمر ✔️ بنشوحهن بزيت الزيتون ✔️ بنسكب عليهن بعدها بروتين الصويا ✔️ بنشوحهن ٤ دقائق وبنضيف صلصله البندوره، المي، الملح والتايم ✔️ بنخليهن يغلوا ٥ دقائق ✔️ بعدها بنضيف عليهن الباستا الي سلقناها على جنب وجاهزين والف صحة وهنا 🙏🫶🏻 نكون جميعاً بخير وعافية وسلامة 🙏🫶🏻

https://www.youtube.com/shorts/Ku8B6kjIeD4?feature=share سلطة ملفوف أحمر بتجنن وملانه قيم غذائية عاليه وملانه مضادات أكسده 🫶🏻 المكوّنات: ✔️ نص ملفوف شرائح ✔️ ٢ جزر ✔️ ١ مانجو ✔️ حفنه كزبره ✔️ ١ شرائح بصل صغير ✔️ حفنه توت بري مجفف ✔️ حفنه بذور عباد الشمس ✔️ ملعقتين كبار زيت زيتون ✔️ رشة ملح ✔️ وعصره ليمون

https://www.youtube.com/shorts/vFFEu_2X_BM?feature=share كشفت سرّ سلطة البصل + ساندويشه شوارما نباتيه ملانه بروتين وطيبه كنت دائماً بعملها بس مع خلّ.. اكتشفت اذا بقيم الخل بكون الطعم أفضل بكثييير وبنفس الوقت ترفعوش كثير كثير شرائح البصل الي تكون شفافه .. تستهتروش بالبصل ملان مضادات أكسدة ومضاد للالتهابات وملان ألياف فايتمين سي … المكوّنات: ✔️ ٢ بصل ✔️ رشة ملح ✔️ ملعقة صغيره سماق ✔️ عصرة نص ليمونه ✔️ ملعقة كبيره زيت زيتون ✔️ حفنه بقدونس (مش كثير لانه بسيطر) الطريقة: ✔️ بنقطع البصل وبنضيف كل الامور وبنحرك ✔️ وذوقوها بعد نص ساعه لما الليمون والملح يتغلغل بالبصل والف صحة وهنا ونكون جميعاً بخير💘

https://www.youtube.com/shorts/Oy4pPgkEDRQ?feature=share شوكو نباتي مناسب للأشخاص الي عندهم حساسيه من اللاكتوز قديه مهم نحافظ على النعمه ونستغل كل اشي بدل ما نرميه وقديه مهم انقدر النعم هالأيام 🙏 ‎المكوّنات لكأسين: ✔️ كأسين حليب نباتي ✔️ نص كأس مي ✔️ ملعقة صغيره بودره كاكاو بدون سكر ✔️ ملعقة محلي طبيعي عسل، ميبل، أجفا ✔️ نص ملعقه فانيلا ✔️ رشة قرفه (خياري اذا بتحبوا يكون بس شوي رشه وحده بس لتشعروا بطعم الكاكاو) الطريقة: ✔️ بنضيف كل المكونات لطنجره ✔️ لحد ما يغلوا كلّ المكوّنات جاهزين صحة وهنا وكل الخير والسلامه 🙏🙏

https://www.youtube.com/shorts/r-YTxomst1w?feature=share   سناك شوكلاته داكنه كرانتشي من مركبين بس بس قبل تعالوا نتطرق ليه جسمنا بيطلب حلو.. في عده أسباب علمية للأمر: ✔️ اما ما تناولنا وقت كثير طعام فبتنزل نسب السكر بالدم ولنوازن بنطلب سكر ✔️ الدوره الشهرية بسبب التغيير الهورموني ✔️ الضائقة النفسية السكر بخلينا نشعر بمواساه، بخلي المشاعر مغبشه للحظات مثلاً الشوكلاته تحوي تريبتوفان بعد سيروره بيولوجيه بتعلي السيراتونين الي هو بوازن مزاجنا ✔️ تناول وجبه كبيرة العمليه الهضميه بتخلينا نتعب لانه الدوره الدمويه مركزه بالهضم مش بالمخ لذلك بنطلب حلو بعد الوجبه لانه يمتص بسرعه وبيعطي طاقه للمخ بسرعه ✔️ تناول سكر بكثره او تناول مواد عليها اضافات سكر بتخلينا نطلب سكر اكثر المكوّنات للسناك: ✔️ ١٠٠ غرام شوكلاته داكنه ٩٠٪؜ ✔️ كأس كورنفلكس بدون سكر وزيوت بزبط جرانولا الطريقة: ✔️ بنذوب الشوكلاتة مع نقطتين زيت زيتون بالميكرو مده دقيقه وكل ١٥ ثانيه بنحركهن ✔️ بنطحن الكورنفليكس ناعم وبعدها بنضيفه للشوكلاته ✔️ بنوزعهن ع ورقه خبيز وع الثلاجة ساعتين ✔️ بنقطعهن والف صحة وهنا نكون جميعاً بخير وصحة وسلامه 🫶🏻🙏

https://www.youtube.com/shorts/aP6v-rukHBY?feature=share كيف نعمل كستناء على السريع؟ الي تتقيم وتجهز بسرعه؟! ✔️ اغلوها قبل التحميص ١٠ دقائق بسهل تقسيمها وتقشيرها وبعدها حمصوها بالفرن ٥ -٨ دقائق ✔️ تحوي بي ١٢ وحامض الفوليك ✔️ صح انها ملانه نشويات لكن تعتبر قليله السعرات الحرارية يعني بالكأس الواحد عنا ١٥٠ كالوري بس ✔️كيف بتعرفوا اذا الكستناء منيحه قبل لا تشتروها- لونها بكون بلمع ما عليها نقاط سودا او خضرا وصوتها بدون صدى انما بتشعروا انها قاسيه وابعدوا عن الكستناء لمغلفه جيبيوا الحلل بالعاده بكون طازج أكثر