وصفات

https://www.youtube.com/shorts/88lbA5zQ9zg?feature=share ذرة ب٧ دقائق بس بدوووون سلق 🌽   هاي الطريقة رهيبه لمّا ببقى مستعجله وبدي ذره او حدا جاي عندي وبدي أعمل تضييفات سريعه بعملها … رهيبه وطعمها تحفه بالزبط زيي السلق بس ب٧ دقائق   المكوّنات: ✔️ذرة   الطريقة: ▫️ بنلفها بقشرتها بورقه خبيز ع الميكرو ٧ دقائق - كل ٣ دقائق افحصوها (لانه توزيع الحراره من ميكرو لميكرو بختلف فممكن تستوي معكم بوقت اقل أو أكثر بدقيقه وانتبهوا تخلوهاش وقت كثير بتنشف انما كل دقيقه افحصوها)   ▫️ بنقشرها بعدها وبنرش رشات ملح وممكن بابريكا مدخنه وجاهزين   وذوقوا بعدها هالطعم الخرااااااافي 🫠💘

https://www.youtube.com/shorts/77nrnrGppeY?feature=share نودلز آسيوي سهل بشكل وملاااان بروتين نباتي فكرة لوجبة غداء صحية ومشبعه   المكوّنات: ✔️ ملعقتين كبار زيت زيتون (الصح زيت سمسم بس مش لاقية هون بهولندا زيت سمسم بالضغط البارد منيح) ✔️ ٢-٤ بصل أخضر ✔️ ٢ بصل أبيض ✔️ ٥ ثوم ✔️ ٣٠٠ غرام توفو (جبنه الصويا) ✔️ ٤ جزر ✔️ ١/٢ زهره كبيرة بروكولي ✔️ ملح حسب الطعم ✔️ كأسين فول صويا (بيجي مجمد بس بنسلقه) بزبط نستبدله ببازيلاء ✔️ نودلز أرز كامل ✔️ ٤ ملاعق صلصلة صويا ✔️ رشات سمسم ✔️ رشات بقدونس   الطريقة: ▫️بنشوح البصل والثومه والبصل الأخضر لما يذبلوا بنضيف التوفو وبنحرك (التحريك يكون عن طريق تحريك القلاي مش بمعلقة لا يتفتفت التوفو بالبداية) لما يوخذ لون بنضيف الجزر والبروكولي وبنحركهن منيح وبنشوحهن ولما يوخذوا لون بنملحهن وبنوطي تحتيهن وبنغطيهن وبنراقبهن لحد ما يستوين اذا نشفت المي وما استوين ضيفوا شوية مي   ▫️ بنسلق فول الصويا عجنب مده ١٠ دقائق ولما يستوين الخضار بنضيف فول الصويا عليهن   ▫️ بمية سلق فول الصويا اسلقوا نودلز الأرز وفق ارشادات   ▫️ بصحن كبير بنضيف النودلز بعدها الخضار وبعدها بنضيف صلصله الصويا والسمسم   ▫️ اخر اشي رشات بقدونس وجاهزين وذوقوا بعدها هالطعم الخرااااااافي

https://www.youtube.com/shorts/Gj1ktEFyChM?feature=share هاي الساندويشة مشفتش اثنين مختلفين عليها ع قد ما هي زاكيه🤣💘   من الساندويشات الرهيبه واللذيذه والبسيطه تعالوا نعملها بطريقة أكثر صحية 🤝   بدل ما اكتب مكوناتها لانه جداً واضحه دكتب شو التغييرات البسيطة لأعملها أكثر صحية 💘   التغييرات كالتالي: ▫️ استبدال الخبز الأبيض بخبز كامل أكثر مشبع ويحوي ألياف ▫️ زيت زيتون معلقه وحده لما يكون فائض دهنيات (حتى لو جيده بالوجبة) ▫️ استعملت جبنه صويا نباتيه بزبط نستعمل اي نوع جبنه اخر ▫️ رشات زعتر على فكرة بتعرفوا انه الزعتر مضاد للالتهابات وممتاز لعمل جهازنا الهضمي ▫️ إضافة خضار للوجبة بتعطي اكسترا ألياف بالتالي ارتفاع السكر ينخفض أكثر وبيطلع بصورة متوازنه أكثر   وجاهزين وذوقوا هالطعم الخرااااااافي بعدها💘🤤🥪

https://www.youtube.com/shorts/IqKM7e83zjg?feature=share من أكلات الطفوله الي الهن محل متكتك بقلبي بعشقها 🤤🫠💘🍝   بقيت أطلبها مية مره بالأسبوع من امي ع الغدا ع قد ما كنت احبها 🤣   بس اليوم بحاول أعملها بطريقة صحية أكثر شوي مثلًا بستبدل الباستا من طحين أبيض بباستا طحين كامل وشنيتسل الذره المقلي بشويه بالفرن بدل القلي وبختار يبقى مع توفو ليبقى عنا بروتين وبضيف خضار بجنبهن لأزيد من الألياف والشبع   المكوّنات الباستا: ✔️ ملعقتين كبار زيت زيتون ✔️ ٢ بصل مقطع ✔️ ٤ ثوم ✔️ 280 ملل صلصله بندوره ✔️كأس مي ✔️ ملح البحر ✔️ ملعقة كبيره ريحان ✔️ ملعقة أوريجانو   الطريقة: ▫️ بنشوّح البصل والثومه بزيت الزيتون ▫️ولما يذبلوا بضيف صلصلة البندورة وبنحركهن دقيقتين لتتشرب من طعم البصل والثومه ▫️بضيف كأس مي ولبهارات وبتركهن يعلوا ع نار هاديه ١٠ دقائق ▫️وبعدها بضيف الباستا الي سلقناها عليهن   وجاهزين وذوقوا بعدها هالطعم الخرااااااافي 💘🫠🤤 has context menu

https://www.youtube.com/shorts/SIEpan-M7zw?feature=share ساندويشة الطبقات مين مثلي هون بحب ساندويشاااات الطبقات ولخمااااال 🤣🥪💘🤤   تذكروا شغله مهمة بالنسبة للخضار غير انها تحوي فايتمينات ومعادن أيضاً تحوي ألياف بتساعدنا على الشعور بالشبع وبساعدن على عمل سليم لجهازنا الهضمي وبوازنن نسب السكر بالدم وحاولوا الهضار تناولوا بقشرتها 💘   المكوّنات للساندويشة: ✔️ قطعتين قمح كامل ✔️ زوكيني وباذنجان مشوي (٢٠ دقيقه بالقلاي الهوائية) ✔️ لبنه لوز عضوية ✔️ خيار ✔️ بندوره ✔️ مخلل بيتي ✔️ مستنبتات لبروكولي   وذوقوا بعدها هالطعم الخرااااااافي 🤤💘

https://youtu.be/jyJzSqO3HZg لازانيا من خضار بس بدون جلوتين وبدون قمح طعمها طلع رهيب مش كلمه ووجبة ملاااانه ألياف وخفيفة وصحية 🫠🤤💘   ✨المكوّنات للصلصة: ✔️ ملعقة كبيرة زيت زيتون ✔️ ٣ ثوم مقطع ✔️ ١ بصل مقطع ✔️ ١ فلفل أحمر + ١ فلفل أصفر مقطعات ✔️ علبه فطر طازج مقطعات لقطع صغيرة ✔️ بهارات ملعقة كبيرة من: زعتر (تايم)، ريحان، أوريجانو ✔️ نص كأس صلصلة بندورة + نص كأس مي   ✨الطريقة: ▫️ بنشوح البصل والثوم ومه بزيت الزيتون ▫️ لما يذبلوا بنضيف فلفل الألوان وبنشوحهن لحد ما يذبلوا ▫️ بنضيف الفطر وبنحرك للآخر لحد ما يستوا كل الخضار ▫️ بنضيف بعدها لبهارات، المي والصلصلة ▫️ بنحركهن لحد ما يغلوا ويستوا وجاهزين   ✨مكونات الباذنجان : ✔️ ٢ باذنجان مقطع لشرائح رفيعه ✔️ زيت زيتون ✔️ ملح   ✨الطريقة: ▫️ بنوزع شرائح الباذنجان ع ورقة خبيز ▫️ بنمرق عليهن بشوكة ▫️ بندهنهن بزيت زيتون ورشه ملح ▫️ بندخلهن ع فرن تم تسخينه ع ٢٠٠ لمده ٢٠-٣٠ دقيقه لحد ما يتحمروا وجاهزين   ✨ترتيب الطبقات: بصنية بنضيف: ✔️ طبقة صلصلة ✔️ طبقة باذنجان مشوي ✔️ طبقة صلصلة ✔️ طبقة جبنه نباتيه او اي نوع جبنه اخر ✔️ طبقة باذنجان ✔️ صلصلة ✔️ جبنه ✔️ طبقة باذنجان ✔️ صلصلة ✔️ جبنه   ✨وجاهزين بندخلهن ع فرن من فوق وتحت لتتحمر الجبنه بدها من ١٠-١٥ دقيقه (حسب فرنكم ولما الجبنه تتحمر من فوق راقبوها وجاهزين)   ✨قطعوها وذوقوا بعدها هالطعم الخرااااااافي 🫠

https://youtu.be/YhGXRZ7VIdQ باستا فطر نباتية مع صلصلة كريما ولا أسهل ولا أطيب ب١٠ دقائق تبقى جاهزه وعملتها بصورة أكثر صحية 🍝💘   من الأكلات الي بعزها هي الباستا بكل أشكالها وأنواعها 🤣   المكوّنات للصلصة: ✔️ ملعقتين كبار زيت زيتون ✔️ ١ بصل مقطع ✔️ ٤ ثوم مقطع ✔️ علبه فطر طازج مقطع ✔️ ٢٥٠ ملل كريم جوز الهند ✔️ بقدونس ✔️بهارات: اوريجانو، ريحان مجفف، تايم (زعتر مجفف)   ◽️ بنشوح البصل والثومه بزيت الزيتون ◽️ لما يذبلوا بنضيف الفطر ولبهارات وبنحركهن منيح ◽️ لما يذبل الفطر بنضيف كريم جوز الهند، الملح ورشات بقدونس ◽️ لما يغلوا بنضيف الباستا الي سلقناها ع الصلصله (ممكن أي نوع نستعمل دائمًا مفضل نستعمل باستا من القمح الكامل) ◽️ وجاهزين وذوقوا بعدها هالطعم الخرااااااافي

https://youtu.be/ynp4XRFYtgs بيتسا بيتيه بدون جلوتين وبدون بيض ومنتجات حليب والعجينه من مركبين بس وبدون تعقيدات 🍕🤝 كثير طلبتوا مني عجينه للبيتسا بدون جلوتين بالأخص للأشخاص الي عندهم حساسيه من لجلوتين واغلب طرق العجينه معقده وفيها كثير مركبات فحاولت ابسطها والطعم فعلًا رهيب وحبيته بشكل وحسيتها جدًا خفيفه ومختلفه فبالتالي مش بس الي عندهم حساسيه من لجلوتين رح يحبوها 💘🍕🤤 المكوّنات للعجينه: ✔️ ٢ بطاطا مسلوق كبار ✔️ ١ زبادي صويا (بزبط اي نوع اخر) ✔️ رشة ملح حسب ذوقكم ضفت نص ملعقة صغيرة المكوّنات للإضافات : ✔️ ربع كأس صلصلة بندوره ✔️ رشه بهار ريحان ✔️ رشه بهار اوريجانو ✔️ رشه بهار تشيلي ✔️ للتوبينج جبنه خضرية بزبط جبنه بيضاء ٥٪؜ ✔️زيتون بيتي الطريقة: ◽️ بنضغط البطاطا المسلوقه ع الاخر وبنضيف الزبادي والملح وبنحرك منيح ✔️ ع ورقة خبيز (اذا فرنكم مش قوي دهنوها زيت زيتون) وبعدها وزعوا العجينه وشكلوها بشكل دائري ✔️ بندخلها ع الفرن ع درجة حراره ٢٠٠ من تحت تتحمر مده ١٠ دقائق ✔️ بعدها بنوزع الصلصلة من فوق، الجبنه والزيتون ✔️ وبندخلهن ع الفرن ليتحمروا من تحت ومن فوق مده ١٠ دقائق(مهم تتحمر من تحت افحصوا اذا تحمرت عن الطرف) وراقبوهن ممكن اقل وقت او اكثر وقت حسب فرنكم ✔️ اتركوها تبرد شوي وبعدها قطعوها وذوقوا هالطعم الخرافي   العجينه اذا بتتحمر من تحت بتتماسك اذا ما تحمرت ما بتتماسك ع الاخررر بس برضه بتضل طيّبه 🤣💘

https://youtu.be/9AiS7SiV_3A زهرة كاملة مع خلطة بتجننننن حرفياً بتطلع معنا كريسبي وكثيييير سهله والحلو بالزهره تحوي ألياف وتحوي فايتمين k وكالسيوم فممتازه لصحة العظام وبناء العظام المكوّنات: ١ زهره لتر ونص مي رشات ملح ️ بنسلق الزهره ١٥ دقيقه ️بعد السلق بننشلها من المي وبنصفيها وبنضيفها ع ورقة خبيز وبنوزع الخليط مكونات الخليط: ملعقتين مايونيز بيتي (طلعت طريقته قبل) ملعقة صغيرة بابريكا حلوه نص ملعقه صغيره فلفل اسود بنضغط ٢ ثوم ملعقتين سويت تشيلي (طلعت طريقتهن قبل) ️بنحركهن منيح وبنوزعهن ع الزهره ️ بنرش رشات سمسم من فوق ️ بندخل الزهره ع الفرن مده ٣٠-٣٥ دقيقه لحد ما تتحمر ويصير لونها حلو وجاهزين وذوقوا هالطعم الخرااااااافي بعدها