وصفات

https://www.youtube.com/shorts/bsOdpYfk5iw?feature=share أيامنا تحمل الخير والعافية والسلامه 🙏🙏🙏 مقروطه الشوكلاته الصحية من مكونات بسيطه وسهله انطلب كثير هاي الفتره حلو يبقى بسيط ويمد بالشبع بنفس الوقت وتكون مكوناته بسيطه وسهله المكوّنات: ✔️ كأس ونص شوفان مطحون (شوفان اطحنوه بالمكسر) ✔️ نص كأس طحينه ✔️ ١/٢ كأس ميبل او عسل ✔️ شويه رشة ملح ✔️نص ملعقة بودره خبيز ✔️ ٧٠ غرام شوكلاته داكنه الطريقة: ✔️ بنحرك الشوفان، الطحينة، الميبل، الملح وبودره الخبيز مع بعض لحد ما يتماسكوا جيداً ✔️ بنفرد العجينه بشكل مستطيل على ورقه خبيز بخمل ٣ مليمتر تقريباً ✔️ وب٣/٤ المستطيل بنضيف مكعبات الشوكلاته الداكنه على طولها ✔️ بنبلش نلف بورقه الخبيز لحد ما يتشكل الرول ✔️ بنقيم الاطراف وبنقسم الرول لقطع من فوق مش للاخر الي نوصل الشوكلاته من فوق ✔️ بندخلها على فرن من فوق وتحت درجة حراره ١٨٠ مده ١٥-٢٠ دقيقه (راقبوها لحد مز تتحمر شوي مش كثير) وجاهزين ملاحظة: اذا ما بتتماسك ضيفوا كمان شوية شوفان مدى التماسك متعلق بنوع الطحينه ونوع الشوفان نكون جميعًا بخير وسلامة 🙏🙏🙏

https://www.youtube.com/shorts/g9ddxBZVrDY?feature=share المكوّنات للتفاح: ✔️ ٤ تفاح مقشر ومقطع ✔️ربع ملعقه قرفه الطريقة: ✔️ بحركهن وبوزعهن بقالب خبيز وبحمرهن بالفرن لحد ما يستوي التفاح من١٥-٢٠ دقيقه ع درجة حراره ٢٠٠ المكوّنات للخليط العليوي: ✔️ قشر التفاح بطحنه ✔️ كأس شوفان ✔️ رشه قرفه ✔️ ربع كأس محلي طبيعي (عسل، ميبل، أجفا) ✔️ ربع كأس طحينه (بزبط زبده فستق او لوز) الطريقة: ✔️ بخلطهن وبحركهن مع بعض (اذا حسيتوا الشوفان بعد مش ملزق ضيفوا شوي طحينة مش كثير) ✔️ بوزع الخليط فوق التفاح بعد ما يستوي ✔️ وبحمرهن بالفرن ١٠ دقائق (راقبوا الشوفان اول ما يحمر جاهز) جمعه تحمل الخير والعافية علينا جميعاً 🙏🙏🙏🙏

https://www.youtube.com/shorts/CRDuYQFV6Qc?feature=share ترافل بمركبين بس ولا أسهل ولا ألذ وسناك بشبع بشكل ومن مكونات سهلة جدًا جدًا   للأسف الترافل بحطوا فيه كثير سكر وزبده ومواد حافظة فهاي الطريقة بتجنن بس من مركبين وسهله جدًا جداً وبرضه مكوناتها طبيعيه وصحية   المركبات: ✔️ ٢٠٠ غرام شوكلاته داكنه استعملت شوكلاته ٨٠٪؜ كاكاو ✔️ ٢٠٠ غرام طحينه من السمسم الكامل بزبط زبده فستق وبزبط زبده لوز   الطريقة: ✔️ بنذوب الشوكلاته بالميكرو بنضيف عليها نص ملعقة زيت زيتون (بنذوبها مده دقيقه وكل ١٥ ثانيه بنحركهن) ✔️ بعد ما ذوبناهن بنضيف الطحينه او زبده اللوز او زبده الفستق ✔️ بنتركهن بالثلاجة ليجمدوا من ٣-٤ ساعات ✔️ بنشكل كرات اسهل اشي بملعقة او بملعقة بوظة بندورهن (بهمش يتوسخوا ايدينا شوي 🤣) ✔️ بعدها بنغطسهم ببودرة كاكاو - ونزيل زوائد بودرة الكاكاو عليهن ليكونوا طبقه خفيفه ✔️ يحفظن بالثلاجة لمده اسبوعين وثلاث أسابيع   وجاهزين وذوقوا هالطعم الخرااااااافي 💘

https://www.youtube.com/shorts/WD7IdIt9OE8?feature=share كعكة توت بري مش من هالعالم رهيبه ولذيذه وخفيفه جداً وسهله وبوعدكن توكلوا اصابعكم وراها 🫠💘🫐   الحلو بدون بيض وحليب وزبده فممتازه للي عنده حساسيه من البيض واللاكتوز 🤝   المكوّنات: الصحن الجاف: ✔️كأسين قمح كامل مغربل ✔️١/٣ كأس سكر بني من قصب السكر (ما بزبط ميبل او اشي سائل) ✔️ ملعقة ونص صغيره بودرة خبيز ✔️ ١/٤ ملعقة بودرة صودا الشرب (بيوكربونات الصودا) ✔️ رشة ملح   وبحركهن منيح   الصحن الرطب: ✔️ ١/٢ كأس حليب صويا ✔️ ٢/٣ كأس يوجورت صويا (بزبط اي نوع) ✔️١/٤ كأس زيت زيتون ✔️ قشره ٢ ليمون كاملات (مهم) ✔️ ملعقة كبيرة فانيلا   وبحركهن منيح   وآخر اشي بنضيف: ✔️كأسين كبار توت بري بنخلطهن مع ملعقة صغيرة كورن فلاور (قمح الذرة)   الطريقة: ✔️ الصحن الجاف بخلطه مع الرطب وبعدها بضيف التوت البري مع الكورن فلور وبحركهن منيح ✔️ قالب انجليش كيك بوزع عليه ورقه خبيز مدهنه زيت زيتون وبوزع الخليط داخلها ✔️ فرن تم تسخينه من فوق وتحت على ١٨٠ بدون مروحه بدخلها مده ساعه كامله ✔️ لما تجهز بطلعها وبخليها تبرد ع راحتها وبعدها بقطعها ✔️ الصلصلة خياري: ١/٢ كأس يوجورت صويا + ملعقة عسل او ميبل وبوزعها من فوق   وذوقوا بعدها هالطعم الخرااااااافي 🫠💘🫐

https://www.youtube.com/shorts/wcwKq4AQNDA?feature=share قطعة كوكيز كبيرة لذيذه لذيذه لذييييذه سهلة وسريعه وصحية بدون بيض وحليب وزبده وجلوتين فمناسبة للأشخاص الي عندهم حساسيه وبديل رائع للي بده حلو يكون صحي 🍪💘   المكوّنات: ✔️ كأس طحينة من السمسم الكامل ✔️ ٢/٣ كأس ميبل او عسل ✔️ كأسين شوفان (بدون جلوتين للي بده) ✔️ ربع كأس طحين لوز او لوز مطحون ✔️ ملعقة صغيرة قرفه ✔️ رشة ملح ✔️٦ حبات تمر مقطعه ✔️ ١٠٠ غرام شوكلاته داكنه   (عملت منها ثنتين كبار) الطريقة: ▫️ بنخلطهن بالترتيب منيح منيح ▫️ ع ورقه خبيز ممكن نصنع عده كوكيز او نعمل دائرة كبيرة ونقطعها مثل البيتزا ▫️ بندخلها ع فرن تم تسخيه ع درجة حراره ١٨٠ مدة ١٢-١٥ دقيقه بس تبلش شوي تتحمر جاهزين ▫️ قبل لا تقطعوها اعطوها تبرد على راحتها وذوقوا بعدها هالطعم الخرااااااافي 🫠

https://www.youtube.com/shorts/KmegmoV14OE?feature=share تريند التمر… قلت لاااازم أجربة حبيت هالترند سهل وسريع ومشبع ومغذي 💘🫠   عملته بطريقة الي تكون بتاتاً بدون سكر لانه حلاوة التمر طاغية وهاي من الطرق الي ممكن ندمج معها الشوكلاته الداكنه ١٠٠٪؜   المكوّنات: ✔️ ١٢ تمره مجهول ✔️ ملعقتين كبار زبده فستق بدون سكر ✔️ ٨٠ غرام شوكلاته داكنه ١٠٠٪؜   الطريقة: ▫️ بنوزع التمر القشرة من تحت وبنوزعهن بأسطر وكل سطر طرفه شوي يكون فوق الثاني ليتماسكوا ▫️ بنفرد عليهن ورقه خبيز وبنضغط عليهن بعلبه ▫️ بنوزع زبدة الفستق من فوق ▫️ بنذوب شوكلاته داكنه بالميكرو مع ربع ملعقة زيت زيتون (مدة دقيقه لدقيقه و١٠ ثواني) ▫️ بنوزع الشوكلاته فوقيهن ▫️ بندخلهن ع الثلاجة مده ساعه (ما بلزم فريزا) ▫️ بنقطعهن وجاهزين وذوقوا بعدها هالطعم الخرااااااافي  

https://www.youtube.com/shorts/1i_AIX87rks?feature=share يا صباح النور والضي بسكوت شوكلاته من مكونات طبيعية بدون جلوتين وبيض ومنتجات حليب وولا أسهل من هيك 🫠   المكوّنات: ✔️٨ ملاعق كبار شوفان ✔️ ٣/٤ كأس طحينة من السمسم الكامل ✔️ ٤ ملاعق كبار ميبل طبيعي/ عسل/ أجفا ✔️٣ ملاعق كبار بودرة كاكاو بدون سكر ✔️ ملعقتين كبار تشيا عليهن ٨ ملاعق مي ✔️ ١/٤ كأس تشوكليت شيبس   الطريقة: ▫️ بنخلط كل المركبات بالترتيب مع بعض منيح ▫️ بنشكل بإيدينا كرات بسكوت وبنوزعهن ع ورقه خبيز ▫️ بنخبزهن ع درجة حراره ١٨٠ من ١٠-١٤ دقيقه لحد ما شوي يتحمروا ▫️ مهم مهم مهم خلوهن يبردوا ليتماسكوا وبعدها جاهزين وذوقوا هالطعم الخرااااااافي

https://www.youtube.com/shorts/E45l1DUfqWc?feature=share كعكة المبروشة ✔️بدون بيض ✔️بدون حليب ✔️ بدون زبده ✔️بدون جلوتين   لذيذه وخفيفه وولا أسهل منها 🫠💘   المكوّنات: ✔️ كأس لوز مطحون (لوز اطحنوه بالمكسر) ✔️ كأس شوفان مطحون بدون جلوتين (شوفان اطحنوه ناعم) ✔️ ١/٢ كأس شوفان بدون جلوتين عادي ✔️ ١/٣ كأس زيت جوز الهند ✔️ ١ تفاحه مبروشة ناعم ✔️ ملعقة كبيرة فانيلا ✔️ ملعقة صغيرة بودرة خبيز ✔️ ربع كأس ميبل أو عسل ✔️ مربى توت بدون سكر   الطريقة: ▫️ بنخلط كل مكونات العجين مع بعض منيح ▫️ ع صنيه فرن دهناها زيت جوز الهند بنوزع ٣/٤ العجينه وبنفردها وبنرفع شوي من الاطراف ▫️ بنحمرها على فرن تم تسخينه على ١٨٠ مدة ١٠ دقائق (تا يتحمر شوي راقبوها ممكن اقل او اكثر وقت) ▫️ بنفرد بعدها وبنوزع لمربى وبعدها ١/٣ العجينه بنرشه من فوق ▫️ بنحمرهن ل ٨ دقائق إضافية لحد ما شوي تتحمر الطبقة الي فوق   وجاهزين وذوقوا هالطعم الخرااااااافي 💘🫠

https://www.youtube.com/shorts/q7neENmHs24?feature=share الفيديو صورتوا ساعتين كاااااملات وتعبت عليه بآخره اكتشفت إنه ضاغطه بالغلط على زر الإضاءة الغلط … فجودة الفيديو من مرّه بعرف… ترددت اطلعه ولا لا .. وخفت لا يحكوا عني غير مهنية بعملي 😭 … بالاخر حبيت اطلعه لإنة هاد الواقع وفش اشي مثالي وهاي حياتي مع عسر التركيز 😅   كرات الشوكلاته بدون منتجات حليب وبيض وبدون جلوتين جدًا سهلات ومن ٥ مركبات بس   المكوّنات: ✔️ 10 كعك أرز مطحون ✔️6 تمر منقوع ساعه ✔️ 1/3 كأس طحينة من السمسم الكامل ✔️ ملعقة كبيرة فانيلا ✔️ كأس شوكلاته داكنه + مع ربع ملعقة زيت زيتون   الطريقة: ✔️ بنطحن كعك الأرز بشكل وسط (مش ناعم ع الاخر) ✔️ بنطحن التمر ناهم ليصير معجون ✔️ وبنخلط كعك الرز والتمر مع الطحينة والفانيلا لحد ما يتكون عندي خليط متجانس ✔️ بنشكل كرات من الخليط ✔️ بنذوب شوكلاته وزيت الزيتون بالميكرو مده دقيقه ل دقيقه و١٥ ثانيه - كل نص دقيقه بنحركهن ✔️ بنغطس الكرات بالشوكلاتة الي ذوبناها ✔️ بنرتبهن ع ورقة خبيز وع الثلاجة مده ساعه   وبعد ساعه ذوقوا هالطعم الخرااااااافي 💘