وصفات

https://www.youtube.com/shorts/D67XM8M8OII?feature=share وجبة سحور مشبعه ولذيذه وسهله 🌙 ✔️اختاروا جبنة غير مالحة او اي جبنة نباتية من الصويا ✔️اختاروا تورتيلا مجمده ما بيكون فيها مواد حافظة ✔️اعملوا طبقتين من الجبنه والتورتيلا ✔️ بزبط بخبز عربي ✔️ اختاروا يكون قمح كامل ليزيد شعورنا بالشبع

https://www.youtube.com/shorts/NcVJu8Ev8ws?feature=share صنية خضار مشوية بالفرن مع حب حمص 🌙 🌙 صنية الخضار بعمل بجنبها شوربه عدس وسلطات وعنا وجبة نباتيه متكامله بحب أعملها بالذات بالايام البارده بتدفي وبتعطي شعور بالشبع 🌙 المكوّنات الكميات حسب رغبتكم بعمل كمية ليومين: ✔️ برىكولي ✔️ بطاطا ✔️ بطاطا حلوة ✔️جزر ✔️ بصل ✔️ حب حمص مسلوق ✔️ لبهارات: بابريكا مدخنه، ملح وبهار تشيلي ✔️ ملعقتين كبار زيت زيتون الطريقة: ✔️ بقطع الخضار وبتبلها بالبهارات وزيت الزيتون ✔️ بغطيهن منيح بورقه خبيز وبتركهن يستوين بالفرن ع درجة حراره ٢٠٠ من فوق وتحت مده ٢٠-٣٠ دقيقه لحد ما يستوي الجزر وكل ١٠ دقائق حركوهن ✔️ اخر اشي بقيم ورقه الخبيز بعد ما استوت الخضار وبحمرهن ٥ دقائق مع مروحه من فرن لفرن بختلف راقبوهن ع درجة حراره ٢٠٠ وجاهزين وألف صحة وهنا 🌙💘🫶🏻

https://www.youtube.com/shorts/44wlZLfnk8E?feature=share صنية كبه مشوية صحية 🌙 🌙 الكبة من المقبلات الي كثير مشهورة ومحبوبة برمضان وبسبب انها مقليه وملانه زيوت مهدرجة ملان أشخاص ببعدوا عنها لانها بتتعبهم، بتعملهم حرقه او همي محافظين برمضان ومبعدين عن المقالي فالبشرى انه ممكن نشويهن بالفرن وعنجد الطعم بفرقش🌙 المكوّنات: العجينة: ✔️ كأس برغل ناعم او خشن (مش مهم لانه بنطحن) ✔️ نص كأس سميد ✔️ كأسين مي سخنه (اذا برغل ناعم كأس ونص مي) - بننقعهن نص ساعه لساعه على الأقل الحشوة: ✔️ملعقتيه كبار زيت زيتون ✔️ ٢ بصل مفروم ناعم ✔️ علبه فطر طازجة مقطعه لشرائح صغار ✔️ ملعقة كبيرة بهار كبه ✔️ رشة ملح - بنشوحهن ع الغاز لحد ما يستوي الفطر ع الاخر بنرجع لتجهيز الحشوة: ✔️ البرغل والسميد المنقوع بنضيف عليه: ✔️ ملعقتين كبار من حشوة الفطر والبصل (بعطي طعم بجنننن) ✔️ نص بصلة طازجة ✔️ ملعقة كبيرة بهار كبه ✔️ ملعقة صغيرة فلفل أسود ✔️ نص ملعقة صغيرة ملح ✔️ ملعقة كبيرة نشاء (بزبط نص حبة بطاطا مسلوقه او طحين) ✔️ ١/٤ كأس مي - بنطحنهن ناعم بالخلاط - بنضيف عليهن ٤ ملاعق زيت زيتون - وبنحركهن وبنعجنهن بالإيد لحب الكبة: ✔️ بنكببهن بالإيد وبنحشيهن بالفطر وبنوزعهن ع ورقه خبيز وبندهنهن بزيت زيتون وع فرن ع درجة حراره ٢٠٠ فوق وتحت مده ١٠-١٥ دقيقه (تابعوهن لحد ما يتحمرن) صنية الكبة: ✔️ بندهن قالب الخبيز بزيت زيتون ✔️ بنوزع طبقه من العجينة ✔️ بنضيف الحشوة بالنص ✔️ بنوزع طبقه عجينه ✔️ بنقطعها وبندهنها بزيت زيتون ✔️ بنحمرها بالفرن ع درجة حراره ٢٠٠ من فوق وتحت مده ١٥-٢٠ دقيقه (راقبوهن لحد ما يتحمرن بختلف من فرن لفرن) وجاهزين والف صحة وهنا 💘🌙

https://www.youtube.com/shorts/WLx6j33KTwQ?feature=share مقلوبة صحية 🌙🍆 🌙 ع فكرة المقلوبة تعتبر وجبة متكامله تحوي بروتين ودهنيات ونشويات وخضار مشكلتها انها دسمه فممكن نعملها بأقل دسم وزيوت ومقالي - ممكن تضيفوا لحمه🌙 المكوّنات: ✔️ ١ بصل ✔️ ١ بطاطا حلوه ✔️ ١ باذنجان ✔️ ١ بطاطا ✔️ نص زهره ✔️ ٢ جزر ✔️ كأس ونص رز منقوع ساعتين ✔️ ملعقة كبيرة بهار مقلوبه ✔️ ملعقة ملح ✔️ ملعقة صغيرة بودرة خضار بيتيه ✔️ كأس حب حمص مسلوق ✔️ ٨٥٠ مل مي ✔️ رشات لوز وبقدونس الطريقة: ✔️ بنشوي الخضار بالفرن ع درجة حراره ٢٠٠ مده ٣٠-٤٥ دقيقه من فرن لفرن بختلف اهم اشي يستوين ع الاخر ويتحمرن ✔️ بنخلط الرز، لبهارات والحمص مع بعض ✔️ بندهن طنجرة المقلوبه بزيت زيتون ✔️ بنضيف طبقه خضار وبعدها طبقة رز ربعدها طبقه خضار وطبقه رز ✔️ بنضغطهن منيح منيح ✔️ بنضيف عليهن صحن ليغطيهن ✔️ ع نار هاديه بنشوحهن ٢-٤ دقائق من تحت ليطلعوا متماسكات ✔️ بنضيف المي ✔️ بنعلي الغاز لمى تغلى المي طوالي بنوطي وبنستنى لحد ما تنشف المي ✔️ بنغطيها ربع ساعه وبعدها بنقلبها ✔️ بنزينها بلوز وبقدونس وألف صحة وهنا 🌙💘

  https://www.youtube.com/shorts/bJayhfloVVI?feature=share رمضان كريم 🌙🫶🏻 🌙الشوربات هي أحد الطرق لنرجع أملاح وسوائل للجسد الصائم 🌙 الطريقة لشوربة الفطر: ✔️ ملعقتين كبار زيت زيتون ✔️ ١ بصل مقطع ✔️ ٤ ثومه مقطع ✔️ علبتين طازجات فطر بزبط اي نوع استعملت الفطر الابيض والبورتوبيلو بنقطعهن شرائح ✔️ لتر مي ✔️ ٢٥٠ ملل كريم جوز الهند ✔️ ملعقتين كبار شوفان ✔️ عرق زعتر (تايم) ✔️ نص ملعقة صغير بهار تشيلي وفلفل أسود ✔️ بنص كأس مي بنذوب ملعقتين كبار نشا الطريقة: ✔️ بنشوح البصل والثومه بزيت الزيتون ليذبلوا ✔️ بنضيف بعدها الفطر وبنحركهن ليذبلوا ✔️ بنضيف المي وكريم جوز الهند ✔️ بنضيف الشوفان+ لبهارات ✔️ بتركهن يغلو ٧-٩ دقائق لحد ما يستوي الفطر ✔️ بنضيف المي والنشاء لمذوب وبنحرك لحد ما يتماسكوا وجاهزين ✔️ فوق الصحن بنضيف كريم جوز الهند ورشات بقدونس وصحة وهنا 🫶🏻🌙

https://www.youtube.com/shorts/ra8jIFYtCFU?feature=share فته باذنجان صحية 🍆🌙 🌙 تعتبر من المقبلات بس هي بالأساس وجبة متكامله تحوي بروتين دهنيات ونشويات🌙 المكوّنات للفته: ✔️ قطع خبز كامل مقطعه ✔️ قطع باذنجان مقطعه ✔️ كأس ونص حمص حب مسلوق ✔️ مكسرات صنوبر ولوز ✔️ رشات بقدونس ✔️ رشات سماق ✔️ بزبط رشات رمان الصلصلة: ✔️زبادي ٤٠٠ ملل ✔️ نص كأس طحينه من السمسم الكامل ✔️ ١ عصير ليمون ✔️ ٢ ثوم وسط ✔️ رشه ملح ✔️ نص كأس مي ل ٣/٤ كأس حسب نوع الطحينه حرّكوا وشوفوا الطريقة: ✔️ بنوزع قطع الخبز ع صنيه خبيز وبنضيف ملعقتين كبار زيت زيتون وبنحركهن وع فرن تم تسخينه ع ١٨٠ بنحمرهن ٦ دقائق راقبوهن مهم من فرن لفرن بختلف ✔️ قطع الباذنجان بنضيف عليهن ملعقتين كبار زيت زيتون وبنشويهن بالفرن ع درجة حراره ٢٠٠ مده ٢٠ دقيقة راقبوهن لحد ما يتحمروا ويستوا من فرن لفرن بختلف ✔️ بنرتب الخبز بصنيه وبعدها الباذنجان ✔️بنضيف حب الحمص المسلوق ✔️ الصلصلة بنخلطهن ليتماسكن وبنضيفهن فوق الحمص ✔️ بنحمص اللوز والصنوبر ع الغاز وبنوزعهن من فوق ✔️ بنرش رشات سماك وبقدونس والف صحة وهنا 💘🌙

https://www.youtube.com/shorts/YphJB0EhjyA?feature=share سبرينج رول على الطريقة الفيتنامية بديل ممتاز للمقبلات المقلية برمضان 🌙 المكوّنات: ✔️ ورق أرز ✔️ نودلز أرز ✔️ خيار مقطع شرائح ✔️ جزر مقطع شرائح ✔️ افوكادو مقطع شرائح ✔️ كزبره مفرومه ✔️ فستق بنقطعه الصلصه: ✔️ملعقة كبيره زبده الفستق ✔️معلقه كبيره صلصله صويا ✔️ ملاعق كبار مي سخنه ✔️ ٢ ملاعق كبار ميبل ✔️رشات تشيلي، ملح وفلفل أسود الطريقة: ✔️ ببنقع النودلز بمي مغليه ربع ساعه ✔️ بنقطع وبنجهز الخضروات ✔️ ورق الرز بنغته بمي بدرجة حراره الغرفه ٢٠ ثانيه ✔️ بنفرد الورقه بصحن وبنعبي الورقه بالخضروات والنودلز والفستق ✔️ بنطوي الاطراف وبنلف الورقه ✔️ وبنخلط كل مكونات الصلصة وجاهزين وذوقوا هالطعم بعدها 🌙

https://www.youtube.com/shorts/QtuOurYBP3A?feature=share سمبوسك بيتي ب٣ دقائق 🫶🏻 صحيات اكثر، من قمح كامل، ممكن نحشيها بشو بنحب واهم اشي سهلات بشكل وحل للي بده اشي سريع وصحي ومش مغرق دهون مهدرجة 🫶🏻💘 المكوّنات: ✔️ تورتيلا قمح كامل ✔️ الحشوة ممكن: جبنه وزعتر (استعملت جبنه ماعز عضوية) ✔️ حشوة اخرى: صلصلة بندوره مع جبنه وتايم ✔️ حشوة اخرى: بصل مكرمل مع بطاطا وملح الطريقة: ✔️ بنجيب كأسه فتحتها شوي عريضه وبنقص بحجمها دوائر صغار من التورتيلا ✔️ بنحشي وبنطوي الاطراف- تكثروش حسوة ليسكرن ✔️ ع ورقه خبيز بنرتبهن ✔️ بندهنهن بزيت زيتون ورشات سمسم ✔️ ع فرن تم تسخينه ع ١٨٠ من فوق وتحت بتم تحميرهن وجاهزين وألف صحة وهنا 💘🫶🏻

https://www.youtube.com/shorts/sXh6Du-mCnE?feature=share كعكة الدوالي 💘 سهلة جداً وخفيفة جداً وبتوخذش وقت تحضير حلوه لتقديم الرز مع طعم دوالي وممكن تحشوها بإيش بدكم انا فضلت احشيها برز وصنوبر ونعنع المكوّنات: ✔️ ١٥-٢٠ ورقه دوالي ✔️ كأس رز مطبوخ (مفلفل عادي) ✔️ حفنه صنوبر محمصه ✔️ ٥ ورقات دوالي مجففه او طازجة ✔️ ملعقة كبيرة بهار محاشي ✔️ ملعقة صغيرة ملح ✔️ ملعقتين كبار زيت زيتون ✔️ دبس رمان ✔️ نص كأس مي ✔️ رمان ✔️ ليمون الطريقة: ✔️ بنسلق ورق الدوالي بمي مغليه كل اكم ورقه بنتركها دقيقه بالمي المغليه لحد ما يتغير لونها وتصير ناعمه ✔️ قالب خبيز بندهنه زيت زيتون ✔️ بنوزع اوراق الدوالي من تحت وبنعلي الأطراف ع جنب القالب لنعرف نطويها بعدها ✔️ بنجهز الحشوة بنخلط الرز المطبوخ مع الصنوبر لمحمص والنعنع وبهار المحاشي مع الملح وزيت الزيتون بنحركهن منيح ✔️ بنوزع الحشوه داخل وراق الدوالي الي بالقالب وبنضغط عليهن وبنرتب طبقه وراق دوالي من فوق ✔️ بنضيف المي عليهن ورشات دبس الرمان ✔️ بندخلهن ع الفرن مده ١٥ دقيقه ع فرن درجة حرارته ١٧٠ (راقبوهن ممنوع ينحرقوا بس شوي يتحمروا) ✔️ بعد الفرن بنقلبهم بصنيه وبنضيف رمان ورشات دبس رمان وعصرة ليمون والف صحة وهنا 💘