وصفات

https://youtu.be/mNU5_UYhR0s قوارب كوسا مع فطر رهيباااااات وسهلات ولذيذات وصحيات ومن ٤ مركبات بس 🤝🤤 المكوّنات: ✔️ ٤ كوسا كبار ✔️ ١ بصل مقطع ✔️ علبه فطر طازج ✔️ نص كأس طحينه سمسم كامل + كأس مي + عصرة ليمون ✔️ ملح، زيت زيتون وفلفل أسود الطريقة: ▪️ بنفصل اطراف الكوسا، بنقسم كل حبه بالنص وبالملعقة بنفصل اللب الداخلي ▪️ بصنيه فرن مدهونه زيت زيتون بنرتب الكوسا وبندهن الكوسا أيضًا من فوق بزيت زيتون وبنشويهن بفرن تم تسخينه ع درجة حراره ٢٠٠ لحد ما يتحمروا ويستوا (بدهن ٢٠-٣٠ دقيقه وما تحلوهن يحمروا كثير) ▪️ بنشوح البصل بزيت زيتون وأول ما يذبل بنضيف الفطر عليهن وبنرش ملح وفلفل اسود بنحركهن مع بعض لحد ما يستوي الفطر ▪️بنحشي الكوسا بخليط الفطر والبصل ▪️ بنعمل محلول الطحينة مع مي وليمون (مهم يكون المحلول سائل) ▪️ بنوزع الطحينه على قوارب الكوسا - مهم الطحينه نضيفها شوي شوي ومن الجنب لما نمس بحشوه الفطر وتتغرق ▪️ بس تغلى الطحينه طوالي بنطفي (مهم جدًا اذا خلتوها تغلي بتنحرق ) ▪️ وجاهزين بنقدمها مع أرز وذوقوا هالطعم الخرااااااافي 🩷  

https://youtu.be/-mxAKP5M2Sg   سلطة سيزر رهيبه رهيبه رهيبه عدلي يومين بعملها ورا بعض والحلو بدون بيض ومنتجات حليب وبطريقة أكثر صحية 🥗 تذكروا السلطات الجاهزة الي بتنشرى للأسف تحوي كثير سعرات حرارية والأهم من السعرات الحرارية هو وجود الصوديوم والزيوت المهدرجة فيها لهيك افضل نحاول نعمل الصلصات بالبيت ونجهزها بإيدينا. المكوّنات: ✔️ ١ خس كامل بزبط اي نوع مقطع وسط ✔️ ٢ قطع خبز كامل ✔️ملعقتين ميونيز بيتي (طريقته بالبوست السابق) ✔️ ملعقة صغيرة خردل ✔️ عصره نص ليمون ✔️ رشة فلفل أسود ✔️ ١ ثوم ✔️ رشات جبنه صويا الطريقة: ▪️ بنحمص الخبز لحد ما يقرمش (استعملت التوستر) ▪️ بنخلط مكونات الصلصلة: المايونيز، الخردل، الليمون، الفلفل الاسود، الثوم. ▪️ بنضيف خليط الصلصة للخس وبنحركهن منيح ▪️ بنقطع قطع الخبز لمكعبات وبنوزعهن فوق الخس ▪️ بنرش من فوق جبنه صويا وجاهزين وذوقوا هالطعم الخرااااااافي 🤤🥗

https://youtu.be/AZfxguRTyRk مايونيز بيتي بدون بيض وزيوت مهدرجة وبدون مواد حافظة ومحسنات طعام بتاتاً والطعم والنسيج رهيب المكوّنات: ✔️ ٣/٤ كأس حليب صويا ✔️ ١ ونص ملاعق كبار عصرة ليمون ✔️ ملعقة صغيرة خردل ✔️ نص ملعقة صغيرة ملح ✔️ ١ ونص كأس زيت افوكادو او زيت زيتون ▪️ بنخلط حليب الصويا، الليمون، الخردل والملح مع بعض ▪️ بعدها بنضيف الزيت بشكل تدريجي ▪️ بنحركهن لمده دقيقة ▪️ بندخلهن ع الثلاجة مده ساعه وجاهزين ▪️ ممكن استعماله ع كل وصفه فيها مايونيز

https://youtu.be/6EMUkw4YY1c شوكلاتة كينوا كرانتشي من مركبين أساسيات فقط 🍫 كثير سناكس صحية بدخلوا فيها كينوا بس اخر سنه كثير بنشوف سناكس مشهوره من شوكلاته وكينوا وبس المهم جربتها واعجبني طعمها فقلت لازم أجربها بالبيت، والطعم فعلًا لذيذ بالأخص للي بيحب الطعم لكرانتشي بالشوكلاته وهالطريقة إضافة ممتازه للألياف المكوّنات: ✔️٢٠٠ غرام شوكلاته داكنه ✔️ ١/٣ كأس كينوا ✔️ ملعقتين زيت زيتون ✔️ ملح ✔️ تزيين (خياري): بندق، لوز، جوز، زبيب ▫️بنحمص الكينوا على الغاز بقلاي تم تسخينها لحد ما يحمر الكينوا وبتغير لونه ويطلع أصوات زي البوبكورن مهم جدًا🧨🤣 طبعًا مع تحريك مستمر بدهن ع الغاز ٥-٨ دقائق ▫️ بنذوب الشوكلاته مع زيت الزيتون ▫️ بنخلط الشوكلاته مع الكينوا وبنرش رشة ملحه ▫️ بنوزعهن ع ورقة خبيز بشكل متساوي وهون ممكن نزينهن ▫️وبندخلهن ع لفريزا مده ساعه ▫️ وقسموها وذوقوا هالطعم الخرااااااافي 🤤

https://youtu.be/xJa-vgmrJRA كپ كيك سوشي طعمها رهيب والحلو سريعه بدون لف المكوّنات لأرز السوشي: ✔️ كأس إرز سوشي ✔️ كأس وربع مي ✔️ ملعقتين ونص خل أرز او عصير ليمون ✔️ ملعقة ميبل او عسل ✔️ نص ملعقه ملح ▫️بنخلطهن مع بعض وبنطبخهن ع نار هاديه مده ١٠ دقائق لحد ما المي تبلش تنشف بنغطيهن وبنتركهن ٥ دقائق ع نار هاديه وبنطفي تحتيهن للتوفو: ✔️ مكعبات توفو صغيرة ✔️ زيت سمسم ملعقة كبيرة ✔️ ملعقتين كبار صويا ✔️ ملعقة ميبل طبيعي ▫️بنشوحهن ع الغاز مده ١٠ دقائق مع تحريك لحد ما يحمروا (مش كثير) الكب كيك بالترتيب: ▪️ احنا بحاجه لقالب كب كيك بندهنه بزيت سمسم شوي ▪️بنقص ورق طحالب النوري وبنرتبها بالقالب ▪️الطبقة الثانية بنضيف الرز بنرتبه وبنضغطه ▪️ بنضيف مكعبات التوفو من فوق ▪️ بنحمرهن ع فرن تم تسخينه ع ٢٠٠ مده ١٢ دقيقة (بس يحمروا التوفو من فوق جاهز) ▪️ بنوزع مكعبات افوكادو وخيار وسمسم ▪️ وذوقوا هالطعم الخرااااااافي

https://youtu.be/EU4j2jKReIs سلطة كرباتشو شمندر ملااانه حديد وطعمها رهيب رهيب رهيب 🩷🥗 والحلو دمجت معها فايتمين سي مصدره من الحمضيات، الفايتمين سي بيساعد على نجاعه امتصاص الحديد اكثر وأكثر المكوّنات بالترتيب: ✔️ قطع رفيعه جدًا شمندر مسلوق ✔️ نص برتقاله ✔️ قطع جبنه لوز او اي موع جبنه اخرى ✔️ قطع كستناء بزبط جوز ✔️ اوراق موزعه لنعنع وبقدونس ✔️ رشة ملح ✔️ ملعقة زيت زيتون من فوق ✔️ دبس رمان ▪️بنرتبهن وبنوزعهن بالترتيب وذوقوا بعدها هالطعم الخرااااااافي 🩷🥗

https://youtu.be/skwd1OqqwaY لفه شوفان من ٣ مركبات محشية بأشياء زاكيه 🌯🫓🍆🥚 ✔️ ملانة ألياف ✔️بدون جلوتين (شوفان بدون جلوتين) ✔️ مشبعه بشكل المكوّنات للفه الشوفان: ✔️ كأس شوفان ✔️ كأس مي ✔️ رشة ملح الطريقة: ▪️بنخلطهن بالمكسر منيح منيح ▪️ بنسخن قلاي نون ستيك (مهم جداً تكون نون ستيك وسخنه اذا لا ما بتزبط) ▪️ بنسكب الخليط ومباشرة منوزعه على الأطراف(وزعوا مباشرة ولا بلزق بعدها) ▪️ لما تبلش تجف السوائل من فوق بدا ٥ دقائق تقريبًا بنقلب اللفه (افحصوا اذا جفت السوائل كلها مهم) ▪️ ونفس الشي الجهة الثانيه بدها كمان ٤-٥ دقائق (ممكن اقل وممكن اكثر حسب قلايتكم مهم نكون يقظين) طريقة الباذنجان: ✔️ قطع باذنجان ▪️ رشه ملح عليهن وبنمرق عليهن بشوكه وبعد ٥ دقائق بتطلع السوائل منهن بنجففهن بورقة مطبخ ▪️ بندهنهن بزيت زيتون ▪️ بندخلهن ع فرن تم تسخينه على ٢٠٠ مدة ٢٠ دقيقه بدون مروحه اذا بلشوا يحمروا غطوهن بورقة خبيز ليستوا وما يقسوا اللفه عبارة عن: ▪️ لفه شوفان ▪️ طحينه من السمسم الكامل حليتها بمي وليمون ورشه ملح ▪️ قطع باذنجان ▪️ بيضه عليها رشات ملح وفلفل اسود وبقدونس ▪️ خضار: مخلل بيتي، فلفل احمر، بندوره وذوقوا بعدها هالطعم الخرااااااافي 🤝

https://youtu.be/wE9JtZuj9RY مي بطعم الفواكه رهيبه رهيبه رهيبه وطريقة ممتازه لندخل سوائل مع ألياف ع جسدنا بدون سكر 🍹🍉💦 وع فكرة وفق بحث علمي شافوا الي بشرب مي وسوائل خلال اليوم بشكل كافي بيتناول سعرات حرارية أقل خلال اليوم 💦 المكوّنات للمشروب: ✔️ ربع بطيخه صغيره او ثمن بطيخه كبيره ✔️ لتر مي ✔️ عود قرفه ✔️ حفنة نعنع ✔️ ملعقة كبيرة بذور التشيا ✔️ ثلج الطريقة: ▪️ بنضيف على عود القرفه كأس مي سخنه وبنتركهن ١٠ د ▪️ بنضيف قطع البطيخ والنعن ع المي وبنضيف محلول القرفه وعود القرفه والتشيا والثلج ▪️ بنحركهن وبنخليهن بالثلاجة مده ساعه على الأقل ▪️ هيك المي بتتشرب أطعمه الفواكه وذوقوا بعدها هالطعم الخرااااااافي 🍹🍉💦

https://youtu.be/uFBRGqmeuxM كوكيز بسكوت طحينه رهيبات 🍪🤤 بدون بيض، زبده ومنتجات حليب وملانات ألياف ومشبعات وطعمهن رهيب لما بيجي ع بالنا اشي حلو 🤍 المكوّنات: ✔️كأس ونص شوفان مطحون (شوفان عادي اطحنوه بالخلاط) ✔️ نص كأس طحينة سمسم كامل ✔️ نص كأس محلي طبيعي ✔️ بودرة خبيز ملعقة صغيرة ✔️ نص لوح شوكلاته داكنه (٥٠ غرام) الطريقة: ▪️بنخلط كل المركبات مع بعض ما عدا الشوكلاته ▪️ بنقسم الشوكلاته لقطع صغيره وبنضيفها للخليط ▪️وبنعجنهن - لنسهل علينا العجن بزبط نبلل ايدينا بمي ونعجن ▪️ بنشكل كرات صغيرة وبنوزعها ع ورقة خبيز وزعوهن يكونوا بعاد شوي عن بعض لما يلتصقوا بعد الفرن ▪️ بندخلهن ع الفرن مده ١٠-١٥ دقيقه ع درجة حراره ١٨٠ بدون مروحه اول ما يحمروا (مش كثير)جاهزين ▪️ انتبهوا لما يطلعوا من الفرن اتركوهن يبردوا ويتماسكوا وبعدها بنفصلهن عن ورقة الخبيز