وصفات

https://www.youtube.com/shorts/YphJB0EhjyA?feature=share سبرينج رول على الطريقة الفيتنامية بديل ممتاز للمقبلات المقلية برمضان 🌙 المكوّنات: ✔️ ورق أرز ✔️ نودلز أرز ✔️ خيار مقطع شرائح ✔️ جزر مقطع شرائح ✔️ افوكادو مقطع شرائح ✔️ كزبره مفرومه ✔️ فستق بنقطعه الصلصه: ✔️ملعقة كبيره زبده الفستق ✔️معلقه كبيره صلصله صويا ✔️ ملاعق كبار مي سخنه ✔️ ٢ ملاعق كبار ميبل ✔️رشات تشيلي، ملح وفلفل أسود الطريقة: ✔️ ببنقع النودلز بمي مغليه ربع ساعه ✔️ بنقطع وبنجهز الخضروات ✔️ ورق الرز بنغته بمي بدرجة حراره الغرفه ٢٠ ثانيه ✔️ بنفرد الورقه بصحن وبنعبي الورقه بالخضروات والنودلز والفستق ✔️ بنطوي الاطراف وبنلف الورقه ✔️ وبنخلط كل مكونات الصلصة وجاهزين وذوقوا هالطعم بعدها 🌙

https://www.youtube.com/shorts/QtuOurYBP3A?feature=share سمبوسك بيتي ب٣ دقائق 🫶🏻 صحيات اكثر، من قمح كامل، ممكن نحشيها بشو بنحب واهم اشي سهلات بشكل وحل للي بده اشي سريع وصحي ومش مغرق دهون مهدرجة 🫶🏻💘 المكوّنات: ✔️ تورتيلا قمح كامل ✔️ الحشوة ممكن: جبنه وزعتر (استعملت جبنه ماعز عضوية) ✔️ حشوة اخرى: صلصلة بندوره مع جبنه وتايم ✔️ حشوة اخرى: بصل مكرمل مع بطاطا وملح الطريقة: ✔️ بنجيب كأسه فتحتها شوي عريضه وبنقص بحجمها دوائر صغار من التورتيلا ✔️ بنحشي وبنطوي الاطراف- تكثروش حسوة ليسكرن ✔️ ع ورقه خبيز بنرتبهن ✔️ بندهنهن بزيت زيتون ورشات سمسم ✔️ ع فرن تم تسخينه ع ١٨٠ من فوق وتحت بتم تحميرهن وجاهزين وألف صحة وهنا 💘🫶🏻

https://www.youtube.com/shorts/sXh6Du-mCnE?feature=share كعكة الدوالي 💘 سهلة جداً وخفيفة جداً وبتوخذش وقت تحضير حلوه لتقديم الرز مع طعم دوالي وممكن تحشوها بإيش بدكم انا فضلت احشيها برز وصنوبر ونعنع المكوّنات: ✔️ ١٥-٢٠ ورقه دوالي ✔️ كأس رز مطبوخ (مفلفل عادي) ✔️ حفنه صنوبر محمصه ✔️ ٥ ورقات دوالي مجففه او طازجة ✔️ ملعقة كبيرة بهار محاشي ✔️ ملعقة صغيرة ملح ✔️ ملعقتين كبار زيت زيتون ✔️ دبس رمان ✔️ نص كأس مي ✔️ رمان ✔️ ليمون الطريقة: ✔️ بنسلق ورق الدوالي بمي مغليه كل اكم ورقه بنتركها دقيقه بالمي المغليه لحد ما يتغير لونها وتصير ناعمه ✔️ قالب خبيز بندهنه زيت زيتون ✔️ بنوزع اوراق الدوالي من تحت وبنعلي الأطراف ع جنب القالب لنعرف نطويها بعدها ✔️ بنجهز الحشوة بنخلط الرز المطبوخ مع الصنوبر لمحمص والنعنع وبهار المحاشي مع الملح وزيت الزيتون بنحركهن منيح ✔️ بنوزع الحشوه داخل وراق الدوالي الي بالقالب وبنضغط عليهن وبنرتب طبقه وراق دوالي من فوق ✔️ بنضيف المي عليهن ورشات دبس الرمان ✔️ بندخلهن ع الفرن مده ١٥ دقيقه ع فرن درجة حرارته ١٧٠ (راقبوهن ممنوع ينحرقوا بس شوي يتحمروا) ✔️ بعد الفرن بنقلبهم بصنيه وبنضيف رمان ورشات دبس رمان وعصرة ليمون والف صحة وهنا 💘

https://www.youtube.com/shorts/Cgs7BavxtgQ?feature=share   مين حكى الملفوف بس لف؟! 🫠 ملفوف مع رز وضفت اله بروتين الحمص وجبة سريعه وسهله وبتشبع بشكل وطعمها عنجد تحفه الحلو بالملفوف: يحوي معادن، ألياف، مضادات أكسده وقليل السعرات الحراريه المكوّنات: ✔️ نص ملفوف مقطع لشرائح مش رفيعه كثير ✔️ ملعقتين كبار زيت زيتون ✔️ ٥ ثوم ✔️ كأس أرز (منقوع ع الاقل نص ساعه) ✔️ ملعقة صغيرة بهار محاشي ✔️ ملعقة ملح (حسب الطعم) ✔️ نص كأس حمص حب مسلوق اختياري ✔️ ٣ كاسات مي تقريباً الطريقة: ✔️ بنسلق شرائح الملفوف لحد ما تستوي (بدهن ٢٠-٢٥ دقيقه) ✔️ بنصفيهن من المي ✔️ بنشوح الثومه بزيت زيتون ✔️ بنسكب الرز ولبهارات والملح والحمص ✔️ بنسكب الملفوف وبنحركهن مع بعض منيح ✔️ بنضيف المي عليهن (مهم المي تغمرهن لفوق ب٥ ملل) ✔️ لما تغلى المي بنوطي تحتيهن وبنخليهن ينطبخوا براحتهن ✔️ولما تنشف المي ع الاخر بنغطيهن وبنتركهن ١٠ دقائق ✔️ وجاهزين بنرتب الصحن بقدونس وصنوبر ودبس رمان وعصره ليمون والف صحة وهنا

https://www.youtube.com/shorts/LBp5FLJrw8U?feature=share   بوريكس محشي بلبنه وسبانخ والحلو بدوش تحضيرات ولا يحوي دهون ترانس ولا دهون مهدرجة وما بلزمه القلي ومن مركبات صحية أكثر المكوّنات: ✔️ ملعقة زيت زيتون ✔️ ٢ بصل اخضر ✔️ زرف سبانخ ✔️ علبتين لبنه لوز بزبط اي نوع لبنه او جبنه ✔️ ورق رز ✔️ زيت زيتون ✔️ سمسم الطريقة: ✔️ بنشوح البصل بزيت الزيتون ✔️ بنشوح معهم السبانخ وبنرش رشات ملح ✔️ بنصفي السبانخ بعد ما ذبل (مهم) لنزل من السوائل ✔️ بنسكب عليهن لبنه اللوز ✔️ ورق الرز بننقع كل ورقه ٢٠ ثانيه بمي بدرجة حراره الغرفه ✔️ بنحشي الورقه من الطرف وبنبلش نطوي الاطراف ونلف ✔️ بنوزعهن ع ورقه خبيز ✔️ بندهنهن بشويه زيت زيتون ✔️ رشات سمسم ✔️ بنحمرهن بالفرن ١٠-١٢ دقيقه ع درجة حراره ٢٠٠ ممكن تزبدوا وممكن تنقصوا حسب فرنكم راقبوهن وجاهزين والف صحة وهنا 💘🫶🏻

https://www.youtube.com/shorts/iXJNo4m8gpE?feature=share شيبس صحي بدون نقطه زيت ب ٥ دقائق بس.. بديل رهيب للي بده سناك ويحافظ ما يدخل مقالي وبصراحة الطعم ما توقعت هالقد يطلع رهيب زيي ما بتعرفوا الشيبسات الجاهزه هي شيبسات مقليه بالتالي ملانه زيوت مهدرجة وملانه سعرات حراريه وملانه صوديوم هالبديل البيتي رهيب 🫶🏻🥔 المكوّنات: ✔️ ٢ بطاطا ✔️ ثلج ومي ✔️ ملح ✔️ خياري: بابريكا مدخنه، بزبط زعتر وبعار ثومه الطريقة: ✔️ بنقطع البطاطا لشرائح رفيعه ✔️ وبعدها بننقعهن بصحن فيه ثلج ومي مده ربع ساعه ✔️ بنجيب شريطه نظيفه وبنرتب شرائح البطاطا وبنشفها منيح ✔️ ع صحن عليه ورقه خبيز بنوزع شرائح البطاطا ✔️ رشات ملح وبابريكا ✔️ ع الميكرو ٥ دقائق- في قطع ممكن تكون بحاجة لكمان دقيقه ✔️ وجاهزين وألف صحة وهنا 🫶🏻

https://www.youtube.com/shorts/i4fOsEvD0IY?feature=share بودرة خضار بيتيه 🌿🌱 من خضروات مجففه وبهارات ❌بدون منوصوديوم جلوتامات ❌بدون سكر ❌ بدون زيوت مهدرجة المكوّنات: ✔️ ربع ضمه بقدونس ✔️ ٦ سيقان لاوراق السلري طريقة التجفيف: ✔️ بنغسلهن وبنوزعهن على قطعه قماش وبنجففهن بالشمس مده اسبوعين لحد ما يتجففوا (وممكن بأقل وقت) المكوّنات لبدورهالخضار: ✔️ البقدونس لمجفف ✔️ السلري لمجفف ✔️ ملعقتين صغار فلفل أبيض ✔️ ملعقتين صغار بودره بصل ✔️ ملعقتين صغار ثومه ✔️ ملعقة كبيره كركم ✔️ ملعقة صغيرة نشا ✔️ ٤ ملاعق كبار ملح طعام الطريقة: بيتم خلط المواد مع بعضها البعض وجاهزين بيتم حفظها بالبراد لفتره طويله أشهر ومهم ننتبه انه لما نضيفها للشوربات او للطبيخ ما نزورد كثير ملح لانها مالحه 🫶🏻

https://www.youtube.com/shorts/CzB8fDKZp5E?feature=share شوربة الخضار البرتقالية ملانه قيم غذائية وملانه بيتا كاروتين ومشبعه بشكل 🍠🥕🧅🍎 المكوّنات: ✔️ ١ بطاطا حلوه ✔️ ٤ جزر ✔️ ٣ بندوره ✔️ ٢ بصل ✔️ ١ رأس ثومه كامل ✔️ زيت زيتون ✔️ روزمارين ✔️ تايم (زعتر) ✔️ ملح الطريقة: ✔️ بنرتب الخضار بصنيه (الثومة حطيتها بورق طبيخ وفوقها ورق المنيوم لتستوي ع الاخر) وبنرش عليها زيت زيتون وبنحركهن وبنضيف ملح والروزمارين والتايم وبنغطيهن بورقه خبيز وبعدها ألمنيوم (بالاول بحط ورق خبيز لما يتلامس الطعام مع الألمنيوم) ✔️ بتركهن بالفرن ع درجة حراره ٢٠٠ مده ساعه لحد ما تستوي الخضار ✔️ بعدها بضيف الخضار بطنجره ✔️ وبضيف عليهن لتر مي مذوبه فيه بودره خضار طبيعيه ✔️ بنطحنهن منيح وبنرش ملح حسب الطعم ولما يغلوا جاهزين ✔️ بنضيف من فوق رشات كريم جوز الهند وشوية تايم وألف صحة وهنا 🫶🏻

https://www.youtube.com/shorts/6qlYbMlDtXU?feature=share وجبة نباتيه تحوي بروتين … البروتين جداً مهم لسيرورات بيولوجية من ضمنها بناء وتقويم العضلات لكن اليوم في هوس كثير كبير حول لبروتين فمهم نحكي هالنقطة الي بشعر مهم تسليط الضوء عليها: مهم مناسبه كمية البروتين لملفنا الطبي واحتياجات جسدنا… بمعنى اذا كنت مريض كلى او كان في خلل كلوي او كان مانع طبي لتناول لبروتين مهم ننتبه اله وايضاً مهم يتم مناسبه الكميات لاحتياجاتنا … بالذات اذا كان ينعمل رياضه نناسب الكمية حسب جسدنا وملفنا الطبي ومدى حركتنا ونوع الحركة … من عوراض فائض البروتين: ✔️الفائض بيتحول لدهون ✔️ فائض بروتين بيشغل الكلى أكثر بالتالي ممكن يسبب اصابه عند البعض بالكلى فمهم الانتباه ومناسبته للملف الطبي واحتياجاتنا طريقة البلونيز النباتي: ✔️ ملعقتين زيت زيتون ✔️ ١ بصل ✔️ ٤ ثوم ✔️ ١ فلفل أحمر ✔️ علبه بروتين الصويا ✔️ كأس صلصلة بندوره ✔️ كأسين مي ✔️ ملح ✔️ نص ملعقه تايم (زعتر) ✔️ باستا قمح كامل مسلوقه الطريقة: ✔️ بنطحن ناعم البصل والثومه والفلفل الأحمر ✔️ بنشوحهن بزيت الزيتون ✔️ بنسكب عليهن بعدها بروتين الصويا ✔️ بنشوحهن ٤ دقائق وبنضيف صلصله البندوره، المي، الملح والتايم ✔️ بنخليهن يغلوا ٥ دقائق ✔️ بعدها بنضيف عليهن الباستا الي سلقناها على جنب وجاهزين والف صحة وهنا 🙏🫶🏻 نكون جميعاً بخير وعافية وسلامة 🙏🫶🏻