https://youtu.be/ynp4XRFYtgs
بيتسا بيتيه بدون جلوتين وبدون بيض ومنتجات حليب والعجينه من مركبين بس وبدون تعقيدات 🍕🤝
كثير طلبتوا مني عجينه للبيتسا بدون جلوتين بالأخص للأشخاص الي عندهم حساسيه من لجلوتين واغلب طرق العجينه معقده وفيها كثير مركبات فحاولت ابسطها والطعم فعلًا رهيب وحبيته بشكل وحسيتها جدًا خفيفه ومختلفه فبالتالي مش بس الي عندهم حساسيه من لجلوتين رح يحبوها 💘🍕🤤
المكوّنات للعجينه:
✔️ ٢ بطاطا مسلوق كبار
✔️ ١ زبادي صويا (بزبط اي نوع اخر)
✔️ رشة ملح حسب ذوقكم ضفت نص ملعقة صغيرة
المكوّنات للإضافات :
✔️ ربع كأس صلصلة بندوره
✔️ رشه بهار ريحان
✔️ رشه بهار اوريجانو
✔️ رشه بهار تشيلي
✔️ للتوبينج جبنه خضرية بزبط جبنه بيضاء ٥٪
✔️زيتون بيتي
الطريقة:
◽️ بنضغط البطاطا المسلوقه ع الاخر وبنضيف الزبادي والملح وبنحرك منيح
✔️ ع ورقة خبيز (اذا فرنكم مش قوي دهنوها زيت زيتون) وبعدها وزعوا العجينه وشكلوها بشكل دائري
✔️ بندخلها ع الفرن ع درجة حراره ٢٠٠ من تحت تتحمر
مده ١٠ دقائق
✔️ بعدها بنوزع الصلصلة من فوق، الجبنه والزيتون
✔️ وبندخلهن ع الفرن ليتحمروا من تحت ومن فوق مده ١٠ دقائق(مهم تتحمر من تحت افحصوا اذا تحمرت عن الطرف) وراقبوهن ممكن اقل وقت او اكثر وقت حسب فرنكم
✔️ اتركوها تبرد شوي وبعدها قطعوها وذوقوا هالطعم الخرافي
العجينه اذا بتتحمر من تحت بتتماسك اذا ما تحمرت ما بتتماسك ع الاخررر بس برضه بتضل طيّبه 🤣💘
https://youtu.be/glxn9Xpl5Iw
رغيف خبز من قمح حنطة كامل رهيب رهيب رهيب ولذيذ بشكل من ٤ مركبات بس وما بلزم ماكينه عجن بتاتاً فقط بالإيد وبدون نقطه سكر عليه وبدون طحين أبيض بتاتاً بصراحه الطعم طلع فوق الخيااااال 🍞
تذكروا الطحين الحنطة الكامل بيكون اكثر فيه ألياف ويعتبر غير سهل للعجين بتاتًا بالذات بدون سكر او طحين أبيض بس جربت بدون ما اخلط كل هالأمور (بعرف أسهل بكثير هالاضافات وبعرف يضاف الهن لانه بسهل كثير للمصانع والمخابز) وقبل أي شغله تذكروا هاد قمح كامل غير مخلوط بتاتًا (في أكياس مكتوب عليها قمح كامل بس بتكون مخلوطه) هاد القمح بتاتاً غير مخلوط والنتيجة رهيبه فعلاً والطعم رهيب وما توقعت🩷
المكوّنات الدقيقة (مهم جداً):
✔️ ٤٠٠ غرام طحين حنطة كامل
✔️ ٢٨٠ ملل مي فاتره
✔️ ٣ غم خميرة
✔️ ٨ غم ملح
الطريقة:
▪️ بنخلط الطحين والخميره والملح
▪️ بعدها بنضيف المي الفاتره بشكل تدريجي (مهم- نضيف ونخلط ونعجن بشكل تدريجي)
▪️ بعد ما تماسكت العجينه منيح بصحن اسفله بنوزع ورقه خبيز وبنرتب عليه العجينه وبنغطيه وبنخليه بالثلاجة ٤ ساعات يتريح (لانه قمح كامل كل ما بتريح اكثر بيكون أفضل وافضل) بس بزبط يتريح فقط ساعتين
▪️ بنقلب العجينه على ورق خبيز وبنفصل ورقه الخبيز الي بتكون من فوق
▪️بنصنع خطوط بالطول والعرض وبالنص عميقه لتتغلغل الحراره
▪️ سخنت فرن مسبقًا لمده ساعه على درجة حراره ٢٥٠ بدون مروحه (مهم جداً للخبز نشغله قبل)
▪️ بعد ساعه بصنيه الفرن السفلى بنضيف ارتفاع لنصها مي مغليه (مهم تكون مغليه)
▪️ بندخل الرغيف على الفرن لمده ٣٠ دقيقه لحد ما يحمر
▪️ بس يبرد شوي بنقطعه وذوقوا هالطعم الخرااااااافي 🩷
