وصفات

https://www.youtube.com/shorts/WLx6j33KTwQ?feature=share مقلوبة صحية 🌙🍆 🌙 ع فكرة المقلوبة تعتبر وجبة متكامله تحوي بروتين ودهنيات ونشويات وخضار مشكلتها انها دسمه فممكن نعملها بأقل دسم وزيوت ومقالي - ممكن تضيفوا لحمه🌙 المكوّنات: ✔️ ١ بصل ✔️ ١ بطاطا حلوه ✔️ ١ باذنجان ✔️ ١ بطاطا ✔️ نص زهره ✔️ ٢ جزر ✔️ كأس ونص رز منقوع ساعتين ✔️ ملعقة كبيرة بهار مقلوبه ✔️ ملعقة ملح ✔️ ملعقة صغيرة بودرة خضار بيتيه ✔️ كأس حب حمص مسلوق ✔️ ٨٥٠ مل مي ✔️ رشات لوز وبقدونس الطريقة: ✔️ بنشوي الخضار بالفرن ع درجة حراره ٢٠٠ مده ٣٠-٤٥ دقيقه من فرن لفرن بختلف اهم اشي يستوين ع الاخر ويتحمرن ✔️ بنخلط الرز، لبهارات والحمص مع بعض ✔️ بندهن طنجرة المقلوبه بزيت زيتون ✔️ بنضيف طبقه خضار وبعدها طبقة رز ربعدها طبقه خضار وطبقه رز ✔️ بنضغطهن منيح منيح ✔️ بنضيف عليهن صحن ليغطيهن ✔️ ع نار هاديه بنشوحهن ٢-٤ دقائق من تحت ليطلعوا متماسكات ✔️ بنضيف المي ✔️ بنعلي الغاز لمى تغلى المي طوالي بنوطي وبنستنى لحد ما تنشف المي ✔️ بنغطيها ربع ساعه وبعدها بنقلبها ✔️ بنزينها بلوز وبقدونس وألف صحة وهنا 🌙💘

  https://www.youtube.com/shorts/bJayhfloVVI?feature=share رمضان كريم 🌙🫶🏻 🌙الشوربات هي أحد الطرق لنرجع أملاح وسوائل للجسد الصائم 🌙 الطريقة لشوربة الفطر: ✔️ ملعقتين كبار زيت زيتون ✔️ ١ بصل مقطع ✔️ ٤ ثومه مقطع ✔️ علبتين طازجات فطر بزبط اي نوع استعملت الفطر الابيض والبورتوبيلو بنقطعهن شرائح ✔️ لتر مي ✔️ ٢٥٠ ملل كريم جوز الهند ✔️ ملعقتين كبار شوفان ✔️ عرق زعتر (تايم) ✔️ نص ملعقة صغير بهار تشيلي وفلفل أسود ✔️ بنص كأس مي بنذوب ملعقتين كبار نشا الطريقة: ✔️ بنشوح البصل والثومه بزيت الزيتون ليذبلوا ✔️ بنضيف بعدها الفطر وبنحركهن ليذبلوا ✔️ بنضيف المي وكريم جوز الهند ✔️ بنضيف الشوفان+ لبهارات ✔️ بتركهن يغلو ٧-٩ دقائق لحد ما يستوي الفطر ✔️ بنضيف المي والنشاء لمذوب وبنحرك لحد ما يتماسكوا وجاهزين ✔️ فوق الصحن بنضيف كريم جوز الهند ورشات بقدونس وصحة وهنا 🫶🏻🌙

https://www.youtube.com/shorts/ra8jIFYtCFU?feature=share فته باذنجان صحية 🍆🌙 🌙 تعتبر من المقبلات بس هي بالأساس وجبة متكامله تحوي بروتين دهنيات ونشويات🌙 المكوّنات للفته: ✔️ قطع خبز كامل مقطعه ✔️ قطع باذنجان مقطعه ✔️ كأس ونص حمص حب مسلوق ✔️ مكسرات صنوبر ولوز ✔️ رشات بقدونس ✔️ رشات سماق ✔️ بزبط رشات رمان الصلصلة: ✔️زبادي ٤٠٠ ملل ✔️ نص كأس طحينه من السمسم الكامل ✔️ ١ عصير ليمون ✔️ ٢ ثوم وسط ✔️ رشه ملح ✔️ نص كأس مي ل ٣/٤ كأس حسب نوع الطحينه حرّكوا وشوفوا الطريقة: ✔️ بنوزع قطع الخبز ع صنيه خبيز وبنضيف ملعقتين كبار زيت زيتون وبنحركهن وع فرن تم تسخينه ع ١٨٠ بنحمرهن ٦ دقائق راقبوهن مهم من فرن لفرن بختلف ✔️ قطع الباذنجان بنضيف عليهن ملعقتين كبار زيت زيتون وبنشويهن بالفرن ع درجة حراره ٢٠٠ مده ٢٠ دقيقة راقبوهن لحد ما يتحمروا ويستوا من فرن لفرن بختلف ✔️ بنرتب الخبز بصنيه وبعدها الباذنجان ✔️بنضيف حب الحمص المسلوق ✔️ الصلصلة بنخلطهن ليتماسكن وبنضيفهن فوق الحمص ✔️ بنحمص اللوز والصنوبر ع الغاز وبنوزعهن من فوق ✔️ بنرش رشات سماك وبقدونس والف صحة وهنا 💘🌙

https://www.youtube.com/shorts/YphJB0EhjyA?feature=share سبرينج رول على الطريقة الفيتنامية بديل ممتاز للمقبلات المقلية برمضان 🌙 المكوّنات: ✔️ ورق أرز ✔️ نودلز أرز ✔️ خيار مقطع شرائح ✔️ جزر مقطع شرائح ✔️ افوكادو مقطع شرائح ✔️ كزبره مفرومه ✔️ فستق بنقطعه الصلصه: ✔️ملعقة كبيره زبده الفستق ✔️معلقه كبيره صلصله صويا ✔️ ملاعق كبار مي سخنه ✔️ ٢ ملاعق كبار ميبل ✔️رشات تشيلي، ملح وفلفل أسود الطريقة: ✔️ ببنقع النودلز بمي مغليه ربع ساعه ✔️ بنقطع وبنجهز الخضروات ✔️ ورق الرز بنغته بمي بدرجة حراره الغرفه ٢٠ ثانيه ✔️ بنفرد الورقه بصحن وبنعبي الورقه بالخضروات والنودلز والفستق ✔️ بنطوي الاطراف وبنلف الورقه ✔️ وبنخلط كل مكونات الصلصة وجاهزين وذوقوا هالطعم بعدها 🌙

https://www.youtube.com/shorts/QtuOurYBP3A?feature=share سمبوسك بيتي ب٣ دقائق 🫶🏻 صحيات اكثر، من قمح كامل، ممكن نحشيها بشو بنحب واهم اشي سهلات بشكل وحل للي بده اشي سريع وصحي ومش مغرق دهون مهدرجة 🫶🏻💘 المكوّنات: ✔️ تورتيلا قمح كامل ✔️ الحشوة ممكن: جبنه وزعتر (استعملت جبنه ماعز عضوية) ✔️ حشوة اخرى: صلصلة بندوره مع جبنه وتايم ✔️ حشوة اخرى: بصل مكرمل مع بطاطا وملح الطريقة: ✔️ بنجيب كأسه فتحتها شوي عريضه وبنقص بحجمها دوائر صغار من التورتيلا ✔️ بنحشي وبنطوي الاطراف- تكثروش حسوة ليسكرن ✔️ ع ورقه خبيز بنرتبهن ✔️ بندهنهن بزيت زيتون ورشات سمسم ✔️ ع فرن تم تسخينه ع ١٨٠ من فوق وتحت بتم تحميرهن وجاهزين وألف صحة وهنا 💘🫶🏻

https://www.youtube.com/shorts/sXh6Du-mCnE?feature=share كعكة الدوالي 💘 سهلة جداً وخفيفة جداً وبتوخذش وقت تحضير حلوه لتقديم الرز مع طعم دوالي وممكن تحشوها بإيش بدكم انا فضلت احشيها برز وصنوبر ونعنع المكوّنات: ✔️ ١٥-٢٠ ورقه دوالي ✔️ كأس رز مطبوخ (مفلفل عادي) ✔️ حفنه صنوبر محمصه ✔️ ٥ ورقات دوالي مجففه او طازجة ✔️ ملعقة كبيرة بهار محاشي ✔️ ملعقة صغيرة ملح ✔️ ملعقتين كبار زيت زيتون ✔️ دبس رمان ✔️ نص كأس مي ✔️ رمان ✔️ ليمون الطريقة: ✔️ بنسلق ورق الدوالي بمي مغليه كل اكم ورقه بنتركها دقيقه بالمي المغليه لحد ما يتغير لونها وتصير ناعمه ✔️ قالب خبيز بندهنه زيت زيتون ✔️ بنوزع اوراق الدوالي من تحت وبنعلي الأطراف ع جنب القالب لنعرف نطويها بعدها ✔️ بنجهز الحشوة بنخلط الرز المطبوخ مع الصنوبر لمحمص والنعنع وبهار المحاشي مع الملح وزيت الزيتون بنحركهن منيح ✔️ بنوزع الحشوه داخل وراق الدوالي الي بالقالب وبنضغط عليهن وبنرتب طبقه وراق دوالي من فوق ✔️ بنضيف المي عليهن ورشات دبس الرمان ✔️ بندخلهن ع الفرن مده ١٥ دقيقه ع فرن درجة حرارته ١٧٠ (راقبوهن ممنوع ينحرقوا بس شوي يتحمروا) ✔️ بعد الفرن بنقلبهم بصنيه وبنضيف رمان ورشات دبس رمان وعصرة ليمون والف صحة وهنا 💘

https://www.youtube.com/shorts/Cgs7BavxtgQ?feature=share   مين حكى الملفوف بس لف؟! 🫠 ملفوف مع رز وضفت اله بروتين الحمص وجبة سريعه وسهله وبتشبع بشكل وطعمها عنجد تحفه الحلو بالملفوف: يحوي معادن، ألياف، مضادات أكسده وقليل السعرات الحراريه المكوّنات: ✔️ نص ملفوف مقطع لشرائح مش رفيعه كثير ✔️ ملعقتين كبار زيت زيتون ✔️ ٥ ثوم ✔️ كأس أرز (منقوع ع الاقل نص ساعه) ✔️ ملعقة صغيرة بهار محاشي ✔️ ملعقة ملح (حسب الطعم) ✔️ نص كأس حمص حب مسلوق اختياري ✔️ ٣ كاسات مي تقريباً الطريقة: ✔️ بنسلق شرائح الملفوف لحد ما تستوي (بدهن ٢٠-٢٥ دقيقه) ✔️ بنصفيهن من المي ✔️ بنشوح الثومه بزيت زيتون ✔️ بنسكب الرز ولبهارات والملح والحمص ✔️ بنسكب الملفوف وبنحركهن مع بعض منيح ✔️ بنضيف المي عليهن (مهم المي تغمرهن لفوق ب٥ ملل) ✔️ لما تغلى المي بنوطي تحتيهن وبنخليهن ينطبخوا براحتهن ✔️ولما تنشف المي ع الاخر بنغطيهن وبنتركهن ١٠ دقائق ✔️ وجاهزين بنرتب الصحن بقدونس وصنوبر ودبس رمان وعصره ليمون والف صحة وهنا

https://www.youtube.com/shorts/LBp5FLJrw8U?feature=share   بوريكس محشي بلبنه وسبانخ والحلو بدوش تحضيرات ولا يحوي دهون ترانس ولا دهون مهدرجة وما بلزمه القلي ومن مركبات صحية أكثر المكوّنات: ✔️ ملعقة زيت زيتون ✔️ ٢ بصل اخضر ✔️ زرف سبانخ ✔️ علبتين لبنه لوز بزبط اي نوع لبنه او جبنه ✔️ ورق رز ✔️ زيت زيتون ✔️ سمسم الطريقة: ✔️ بنشوح البصل بزيت الزيتون ✔️ بنشوح معهم السبانخ وبنرش رشات ملح ✔️ بنصفي السبانخ بعد ما ذبل (مهم) لنزل من السوائل ✔️ بنسكب عليهن لبنه اللوز ✔️ ورق الرز بننقع كل ورقه ٢٠ ثانيه بمي بدرجة حراره الغرفه ✔️ بنحشي الورقه من الطرف وبنبلش نطوي الاطراف ونلف ✔️ بنوزعهن ع ورقه خبيز ✔️ بندهنهن بشويه زيت زيتون ✔️ رشات سمسم ✔️ بنحمرهن بالفرن ١٠-١٢ دقيقه ع درجة حراره ٢٠٠ ممكن تزبدوا وممكن تنقصوا حسب فرنكم راقبوهن وجاهزين والف صحة وهنا 💘🫶🏻

https://www.youtube.com/shorts/iXJNo4m8gpE?feature=share شيبس صحي بدون نقطه زيت ب ٥ دقائق بس.. بديل رهيب للي بده سناك ويحافظ ما يدخل مقالي وبصراحة الطعم ما توقعت هالقد يطلع رهيب زيي ما بتعرفوا الشيبسات الجاهزه هي شيبسات مقليه بالتالي ملانه زيوت مهدرجة وملانه سعرات حراريه وملانه صوديوم هالبديل البيتي رهيب 🫶🏻🥔 المكوّنات: ✔️ ٢ بطاطا ✔️ ثلج ومي ✔️ ملح ✔️ خياري: بابريكا مدخنه، بزبط زعتر وبعار ثومه الطريقة: ✔️ بنقطع البطاطا لشرائح رفيعه ✔️ وبعدها بننقعهن بصحن فيه ثلج ومي مده ربع ساعه ✔️ بنجيب شريطه نظيفه وبنرتب شرائح البطاطا وبنشفها منيح ✔️ ع صحن عليه ورقه خبيز بنوزع شرائح البطاطا ✔️ رشات ملح وبابريكا ✔️ ع الميكرو ٥ دقائق- في قطع ممكن تكون بحاجة لكمان دقيقه ✔️ وجاهزين وألف صحة وهنا 🫶🏻