وصفات

https://www.youtube.com/shorts/5du2OzlNoFA?feature=share طريقة حليب نباتي انطلبت كثير الي تكون اقتصاديه ومش من اللوز وتندمج مع القهوة والشاي وتناسب الاشخاص الي عندهم حساسية من اللاكتوز..   هاي الطريقة لحليب شوفان سهلة جداً وبمركبين بس الي عنده حساسيه من لجلوتين يستعمل شوفان بدون جلوتين مع نفس الخطوات..   المكوّنات: ✔️ كأس شوفان منقوع ساعتين ✔️ كأسين مي وقت الطحن ✔️ بالآخر لما يكون الحليب مركز: كأس ونص مي ✔️ ملعقة صغيرة فانيلا ✔️ خياري محلي: عسل، ميبل   الطريقة: ✔️ بننقع الشوفان ساعتين على الاقل ✔️ بنصفيه وبعدها بنضيفهن بالخلاط وبنضيف المي عليهن ✔️ بعد الخلط مده دقيقه بنصفيهن بأي قطعه قماش نظيفه بزبط بشال او منديل نظيف ✔️ بنضغط لنصفي كل السوائل ✔️ بنضيف الحليب بقنيه واذا بدناش الطعم مركز بنضيف المي عليهن (مش شرط كل الكميه ذوقوا حسب شو انتوا بتحبوا) ✔️ واخر اشي بنضيف ملعقة صغيرة فانيلا   وجاهزين وكل الخير والسلامه علينا جميعاً 🙏🙏🙏

https://www.youtube.com/shorts/xv5I7RcpjZY?feature=share   [1:40 PM] reem abuelhoof هاليوم يحمل خير وعافية وسلامة علينا جميعاً 🙏💘   كثير انطلب خبز بدون جلوتين اقتصادي الي يكون سهل وبدون تعقيدات ومن مكونات بسيطه زي ما بتعرفوا الخبز بدون جلوتين ملان مواد مصنعه ليتماسك العجين منيح وملان مواد غاليه نسبياً لتزبط معنا العجينه، فهاي الطريقة كخبز بدون جلوتين جداً سهله ومشبعة وملانه ألياف ومن مركبين بس شوفان بدون جلوتين ومي   ملاحظة اذا بدنا خبز بدون جلوتين مهم نستعمل شوفان بدون جلوتين لانه الشوفان صح لا يحوي جلوتين لكن بسبب تصنيعه وزراعته عند حقول فيها جلوتين مهم تختاروا شوفان مكتوب عليه بدون جلوتين بالذات للي عندهم حساسية   ومهم اذكر كل مره بعمل كميات وبحط بالفريزا ولما بدي بسخن   المكوّنات لخبزتين: ✔️ كأس شوفان بدون جلوتين ✔️ كأس مي ✔️ رشة ملح   الطريقة: ✔️ بخلط بالمكسر الشوفان والمي والملح منيح منيح لحد ما يصير نسيجه ناعم نسبياً ✔️ بسخن قلاي مهم تكون سخنه ✔️ بضيف من الخليط وبوزعه (طوالي وزعوا الخليط قبل لا يلزق) ✔️ لما تبلش تنشف المي من فوق (بدها دقيقة ونص تقريباً) افصلوا العجينه عن القلاي بالمغرفه او عن طريق تحريك القلاي ✔️ بعد الفصل اقلبوها واتركوها تتحمر شوي ✔️ وبعدها كل ٣٠ ثانيه قلبوا كل مرة وحمروا كل وجه ٣-٤ مرات واستمروا بالتقليب ✔️ ولما يتحمروا جاهزين   وصحة وهنا 🙏💘

https://www.youtube.com/shorts/BGnJa7zu1Oc?feature=share يعطيكم العافية، الصحة، الخير والسلامة 💘   طلبتوا أشارك وصفات اقتصادية وسهلة ومناسبة للأشخاص الي عندهم حساسية وبنفس الوقت فيها قيم غذائية عالية وبالذات بروتين   ملاحظتين: مهم تسخين الفول هون انقطع التصوير معي وفي ناس بحطوا كمون بشعر طعم الكمون بسيطر فما من زمان كمون ع الفول   المكونات: ✔️ علبة فول (او بزبط ننقع ونسلق فول ما لقيت فول جاف) ✔️ ٢ فلفل اخضر حار صغير او واحد كبير ✔️ ملح ع الفلفل ✔️ ٢ عصير ليمون ✔️ ١ ثومه ✔️ زيت زيتون ✔️ بقدونس   الطريقة: ✔️ بنسخن الفول ٣ دقائق ع نار هاديه مع تحريك او ممكن ننقعه ونسلقه ✔️ بعدها بنضغطه منيح وبنفرد الفول بالصحن ✔️ بعدها بنجهز الصلصلة: الفلفل، الملح الليمون والثومه (نصيحة خلوا الفلفل منقوع بالليمون ٢٠ دقيقة الطعم مختلف ببقى) ✔️ بعدها بنضيف الصلصلة فوق الفول مع رشات زيت زيتون وبقدونس

https://www.youtube.com/shorts/F5ZripKeUl0?feature=share يعطيكم العافية والخير والصحة والسلامة 🙏💘   أكلة بسيطة وسهلة - هالفترة رح أعمل طرق سهلة وبسيطه ومناسبة للي عندهم حساسيه ومن مطبخ إمي   اخترت اشارككم اليوم بمتبل الباذنجان الي كبرت عليه وكنا كل يوم جمعه نشتريه من واحنا صغار… هالوجبة البسيطة والسهلة الي ملانه ذكريات وبساطه فيها قيّم غذائية جداً عاليه من ضمنها: الألياف، مضادات الأكسدة، الكالسيوم والحديد الي بالطحينة…   والباذنجان يعتبر من الخضروات الي فيها قليل من السعرات الحرارية   المكوّنات : ✔️ ٢ باذنجان ✔️ نص ليمونه ✔️ ربع كأس طحينة + مي + نص ليمونه + ١/٣ كأس مي ✔️ دبس رمان ✔️ صنوبر ✔️ بقدونس   الطريقة: ✔️ بنمرق على كل الباذنجان بشوكة قد ما تغدروا اعملوا ثقوب ليستوي ✔️بنشوي الباذنجان ع الاخر اخترت اشوي ع الغاز بالقلاي بزبط بالفرن ✔️ بنضل نقلب بالباذنجان على كل الاطراف وبرضه من تحت (بوخذ من ٨-١٥ دقيقه) ✔️ لما يستوي الباذنجان بنقيم اللب ✔️ بنضغطه بشوكة وبنعصر عليه نص ليمونه ✔️ بعدها بنرش الطحينة من فوق دبس الرمان، الصنوبر والبقدونس   كل الخير والعافية والسلامة 🙏🙏

https://www.youtube.com/shorts/XEQ4EOZCVpE?feature=share     اشتقتلكم كثير 💘🥹 كونوا بخير وصحة وسلامة 🙏 امبيرح فتحت بوكس أسئلة وطلبتوا كثير طرق اقتصادية وسهلة لهاي الفترة بالذات للأشخاص الي عندهم حساسيه فرح أشارك طرق سهلة ونباتيه وطرق من مطبخ امي الي كبرت وترعرعت عليها 🥹🙏   رح أبلش بطريقة الحمص   الطريقة: ✔️كاسين حمص مسلوقات ✔️كاس طحينه سمسم كامل بزبط العاديه ✔️كاس مي ✔️عصير حبتين ليمون ✔️رشه ملح ✔️نص ملعقه صغيره كمون ✔️١ ثومه   الطريقة: ✔️ انقعوا الحمص على الاقل ١٢ ساعه ✔️ اسلقوا الحمص مع صودا الشرب لحد ما يستوي ✔️ وبعدها اطحنوا الحمص مع الطحينه، المي، الكمون، الملح، الليمون والثومة   ملاحظتين: ليكون اسهل للجهاز الهضمي هضم الحمص انقعوه ١٢ ساعه واسلقوه وبزبط لمجمد بس اسلقوه اكثر من نص ساعه ذوقوا قبل اذا بدكم اتضيفوا ملح وليمون لانهن حسب الطعم واذا بدكم القوام يكون ناعم اكثر ضيفوا مي (احنا بنعمل الحمص جامد وشوي خشن) 🙏   كل الخير والعافيه 🙏🙏🙏

https://www.youtube.com/shorts/ujcTfAV6X5M?feature=share فكرة لوجبة غداء متكامله فيها بروتين ونشويات مركبه ودهون جيده وألياف… هاي الأكلة تعتبر أكلة مكسيكية مشهوره والحلو متكامله بصحن واحد وسهلة بشكل وصحية بشكل اسمها بوريتو بول المركبات: ✔️ كأس فاصولياء حمراء منقوعه ليله كامله ✔️ كأس أرز كامل منقوع ٨ ساعات ✔️ ٢ بصل مقطع شرائح ✔️ ٢ أفوكادو ✔️٢ بندوره ✔️ ٢ بصل أخضر ✔️ حفنه بقدونس وكزبره   الطريقة: ▫️ بنسلق الفاصولياء مع ربع ملعقة صودا الشرب لحد ما تستوي وبنصفيها ▫️ بنسلق الأرز ع كل كأس أرز كأسين ونص مي ع نار هاديه لحد ما يستوي الأرز - (الرز بيعملوه ستيكي ملزق مش مفلفل) ▫️ بنشوح البصل مع ملعقتين زيت زيتون لحد ما يتحمروا ▫️ بنضغط الأفوكادو ومنعصر عليها ليمون ▫️ بنقطع البندوره لقطع صغيره ▫️ بنقطع البصل الأخضر ناعم ▫️ بنفرم البقدونس والكزبره ▫️ وبنركب الصحن: أرز كامل فوقيه الفاصولياء الحمراء بعدها الأفوكادو، البصل لمحمر، البندوره، البصل، الكزبره والبقدونس ▫️ رشه ملح من فوق ▫️ خياري: ممكن نضيف بطاطا حلوه مشوية وفلفل أحمر وأصفر مشوي وممكن صلصات   وجاهزين وذوقوا بعدها هالطعم الخرااااااافي 🫠

https://www.youtube.com/shorts/CRDuYQFV6Qc?feature=share ترافل بمركبين بس ولا أسهل ولا ألذ وسناك بشبع بشكل ومن مكونات سهلة جدًا جدًا   للأسف الترافل بحطوا فيه كثير سكر وزبده ومواد حافظة فهاي الطريقة بتجنن بس من مركبين وسهله جدًا جداً وبرضه مكوناتها طبيعيه وصحية   المركبات: ✔️ ٢٠٠ غرام شوكلاته داكنه استعملت شوكلاته ٨٠٪؜ كاكاو ✔️ ٢٠٠ غرام طحينه من السمسم الكامل بزبط زبده فستق وبزبط زبده لوز   الطريقة: ✔️ بنذوب الشوكلاته بالميكرو بنضيف عليها نص ملعقة زيت زيتون (بنذوبها مده دقيقه وكل ١٥ ثانيه بنحركهن) ✔️ بعد ما ذوبناهن بنضيف الطحينه او زبده اللوز او زبده الفستق ✔️ بنتركهن بالثلاجة ليجمدوا من ٣-٤ ساعات ✔️ بنشكل كرات اسهل اشي بملعقة او بملعقة بوظة بندورهن (بهمش يتوسخوا ايدينا شوي 🤣) ✔️ بعدها بنغطسهم ببودرة كاكاو - ونزيل زوائد بودرة الكاكاو عليهن ليكونوا طبقه خفيفه ✔️ يحفظن بالثلاجة لمده اسبوعين وثلاث أسابيع   وجاهزين وذوقوا هالطعم الخرااااااافي 💘

https://www.youtube.com/shorts/jrmrKhRlncE?feature=share يا صباح الخير لأهل الخير كريكرز مالحات من ٤ مركبات بس صحيات ومشبعات ونقرشة مالحة ممتازه للي بيجي ع باله مالح كسناك 🫠 المكوّنات: ✔️١/٢ كأس طحين كامل او كوسامين ✔️ ١/٢ كأس شوفان ناعم (اذا مش ناعم بزبط نطحنه) ✔️١/٣ كأس سمسم ✔️ ملعقة صغيرة ملح ✔️ كأس مي الطريقة: ▫️ بنخلط المكوّنات مع بعض ▫️ بنوزعها ع ورقة خبيز بشكل متساوي (مهم) ▫️ خياري- بزبط نرش من فوق ايش بدنا (بذور الكتان، مكسرات- عباد الشمس، بذور القرع) ▫️ بنجهز فرن تم تسخينه ع درجة حراره 170 ▫️ بندخلهن ع الفرن مده ١٥ دقيقة ▫️ بنقطعهن بعدها لمربعات وهني بعد ما جهزوا ع الاخر ▫️ وبعدها بنرجعهن لمده ٢٥ دقيقه لحد ما يجهزوا راقبوهن ممكن اكثر وقت وممكن اقل حسب فرنكم اهم اشي يستوا كمان من النص ▫️ وجاهزين وذوقوا بعدها هالطعم الخرااااااافي

https://www.youtube.com/shorts/-EsDVQscnn4?feature=share طريقة الرز لمفلفل بدون زيت أو زبده … في قاعده ليطلع الزيت مفلفل لازم ينحط كمية زيت او زبده والزيت بساعد ع فصل حبيبات الأرز… هاي الطريقة بدون زيت وزبده وبطلع الأرز مفلفل وطعمه بشهي 💘 الطريقة بالتفصيل مهم تنتبهولوها ليزبط الرز: ✔️ نقع الأرز ساعه على الأقل (استعملت أرز بسمتي عضوي) ✔️ بنغسل الرز وبنصفيه ✔️ بنعبي طنجرة مي كبيرة مي سخنه وبنخليها تغلى (مهم المي تكون أكثر ب٥ أضعاف من الرز بمعنى اذا حطيته كأس رز ضيفوا ٥-٦ كاسات مي مهم يكون كمية مي) ✔️ لما تغلى المي بنضيف الرز ✔️ وبنضيف الملح وبهار الرز او السبع بهارات ✔️ بنوطي تحتيهن وبنخليهن يغلوا من ١٠-١٢ دقيقه (اذا نقعتوا الرز أكثر من ساعه- ١٠ دقائق كافيات ع النار) بمعنى افحصوا اذا الرز استوا بس مش شرب كثير مي ✔️ بنصفي الرز من المي منيح ✔️ بنوزع الرز بصنيه وسيعه ليتبخر ع السريع البخار ويضل الرز مفلفل بنفردهن بالشوكة ✔️ اتركوا خمس دقائق وجاهز للتقدم والرز مفلفل حبة حبة وذوقوا بعدها هالطعم الخرااااااافي 🫠