حوسة ملوخية بتجنن وولا أسهل منها 🍀🫠
https://youtu.be/maL0IiJv5i0
فيه عدة طرق للملوخية وهاد الاختلاف بحبه بشكل مره ذقتها عند صاحبتي واخذت منها الطريقة فقررت اليوم أعملها لأول مرّه بتشهي حرفياً
وكمان بسمع كثير أشخاص ما بيغسلوا لملوخيه، غسل الخضار والفواكه جدًا مهم لمنع التلوث او التسمم الغذائي الي بيحدث نتيجة كائنات دقيقه او مواد ضاره
المكوّنات: ✔️ ملعقتين زيت زيتون ✔️ ٦ ثوم مقطع شرائح ✔️ نص كيلو ورق ملوخيه ✔️ ٢ بندوره صغار او ١ كبيرة مقطعه وسط ✔️ رشة ملح
✔️ بالاخر عصرة ليمون وزيت زيتون
الطريقة: ◻️بشوح الثومه بزيت زيتون ◻️ لملوخيه بغسلها وبنشفها ولما يحمروا الثوم بضيف لملوخيه ◻️ رشه ملح وبشوحهن مع بعض ◻️ لما تبلش لملوخيه تذبل بضيف البندوره وبحركهن ◻️ بغطيهن نص تغطايه لحد ما البندوره تستوي بدنا ٣-٤ دقائق ◻️ وجاهزين وذوقوا هالطعم الخرااااااافي بعدها
https://youtu.be/eyPLyfuxu1s
شو بتقلولهن ببلدكم؟؟
احنا حيايا 🤣
المهم جربت عده طرق الها وهاي الطريقة اكثر اشي ناجحه من ناحيه الطعم والنتيجة النهائية
زي ما بتعرفوا للأسف هاد نوع التسالي ملاااان سكر وأصباغ طعام وجيلاتين حيوانات فحاولت اعمله من مواد طبيعية والنتيجة جدًا مرضيه
المكونات:
✔️ ٥ كأس توت
✔️ كأس توت بري
✔️ ٢ ملاعق كبار بذور التشيا
✔️ ٤ ملاعق ميبل، عسل، أجفا
الطريقة:
◻️ بنخلط كل المركبات بالخلاط
◻️ بنوزعهن ع ورقة خبيز - مهم التوزيع يكون متساوي لتتنشف السوائل بشكل صحيح وليسهل علينا فصل ورقة الخبيز عن الخليط
◻️ بندخلهن ع فرن تم تسخينه مع مروحه (مهم) ع درجة حراره ٧٥ سيلزيوس
◻️ بدنا انشفهن بالفرن من ٤ ل٦ ونص ساعات (اخذ معي
٦ ساعات ونص تا نشفت كل السوائل) ممكن يوخذ معكم أقل او اكثر وقت حسب توزيع حراره فرنكم مهم تنشف تماماً السوائل ويكون جاف
◻️ بعد ما جفت السوائل بنتركهن ليله كامله بفرن غير شغال
◻️ ثاني يوم بنقطعهن وممكن نعمل منهن تسالي او رول أبس
وذوقوا هالطعم الخرافي بعدها ❤️🫶🏻
سلطة ملفوف آسيوية من خضار تم إعاده استعمالها 🫡
https://youtu.be/Sn1PoobC72w
استغلال الطعام وتناوله وفق حاجياتنا لنمتنع عن هدره هي من النقاط المهمه لنحافظ ع توازن بيئي، إقتصادي وإجتماعي …من٣٠-٤٠٪ من الطعام يهدر سنوياً وبالمقابل المجاعات بتزيد … لهيك الموازنه جداً جداً مهمه … وبمناسبه يوم الكرة الأرضية وانتهاء رمضان بقدم فكرة لشو ضل عندي بالثلاجة لازم استغله قبل لا يخرب
المكوّنات للسلطة: ✔️ ملفوف ✔️ خس ✔️ جزر ✔️ بقدونس ✔️كزبره ✔️ بصل اخضر
الصلصة: ✔️ ملعقتين صويا ✔️ ملعقة زيت سمسم ✔️ ملعقة محلي طبيعي عسل او ميبل ✔️ ملعقتين مي ✔️ ملح وفق الحاجه
ورشات سمسم من فوق وذوقوا هالطعم الخرااااااافي بعدها 🫠
كنافة للأشخاص الي عندهم حساسيه من لجلوتين سهله وخفيفة جداً
https://youtu.be/Sn1PoobC72w
مهم تنتبهوا للملاحظات لتزبط معكم ع الآخررررر
المكوّنات: ✔️ 20 غرام نودلز أرز (ما بلزم كمية الطبقة لازم تكون رفيعه) نقعناه بمي سخنه ٥ دقائق وصفيناهن منيح منيح ✔️ ملعقتين كبار زيت جوز الهند ✔️ جبنة لوز او اي جبنه حلوه اخرى ✔️ رشات قرفه
الطريقة مع الملاحظات: ✔️ بعد ما نقعنا النودلز ٥ د بمي سخنه ✔️ صفوهن منيح صفوهن ١٠ دقائق ع الأقل ✔️ بنسكب عليهن ملعقتين كبار زيت جوز الهند وبنحركهن ✔️ ع قلاي نون ستيك بتوزع الحراره لكل الأطراف(مهم استعمال هاي القلاي) ادهنوا القلاي بزيت جوز الهند (اذا ما عندكم هالقلاي استعملوا التوستر ع ورقه خبيز وزعوا زيت جوز الهند) ✔️ بنوزع النودلز ع القلاي او ع ورقة الخبيز للتوستر (مش شرط بشكل دائره ع حجم التوستر) مهم مهم الطبقة تكون رفيعه ✔️ من فوق بنضيف طبقه جبنه نباتيه او عادية مع رشات قرفه ✔️ من فوق بنضيف طبقة ثانية نودلز وبنضغط عليهن منيح (مهم تكون رفيعه) ✔️ وبنحمر ع الغاز ع نار وسط او بالتوستر تم تسخينه (اذا اول مره بتعملوا اعملوها بالتوستر أسهل) ✔️ الطعم رح يكون كثيييير كريسبي ضيفوا عليه رشات قطر الي هي عباره عن محلول: نص ماء ساخن + نص عسل طبيعي وزيدوا رشات فستق حلبي ✔️ قطعوها لأرباع وذوقوا هالطعم الخرااااااافي ✔️ رح تكون كريسبيت ومقرمشه لانه فش جلوتين بس لذيذه
