وصفات

https://www.youtube.com/shorts/i4fOsEvD0IY?feature=share بودرة خضار بيتيه 🌿🌱 من خضروات مجففه وبهارات ❌بدون منوصوديوم جلوتامات ❌بدون سكر ❌ بدون زيوت مهدرجة المكوّنات: ✔️ ربع ضمه بقدونس ✔️ ٦ سيقان لاوراق السلري طريقة التجفيف: ✔️ بنغسلهن وبنوزعهن على قطعه قماش وبنجففهن بالشمس مده اسبوعين لحد ما يتجففوا (وممكن بأقل وقت) المكوّنات لبدورهالخضار: ✔️ البقدونس لمجفف ✔️ السلري لمجفف ✔️ ملعقتين صغار فلفل أبيض ✔️ ملعقتين صغار بودره بصل ✔️ ملعقتين صغار ثومه ✔️ ملعقة كبيره كركم ✔️ ملعقة صغيرة نشا ✔️ ٤ ملاعق كبار ملح طعام الطريقة: بيتم خلط المواد مع بعضها البعض وجاهزين بيتم حفظها بالبراد لفتره طويله أشهر ومهم ننتبه انه لما نضيفها للشوربات او للطبيخ ما نزورد كثير ملح لانها مالحه 🫶🏻

https://www.youtube.com/shorts/CzB8fDKZp5E?feature=share شوربة الخضار البرتقالية ملانه قيم غذائية وملانه بيتا كاروتين ومشبعه بشكل 🍠🥕🧅🍎 المكوّنات: ✔️ ١ بطاطا حلوه ✔️ ٤ جزر ✔️ ٣ بندوره ✔️ ٢ بصل ✔️ ١ رأس ثومه كامل ✔️ زيت زيتون ✔️ روزمارين ✔️ تايم (زعتر) ✔️ ملح الطريقة: ✔️ بنرتب الخضار بصنيه (الثومة حطيتها بورق طبيخ وفوقها ورق المنيوم لتستوي ع الاخر) وبنرش عليها زيت زيتون وبنحركهن وبنضيف ملح والروزمارين والتايم وبنغطيهن بورقه خبيز وبعدها ألمنيوم (بالاول بحط ورق خبيز لما يتلامس الطعام مع الألمنيوم) ✔️ بتركهن بالفرن ع درجة حراره ٢٠٠ مده ساعه لحد ما تستوي الخضار ✔️ بعدها بضيف الخضار بطنجره ✔️ وبضيف عليهن لتر مي مذوبه فيه بودره خضار طبيعيه ✔️ بنطحنهن منيح وبنرش ملح حسب الطعم ولما يغلوا جاهزين ✔️ بنضيف من فوق رشات كريم جوز الهند وشوية تايم وألف صحة وهنا 🫶🏻

https://www.youtube.com/shorts/6qlYbMlDtXU?feature=share وجبة نباتيه تحوي بروتين … البروتين جداً مهم لسيرورات بيولوجية من ضمنها بناء وتقويم العضلات لكن اليوم في هوس كثير كبير حول لبروتين فمهم نحكي هالنقطة الي بشعر مهم تسليط الضوء عليها: مهم مناسبه كمية البروتين لملفنا الطبي واحتياجات جسدنا… بمعنى اذا كنت مريض كلى او كان في خلل كلوي او كان مانع طبي لتناول لبروتين مهم ننتبه اله وايضاً مهم يتم مناسبه الكميات لاحتياجاتنا … بالذات اذا كان ينعمل رياضه نناسب الكمية حسب جسدنا وملفنا الطبي ومدى حركتنا ونوع الحركة … من عوراض فائض البروتين: ✔️الفائض بيتحول لدهون ✔️ فائض بروتين بيشغل الكلى أكثر بالتالي ممكن يسبب اصابه عند البعض بالكلى فمهم الانتباه ومناسبته للملف الطبي واحتياجاتنا طريقة البلونيز النباتي: ✔️ ملعقتين زيت زيتون ✔️ ١ بصل ✔️ ٤ ثوم ✔️ ١ فلفل أحمر ✔️ علبه بروتين الصويا ✔️ كأس صلصلة بندوره ✔️ كأسين مي ✔️ ملح ✔️ نص ملعقه تايم (زعتر) ✔️ باستا قمح كامل مسلوقه الطريقة: ✔️ بنطحن ناعم البصل والثومه والفلفل الأحمر ✔️ بنشوحهن بزيت الزيتون ✔️ بنسكب عليهن بعدها بروتين الصويا ✔️ بنشوحهن ٤ دقائق وبنضيف صلصله البندوره، المي، الملح والتايم ✔️ بنخليهن يغلوا ٥ دقائق ✔️ بعدها بنضيف عليهن الباستا الي سلقناها على جنب وجاهزين والف صحة وهنا 🙏🫶🏻 نكون جميعاً بخير وعافية وسلامة 🙏🫶🏻

https://www.youtube.com/shorts/aP6v-rukHBY?feature=share كيف نعمل كستناء على السريع؟ الي تتقيم وتجهز بسرعه؟! ✔️ اغلوها قبل التحميص ١٠ دقائق بسهل تقسيمها وتقشيرها وبعدها حمصوها بالفرن ٥ -٨ دقائق ✔️ تحوي بي ١٢ وحامض الفوليك ✔️ صح انها ملانه نشويات لكن تعتبر قليله السعرات الحرارية يعني بالكأس الواحد عنا ١٥٠ كالوري بس ✔️كيف بتعرفوا اذا الكستناء منيحه قبل لا تشتروها- لونها بكون بلمع ما عليها نقاط سودا او خضرا وصوتها بدون صدى انما بتشعروا انها قاسيه وابعدوا عن الكستناء لمغلفه جيبيوا الحلل بالعاده بكون طازج أكثر

https://www.youtube.com/shorts/MxSTg9xYrHM?feature=share   بطاطا بالفرن تماماً زيي المقلي كرانتشي من برا ومستويه من جوا 🍟 وبديل بمليون مره صحي أكثر… بتعرفوا انه البطاطا المقليه او النشويات بشكل عام بيمتصوا أكثر زيوت والزيت لما بيتعرض لدرجات حراره عاليه بيفرز تركيبه اسمها AGEs الي تعتبر ماده پرو مسرطنه وايضاً أكسده للزيت وراديكالات حره . وكل ما زاد وقت الزيت على النار كل ما زادت هالمواد. لهيك قد ما نغدر نبعد عن القلي … المكوّنات: ✔️ ٤ بطاطا مقطعه لشرائح ✔️ لتر ونص مي ✔️ ملعقة كبير بابريكا مدخنه ✔️ ربع ملعقه فلفل أسود ✔️ ربع ملعقة كاري ✔️ ملح حسب الطعم ✔️ زيت زيتون ٦ ملاعق كبار الطريقة: ✔️ بنسلق شرائح البطاطا نص سلقه بمعنى من ٨-١٠ دقائق (اهم اشي ما يطروا انما شوي يستوا مهم يضلهم قاسيين شوي) ✔️ بنصفيهن من المي وبنرش لبهارات وزيت الزيتون وبنحرك ✔️ بنوزعهن ع ورقه خبيز ✔️ بندخلهن ع الفرن مده ٢٠-٣٠ دقيقه من فوق وتحت ع درجة حراره ٢٣٠ مع مروحه مهم راقبوهن توزيع الحراره من فرق لفرن بختلف اهم اشي يتحمروا وجاهزين الف صحة وهنا ونكون بخير وسلامه وعافيه 🙏🫶🏻

https://www.youtube.com/shorts/QdaoLFHD-hg?feature=share نكون جميعاً بخير وسلامه وعافيه باستا فطر رهيبه وسهله جداً من ٥ مركبات بس بتنعمل على السريع كثير بحكولي انه الباستا ممنوعه بنمط الحياه الصحي.. الباستا هي نشويات والنشويات مش اشي ضار او لازم نبعد عنه اذا تناولنا بتوازن واستخدمنا نشويات مركبه زيي قمح كامل، كينوا، برغل، فريكة ارز كامل ودمجنا معها خضار هيك بنخلي تحلّلها أبطىء ومش ارتفاع حاد بالسكر بالدم بعد تناولها… الاشخاص الي عندهم سكري او ما قبل مرحله السكري وبشكل عام مهم ننتبه لكمية النشويات الي بندخلها ونتذقق على تناولها بشكل متوازن. المكوّنات: ملعقتين زيت زيتون ١ بصل ٤ ثومه علبه شيري مقطع بالنص علبه فطر طازج ٢٥٠ ملل كريم جوز الهند ملح حسب الطعم ملعقة تايم (نوع زعتر) باستا قمح كامل الطريقة: بنشوح البصل والثومه بزيت الزيتون ولما يذبلوا بنضيف الشري والفطر لما يجهزوا الفطر بنضيف كريم جوز الهند والملح والتايم وبنتركهن يغلوا ذوقوا اذا بدكم تركيز جوز الهند اقل ضيفوا مغرفتين من مية سلق الباستا ع جنب بنكون سالقين باستا (استعملت من قمح كامل) بنسكب الصلصله ع الباستا بعد ما صفيناها وبنحرك وجاهزين والف صحة وهنا

https://www.youtube.com/shorts/_gNN7aIZP4g?feature=share يخنه الباتنجان (الباذنجان) من الأكلات السهلة والبسيطه والاقتصادية والي طعمها حرفياً تحفه ومشبعه بشكل وملانه ألياف 💘 ليكون بجنبها بروتين ممكن تدمجوا حمص او فول طيب بيطلع 🤝 المكوّنات: ✔️ ملعقتين زيت زيتون ✔️ ١ بصل ✔️ ٤ ثومه + سن لما تخلص الطبخه ✔️ ٢ بندوره او ١٠ حبات شيري ✔️ ٢ باذنجان وسط او واحد كبير ✔️ لتر ونص مي ✔️ ملح ✔️ ممكن تضيفوا ملعقة بودره خضار للي بحب طعمتها (ذوقوها وقرروا اذا بدكم) الطريقه: ✔️ بنشوح البصل والثومه بزيت الزيتون ✔️ لما يذبلوا بنضيف البندوره ✔️ وبعدها قطع الباذنجان (قطعوه لمكعبات) وبنشوحهن ✔️ بنضيف المي وبنتركهن لحد ما يستوي الباذنجان من ٢٠-٢٥ دقيقه بنخليهن يغلوا ✔️ بعدها بنضيف الملح وبودرة الخضار اذا بدكم ✔️ و١ ثوم بنضغطه وبنطفي تحتيهن ✔️ جربوها مع رز بجنبها وألف صحة وهنا نكون جميعاً بخير وعافية 🙏

https://www.youtube.com/shorts/q4WqZiqmtoQ?feature=share ✔️ الإستغناء عن البرجر خارج البيت والتركيز على البيتي اله جوانب صحية منها أقل دهون مشبعه، أقل صوديوم وأقل ملح ✔️ البرجر النباتي والغير نباتي بهاي النقطه نفس الاشي مش بالضروره اذا نباتي يكون صحي أكثر… ✔️لما بدنا نعمل برجر أفضل نعمله بالبيت واذا البرجر النباتي ما صحلنا نعمله بالبيت (طريقته طلعتها قبل) بنفع نركز انه مكوناته تكون مع أقل زيت، ملح وإضافات مصنعه ✔️ مهم مع البرجر ندمج معه خضروات تذكروا الجاهز فش خضار فيه تقريباً بكون فكل ما بنزيد الخضار كل ما بيزيد شعورنا بالشبع وجهازنا الهضمي بيكون مبسوط أكثر

https://www.youtube.com/shorts/qaO49Om2aFY?feature=share أيامنا تحمل الخير والعافية والسلامة علينا جميعاً 🙏🙏🙏🙏 هالفترة بنزل طرق بسيطه وسهله كبرنا عليها ومن ضمنهن وصفة رولات السبانخ وصفه سهله واقتصادية وبدل لقراص الي متعودين عليه عملته بخبز عربي ولفيتهن… المكوّنات: ✔️ملعقتين زيت زيتون ✔️ ٢ بصل ✔️ حفنة صنوبر ✔️ ضمه سبانخ ✔️ نص ملعقة كبيرة ملح الطريقة: ✔️ بنشوح البصل ولما يذبل بنضيف الصنوبر والسبانخ والملح وبنحرك لحد ما يذبلوا ✔️ بنصفيهن منيح لتنزل ميتهن ✔️ بنجيب خبز عربي بنقسموا لقسمين ✔️ بنضيف الحشوة ب ٣/٤ طرف الخبزه وبنلفها ✔️ صنيه فرن بندهنها زيت زيتون وبنوزع الرولات وبندخن من فوق بزيت زيتون ✔️ وبنرش عليهن رشة سماق وبنحمرهن بالفرن ٧-١٠ دقائق على درجة حراره ٢٠٠ (راقبوها اول ما يتحمروا جاهزين)